Steak Bar (已結業)

今日約咗朋友仔嚟到銅鑼灣登龍街食個午餐，已經知道呢間店嘅吉列炸牛扒好出名所以一定要試一試！加上午市都比較優惠，可以慳到錢又食到好西😋🖤吉列炸牛扒 $188（套餐價包含飯、前菜和沙律）要先將等待牛油融化掉，再把牛肉放上小鍋。有客人自己來煎熟牛肉，好處是能夠自己掌控熟度。而且剛剛先好？而且剛剛先好馬上吃，十分可口。牛肉外脆內嫩，牛味十分突出。配上日本珍珠米，令人一口再一口的吃👻❤️香煎魚柳 $105（套餐價包含飯、前菜和沙律）魚柳份量大且煎成金黃色，剛剛好。唔夠保持與肉的嫩口感外皮同時脆。最欣賞是他們的特製醬汁，淺黃色的外表有淡淡的牛油和蒜蓉香味。魚塊點過醬汁後更能提升口感豐富的程度！💙芝士粉薯條 $48有別於徒外的芝士粉，感覺是店舖廚師們有加工過。吃下去的感覺有點甜甜的， 並不是平常吃的芝士粉是有鹹味。是芝士香味帶點甜，挺特別。💚雞軟骨餃子 $45口感挺不錯，薄薄的外皮包着雞軟骨，有咬口，脆脆的感覺。不錯！總括而言，食物方面十分滿意而且店員也好有禮貌😚有主動介紹店內食品，喜歡吃牛肉的人千萬不可以錯過！

今日出咗糧，就帶媽媽出去銅鑼灣食好野。媽媽話想食扒果類，上網搵到登龍街入面有間叫steak bar食牛肉，就決定去呢度試下。黎到發現原來佢唔係典形嘅西餐廳，反而有啲似和式定食咁，不過媽媽話啲野睇落幾吸引於是都照入咁去食。餐廳比較的式，坐位比較迫，不過都ok。我叫咗呢個頂級板腱牛扒set，5成熟。牛扒好厚身，set仲有跟飯，沙拉同芝麻豆腐。切開發現中間有條筋，媽媽話呢個部位係咁。切開黎食，發現佢好淋，一啲都唔難咬開。佢牛肉味好濃，雖然有一個醬汁跟上，但點左醬汁反而蓋過左牛肉嘅味道，建議碟邊嘅鹽黎食會仲帶出佢嗰個肉味。staff建議話有是日推薦，就係呢個吉列炸和牛扒，媽媽就決定咗叫呢個。唔知幾時開始香港都有好多吉列牛扒嘅餐廳，但唔係個皮做得太厚，就係痴唔實個牛肉。呢個吉列和牛做得好好，炸皮夠薄，夠乾身！唯一美中不足嘅係剛好有一條好粗嘅筋係邊邊，所以咬起上嚟有啲難度。不過都好香好好味，反正媽媽鍾意食筋，佢又覺得冇乜所謂。整體來講，佢啲牛肉質素都幾好，但留意返呢度所有飲品都係要另外加錢叫，包括水都係，大家要注意返啊！

話說朋友約左話去銅鑼灣拉麵街食牛排，我心諗明明間間都係拉麵店，邊度有牛排食？去到之後發現原來開左一間細細的店鋪係中間，離遠已經聞到d香氣。好彩無錯過。唔好睇佢鋪細細，捧場客一早已經坐滿曬。menu入面大概有三個唔同既牛排set吸引到我目光。安格斯西冷，頂級板腱同吉列牛扒。由於見到頂級板腱有形容個“限量”係隔離，我就order左。上到黎，牛扒已經好香，睇得出肉質好lum，切開第一塊窺探入面，係迷人既粉紅色！！！無overcook對我黎講已經有80分！食落口，因為燒過既原因，外面有微暖，入面軟綿綿的牛肉，一流既牛扒呀！

週日雀局突然被取消，所以就孖表妹去咗登龍街暢飲黃昏五至六之十蚊歡樂時光！飲完八輪後唔想俾兩倍繼續飲，兩口子就決定轉場過對面「Steak Bar」食吉列炸牛扒醫吓個肚。因為年頭曾經去過「Steak Bar」之前喺老蘭嗰間小店，故XO仔對其出品都好有信心，只係冇諗到銅鑼灣新店o既面積大咗咁多，散座亦更為闊落舒適，就連抽氣都做得好好，環境絕對升哂呢。可惜自己飲大咗兩杯，唔記得影相同讀者們分享。。。除咗有個大啲o既新舖位之外，餐店仲加設咗訂座服務及自助點菜紙。三頁餐牌所示，食物款式同原店差唔多，有六款牛扒套餐、六款套餐優惠小食、及七款散叫小食，食物價格未有上調，酒品反而平咗。吉列炸牛扒（$188）：二人各自都要咗客包有前菜、沙律、同白飯o既「吉列炸牛扒」套餐。前菜為白滑幼嫩，清香惹味o既凍麻醬豆腐。沙律好清爽，不過唔知係咪之前飲得太多汽酒，食落個沙律汁好似酸咗少少。大大碗白飯熱辣辣、香噴噴，飯粒飽滿之餘，面層更舖滿細佬最愛o既「振り掛け」紫菜芝麻碎，滋味無窮！吉列炸牛扒連同燒爐上，食客邊燒邊食，確保入口時新鮮熱辣。新店喺燒爐轉咗用牛油，燒出黎o既吉列炸牛扒明顯香口得多，連味道都提升埋，個人覺得

吃扒類時，哪款會是你的首選?牛?豬?雞?羊?魚?🤔於小的而言，牛扒絕對是膽，如有同行者，才會再考慮其他肉類/海鮮。而這裡，應該是衝著牛魔王而開設嗎？套餐有6款供選擇，牛扒款式已佔四款，另外兩款是鮮(吓?)即是魚及羊😝。貴為牛精，咱們點的也是牛類套餐，套餐包了前菜(麻醬冷豆腐)，雜菜沙律及灑上了日本飯素的白飯。 同行者點了🤤吉列炸牛扒，牛扒吃得多，炸的較少見，會炸得過熟嗎？答案是不會!麵包糠的外層裹著的應該是Blue牛扒，食客可根據自己喜愛生熟程度來燒製，咱們燒至她其中一面有少許焦，而內裡還是Medium Rare，入口時有外皮的鬆脆及牛扒的諗滑加肉汁，滿咀滋味。至於小的點了🤤頂級板腱牛扒(3成熟)牛扒厚度約兩吋吧？ 刀刃落下，非常容易肢解成片狀，紅粉痱痱的身軀嬌豔欲滴，有說三成熟的牛扒最能保持到牛扒的肉汁，實地測試是所言非虛兩三片淨吃後就來厚切版伴飯 豐腴的肉汁 x 軟嫩的肉質 + 具嚼勁的飯粒在口腔內一拼爆出火花再呷口順滑的澳洲紅酒一起吞噬 大杯酒大塊肉，就算是午間時光也可以很盡興呢!

男朋友無牛不歡, 成日都話要去鋸扒....親今日中秋節去同你去鋸扒然後再去維園賞月啦, 哈哈!店員好細心, 特意行過黎介紹每個套餐!其中 頂級板腱牛扒套餐 係每日限量供應,更可以揀3成熟; 5成熟 或7成熟!哇~ 好大份呀!!!送上檯時勁香濃牛肉味, 即刻就想切黎食!頂級板腱整體都幾好, 牛味濃郁, 好有口感!唯美中不中係中間有筋...而我就點選香煎魚柳, 同樣大大份,好抵食!唔識食骨既人就最岩食, 魚柳啖啖肉加上套餐附有沙律及大大碗飯,日本珍珠米配上飯素, 好味~

銅鑼灣又多一個鋸扒嘅選擇，想食到靚牛原來去登龍街就搵得到。呢度用日本石板燒嘅方法煮熟啲牛，好有風味。成間餐廳用黃色嘅燈再加啡色嘅枱嘅tone，好有格調，昏昏暗暗，可以用一個愉快嘅心情享用塊牛扒。我同朋友每人叫咗個牛扒，分別係頂級板腱牛扒同埋吉列炸牛扒。嘢食都唔使10分鐘就已經上咗枱，每份牛扒都跟一個前菜同埋飯，前菜係和風沙律再加凍豆腐，飯上面有啲穀物同埋紫菜碎，食落去好有口感同埋好香。牛肉大概都有十多片，真係好多，對一個女仔來講基本上係食唔晒，朋友嗰塊牛扒叫咗五成熟，又唔會血淋淋，但係做到外面啡色裏面紅色嘅感覺，板腱又唔會靱到食唔到，好有肉味。吉列牛肉放喺鐵板上面唔使3分鐘就已經可以入得口，加上少少牛油同埋蒜頭，炒落去更加香，半生熟嘅感覺令牛肉更加滑嫩，仲有啲燒汁，點落去更加入味。仲有叫咗支韓式青檸梳打水，清除口中嘅油膩感，清新得來又夠爽！

老闆是愛牛人士，今日中午佢介紹咗Steak Bar響銅鑼灣登龍街一間新開嘅牛扒餐廳，店舖位置唔算多，但好就腳，就係喺時代廣場後便，中午食飯好多人排隊，因為價錢同質素都有保證。叫得Steak Bar，一睇就知出名牛扒，老闆點左一下燒牛扒，套餐包括珍珠米飯、面試湯、餐前小食，百零蚊咁多嘢食好豐富呀！呢度牛扒咁源自美國，質素有保證，切開後見到中心係粉紅色，燒得剛剛熟，牛肉味好重，肉汁juicy，咁嘅價錢食到呢塊靚牛扒，絕對超值！　我就想試銀雪魚扒，估唔到呢間餐廳整嘅銀雪魚扒整得好好，魚質幼滑，配上燒汁、芥末、將味覺提升！steak bar俾我感覺似日式親民小店，佢陪嘅珍珠米飯上邊有紫菜，又唔似一般扒房配薯蓉，價錢就一定親民㗎啦，都係果句百零蚊食飯兩拍加埋套餐乜都抵！　

晚飯時間途經燈籠街，見到呢間STEAK BAR外觀幾吸引，就同友人入去食晚飯店員安排我地2人坐係卡位，餐牌上只有6個set，有薄牛，西冷，牛柳，吉列牛，如果唔食牛都仲有羊同魚揀，見到有不少食客都係度燒牛食，最後點了個SET A & BA餐石燒薄切牛肉$178店員細心教導，等待牛油溶左就可以開始燒個SET跟埋個沙律同埋一小口既芝麻醬豆腐個飯就最吸引，珍珠米面頭加左芝麻同紫菜碎，好有日式feel，食食下我竟然食晒成碗個薄切牛都幾靚仔架大概每邊燒5-10秒其實已經足夠，睇你自己想幾熟切得夠薄，一d都唔韌，食落有好有肉汁，加小小燒汁來燒，簡直一絕個盤已經預備埋三款調味料，有蒜片，燒汁，海鹽個人鐘意加小小燒汁來燒，另點小小海鹽夾住蒜片來食，甘樣就三樣都可以試晒B餐安格斯西冷牛扒畫紙落單時已經選擇左5成熟，塊扒都幾大塊平時覺得煎牛扒雖然好似好簡單，但煎得好真係好難，呢塊5成熟岩岩好夠厚身，咬落好腍，好多肉汁，好juicy，呢塊扒我俾95分餐廳好似無水供應，叫左杯蘋果汁來飲，唔甜，有蘋果味

放工同朋友去左CWB搵野食, 識食梗係去燈籠街搵食~之前已經知道嗰到有間食炸牛扒好正, 但次次去都好多人排長龍, 今日見早左少(6:30PM), 未有咁多人, 即刻同朋友排隊, 等左8-10MINS就入得去!睇左陣餐牌, 都有幾多餐可以揀, 不過其實都唔使點睇, 因為我同朋友一早已經聽聞依度既吉列炸牛扒同頂級板腱牛扒好出名好好食, 所以二話不說就揀好左!野食都好快黎到(10MINS左右), 首先有吉列炸牛扒, 連餐有埋味噌飯、凍盤小食同沙律, 炸牛扒外邊係金黃香脆，裏面就紅卜卜 可以再自己燒一陣, 控制想食幾熟都得! 個爐加左牛油,燒既時候唔會太乾,用牛油燒真係特別香! 個吉列牛食落都幾嫩滑同多汁, 而且牛肉味道濃, 用黎配飯一流呀真係!跟住落黎就係頂級板腱牛扒, 同樣係有埋味噌飯、凍盤小食同沙律, 板腱牛扒腸落好厚身, 未食已經聞到牛味香濃, 依個就唔使自己再落手燒, 可以即刻切開就食, 一入口充滿肉汁, 再點埋蒜鹽真係非常惹味!估唔到喺香港都食到同日本相同級數既吉列牛扒, 而個板腱牛更加係勝過好多餐廳既西冷! 依家打緊食評都回味緊個牛扒, 真係想快D再ENCOREN多次!

🐼#steakbar is at #cwb food street. The steak I ordered was medium rare, and the deep fried steak is done rare but with a mini-stove to grill it ourselves. The thing I like the most is the wagyu beef is so tender and moist. I love hearing the sizzling sound on the stove top with butter, keeping it hot and I can cook it to the consistency I like.

今天與好友逛過銅鑼灣，便到附近登龍街覓食。有不少情侶👫 / 家庭👨‍👩‍👧‍👦 在這店門前看過menu即入座。我們也看看menu，嫩紅的🐂肉相及價錢皆很吸引，即入去Dinner!前菜凍豆腐，豆香淡雅細膩，加上胡麻醬汁及青蔥調味，美味可口~前菜沙律，車厘茄🥗 混合柚子醋，酸酸甜甜，清新醒胃~石燒薄切牛肉，賣相吸引，油脂分佈平均，快燒幾下就能食用，🐂香四溢，入口軟腍，肉質鮮嫩，🐂味濃郁，簡單加點日本蒜鹽或燒汁，風味絕佳!吉列炸牛扒，外層鬆脆香口，內層肉質軟熟得來有咬口，口感獨特，肉汁豐腴，再蘸上日本蒜鹽或燒汁，鹹香惹味，啖啖厚切肥美的🐂肉，配白飯吃一流!雞軟骨餃子，餃子皮薄脆香囗，餡料飽滿肉汁多，混合爽脆🐔軟骨豐富口感，再蘸上醬汁更惹味~凍柚子蜜，富天然微甜的柚子味，冰涼止渴，一解吃炸物的燥熱感~整體🐂套餐優質味美，尤其石燒薄切🐂肉，🐂味濃厚，令人回味，價錢相宜，值得再來!👍

呢間餐廳有6款套餐俾客人選擇當然主打係牛 價錢介乎$178-$258 每款套餐都配有前菜 沙律同飯 飲品就另外叫酒類同非酒類飲品都好多選擇 我叫左吉列炸牛扒$188 前菜係麻醬凍豆腐 沙律 紫菜芝麻伴飯好香口吉列牛上枱外層炸到金黃 入面仍然係半生熟鮮紅色狀態 即刻放左上落左牛油既鐵板燒 可以因應自己想食既生熟度去調節燒既時間 入口外層鬆脆內層肉質好嫩好多肉汁唔會乾身 配有蒜鹽同燒汁食非常惹味 真心推薦香前魚柳$195 份量足煎得好香脆肉質滑嫩配有蒜鹽 蒜蓉牛油汁同燒汁 個人鍾意點蒜蓉牛油汁食好夾好岩味 蘋果汁$38 椰子水$35餐廳細細但坐得幾舒服 員工招呼不錯 晚上8點已經座無虛席 下次會再黎食

今日同女朋友諗住食拉面，行到銅鑼灣個條登龍街，食飯時間好多人排隊，唔想等，不過行下行下呢到呢間睇落好正咁，又唔洗等，就入左去試下！餐廳裝修精緻，播著外國英語流行歌曲，氣氛既營造得不錯！Dinner set menu 都係百幾二百左右，價錢合理而套餐加$58已經有一杯幾好既紅酒，的確係唔錯，食牛+紅酒，非常match 既配搭唔夠既可以再加side dishes, 我就加左個和風紫菜薯條好大盤😂本身個set menu 都好夠食，冇諗過咁大盤，不過岩岩新鮮炸起，外脆內軟，加上紫菜粉，比m記個d好食好多🤣頂級板腱牛扒牛味好重，有少少根腱，但都好淋，叫5成岩岩好，鐘意淋得黎又有少少咬口口感，可以試下佢，每日佢有限量而佢用燒汁醬就已經帶到肉本身既味出黎，而右下角亦放左d准鹽，比自己調味，細節位十分貼心羊架食落唔太羶，而我女朋友唔食太生，所以叫左全熟，我就怕太韌，點知喜出望外！食落結實得黎唔難咬，加上個飯，同燒汁，女朋友都話冇諗過熟到咁都唔韌，值得一試！總括黎講，今次誤打誤撞，食左間好野，都算不錯不錯！

之前喺日本新宿食過一次，又平又好味，點知係香港都有喎，就立即去試吓啦，入到店內環境都可以，咁我哋兩個人就叫咗兩個餐，一食就知道中伏，可能係同日本比較啦太失望啦，味道同大乜樂大乜活差唔多，價錢同味道不成正比，又有油又冇牛肉味，嗰度最好名係咩啊？係白飯