SPICE Restaurant & Bar

营业中

休息中

尖沙咀都係我一向出沒揾食地方，最近俾我發現一間酒吧，但入面的食物同裝潢都充滿印度風未入內，外面的裝潢已甚有印度風格呢到雖然係酒吧，但所有的裝飾都用上印度燈飾，感覺同其他酒吧好唔一樣好有特色因為病病地，所以都係食得清清地揀左Kale Salad我至愛羽衣甘藍沙律HKD125成個沙律用左好多羽衣甘藍，入口唔會好硬，好新鮮仲有其他配料，松仁，油炸麵包丁，蜂蜜，大蒜同醬汁，仲有燈籠椒，小蕃茄同青瓜，口感豐富，好爽口好清新之後再黎一杯清新特飲，cucumber mint coolerHKD75無諗過印度式酒吧有呢款飲品整杯無酒精飲品用上切碎青瓜，薄荷葉，靑檸汁同糖漿，入口好清新，帶點微酸帶點清甜，十分好飲！而侍應服務亦好好，下次要再試下其他熱食，待我好返再相約朋友黎食！

本身個人唔係太鍾意嘈既地方，所以黎到諾士佛臺就揀左樓上舖，可以靜靜地同朋友傾計食飯！呢度氣氛都唔錯，有唔少印度特色既佈置或者擺設，幾靚！有個舞台位置，應該有live band，我地八點幾黎到，可能太早，所以未開始。Grilled beef 熱辣辣甘上台，仲聽到吱吱響，好香既味道直撲入鼻！牛扒已幫客人切開，食落更方便。牛肉稔，有牛味，燒到好香！薄餅，有三只醬，最中意食中間果只，有西椒同洋蔥等，酸酸甜甜甘，好開胃！薄餅鬆軟，夾住牛肉同西椒食唔錯，啲醬汁滲晒落塊餅到，正！本身唔飲酒，所以叫左杯moksha材料好多種類，份量亦好多，青檸同薄荷味特別出，唔會好甜，好好飲！Banana smoothies 好香香蕉味，真材實料唔錯既一間餐廳，職員都好好服務！同朋友黎係一個唔錯既選擇！

今日係我哋嘅拍拖紀念日，成日都諗應該去邊度慶祝，經過見到呢間以辣做主題嘅bar, 一諗起無辣不歡嘅佢，想食呢一間係幾好嘅選擇！上到嚟發現環境偏暗，幾有格調，位置都相當寬敞，最適合就係同女朋友嚟呢度！Penne Arrabiata對我來講，除咗意粉之外，我最鍾意食嘅就係長通粉，呢度嘅長通粉比較硬身，超級爽口，而且配上香辣茄汁醬，非常好食！BBQ Chicken Pizza原本諗住叫多個飯，但係睇睇下餐牌，發現呢度嘅薄餅都幾正，所以叫咗個燒雞薄餅，估唔到都幾有驚喜，平時好少見到呢一個味道嘅薄餅，燒雞非常香，同薄餅都好夾，正！Popcorn Chicken兩個當然唔夠我哋食啦，由於我哋兩個都非常鍾意雞肉，見到呢度有個炸雞小食，炸雞都炸得非常香，肉質非常嫩滑，小食仲配有泰式辣醬，啱晒我哋嘅口味！

很久不見的朋友約我食飯，來到餐廳門口，才發現，這是我第三次來這間餐廳了🤣🤣🤣上兩次夜晚黑，又跟在朋友們身後，只係記得我食了很好食的印度菜。今日決定試少少這餐廳的西餐。炸魷魚見餐廳名寫住係「Calamari」原來係意大利文。外層炸得脆，配上沙律醬和甜酸醬一起吃，好好味。ACHARI CHICKEN TIKKA 烤雞肉是無骨的雞肉,上菜的時候猶如鐵板燒一樣，有少少煙霧瀰漫。食味道濃烈,有少少酸有少少辣，重口味的朋友可以再加檸檬汁，隔離仲配埋個Wasabi醬，夾埋個Naan 一齊食，非常出色。 LINGUINE VANGOLI香蒜扁意粉賣相幾好，每個廚師都有自己嘅style，呢個煮得酸酸辣辣，食落幾香口，好鐘意距放左適中的橄欖油，想用黎沾麵包吃😂😂整體來講，環境很舒適，食物味道不錯，下午茶約朋友你談心一流。

I'll tell you what I want, what I really really wantSo tell me what you want, what you really really want。。。「 今天星期日，你想要什麼？亅「 去尖沙咀shopping，順便吃點特別的！」星期日的尖沙咀， 真的是流行文化 pop culture 的集中地，在美麗華商場， 有不同檔次的時尚精品、 今個weekend重有寵物狗特色用品展覽、和 Coach 恐龍公仔特別版的 pop up store。。。 行到攰攰哋，諗起已經很久沒有去過美麗華後面。。。諾士佛臺吃特色東西， 一於「心動不如行動」。。。go 、go 、go ！！諾士佛臺有很多提供特色美食的小餐廳，一直都是我的至愛， 我們今天選擇的餐廳 Spice ，是一家提供印度、中東以至北亞特色食品的特色餐廳。餐廳的裝修很有印度和中東色彩， 我很喜歡。 所以特別用我新電話的 Leica 鏡頭相機，為它拍了一輯寫真！去片！😍今天我們行行街、看看 wannabes 、買得興起， 完全不覺得肚餓，所以只點了一個「特式沙律亅和一碟「印度式fus

一向出街食飯唔係中菜就西餐，開始食到有啲悶，今年老公生日想試下新口味，一家人去咗尖沙咀諾士佛臺嗰度試咗一間未食過嘅餐廳。我哋揀佢嘅原因係貪佢地方寬躺、座位舒適、裝修夠特色，而且今次我哋選擇了午餐時段，人流相對比較少，環境唔會太嘈吵，令我哋可以靜靜地咁享受呢餐生日飯。我哋先order 一個前菜 《特製雞翼配水牛城雞翼醬&沙律》，雞翼炸得夠香脆配埋呢個醬汁一齊食仲出奇地夾，加埋個新鮮沙律菜，真係好開胃。老公勁愛食牛，所以主菜我哋試著咗佢個《牛肉千層麵》同《鐡板烤牛肉配炒洋蔥、甜椒，配軟肉米餅》，個鐵板烤牛肉熱辣辣夾在鬆軟肉米餅上，米餅能幫助吸走油份又可以增加飽肚感，再加上佢哋隨餐附送嘅3款醬，各有特色，我自己就最愛佢個鱷梨醬，比較少食倒，真係好味到停唔到口。話明係同老公慶祝生日又點少得蛋糕呢！最後我哋食埋件《紐約芝士蛋糕配雪糕》&《 朱古力布朗尼》，呢餐生日飯就完滿結束了。原來將雪糕配芝士蛋糕嚟食都一樣好夾喎！而個朱古力布朗尼係用香草雪糕配新鮮藍苺&士多啤梨再淋上了朱古力醬，甜得嚟帶少少果酸，味道亦都好good 呀！

近月生日的好友特别多，與拍擋慶祝生日，選擇了SPICE Bar and Restaurant，一來菜式選擇多，二來拍檔嗜辣，從餐廳名稱看，應該合她口味!SPICE 位於尖沙咀諾士佛臺，是供應多國菜的餐廳，菜式從印度到中東、北非以至意大利都有，但整體以印度菜為主，所以室內設計走印度風格，而廚師推介，也以印度菜式居多。烤哈羅米芝士配紅菜頭沙律 (Grilled Halloumi and Beatroot Salad) ~ $ 115 芝士奶味濃郁帶鹽香，質感半硬半軟又有點柔韌柔，與别不同。用於沙律配蔬菜，口感層次變得豐富。蔬菜很新鮮，紅菜頭特别清甜多汁! 哈羅米芝士 (Halloumi)源自塞浦路斯，在希臘及中東一帶亦有生產。以綿羊奶和山羊奶製成，加了鹽調味，是咸味芝士。由於溶點極高，適合烤制，質感和味道獨特。香烤多汁雞肉 (Shish Taouk ) 配印度烤餅 (Naan) ~ $ 65 橙紅色的賣相已令人食慾大增! 清涼的薄荷醬伴辛辣的雞肉，美味提升了，辣度又溫和了，絕配 ! 以印度烤餅佐食，香脆又有質感!  沒想到份量竟然這麽大，真超值! 瑪莎拉雞塊串燒 - 甜椒印度香料炒

又有飯腳喇，2個人食吓印度嘢點吓醬傾吓計。首先餐廳氣氛好warm,可能因為我哋遲到佢都有留個corner 位我哋💖。 裡面好多彩色🌈玻璃印度吊燈係我個friend 杯茶。先嚟杯margarita 🍸跟住開始喇1) chicken quesadilla 雞芝士餡餅，good 喎 ，份量多皮薄而脆嗰餡好足料，dipping 有3款都OK。2) Hummus 鷹嘴豆泥，好滑喎好好食點到停唔倒口。 跟住我又嗌杯🍺,食烤雞喇 3) Chicken Tikka 香草烤雞，烤得香軟好juicy 喎。。。第一次食，有d似天多利但就係冇咁乾身。。以後轉食Li隻lu👍👍。LI 度d員工都好nice。。。星期一晚人少少佢哋仲聞歌起舞😁😁。食3樣嘢座3個鐘。。😄仲唔good!

本來相約友人逛街，最後因為下雨，行到沒有心機，所以來到這裡，提前吃下午茶。這間中東餐廳就在美麗華商場2樓走出去，旁邊的一座大廈，很方便，下雨也不怕。餐廳的燈飾、佈置帶有中東色彩之餘，亦很有格調。坐位舒適，空間感大。播著輕快的音樂，讓人心情輕鬆。我們兩個女生點了一個小食併盤，兩杯飲品，就在這裡嘆了一個悠閒下午。小食併盤的賣相很有性格，廚師用9個小巧的碗子分開盛載，並用醬汁在整個併盤上「簽字」。羊肉腸 - 是烤腸，表面較為乾身，但很重羊肉味，是攪碎羊肉做出來的，不是普通腸仔的麵粉質感。特色肉丸 - 本以為肉丸是一粒粒，但這是已切開一片片的小圓片，酸酸咸咸的味道很特別。鷹咀豆泥 - 賣飛佛的中東食物，香滑帶有鷹咀豆的味道。原來朋友未從未吃過，她大讚好吃。茄子泥 - 帶有淡淡的咖喱味，配皮塔餅(pita)不錯!就是因為它，我們加點了一塊皮塔餅。炸春卷 - 好特別，應該是自家出品，餡料有濃郁的橄欖味。雞肉串 - 雞肉軟腍，帶有香草味，夾著洋葱或青椒吃，不會覺得肥膩。炸鷹咀豆餅(Falafel) - 係用鷹咀豆、雜菜和草藥製成，切開是綠色的，很有清新感，有一點辣，口感像炸薯餅，過個超好食。醃製橄欖

尖沙咀諾士佛臺除咗喺酒吧街之外，係大厦《One Knutsford》亦有好多高質素嘅餐廳。其中呢間位於二樓嘅多國菜餐廳《SPICE Restaurant and Bar》， 無論裝修抑或食物質素都可以話係一流。裝修揉合咗印度、中國、中東、西方等感覺， 個人特別喜歡bar檯位置的設計， 鮮豔嘅燈光， 配合埋中東嘅吊燈和地板， 別具一番風味。除咗長枱之外， 亦設有u型嘅梳化， 最啱就係三五知己把酒談歡，品嚐美食。《Tandoori Chicken 》 印度香烤無骨雞塊， 用上咗印度最出名和最有特色嘅香料去醃製雞件， 淨係聞都已經知道嗰種強勁嘅味蕾 爆發力， 印度香料除咗香氣濃郁之外， 色澤亦相當吸引。 香烤雞件呈現誘人嘅顏色， 令人食指大動。 雞件預先已起骨， 食落啖啖肉，肉質嫩滑，香料充滿印度風情。《Beef Lasagna 》 千層肉醬意粉味道絕對拍得住意大利餐廳嘅質素， 上面嘅肉醬充滿番茄味， 牛肉碎亦用上各種香料來調味， 味道非常豐富。 而且更加入咗大量芝士， 令到整體味覺層次更加豐富。《Grilled Beef》 令人非常有驚喜嘅鐵板烤牛肉， 遠遠已經聽到鐵板滋滋聲響， 上枱時鐵

一直以爲諾士佛臺果邊既都係bar 唔會有lunch食 原來想法錯了上星期同事話呢間spice既lunch唔錯我out job 前就去試下先.叫左個牛肉千層麵 第一眼睇到menu就想叫本身好中意食 因為好特別 一層層又好濃味而且當日唔係太肚餓 平時係街食既千層麵都係小小的 諗住岩了 唔會大晒~點知到既時候 隻眼look大左無諗過份量係咁多 好大碟上面舖滿芝士 拉絲效果超好呢個千層麵係分層意大利麵配奶油調味醬牛肉碎多 好濃味 竟然不知不覺食晒真係我食過最好食既牛肉千層麵！

今日有朋友約我佢呢間好特別嘅餐廳 《spice restaurant bar》。打開餐牌見到食物名稱都幾特別。要仔細 description 先會知道食物是什麼。於是我叫咗朋友拍板叫嘢食。我哋叫咗：香脆墨西哥薄餅，配香辣雞肉 Chicken Quesadilla 墨西哥薄餅很香脆。裏面包着滿滿的香辣雞肉及芝士。味道不錯! 另附上三種醬汁： sour cream, 蕃茄沙沙醬，牛油果醬。我最喜歡就是 sour cream,味道很匹配。特色肉類拼盤 Non-veg Mezze Platter. 材料十分豐盛。有鷹嘴豆泥，芝麻醬茄子泥，羊肉腸，特色肉丸，雞肉串燒，特色炸春卷，茄子泥，炸鷹嘴豆餅，蕃茄， 醃製橄欖羊肉酪串。我最喜歡的是雞肉串燒和特色肉丸，有印度色彩味道但是容易入口的！牛肉千層麵 Beef Lasagna 面上鋪滿芝士香氣撲鼻👍。層層面裏有豐富的牛肉和蕃茄。味道香濃，口感豐富！店員極力推介 cafe mocha. 味道很香濃。有一層厚厚的cream係上面， 攪勻佢咖啡很滑溜。對我來說味道有點過甜，可能下次叫少甜會比較好！此餐廳裝修特別，環境舒適，而且很安靜，下次會再約朋友到此暢談

同朋友行完街諗住去食野 但又諗唔到食啲咩 就周圍行下睇下附近有啲咩野食 見到依間餐廳乜野國家嘅菜都有 一於就食佢喇環境都幾大下 周圍感覺係好high class 啲燈光好有feel 比一種慢慢品嚐美食同環境 咁就岩哂我同我朋友可以食住野暢談餐廳入面大部分員工都係南亞裔人士或者係中東人士 餐牌係有中英對照 咁就知道自己食啲咩/叫左啲咩 落單叫野食個彈都係用英文同員工溝通 檸檬胡椒炸魷魚個小食好正 好開胃 沾上佢兩個醬都各有特色同風味 夏威夷薄餅（10’’）個pizza 超正囉 pizza面頭有層好厚嘅芝士 一拉個陣啲拉絲效果好正 勁吸引 食落去都好軟熟 芝士比例都剛好 鐵板烤雞肉雞肉下面舖左啲其他配菜（甜椒同洋蔥）仲有一上菜個陣見到啲肉已經整好哂一舊舊 肉質比教乾身啲 可能係佢地國家嘅烹調方法墨西哥薄餅薄薄地一塊 加上啲鱷梨醬（牛油果） 酸奶油 蕃茄莎莎醬薄薄地一層搽落去個薄餅 味道方面幾得意 依個薄餅仲可以包住雞肉黎食 咁樣食又另一種味覺嘅感受 特別得黎又帶點清新印度烤雞肉質幾滑 配合佢地啲特製醬汁 幾特別個醬汁 食落更加有當地嘅風味 Butter chicken 個醬汁好惹味 啲肉

今日去咗尖沙咀食正宗印度咖喱，門口同室內環境裝修都充滿古典印度風格。餐廳亦有酒吧區，約埋三四個friend,坐喺張梳化，食吓嘢飲吓酒都唔錯。Menu除咗有咖喱，仲有pizza，漢堡，飯，扒類，同甜品可以選擇。首先就叫咗道Chicken Tikka Masala，味道香濃帶辣味，亦都有洋蔥，蕃茄，紅椒同薑，雞肉食落嫩滑。如果食唔到太辣，落order嘅時間可以講定要少辣。食咖喱我比較鍾意配薄餅，所以就叫咗個 Cheese Naan,熱辣辣嘅薄餅，加埋拉絲嘅芝士，點埋啲咖喱一齊食，正呀。Aloo Gobi 屬於北印度嘅咖喱菜，主要有椰菜花同薯仔，用更多嘅香料煮成，例如有茴香/八角/肉桂/辣椒粉/胡荽粉/荳蔻等等...味道更加豐富，食素嘅朋友都可以食。Garlic Naan呢款薄餅有蔥同蒜蓉，所以味道較重，食落帶煙韌香口。食印度菜一定要飲杯，Mango Smoothies 好似乳酪，但比乳酪較稀身。Pineapple Juice，飲落好清新，食完咁濃郁嘅咖喱，飲返杯菠蘿汁，可以消消滯。

同朋友行開尖沙嘴，經過呢間位於諾士佛臺既多國菜連酒吧，有朋友話呢間多國菜有好多選擇同埋每樣菜式都十分地道同出色，於是我地就上左去食喇。我地係中午時段去，人流唔算太多，一入去餐廳既侍應都好熱情招呼我地。我地入座之後羅起左餐牌來睇，一睇，發現真係有好多來自各個國家既選擇，由一般美式，到印度，連阿拉伯菜都有，無論主菜定甜品都好多選擇。 我地揀左Lemon Pepper calamari 做前菜，新鮮炸起既魷魚配上香草本身就好正，加埋檸檬汁更加開胃同香脆。主菜方面，我地揀左garlic nann,Zafrani Paneer Tikka, Hawaiin pizza, thick cursed butter chicken, chicken fajita。每款菜都各有特色，例如chicken fajita咁，用既手法非常特別，整出來既雞完全唔似係一般既雞柳形狀，而係正方形既雞肉，食落似食緊一舊鬆軟既麵包。真心推介，下次一定會再來。