SPICE Restaurant & Bar

营业中

休息中

上星期喺尖沙咀諾士佛臺搵下有咩lunch食雖然樓下好多酒吧都未開有少少空虛咁見到樓上呢間spice有lunch食啊 就上咗去~.我哋點咗個十二吋大pizza 厚㧗再點咗2杯mocktailPizza係可以自己揀厚定薄批 好貼心呢個夏威夷薄餅 有芝士 火腿 新鮮菠蘿 番茄等等有8大片呀 份量都唔少嘢芝士可以拉絲 仲拉得好勁下👍🏻❤新鮮焗起熱辣辣超好食 皮邊仲脆脆的。.Mocktail 係無酒精嘅 lunch飲返杯都無所謂😋我哋揀咗2杯Moksha主要由蘋果 薄荷同青檸打造非常清新 夠凍 酸酸甜甜咁 好正青檸味會突出啲 薄荷唔會太over 剛剛好帶點清新.雖然係lunch hour 但都有唔少西裝友嚟食午飯呢~

同朋友聚會上嚟搵食，睇中咗個咖喱，果然無令我失望。不過其他就一般啲，而且環境比較嘈，傾偈比較辛苦。先嚟個小食檸汁魷魚，幾好食，開胃菜一流。然後我地見到人地點呢個拼盤好似唔錯，但結果味道我地覺得麻麻地。可能唔太啱香港人口味，幾款唔同既肉丸，唔同既豆泥，仲有配一兜烤餅既，但我哋就覺得一般般，個羊乳酪串朋友仲覺得好騷。海鮮pizza整得唔錯，芝士都好香，不過就有啲漏，我只係食到一件。我主要既目標係呢款咖哩雞，個汁好香，少少辣好好食，雞肉都嫩身，配烤餅一流。半份ribs就一般水準，肉質有啲韌同鞋。嚟呢度主要飲酒，但我同啲朋友都覺得呢度都酒偏濃，我地其實唔太好，所以個個都叫多杯mocktail。飲返啲甜嘢好啲。呢度waiter大部分似印度藉，用英文交流都差咁啲咁，可能我英文唔夠好啦。不過佢地好熱情，臨走仲請我地飲shooter，不過都真係太嘈，即使坐位寬敞，都唔太relax到咁。

是日約了一個舊朋友，為了方便稍後的下埸，所以在諾士佛臺搵食先。*Cheese Naan ($40)吃印度菜，薄餅基本上是必點的：由於怕跟半肉的不夠食，所以加了一個芝士naan；naan入而夾了芝士烘製，趁熱會較好食。*Sheek Kabab ($140)跟羊肉的會配一份原味的naan；我們用naan夾住羊肉食；羊肉煮得很有印度的香料味。*Spaghetti Alla Pascatore ($105)意粉亦是另一個驚喜之作；蕃茄醬是超級足夠，但又不會過多，酸酸的很開胃；而且海鮮配料一點都不少；意粉煮得剛剛熟，不會太軟。

Slice Restaurant and Bar 位於 尖沙咀諾士佛臺， 星期日中午黎到， 唔算好多人，-兩個人分到6人座的卡位，有大玻璃窗，坐得好舒服。-shish taoue串燒烤雞肉,  雞肉同青椒紅椒洋蔥等一齊烤過， 雞肉多汁嫩滑， 而青椒紅椒同洋蔥烤到甜一甜， 以前菜嚟講有三串其實非常抵食。 除此之外仲配埋pita餅， 配埋蒜頭味同埋辣辣地嘅印度醬汁， 顛覆咗香港人對印度美食嘅想像。-Spaghetti Alla Pascatore海鮮義大利麵最欣賞呢度除咗有印度美食外原來仲有其他西餐可以提供, 好似呢個海鮮意大利麵咁, 份量大分， 海鮮除咗有魷魚蝦之外其實仲有好多三文魚喺入面， 食極都仲有。 味道方面，呢個意粉 甜中帶酸 ，因為 加咗紅辣椒嘅關係而帶少少辣， 好味開胃。-BBQ chicken Pizza燒烤雞肉薄餅材料非常多 ，有燒烤雞肉, 馬蘇里拉芝士，紅洋蔥, 香菜同埋燒烤醬。 呢度嘅薄餅係厚底嘅， pizza即叫即整, 所以送到嚟上嚟時，啲芝士仲可以整成瀑布，畫面非常療癒，大大口咬下，就只有滿足2字。-意大利蒸餾水另外因為餐廳唔提供清水 ，所以叫左杯意大利蒸餾水，都

好耐無約大學同學gathering～都成年無見啦今次終於約到可以食晚餐！尖沙咀係大家最就腳的地方～朋友介紹左呢間係諾士佛檯既樓上餐廳～食印度菜～非常新鮮～之前都未試過～就將第一次既印度菜初體驗比左呢度啦～餐廳環境好好feel～燈光好暗好有情調餐牌好多選擇～全部都未試過～真係眼花撩亂啊～飲品都好多選擇～可惜第二日要返工所以都無叫酒類飲～House Salad～有生菜、雞蛋、蔬菜、麵包碎、牛油果同蜂蜜芥末醬～好豐富wo～全部都係salad會有既野～用料都幾好～最緊要夠新鮮～Tandoori Chicken － 香烤雞塊～本來以為係無骨，原來係有骨的～加上印度草料即烤的雞肉，味道好特別，一定要dim佢個醬汁先夠味～而且香烤美食都會配上印度烤餅～唔洗另外再叫～非常滋味！Due Salami （12吋）－雙腸薄餅，有意式香腸同沙樂美腸，再加上辣椒片同濃厚芝士～好夾好好味～餅底又唔會太厚～岩岩好～呢餐都幾滿足，加上又唔會太嘈，可以傾好耐計～

同事介紹諾士佛臺有一間西印fushion嘅餐廳，有啲菜式以係帶點印度風嘅西餐，有啲係帶點西餐風嘅印度菜，餐廳位於諾士佛臺1號，上完斜路頂，第一棟大廈就係。一入門口已經見到餐廳新束束嘅裝修，天花嘅吊燈，牆身嘅裝飾，都充滿住印度嘅風情，特別鍾意佢嗰個u型嘅卡位，靚得嚟又有私隱度。凱撒沙律，新鮮嘅羅馬生菜心，再配襯炸麵包粒，巴馬臣芝士碎同埋經典嘅凱撒沙律醬本身經已無敵，廚師特意選用咗羅馬生菜心，份外鮮嫩清甜。水牛城雞翼，水牛城雞翼個醬汁無兜亂到分開上，個人嚟講覺得要扣少少分，不過亦都因為個雞翼分開咗上，無俾啲醬汁沾濕，外皮份外香脆，又挽回分數不少。鐵板烤牛肉，烤牛肉底下嘅係炒香咗嘅洋蔥同埋甜椒，廚師仲細心將牛肉切開一塊塊，啱哂我哋share，牛肉上枱依然見到令人垂涎嘅格格燒烤網紋，另外仲跟咗一個玉米餅，有齊我最鍾意嘅三款經典nachos醬 - guacamole，sour cream同埋tomato salsa，一次過滿足哂三個願望。牛肉千層麵，由細到大都鍾意食肉醬意粉，呢個牛肉千層麵簡直就係肉醬意嘅豪華版，每一層千層麵都沐浴喺香噴噴嘅肉醬當中，加上面頭半溶化嘅芝士，yummy。紐約芝士蛋糕

平時想係香港食印度菜一定諗起重慶大廈，不過今日朋友介紹呢間係諾士佛台嘅餐廳就一改我一直以黎對印度餐廳嘅印象！一行入餐廳燈光好有情調，音樂都係好新既歐美歌曲。餐廳除左有主打嘅印度菜外亦有西餐。我地叫左一個印度烤雞，肉質好滑食落有好重既香料味道，配上特製嘅醬汁酸酸辣辣好惹味，烤雞附上既印度烤餅都好出色另外叫左個煎三文油，肉質嫩滑好多油脂，配上充滿牛油香味醬汁。食多啲都唔怕油膩飲品方面餐廳設有happy hour 時段如果唔飲酒可以一試印度拉茶口感香滑，有股好特別既香料味

今天約了朋友到這裡聚舊，果然無選錯地方，裝修堂皇別致，附有濃厚印度色彩是印度餐和西餐的fusion。我們點了牛肉千層面 $125墨西哥博餅 $110牛肉千層面 $125賣相已經無懈可擊，整個麵焗得金黃而不胡，分層意大利麵配奶油味醬，芝士味濃鬱，拿起時千絲萬縷，牛肉油香味豐富，香滑惹味，一定要試！墨西哥薄餠 $110香脆墨西哥薄餠包著香辣雞肉，配切達芝士，番茄莎莎醬，酸奶油和鱷梨醬。外面松化，內裡軟綿綿，重點是配三個醬，鱷梨醬，即牛油果醬，清新自然！番茄莎莎醬，即鮮番茄辣醬，超好味！酸奶油，好醒胃！好好食！這裡的適應彬彬有禮，而且風趣幽默，值得再黎！

我同好耐冇見的朋友去食晚飯, 其實我係第一次食印度菜, 有少少緊張, 另外餐廳所有員工都是外籍人士, 好似去左印度一樣, 但環境就非常靚, 飲下野, 傾下計, 就最岩啦!我叫左一款我想食左好耐既野食, 鷹嘴豆泥配印度薄餅, 想左好耐, 但一直都未試過, 今次有機會啦, 原來味道似食豆泥, 再加唔同的香料, 我都接受到, 另外我地又叫左咖哩雞配印度薄餅, 咖哩雞好正, 好好味, 再叫左個半份的豬仔骨, 來到勁大件, 我地每人食左一份已經食唔到了,再叫左兩杯特飲, 好特別, 好正

今晚與3年沒見的友聚餐，好多事情要分享，太多經歷要訴說，以後要密密見才行，真懷念以前一天三餐都一起吃的日子啊！這些日子裡，大家都轉了一個彎，有各自不同的成長與高低起伏，感恩你還是你，還是保有你的赤子之心，加油！期待看到你發揮所長，找回自信，乘風破浪，遨翔萬里。我地約左係一間好有格調的印度菜餐廳, 環境好岩傾計, 好舒服!食物方面的地叫左幾樣印度特色食物, 食左好多薄餅, 用唔同的醬汁去配,最好吃的是芝士薄餅, 會有一份鐵板上的正方芝士, 再配上熱騰騰的薄餅, 好快就俾我好食哂, 另外, 但叫左幾樣野食, 都好好味的是墨西哥粟米片,好大碟, 兩個人真係食唔哂, 好好味

前排經過尖沙咀見到一間鋪頭裝修得幾靚入咗去食原來係印度菜嚟嘅分享下先🤣🤣..........我哋叫咗兩個set lunch 首先會黎個湯同沙律個湯超好飲！！係用奶煲嘅湯 好香奶味🧡🧡沙律就係有啲牛油果同菜都幾唔錯🤩..........特製醬汁煮羊肉-洋蔥和紅辣椒醬煮牛肉 $79呢個有少少辣 醬汁非常特別出面食唔到嘅 好香有啲咖喱味又有啲奶味咁牛油雞-蕃茄煮燒烤雞塊$79呢個就比較重蕃茄味 唔辣相對奶味又濃啲🤔另外佢嘅飯都好特別唔係好似平時啲飯咁實佢啲飯好餸而且比較長條型😂另外我哋仲加咗個烤餅個烤餅超好食！！！用嚟點上面嗰啲醬汁簡直一流就咁食都好香 好有烤餅味 唔會好甜好鹹👍🏻👍🏻..........傳統紐約芝士蛋糕配雪糕 $62呢個蛋糕似自家製🤩都幾大個 而且佢啲芝士唔同平時嗰啲芝士奶香好重 食落唔會好膩🧡..........價錢唔算貴但係質素好唔錯如果去開尖沙咀嗰頭一定要試吓呢間🧡🧡強烈推薦👍🏻👍🏻SPICE Restaurant & Bar 地址：尖沙咀諾士佛臺1號2樓

好耐冇食過印度野，SEARCH OPENRICE見到哩間幾出名幾多好評就去試下餐廳係KNUSTFORD STREET, MIRA MALL隔離就係,好就腳餐廳清一式印度籍STAFF，服務態度非常好餐廳裝修好印度風，同埋都有好多外國人黎食，幾好氣氛我一黎到STAFF就好熱情介紹MENU D野食我地揀左一個印度雞肉, 熱辣辣鐵板上任何一個STARTER都會配NAAM嫁, 真係好正 另外嗌左個羽衣甘藍 SALAD, 第一次試~配左個酸酸地既汁好特別, 我覺得都幾開胃 我點左個肉醬雞肉長通粉，哩個真係HIGHLY RECOMMEND醬汁好惹味，可能印度風味所以香料味好濃好正😊臨走先見到餐廳原來有SHISHA食 ，下次HAPPY HOUR都可以再黎一戰😊

因為一直都食慣西餐、中菜，食到有少少厭，所以同朋友就諗住轉轉口味，試下風格唔同d平時又少食開既中東菜。係open rice搵到呢間主打印度菜既餐廳，見到佢幾多好評又好似唔錯咁，於是就打算試下。😋😋星期四晚接完朋友放工之後就出發去呢間餐廳。 SPICE Restaurant and Bar位於尖沙咀諾士佛臺個條酒吧街到，搭𨋢樓上二樓就係，食完又可以落樓下飲返兩杯happy hour，真心幾就腳又方便！一去見到佢個門口個裝潢整得好有中東特色，至於餐廳入面個燈光佈置都好有vibe 同情調，如果女仔想同男朋友去或者同一大班fd 收工落堂chill下既話，呢到真心推介好去處！見佢餐牌都幾多選擇，傳統印度菜個d chicken biryani, kebab都有。如果想試下d light 少少既輕食既話可以試下印度薄餅naan又或者咖哩角samosa都唔錯。除左一d typical 會食到既印度菜式之外，仲估唔到有d墨西哥菜同pasta 可以試下！例如係nachos, quesadilla, buffalo chicken wings都有，唔驚淨係濟食印度菜，可以一次過試哂咁多唔同菜式,照顧哂唔同人

意想唔到咁好味朋友極力推薦所以要去試下餐廳唔係好多人，所以坐得舒服傾計最好不過呢間餐廳係泰國加印度fusion菜，我不嬲唔食印度野，但竟然喜出望外！Nachos 係好好食，啲醬好味魷魚凍左都係脆好想講個grilled beef 係好正！加埋啲醬、洋蔥同紅椒，簡直係惹味唔係乾爭爭㗎！係好juicy、好香啲薄餅、烤餅口感幾好，好煙un 整體係好好味

位於尖沙咀諾士佛臺的 Spice Restaurant & Bar，環境寬敞四邊開揚，以木製家俬及工藝品為主，掛上豐有印度色彩的布置，帶給人有一種神秘的感覺。餐牌上有很多不同種類的菜式，如泰國、印度及馬來西亞佳餚,食材再加上多款香料烹調製成。我覺得食物味道很有特色，好像這個「Capricciosa意大利薄餅」用了聖馬札諾醬、火腿、蘑菇、黑橄欖及雞蛋，味道十分豐富，醬汁香濃，我很喜歡加上雞蛋的味道，令口感更添層次。至於「Spaghetti Alla Pescatore 海鮮意大利麵」配上魷魚、蝦、鹽和紅胡椒，看似平平冇奇，普普通通，味道竟然是先甜後辛辣，非常刺激，看似普通但味道一點也不弱，是有驚喜之美食。