Steak Bar (已結業)

Steak bar 登龍街嘅一家小店7pm 已經出現一條短短人龍 Ok! 就揀呢間啦😂😂1️⃣ Set H 澳洲榖飼肉眼牛扒 $258性價比高 靚牛扒梗系叫五成熟 🤗切落去 見到煎得唔錯 鎖住肉汁 🥩配上海鹽和預設嘅醬料 系一級享受😋2️⃣ Set D 吉列炸牛排 $188小編見到個日式小爐 就忍不住影多幾張相先火力夠 吉列牛扒放上去熱兩熱 就食得食落好嫩口 正!!!不得不提 !!每一個set都有沙律小食加芝麻醬豆腐 重點系個碗飯 配上日式飯料咸咸地 好開胃嫁🤗🤗🤗

今日同媽咪嚟銅鑼灣時代廣場Christmas shopping, 想去睇下有咩好玩好食嘅應節野可以儲備😊。 不過呢，購物前先去吃個lunch補充體力先，事關我早餐都未食呢，冇力拎野😏🤭。入到嚟登龍街，餐廳林立，花多眼亂，不過媽咪話唔想上樓，要搵間地舖喎，見到呢間啲牛扒🥩食物相好吸引， 於是就決定同媽咪鋸扒😁。餐廳布置簡單，走日式簡約路線， 深色木枱椅，沒有多餘裝飾，似純以食物吸客。餐牌亦非常簡潔，八款套餐，六款都係牛， 另有魚跟豬扒各一，俾唔食牛嘅同行朋友。我同媽咪都鍾意食牛， 而且餐廳叫得Steak Bar, 我冇理由唔試掛🤔。Serve我地嘅店員積極有禮，見我兩猶疑不決， 就主動過嚟講解同介紹餐牌上每款牛嘅特色。原本我想試下佢嘅吉列和🐂扒， 但今日剛好沽清😱😭，店員就推介USDA安格斯西冷牛扒🥩。OK👌, 另外我地就點左普通嘅吉列牛扒餐，難得同媽咪鋸扒，我就配了杯Shiraz紅酒🤭😝，另幫媽咪我加配一杯飲品連一份雞軟骨餃子小食。愛食香口野嘅媽咪連食兩只(一份得三只) 😏😏。齋鋸扒會覺得寡，日式做法就有呢樣貼心，套餐係配上一碗飯，而且仲加左飯素😍😋😋😋，再加沙律同前菜，營養均衡呢！吉

今次黎到依間新開張既steak bar，環境同裝修都幾舒服。值得一講既係除左食物質素好好之外，員工既服務態度都好好，友善而且會向客人講解吾同牛排既特點，就算係吾熟悉牛排既客人都可以聽完d意見，再決定自己想食d咩👍🏼👍🏼而店員同我地講，一般食牛排都建議5成熟，除左可以符合返好多客人食吾到太生，但又想一試好食既牛排我一直都好想試下傳說中既吉列牛到底幾好味，所以今次就決定試試佢🤤吉列牛係食入口即溶既油脂，再加好冧既牛肉，我叫左自已燒果隻，一般只需要燒半分鐘就可以食，勁正，炸既口感加埋冧既牛排而我男友就簡左店員好推介既頂級板腱牛個人其實更加中意呢個既味道，好有 一牛肉味😂都係好高質，但我地叫左8成，店員就最推薦食5成熟既板腱牛！

一早book左黎呢度同bestie慶祝生日🎂6:30到都有唔少食客了呢度最低消費係每人一個set我地order左一個頂級板腱牛扒set,一個炸吉列牛扒set每個set都一個沙律、芝麻豆腐同埋一碗有好多調味料既飯個set大致上就係咁，有個鐵板比我地再整熟d牛扒，重點係食到熱辣辣既扒，牛扒幾腍，炸得恰到好處，配埋個飯幾正，如果set跟埋野飲仲好我地叫左個椰青水解渴炸得好平均，仲有個網隔下油呢個係限量供應，食落好有牛味，夠腍同厚身，medium整得唔錯，切開個肉身係粉紅色的鍾意牛既可以黎試下

又到左難捱既blue Monday😕，難得今日可以準時放工，唔洗開會，同朋友決定食好啲，當獎勵自己一下💕!!登龍街一向不乏美食，經錶鋪穿過巷仔，便可輕鬆到達Steak Bar~店員非常貼心，甫坐下便主動向我們介紹店內各種牛扒。餐牌提供不同選擇，除了有店內主打的吉列牛、板腱牛、西冷牛扒、肉眼牛扒等，更有羊架，魚柳，適合不同口味既顧客❣️經過一番掙扎，我地簡左石燒薄切牛肉同板腱牛扒🙈Set A 石燒薄切牛肉 $178燒爐上已備有牛油，牛肉燒下去的時候，「磁」一聲，加上輕輕一反，牛肉瞬眼間已由粉嫩變成熟透，使人感覺很治癒😽。Set C 頂級板腱牛扒 $215不少人對板腱部位覺得陌生，其實板腱位於牛牛的肩胛部，肩胛部含有脂肪，肉質緊實。板腱牛可選三成，五成或七成熟，我簡左五成(Medium)，值得一讚的是廚師整得剛剛好，不會overcook，外表望落熟透，切開仍然係粉嫩的顏色。食落無筋，而肉質嫩滑緊嫩，牛味濃郁，呢個價錢，呢個質素，本人很滿意😍😍😍白飯加上不少有芝麻、海苔的日式配料❣️題外話:Steak Bar不提供茶水，我地亦無叫飲品，因為食完後去左食甜品😹，是日滿足感很大🤣🤣

今次終於到我食吉列牛nah😆。成日見到d日本節目介紹，今次見Mary 話請，即刻openrice 下。😆入到去小店嘅感覺，餐牌簡單只有幾頁，主要都係牛扒，呢到都有提供羊架同魚柳。我地今次就叫左個吉列炸和牛扒set ❤️同埋每日限量嘅頂級板腱牛扒set❤️。⭐️Set 佢會有沙律、芝麻醬豆腐同白飯。呢啲細微嘅配菜佢都絕不馬虎。👍🏼沙律好新鮮，芝麻醬豆腐係冷盤，白飯上面亦都鋪滿日本嘅飯素。🤤⭐️吉列炸和牛扒外面炸到好脆，裏面就係生嘅，所以要用鐵板燒。🥩咁佢切得都唔算好厚，所以要自己拿捏燒嘅時間，建議唔使燒咁耐。因為要自己燒所以呢一個牛扒嘅味道好取決於燒嘅時間，第一塊我燒得比較耐所以會有啲難咬🙈。之後嗰啲開始識得掌握，外脆內軟，感覺好正。🤤⭐️頂級板腱牛扒🥩如果兩個比較，我會比較喜歡食呢一個頂級版腱牛扒。😍首先呢一個係厚切，我哋叫咗五成熟，一切開係見到入邊紅與粉紅嘅漸變色🤤，牛肉生熟度拿捏得好好！❤️再加上佢係厚切，牛味會比較濃厚，啖啖肉嘅感覺！一大舊牛扒只有一條好細嘅根，由於呢一個係板腱所以有根係正常嘅，其他位置都相當軟熟，好想再食。🤤🤤

之前食過太子果一間吉列牛，今次銅鑼灣新開另一間，立即去試下。叫左吉列炸牛扒($188)同頂級板腱牛扒($215)，雖然無叫到和牛，但係都食得好滿足。成個吉列牛set既食物同太子果間款式差不多，不過牛既數目就由一排變左兩排，立即心心眼😍吉列皮炸得香脆，牛味就略嫌未夠高質，估計都係澳洲牛，勝在份量多令人滿足。飯都大碗過太子😂 有啲似牛角飯。牛扒每日限量，但反而就普通左啲，始終本身隻牛都唔係咩高質牛肉，所以建議大家食番吉列牛，或者借吉列牛個爐烤熱塊牛排，迫返啲油香岀黎😂仲叫左個炸魷魚($78)，都幾好食，唔會太熱氣。

銅鑼灣出名多嘢食，今日就嚟到登龍街睇下有乜嘢好食先，上網見到好多人介紹呢一間steak bar，見到鋪頭名就知道呢間係專食牛肉㗎啦，仲可以自己燒自己食，玩味十足呀！一於入嚟試吓先！呢度嘅選擇唔算好多，主要有吉列牛扒，普通薄切牛扒，亦都有和牛添！我哋一行二人就叫左石燒薄切牛肉餐同埋吉列牛扒餐！食物終於都黎到啦，嘩，咁大份嘅，仲有一個石板喺度，原來係要自己燒㗎！石板上面仲有一舊牛油，所以燒出嚟都好有牛油嘅香味！另外佢仲有少少沙律同埋一舊胡麻豆腐係前菜嚟嘅，配嘅一碗白飯仲加埋飯素喺上面，食起上嚟非常之惹味！主菜終於都燒完喇，有得食喇！其實燒牛都好快熟，所以好快就有得食喇！石燒牛肉嘅份量大概有8塊，燒起上嚟再配埋佢獨有嘅炸蒜塊真係好好食架，亦好有牛味！而吉列牛扒一上碟嘅時候就已經係炸好咗個吉列皮㗎喇，我哋要將佢燒熟埋啲牛肉就可以食喇！吉列牛扒比較厚身，但肉質都好柔嫩，食落去唔會有牛筋同渣架！佢每一份牛，跟餐嘅時候都有埋醬汁同埋鹽，可以根據所需濃度自己調製～～順帶一提呢度嘅職員非常之體貼，會主動提供不織布袋比客人將佢嘅個人隨身物品放入去，然後再放喺枱底咁就唔驚整到隨身物品成陣味啦！值得一讚！

話說有人睇到偶像嘅facebook去咗呢間Steak Bar度鋸扒之後又要跟住嚟食好西,所以肥胖兵團再次出動,原來就喺銅鑼灣俗稱拉麵街裡頭嘅其中一家小店,睇嚟平時真係睇漏眼大家認住門口呢隻有對角嘅牛就唔會嚟錯地方㗎喇。睇一睇份餐牌,呢度嘅牛set大致上都分為六款,無論厚切薄切西冷吉列都有,一起身嘅第一餐我就唔想食吉列咁熱氣,於是乎我就揀咗呢set安格斯西冷牛扒啦。安格斯西冷牛扒($258蚊)：好多人都知道西冷牛扒係屬於一隻牛嘅腰脊部份,擁有較強嘅肉味同埋嫩滑嘅口感,相比起其他部位脂肪含量亦都較高,所以識揀一定揀食西冷啦。Steak Bar將呢塊牛扒煎到我要求嘅五成熟之後肉質非常有彈性又有嚼勁,有口感之餘牛肉味相當濃郁,脂肪比例均勻,連平時一向唔食肥肉嘅我今次連肥膏都一齊吞落肚,因為真係又滑又香啱啱好,一啲都唔覺得肥膩,口感非常豐富,絕對將西冷嘅美味發揮到淋漓盡致。阿肥跟風嗌嘅呢份頂級板腱牛扒($215蚊)：睇餐牌上面介紹仲話係每日限量㗎!~250克嘅牛扒非常有厚度,賣相高檔精緻。阿肥怕生所以叫咗七成熟,最令人驚喜嘅地方係煎至七成之熟咬開後仍然啖啖肉汁,非常juicy,可以配搭日本蒜鹽或

銅鑼灣登龍街已經變成了一條食街，要喺這條街立足，餐廳的出品必須有一定的水準。Steak Bar開宗名義以牛扒為亮點，我這個牛痴今天在銅鑼灣辦完事就一個人來試試。今天天氣急降七度，坐下來叫了杯葉洋甘菊茶，一口喝下去，身體立刻暖和了。今日叫了個頂級板腱牛扒套餐，是靚仔待應推介給我的，因為我同佢講唔想吃太油膩，但又希望吃軟林林的牛扒，所以他窩心地推介了這個牛味十足，多汁柔嫩的板腱牛扒。牛扒色澤柔潤，望落都流晒口水牛扒肉質鮮紅滑嫰，我對這個推介十分滿意。

幾忙都要食飯，對女性嚟講幾忙都要shopping! 終於，約到好姊妹👭去銅鑼灣shopping🤗 老規矩，食飽飽先有腳骨力去shopping😻，行去登龍街成條街都係餐廳，大把嘢食🤗 見到有間叫Steak Bar 的餐廳，食肉獸嘅我當然拉埋好姊妹去試試👻依排有些餐廳專售吉列炸牛，但一直沒時間試試，終於有機會吃啦！當然吃和牛扒啦😋 吉列炸和牛扒： 和牛扒脂肪分佈平均，令肉質細嫩軟滑，食落口肉汁豐盈，再加吉列的香脆外圍，外脆內軟，好味😋👍🏻好姊妺不是食肉獸，選了這款薄切牛肉👻石燒薄切牛肉：肉質嫰滑，牛肉味濃👍🏻

昨天放lunch行過登龍街搵食發現這間新開的steak bar 見到門口餐牌最平lunch set 都$98 都猶豫左一陣 最終都係走左入去坐低 入去之後嗌左最平既吉列豬lunch set一試 上枱既時候賣相的確好睇 有齊沙律 前菜 有飯素既白飯同主菜-吉列豬柳 仲配左2款醬汁用尼點豬柳食 分別燒汁同沙律汁 我馬上就切左塊豬柳一試 結果大失所望 粉厚肉薄 而且肉質仲異常淋 切開睇橫切面直頭係見唔到舊肉 而家回想返直頭比大家樂既早餐吉列豬扒仲差🤦🏻‍♀️$98咁既質素真係唔會返轉頭值得一提既係侍應質素幾好 有禮細心 唯一希望食物都keep返質素啦

之前搜到呢間食牛扒嘅，好似好抵食咁。就膽粗粗去試食啦。希望越大，失望越大。環境真係好細，二人枱，只放到一人半嘅餐盤。隻手第開啲都撞到隔離位。我男朋友坐隔離嘅，係一個身形比較健碩嘅男士，見佢全程都好辛苦咁夾埋隻手食，好可憐。叫多個薯條已經冇位擺啦。其實啲牛肉完全冇味，塊石板又唔夠熱，完全唔似日本嗰啲石燒。塊牛肉普通到不能再普通，同我喺超市買返屋企食有咩分別。個飯落晒飯素完全掩蓋晒牛肉嘅味道同米飯香，浪費左日本香米。完全冇驚喜呢個價錢，呢個質素，其實同大家樂level冇咩分別。

假日與友人相約，一起來到Steak Bar 午餐🥰主打吃牛❗️MEUN 上面，菜色的選擇貴精不貴多，經店員細心講解，牛扒係重點推介，一早被限量供應既板腱牛扒吸引左了，板腱牛主要食牛味重，較小的脂肪。我同朋友就點了一客要五成熟限量供應的頂級板腱牛扒套餐($215)及一客香煎魚柳($195)頂級的板腱牛扒一黎到係原塊厚切，外面是煎熟左的顏色，一切開裡面係紅色的。配上飯素的白飯、麻醬豆腐一小磚、沙律🥗！而少脂肪都唔會影響到個肉質，入口時由於好小脂肪，牛味更重更出，5成熟果然係岩岩好，唔會鞋口。配上醬油及蒜鹽黎食，好滋味，好高級的享受。值得推介!!另一個香煎魚柳($195)，魚柳同照片上的形狀不同，是長型一片，配上檸檬及兩個醬料，亦有蒜鹽，個人認為加上檸檬汁及蒜鹽已足球，檸檬汁平衡左煎魚既油膩感，加上蒜鹽的鹹香味!雖然不錯，但相對還是牛扒更勝一籌。餐廳環境幾舒適，同朋友享受左一個高級的午餐!

作為牛魔王，一直好想去試下呢間專食牛既餐廳，今日經過見到冇排隊立即入去試吓先我地一人叫咗一個餐，每一個餐都會跟沙律&味素飯&和風豆腐，只有主菜唔同。分別點左《吉列炸牛扒》同埋《石燒薄切牛肉》。《吉列炸牛扒》係餐廳嘅主打，上菜嘅時候金黃色既吉列牛扒只有一至三成熟，需要再在石板上燒到啱自己口味。所選位置係厚切既牛頸脊，外脆內嫩，肉質Juicy吉列牛配上味素飯啱晒大食先生口味，又美味又飽肚。而我就選擇左食石燒薄切牛肉，相比之下就冇咁heavy ，絕對係女士之選。牛肉望落都唔錯，薄牛雪花分布均勻，唔算太肥，在石板上燒一陣好快就食得。 而且可以配上蒜片/燒汁/海鹽一齊享用， 這個份量配上一碗飯剛剛好。見到隔離張枱開咗支紅酒，我都好想飲呀，可惜唔係好舒服啦 我見餐廳做緊優惠，加$58就有杯Shiraz紅酒配牛扒絕對係perfect match 唯有下次再黎過啦