Steak Bar (已結業)

🐮Steak Bar銅鑼灣🐮前幾日一家去到銅鑼灣登龍街steak bar食飯，咁岩撞正放飯時間，真係超多人，好彩等一陣就有位入去坐。等位時已經睇定餐牌，好多野都好想食，好彩我同屋企人黎，可以一齊share食。我同屋企人都算係「牛魔王」，食牛就岩晒我地喇。但係咁岩撞正公公都有去，佢就岩岩相反唔食牛，點算？唔通分開食？唔怕其實Steak Bar 除左牛仲有其他野食架，好似雞扒、羊架同埋魚扒等，所以今次就叫左個比目魚俾公公食喇。 佢地依家做緊定食半價，只要第一位客人以正價惠顧定食一份，第二位客人就可以半價享用指定定食。咁我地三個成人就可以叫一份半價定食。頂級板用腱牛扒定食 （每日限量）$195啲牛扒好好有🐮味，厚厚既一大舊，切開肉汁流晒出黎，好juice，好味。香煎魚柳 $195係比目魚扒黎，少少鹽，煎到個魚邊香脆，送飯一流。薄切石燒牛肉定食$120（優惠半價）,自己石燒，可能控制生熟情度， 嫩滑多汁，呢個真係食唔停口。因為小朋友係度加多客和風紫菜薯條做小食 $25宜家仲要任食薯條、半價吉列炸牛扒優惠抵，鐘意食牛既唔好錯過！

今日無意中竟然俾我找到一間主打食牛又平又好好食嘅定食，一睇menu 樣樣都好吸引又唔貴，全部定食都有芝麻醬豆腐,柚子汁沙律菜和味素飯見佢有個每日限量嘅頂級板腱牛扒當然要試下~非常juicy牛味香濃👍😋石燒薄切牛肉有個小爐自己燒~肉質好淋滑好食😋只要Order一個原價定食就可以半價叫一個特價定食，我選擇了照燒雞扒定食~有兩塊雞扒真的相當低食👍👍每個定食加$8或$12 可轉特色飲品又或者加$25可選擇兩隻蜜糖蒜香雞翼連飲品或紫菜薯條連飲品真心誠意推薦真係樣樣野都好好食連個味素飯都好食值得一讚~店員真的非常有禮貌👍👍.

見到呢間午餐有2人同行，第2位半價幾吸引，就平日去試試，點知 。。叫左一份石燒牛舌定食，同汁燒牛肉定食。上枱個賣相都OK。沙律：個醋汁超級酸，酸到成碟菜都無掂過，直接要啪左隔離粒細豆腐中和返。飯＋飯素：飯OK，但個飯素唔好味，完全令唔到人做追飯食嘅感覺。主菜（牛舌）：我本身好好牛舌，但對呢款簡直係超級失望，完全無牛味，勁雪味，點左汁醬都提唔起食慾，而且有幾塊仲係好UN，食唔到口，唔合格。汁燒牛肉：反而正正常常，所以無影相，中規中矩，份量都OK。總括黎講，唔會再幫襯第2次，因為店內冷氣不足，通風不足，好好好熱。價錢又唔平，質素又麻麻，而且人手不足，店面得一個人做野。唔值得一試。

假期lunch同晚餐同價，宜家promotion 點一客吉列牛第二客半價，3個人order咗兩客吉列牛，一客吉列和牛！味道ok,比起銅鑼灣另一間上樓嘅吉列牛好食，宜家無得去日本，食住佢頂住當先咁當然佢嘅質素係嗌$298果個吉列和牛set先可以同日本連鎖店好抵食果間比啦！間舖唔大，都有兩枱日本人食！無得去日本住，呢度都係唔錯嘅選擇！

吉列牛並不是新菜式，據知早在一百多年前的日本已出現，但近年才爆紅。筆者曾在東京吃過數間品牌，確實很不錯，不知道香港的吉列牛又能否媲美呢？Steak Bar位於銅鑼灣登龍街，漆黑的門面顯得十分型格，頂部掛著金色的牛頭招牌，形象突出，更有畫龍點睛的作用。餐廳的室內空間主要以啡色木材為基調，感覺樸實舒適。職員主動上前向我們介紹餐廳的人氣餐點及特色，服務態度良好！在職員的推薦下，我們點了吉列炸牛扒 ($188) 及石燒薄切牛肉 ($178) 。吉列炸牛扒 ($188) 的肉較有口勁，雖說脂肪欠奉，還有點肉筋，卻不會太難咬開；牛味不濃，但值得一讚的是粉漿不會散開，經煎烤仍能緊抓牛肉，配以蒜片，鬆脆可口。石燒薄切牛肉 ($178) 較合我口味，油花平均，只需在熱石板上煎烤一會，牛味更為香濃，肉質軟稔。總括而言，食物質素中上，但此價錢在日本能享用更高級的日本國產牛，值不值得便由大家決定。

呢排好似好興食吉列牛，我就去咗呢間朋友推薦嘅吉列牛專門店，我哋好早就到咗，見到佢哋鋪面其實唔係好大，不過keep住多人入嚟食，晚市好快就會坐滿人，所以想去食嘅朋友記得早少少到啦。我同朋友叫咗一份吉列牛，部位係牛肩扒，肥瘦會比較適中。呢塊吉列牛會連埋石板一齊上，可以俾你調教自己喜愛嘅相熟程度，所以佢一開始並會炸得太熟，我都朋友就覺得大概燒到五成熟或以下嘅程度就啱啱好，可以食到牛肉本身嘅質地同埋味道。我哋仲叫咗一份和風薯條同雞翼味道就中規中矩，不過依兩樣嘢都係即叫即炸，其實都唔錯。總括而言我哋都係比較推薦佢哋嘅吉列牛。

Booking thru OpenRice. 餐廳致電推遲預訂時間, 到了都等了15分鐘入座。6個牛痴去試, 看到這個"牛"價格, 不能不試一下。總結: 好吃, 牛肉質量ok, 定食份量比較少, 可以一試。但未到交枱時間, 一吃完就要埋單和離開, 只食了35分鐘就要走了，這裏有少少掃興。但會再去，這個價錢冇得輸@@

六月其中一晚，黎左呢間食晚餐，之前都係呢間食過兩三次，質素都正正常常。今次總共叫咗兩個吉列和牛牛扒，order 完之後，個女店員好似發緊夢咁，問我地係咪只係叫一份和牛牛扒，我地話唔係，總共要兩份吉列和牛（$278一份），之後又問多次我哋飲咩，我地都好驚佢落錯單。好啦重點係度，兩個餐都黎到個時，兩份嘅質素好明顯好唔同，有一份明顯係明顯係平啲嘅牛扒餐（$188 一份）於是我哋向落單既戴眼鏡女店員追問，究竟係咪有一份黎錯左。女店員佢答唔出，跟住佢搵個男店員解答，個男店員堅稱兩份都係和牛，只係佢地黎自牛既唔同部位，所以形狀唔同。講真真和牛個碟厚身咁多，色澤紅好多，有油脂分佈，另一份薄身咁多，黎到已經熟左80% , 無油脂，食落無牛味，d staff 真係當啲食客係白癡。 如果我叫左個$188 而唔好食既，我都算啦，但我而家比左$278, 你比返$188 既質素比我，絕對係欺騙食客。如果你想比完錢再受氣既，就黎呢間啦。一間餐廳做得好唔好，都好睇你請左d 咩員工而點解中環間分店都執埋，都唔難理解同類型既餐廳都好多，我以後都唔會再幫襯呢間。

在銅鑼灣這邊返工食得多日本菜，偶爾都想轉下口味。今天經過登龍街，見到有個大餐牌放在門外，眼球立即被「定食半價」四個字吸引着，便決定入內一試!餐廳的座位以長枱及卡位為主，環境舒適，適合跟幾個同事或朋友一起聚餐。「半價定食」雖然只有四款選擇，但包括了牛、雞和魚。每客定食都有前菜、沙律和飲品，亦可加$25升級其他飲品連一款小食(雞翼或薯條)。不過今天我唔算很肚餓，留待下次再光顧時再升級吧! 最後我點了「照燒雞扒」定食。等了約十幾分鐘，侍應便把定食送到枱上。單看食物的賣相已經流口水了😍 前菜(凍麻醬豆腐)和沙律沒有什麼特別，味道還可以。相反，我對那兩件厚切雞扒抱較高的期望，因為餐廳名叫「Steak Bar」，所以不論牛扒或雞扒，質素理應會比其他餐廳高。幸好結果亦沒有令我失望。雞扒肉質嫩滑入味，非常美味😋 邊吃雞扒，邊吃一口味素飯，口感豐富有層次。整體來說，食物質素高且份量足夠，加上坐得舒服，價錢又唔算貴($49，不用加一)，CP值高，絕對值得encore😋

趁有優惠同朋友去試點知d優惠又亂 呢樣唔得 果樣又唔得食物果方面 吉列和牛d皮做得唔好 好似擺左好耐咁 牛扒唔太好食 成餐飯得個薯條係好食埋單每人都三百幾 好貴唉 總知食到一肚氣🤮🤮

訂座冇話75分鐘要離座，實在趕到吞落去，位與位之間太窄，有D位仲要經常要就侍應上菜，至於食物，叫了肉眼扒餐和吉列牛扒，前者合理有牛味，後者可以不叫，冇味，需然半價，但真後零味道

到底係收左幾錢先寫得出佢「必食」同「高質」？😡😡😡😡😡😡😡😡😡😡😡😡之前係銅鑼灣百樂中心食過間好好食既吉列牛🐮呢間本身都bookmark左想試下 見最近有第二位半價吉列牛就決定一試🧐點知就中伏了🥵係openrice book左枱所以去到都好快就入座疫情下佢地d防疫措施都做得好足🤓好安心量體溫、提供酒精搓手液、比紙袋入口罩、枱同枱之間有隔板 全部都做齊的👍🏻-除左第二位嗌吉列牛有半價之外門口都貼左堂食有免費無限薯條 但我地就無嗌講返吉列牛 落單無耐就送餐 職員都會提等個爐預熱幾分鐘先 但係佢個爐係用牛油黎起所以係會濺到的 所以小心彈到手同淺色衫！原價188（另有加一）有沙律、豆腐、包個白飯（係！你無睇錯我無講錯）同吉列牛一份🐮全個餐入面最好食係⋯⋯豆腐同個沙律d蕃茄仔主角吉列牛 你只會感覺到有舊肉係口‼️零牛味‼️無牛味之餘 佢本身仲好乾好韌好難咬⋯⋯到懷疑人生只能夠夾硬燒熟舊肉掉入個汁食 但個汁好咸🤢最令人失望係佢個飯對吾住個價錢🤬🤬🤬🤬佢跟餐個白飯係會有一大堆飯素係上面的（可叫不要）食完一啖飯係真係想講粗口😡點解吾係珍珠米有種比人呃左上賊船既感覺🤯吉列牛配白飯？然後你就會跌入一個好乾吾知

而家做緊😆優惠，凡惠顧一份🍱主菜，就可以半價享用吉列牛扒🥩，咁抵食梗係要搵埋 friend 子一齊去～🤩一去到就見到🧐門口有唔少 walk-in 客，好彩一早book咗位😎。我同 friend 子都係食吉列牛扒🥩，不過張枱有啲細，放咗兩份餐🍱之後完全冇位剩🙈。就連座位都有啲迫😅。前菜有沙律🥗同埋豆腐，都👌正正常常～佢個吉列牛扒🥩只係炸🔥咗個吉列外殼，入面基本上仲係生嘅。佢會俾個火爐🔥你自己煎🍳熟扒芯，想要幾熟🤤自己控制💪。煎一煎，肉香出曬嚟🤤，煎到 medium well 啲肉都唔會韌😋。配埋佢有飯素嘅飯🍚一齊食好夾，唔會漏👍。食物質素👌幾好，有優惠感覺幾抵食🤩

兩個人食叫左兩set，一份setE 石燒薄切牛，一份setF 吉列和牛。因為喺ig見到佢地廣告寫住二人同行吉列牛半價同埋薯條任食，睇落都幾吸引咁就去試下。去到等左15分鐘終於有得入，店內空間好細，座位很擠迫，要同隔離檯貼住坐好唔舒服。之後我地落order就同店員講要兩set加薯條，點知個店員話吉列牛半價同薯條任食優惠唔可以同時用。下？你ig個post寫埋一齊又冇話唔可以同時用好容易誤導人姐。咁就算啦，我地就放棄左個薯條。之後份石燒薄切牛到左，呢個算係勉強ok，但係冇特別出色只係一般。重點係份吉列和牛，真係頂出聲，廣告賣到睇落咁好食，點知食落一啲牛味都冇，完全係勁失望，店員又冇話要燒幾耐，完全唔值佢原價188囉。真係極之失望，成餐飯食左350點知舒適度食物都咁差完全唔值呢個價錢，真係大伏大家唔好比佢個ig廣告呃左。真係好嬲好失望

銅鑼灣真係美食天堂,想食咩都可以係度搵到,今日我就想食日式烤肉,行到登龍街附近就搵到呢一間入到去坐低,每張枱都好寬敞,同埋可能仲早所以暫時唔多人,不過佢嘅裝潢都非常之講究,同埋都好衛生講番食咩先!話明試日式烤肉,當然就會叫一個吉列炸牛扒定食啦,每一件都好新鮮好厚肉,食每一啖都肉汁四溢,難以形容既好味!而佢個飯都幾大碗,仲有一啲紫菜喺上面,令到個飯都有一陣魚嘅香味,仲有啲沙律菜,令個牛扒唔會太熱氣,仲有一件細細嘅豆腐好滑好好味!而我朋友就叫左一個板腱牛扒定食,黎度見好大件好厚肉,要花點力氣先至可以將佢切成薄片,我朋友話好新鮮,每一片都非常之高質,好好食!仲要最近有特別優惠,就係無限免費食薯條!不嬲我都中意食薯條咖啦,所以添左兩次,每一條薯條都沾上咗啲紫菜碎,鹹鹹地好惹味!