Studio Caffeine (廟街)

营业中

休息中

之前見到網上有人推介呢間位於佐敦嘅Cafe，所以呢日就約咗朋友放工一齊去嘆下咖啡。鋪頭係半自助式，需要去到櫃檯點餐。睇得出店主對裝修好用心，好多地方都有小小嘅設計。我同朋友叫咗一個牛油果蟹肉法式奶油吐司，上菜嘅時候我哋都嘩一聲，因為吐司上面真係有滿滿嘅蟹肉同埋牛油果，好豐富。本身我哋都好鍾意食牛油果，所以呢個搭配簡直係一流，超好食。另外我哋仲叫咗一個手撕豬肉配西班牙風味辣醬扁意粉，個意粉有少少辣，雖然我地唔係好食得辣，但係都接受個辣度，而且意粉醬好惹味。見到店主獲得左唔少咖啡獎項，所以我哋一定要試吓呢度嘅咖啡。朋友叫咗一杯法式焦糖燉蛋鮮奶咖啡，上面仲有好得意嘅拉花。朋友都大讚咖啡好好飲，同奶味好濃厚。而我就叫咗一杯超級花果茶，飲落有好香嘅果味。食過一次我覺得呢度嘅食物水準同咖啡質素都好好，一定會回頭再食！

佐敦呢一帶地區要搵到一個休閒同埋舒適嘅地方確實不易 今日行街有幸找到一間市區嘅綠洲Cafe走工業風格 半自助形式營運店員安排座位後可先看餐牌然後再出去叫餐打開menu 款式非常多 眼見好多客人都叫all day breakfast於是我哋叫咗Monster All-Day Breakfast $115材料包括煙肉 紐倫堡腸 煙燻黑椒牛肉 煙三文魚 黑松露薯蓉等等 總共有12樣款式 啱曬選擇困難症 咩都想試嘅朋友食黑松露薯蓉滑溜 再配上黑松露 味道更勝一籌口更為豐富 大蘑菇再配上香草材料煮成 味道十足 又香又多汁 另外仲有沙律菜同新鮮生果食落健康又清新泰式冬蔭功配海蝦扁意粉 $95一上錯已經聞到好香嘅冬蔭功味扁意粉 軟硬適中 煮得啱啱好 而且吸收哂冬蔭公精華 食落非常惹味 海蝦新鮮爽口 非常惹味玄米茶拿鐵 （L） $50茶味香濃而且拉花拉得好靚 打卡一流烤榛子朱古力 （L） $50榛子配上朱古力 香滑濃郁

終於考哂試又唔使加班緊係要好好享受下人生先啦訓到晏晝起身出街食個全日早餐係假日嘅完美安排Double Joys Bagel貝果麵包質感綿密紮實飽肚住喺英國嗰時成日都買黎當早午餐食；醬料源自英國特式棕醬味道酸甜最啱配搭煙肉；牛肉經過煙燻肉質鮮嫩緊實加上黑椒微辛肉味香濃；忌廉芝士幼滑濃香配埋火箭菜翠嫩感覺清新Monster All Day Breakfast 包括素菜在內四款全日早餐；其中超級版有超過十款食材同喺英國食嘅全日早餐基本相同而且炸薯餅變成黑松露薯蓉冇咁油膩；沙律菜新鮮爽脆而且醬汁微酸開胃加上紅黃車厘茄同新鮮水果整體配搭輕盈健康Crème brûlée Latte咖啡醇厚香濃而且略帶脂香配搭牛奶口感順滑調和Peach Iced Shaken Tea冰茶茶香清淺清涼而且略帶蜜桃香甜生津解渴消暑啱哂

放工想搵個chill 既coffee shop 同朋友仔傾下計經友人介紹呢間咖啡同食物質素都好高質一入去門口有好多獎項呢度既咖啡原來好出名煙三文魚Bagel牛油果蓉 忌廉芝士 炒蛋 煙三文魚Bagel烘得熱辣辣口感紮實煙韌炒蛋夠嫩滑食一個超飽肚飲品方面 選擇好多只係咖啡系列都有成十幾款每一款都好想試紅茶頭、薑黃、玄米茶Latte 都好特別仲有D少有咖啡可以試最後揀左凍既焙茶Latte好香濃焙茶同奶香而且甜度適中值得一試意大利青醬雞柳扁意粉香草味好濃郁 醬汁可以包住每一條意粉十分滋味雞柳亦好嫩滑以黑椒同香草煎香 好惹味而且雞柳既份量都唔少朋友點了蘋果肉桂茶上一大壺上有淡淡蘋果及肉桂香味感覺健康滋潤

這個Latte Art(拉花）是甚麼？ 看了之前的Latte 照片，帶着期待進來⋯⋯換來失望。 希望下次再訪能改善。環境不俗，挺有氣氛。香港彈丸之地，在尖沙咀/佐敦區域找一家舒適的小店歇歇，不太容易。 最近回港後咖啡癮起，找到這家Latte Art 照片蠻好的佐敦小店⋯⋯可惜！看到這杯Latte 的一𣊬間，有點把我嚇倒，店員卻若無其事，也許對這樣「特別」的拉花見慣不怪，習以為常？期望店主能夠改善Latte Art和空調。 謝謝！

.朝早時段都好受歡迎啊，坐滿晒客人Monster All Day Breakfast $115 有煙肉、紐倫堡腸、煙燻黑椒牛肉、炒蛋、煙三文魚、黑松露薯蓉、大蘑菇、紅黃車厘茄、新鮮水果、沙律菜、秘制焗豆、法式奶油麵包。好夠大份，見到個份量就覺得勁興奮！材料豐富，個炒蛋又嫩又滑又香，再配上好creamy既黑松露薯蓉，簡直一流！另外仲有又脆又香口既煙肉，再加上車厘茄、菇菇同青菜，帶俾我好fresh既感覺！A.C.E. Salmon $98有牛油薯蓉、忌廉芝士、炒蛋、挪威煙三文魚。麵包硬身，咬落好有口感。牛油忌廉芝士配上青菜，簡單、清新又健康。

通常廟街比人感覺多中式餐廳，多街坊風咁，但係呢度竟然有咁休閒好食嘅cafe真係估你唔到！超級全日早餐$115-超豐富！有煙肉，腸，煙燻牛肉，炒蛋，煙三文魚，黑松露薯蓉，大蘑菇，紅黃車厘茄，新鮮水果，沙律菜，秘制焗豆，法式奶油麵包。印象深刻嘅有：黑松露薯蓉粉粉地仲有好香黑松露味好特別；麵包同一般嘅唔同，真正造到軟硬適中；炒蛋好滑但略嫌太咸青醬雞柳扁意粉$85-青醬汁好香，雞柳都好多下，扁意粉煮得剛好Hojicha Large $50-拉花整得好靚呀，好似天鵝係柳樹邊嘅湖上休憩咁，好有日本風。飲落有香濃焙茶味，令人心曠神怡Matcha Latte Large $50-抹茶嘅拉花都好靚，每杯都唔同花真係好有心思，抺茶亦香甜美味

星期日同朋友係油麻地睇完戲，朋友堅持話食All Day Breakfast，既然係咁我地就食啦。間野唔太起眼-___-Monster Breakfast:賣相好靚，呢個set入面有德國腸、煙肉、茄汁豆、炒蛋、沙律菜、薯容、煙三文魚、煙燻牛肉、大啡菇、番茄......菜都十分新鮮唔會苦同黃，而且個量都幾大，岩曬周日賣飽個肚+心靈。個炒蛋值得一讚，炒得好滑食到蛋香味，放係烘過既麵包上食別有一番風味。🥯New Yorker Bagel:個bagel質地比較實，入面塞滿火箭菜，煙燻牛肉和芝士味道十分配合，呢道幾有美國style。士多啤梨果茶就中規中舉。食物有質素但侍應落錯單，上咗去人地台，要問先記起再上番依然去錯咗，拖延咗好一段時間先到。希望再黎會有進步啦。

星期五的晚上相約左好朋友食晚飯，佢推薦佐敦廟街有間精緻咖啡室Studio Caffeine，好評如潮，地點又方便，就二話不說去呢間啦晚市時段好受歡迎啊，坐滿晒客人！Cafe採用自助形式，自行點餐及拿餐具Monster All Day Breakfast 呢個材料豐富、七彩繽紛的超級全日早餐真係充滿營養又健康！除左基本材料，仲有煙燻黑椒牛肉、黑松露薯蓉、法式奶油麵包等等。黑松露薯蓉球好香滑，薯味濃郁！紅黃車厘茄同大啡菇都好新鮮，又Juicy！我個人最喜愛就係炒蛋同奶油麵包：炒蛋好嫩滑，富蛋汁同蛋香！奶油麵包焗香後脆卜卜，充滿牛油同麵粉香！自製意大利青醬雞柳扁意粉個意大利青醬係餐廳自家製的，所以用料十足，青醬嘅質地更濃厚，香草味濃郁，而且唔會好似平時的青醬咁油膩！扁意粉好Al Dente，吸收左青醬嘅香味，好好食哦！雞柳有5-6件，係厚切的，肥美厚肉，加入左香草同黑椒一同煎香，所以特別香口美味！檸檬草生薑茶生薑同檸檬比例剛好，入口好舒服，清肝明目超級花果茶茶底呈紫色，酸酸甜甜的，好清新解膩

係中上環地區，你會發現周街都係咖啡精品店，真偽文青都會係果邊出沒，但去到九龍區，但係油尖旺，竟然有一間精於咖啡文化既小店？係一眾茶餐廳文化裡面要突圍而出，對我黎講我覺得係冒險，不過當我入到鋪頭既時侯，我感受到果種親切感，咖啡店裡面既環境佈置大都係以木紋為主，有好多細緻既裝飾物，牆上亦都掛左好多幅畫，環境相當舒服簡約，完全無壓迫感，仲帶少少型格既工業風，而且餐廳以半自助Cafe形式營業，係前面櫃檯比錢落Order，然後就有staff幫你拎野食，非常方便！👇📌 Classic Caesar - $65👉 先黎點個沙律先，份量岩哂兩個人啦，一齊share都唔會覺得少，相當清新既veggie,再配埋caesar salad sauce，面頭灑上芝士，配搭適中，色彩繽紛，醒胃一流呀！📌 Crab Meat with Alfredo Sauce - $95👉 哇！要大讚既係餐廳絕對係唔姑寒呀，蟹肉覆蓋哂成個扁意粉，食落啖啖都係肉，麵條質地相當有咬口，一座小山丘咁，奶油芝士醬既配搭可以話係為呢個主菜點綴左亮點，因為蟹肉本身味道帶鮮甜，再配埋芝士既香，兩者既層次帶黎左一個好強既衝擊！非常好食！📌 Mo

今日約咗朋友食飯，大家都唔係好肚餓，所以想搵啲唔好咁heavy嘅晚餐，所以就搵下有冇啲cafe之類。見到呢間comment都唔錯，就揾左入嚟。自己叫咗一個牛油果羽衣甘藍沙律。車厘茄有唔同顏色，賣相相當吸引。味道有少少苦嘅羽衣甘藍，配上桃，提子同埋藍莓，中和苦味。牛油果肉新鮮唔苦澀，軟熟嘅質地就好似沙律醬咁。配上酸酸甜甜嘅醋，認真開胃。仲有叫咗一個牛油果煙三文魚牛角包。佢就略嫌牛油果醬可以多啲。沙律新鮮，牛角包烤得鬆軟。煙三文魚加上芝士同埋香草碎，味道多層次。Peach iced tea, 唔算好甜。但係以$40幾蚊嘅價錢來講略嫌貴。Hojicha latte, 咖啡香，唔苦，甜度適中。覺得搞笑嘅係，咖啡嘅拉花好似一隻冇毛嘅雞呢度算係一個可以傾計嘅好地方，位置距離地鐵站唔算太遠，但係因為唔係大家嘅關係，可能少啲人會行到過嚟。所以最後我哋都坐左成三個鐘，非常之抵。

今日放假，想搵個地方嘆杯咖啡，朋友就介紹我嚟到佐敦呢一間coffee shop，呢間coffee shop除咗提供咖啡之外，佢仲提供左一啲小食同埋pasta，喺度慢慢坐幾個鐘都唔係問題。Cafe Latte($45)咖啡唔會太酸，而且都幾夠香。蟹肉配意大利奶油芝士醬意粉（ $95 ）我非常之推介呢度嘅意粉，我叫咗呢一個蟹肉意粉，配左意大利奶油芝士醬，雖然食落唔係好覺有好多芝士嘅味道，但係奶油加埋意粉係非常之配合，而且亦都有小小芝士拉絲嘅感覺，再加上高質嘅蟹肉，呢個意粉絕對係超抵食。

見完客人就直接係附近食飯，餐廳位置係佐敦，環境優美，裝修精緻，座位也比較寬敞。Monster all day breakfast 份量非常充足，易上台見到佢咁豐富已經非常興奮，特別一讚係個黑松露薯蓉，整得幾好，唔會話牛油味太重，但口感又夠滑，好鬼正。薄荷朱古力(凍) $50一入口就飲到很濃郁的奶味，然後便是淡淡的醒神薄荷味，上面的忌廉軟綿細滑又不會太甜，朱古力味不算濃，味道適中口感不錯。服務：服務態度好，店員臉上常有笑容。 環境ok，消費有比較親民。下次有機會試下其他菜

行入廟街後，係不同國家菜式餐廳之中竟然能夠搵到間CAFÉ。Café表面簡撲，內裡精簡，正正最能夠突出Café 比人放鬆休閒感覺。一踏入門口左側就擺放住不同獎狀，所以咖啡質素就無庸置疑。餐牌選擇都唔少，除左有招牌All Day Breakfast 外都有 Salad、吐司、意粉蛋糕等等選擇。而飲品之中，咖啡款色都好多。除咖啡外都有朱古力及冰搖茶等飲品。Monster All Day Breakfast既然 All Day Breakfast係呢到既招牌，所以必定要試一試啦!Monster 係4款 All Day Breakfast 之中最多配菜嘅。有煙肉、紐倫堡腸、煙燻黑椒牛肉、炒蛋、煙三文魚等等咁豐富配搭而成。法式奶油面包都幾軟熟，沙律菜份量都唔少。當中印象最深刻係大蘑菇，超JUICE又爽口。入面新鮮水果就係提子啦，好甜。玄米茶拿鐵呢度SIGNATURE DRINK 係LATTE，鑑於抹茶飲得較多關係，就揀左呢款玄米茶拿鐵啦。一入枱時，都比佢顏色嚇一嚇，以為係抹茶Latte ，其實玄米茶亦係綠茶一種。每杯Latte面上都會有不同特式拉花，而木杯墊都會刻上店舖名稱。玄米茶拿鐵入口茶味不會

佐敦一向都有好多Cafe，今次捐窿捐啦搵到呢一間studio caffeine，叫咗一個意粉同埋一個bagel。手撕豬肉配西班牙辣醬扁意粉，有啲估唔到咁細碟，個辣醬都幾辣，不過我仲接受到，似似地Tabasco 味，豬肉都OK幾入味，不過有啲鞋口，似煲湯瘦肉。double joys bagel唔錯，見到好多人都有食bagel，不過成$98個都幾貴，而且份量唔多，我哋食完冇耐又要搵嘢食，應該唔會再encore。