SPICE Restaurant & Bar

营业中

休息中

一進餐廳已經佈置好靚，牆身以印度磚，每盞吊燈都有特式浪漫的佈置場地好大，裝潢是印度式的燈光，還有大的酒吧開放式，對於我朋友都說酒吧靚過蘭桂坊呢呢碟Hawaii pizza 是芝士即叫即烤，完來係以炭燒爐烤過，所以香脆可口，熱烘烘烤焗，非常足料, 有洋蔥，四重芝士呢碟印度小食拼盤，好特別有大大的車厘茄，香草丸，炸春卷，咖哩味的串燒雞配香草烤pizza, 呢塊pizza 以手打即搓製，非常地道的一碟，香草特別濃厚，果然地道。

今日約左個舊同學聚舊，專登選擇左去間可以坐下慢慢傾既餐廳慢慢食，去左諾士佛台試下。餐廳環境一流，有梳化卡位，與鄰位唔近，有私人空間，可以慢慢傾計。我們兩個人叫左4樣野再加飲品。半隻童子雞、烤雞串、海鮮意粉同燒芝士。先上左2杯飲品同烤雞串，個雞串烤得剛剛好，夠淋唔會乾晒，再加上啲唦嗲汁，好野味。之後個燒芝士到左，一落枱勁香，仲有一碟薄餅跟著，用來包啲芝士食，個芝士串內仲有青紅椒等，加埋啲綠色醬汁（似薄荷汁）超好味。最後就上埋個意粉同烤雞，個烤雞并薯條，薯條炸得剛好，脆口但入面仲食到薯蓉，而童子雞就好滑，外皮又脆，仲有個香料醬汁可以點來吃，連雞胸肉都好食。而個海鮮意粉就炒得夠晒乾身，啲海鮮汁比意粉吸晒，意粉十分好味。另外，原來餐廳晚上6-8時係happy hour, 啤酒會平啲😁🍻👍🏼正！總結餐廳食物有水準，坐得又舒服，同朋友傾下、食餐好，一流！

平時你諾士佛台飲嘢就飲得多，但係好少嚟食晚餐，經朋友介紹原來呢度有一間西餐很有情調，而且價錢合理，於是就嚟試一試首先，我哋叫咗夏威夷pizza，除了有火腿、新鮮菠蘿和番茄，雖然材料看似簡單，但味道香濃，而且非常大份！10吋的Pizza足夠兩個人分享呢一間餐廳提供好多印度及中東美食，咖喱就當然係唔少得!見到Menu提供椰汁鯖魚，平時好少見，於是就叫咗黎試吓傳統椰汁咖喱青魚是不太辣的，而且有點椰汁的香甜味，魚柳肉質幼滑我哋另外叫咗芝士印度烤餅，共有四大塊，芝士香濃，和咖喱配搭一流甜品方面，我哋叫咗個幾特別嘅印度冰淇淋，質感同平時食嘅雪糕唔同，反而似泡冰，配上藏紅花和堅果調味，幾特別出眾，平時真係好少會食到！飲品方面，有波羅沙冰和士多啤梨沙冰

今天與男友嚐嚐印度風味😋由於時間尚早，餐廳份外寧靜。餐廳內座位有空間感，感覺即使晚市滿座時，依然可同行的朋友暢所欲言。印度藉侍應安排我們到窗邊卡位就坐，十分舒適寫意。我們共點了4款食物和1杯飲品：前菜- Chicken Quesadilla &Lemon Pepper Calamari主菜- Tandoori Chicken甜品- Kesar Kulfi飲品- Leché當中，我最欣賞的是 Chicken Quesadilla。上菜時熱度足夠，Tortillas厚度適中而且外面烘得微焦，裡面被芝士和香辣的雞肉充滿，不沾配醬時已夠惹味開胃，沾上三種不同醬料有錦上添花的感覺。如果不太能吃辣的話，可沾些sour cream中和，這樣子能一口氣吃上很多塊。吃的時候還可以將半溶芝士拉長呢！另外Tandoori chicken用鐵板上，配送印度烤餅Naan及green sauce。Green sauce即薄荷醬，是印度獨有的，也是我的最愛。即使單吃烤餅沾此醬，亦非常夾。主食Tandoori chicken肉質瘦但鬆軟，不會因為是烤製而變乾。餐牌食物款色豐富，有機會的話，也想於晚市與三五知己再吃一次

五月忙碌過後，今天決定和女朋友(奶醬多公主)吃一頓好的午餐，二人就來了尖沙咀的這家「Spice Restaurant Bar」，剛上到樓就已經看到充滿印度風味的畫，一條長長的走廊帶領我們進入餐廳。我們下午的時候走進林立在諾士佛臺的餐廳，進入去餐廳時就已經感受到晚上賓客如雲的熱鬧畫面，下午二人靜靜地吃午餐也不錯。首先叫了一客香烤無骨雞塊TANDOORI CHICKEN說起這味TANDOORI CHICKEN就讓我回想起在印度做義工的日子，那時第一次吃這味雞就覺得好吃非常，回味無窮，雖然經過了一些秋與冬，但仍然感到當日隻身去印度的熱血。再次嘗嘗用印度方式，用手拿起來吃時，咬下去肉質鬆軟，少少的辣味刺激了冷落了很久的味蕾。回憶配上美味的食材是新的吃法吧。第二道是檸檬胡椒炸魷魚Lemon Pepper Calamari這道是女朋友點的，剛上的時候還以為是炸薯條，咬下去時發現是炸魷魚立刻充滿驚喜，雖然是炸卻是油而不膩，小弟本身也很喜歡吃炸魷魚，而這味炸魷魚更吃了一口就想不停吃。第三道是Chicken Quesadilla香脆墨西哥薄餅包著香辣雞肉這道菜有三款醬汁，分別是蕃茄莎莎醬、酸奶油和鱷梨醬

好耐冇食印度野就揾咗呢間來試試, 上到去唔多人, 環境都好大, 我哋2個人安排坐6人枱, 正\<PENNE ARRABIATA>辣味意大利通心粉配埋自製茄汁, 酸酸辣辣好開胃<GARLIC  NAAN>大蒜勞印度薄餅, 唔需要點任何野都已經好有味, 而且唔會太多油, 冇得頂<BUTTER CHICKEN>牛油雞配蕃茄醬, 雞肉多而且入味, 牛油味同茄醬比例岩岩好, 用來點薄餅更上一層樓我哋唔係好肚餓, 只係叫了3樣野食, 不過都好唔錯, 同一班friend來就最正

Spice Restaurant & Bar 的裝潢豪華，好有中東感覺 燈光有格調，座位寬敞舒適，同朋友傾下計 食下野 飲下hea下真係唔錯。好中意餐廳既吊燈餐牌算多選擇，除左傳統印度菜，仲有沙律、有pizza、有漢堡、有飯、有扒、有意粉、有甜品....鐵板牛肉 配 印度薄餅  鐵板熱辣辣、吱吱SASA甘，散發住超香既味道，味道直撲入鼻，即刻食慾大開！牛肉好惹味，略嫌牛肉少左D  唔夠呀想食多D而薄餅就配有 三款醬汁 (牛油果醬、番茄莎莎醬、酸奶油) 印度烤雞 配 Naan薄餅印度烤雞係用香料及酸奶把雞醃成紅色，再放進稱為「Tandoori」的泥窰內烤製而成。入口香濃(雞肉質較為乾身)，伴碟既洋蔥好惹味。有時轉下口味，噗下D平時少食既菜式，都幾好。

Lemon Pepper Calamari 重點在粉漿。廚師調校得剛剛好，熱辣辣、脆卜卜，完全無油膩感。配啤酒一流。Chicken Quesadilla 經典的墨西哥小食。煎得香脆的薄餅中間是溶解的芝士，把其他餡料黏著。吃得很滋味，吃得很方便。番茄莎莎、酸忌廉、牛油果醬... 全部都相當配搭。Beef Lasagna 非常有名的意大利菜，由一層層滋味的番茄肉醬、融化芝士和寬大的麵皮而組成。自家製的番茄肉醬，酸甜的番茄味和 Oregano 香草配合得天衣無縫！Chicken Tikka Pizza  (10”) 第一次食印度香料烤雞 Pizza, 與番茄醬非常配合，雞肉帶有少少微辣，非常惹味。Tiramisu 並非一般港式加入魚膠嘅 Tiramisu Cake, 做法相對比較傳統。很濃郁 Mascarpone 香味，可惜略嫌 Rum 酒味未見突出。

今晚黎到諾士佛臺, 揀左呢間結合馬印泰嘅印式餐廳開餐｡餐廳用左好多古典中東裝飾, 非常特別｡檸檬胡椒炸魷魚即叫即炸, 外層粉漿薄得黎又夠脆身, 魷魚口感仍好軟嫩, 表面輕微灑上胡椒, 配埋兩款醬汁食非常開胃惹味｡香脆墨西哥薄餅薄餅烤得好香脆, 雞肉餡料嘅味道有少少辣, 配合烤到溶晒嘅 Cheddar Cheese, 口感好有層次, 另配有 3 款醬汁 (番茄莎莎醬、酸奶油、牛油果醬)｡肉醬千層麵外表睇落已經好吸引, 而且用料十足, 牛肉嘅份量分分鐘多過千層麵, 每一啖都食到千層麵、芝士 & 大量肉醬, 絕對要大力推介一下｡Tiramisu份量足夠兩個人食, 雖然咖啡酒味唔算好濃, 但口感夠 Creamy, 可以用 “香、滑、嫩” 黎形容｡

朋友推薦我黎呢度食印度特色野，一於就信佢試下啦！餐廳嘅裝修都充滿印度風情，再加上播埋印度嘅歌，都可以想像下自己係印度先😆Samosa 印度咖哩角 $80呢款印度式嘅咖喱角，有素同雞肉選擇，今次就揀雞肉😋食落入面嘅餡有好多香料同香葉mix埋雞肉，外皮比較厚，但好鬆化，再配埋兩個醬，perfect!😆Tandoori Chicken 香烤無骨雞塊配三種醬汁同埋印度烤餅 $140係印度鋪先食到嘅特色烤雞，烤雞大大舊，同皮有好多香料，烤到好香，但比較乾身，記住落埋檸檬汁，印度烤餅口感軟熟！配埋烤車增加層次感😆Grilled Beef 鐵板烤牛肉 $155鐵板牛黎到嘅時候出晒煙，見到都食欲大增，有好多配料，個烤餅口感好煙un, 自製偽kebab冇難度😂Cucumber mint cooler $75有青瓜同埋好多特別嘅香葉，飲落好清新，食印度野比較重口味，揀呢杯中和番就岩晒！😎

開始食厭左西餐同日本菜，今晚決定同朋友黎個新嘗試，就係呢間係諾士佛臺既印度菜啦！一入門口已感受到神秘既氣氛，入到去見裝修頗為新潮，唔係傳統既印度style而窗邊既大卡位好啱一班人黎garthering，由於今日係星期一晚，所以冇乜人，店員安排我地坐卡座，坐得都幾舒服！睇餐牌發現除了印度菜之外，仲有其他西餐選擇，咁就唔怕食唔慣啦Samosa 咖哩角 $80samosa是一種以麵皮包裹住有大量香辛料內餡而成既炸物，呢間可以選擇雞肉餡或蔬菜餡。身為食肉獸既我緊係要左雞肉啦炸過的麵皮非常香脆，但係仍保持少許柔軟，有d似炸饅頭。不過內裡既香辛料真係好好食，唔識形容，不過好推薦鐵板烤牛肉 $155上台時還在冒煙，令人食指大動！食既時候將牛肉、配菜，加上酸忌廉、番茄莎莎醬同牛油果醬，一齊卷在玉米餅內食，感覺有d似墨西哥餅香烤無骨雞塊配三種醬汁同埋印度烤餅 $140雞烤得非常香口，印度烤餅很有韌道，好食Moksha $75內有大量水果同少許香料，特別得黎都唔錯今餐真係令我對印度菜既好感提升不少，以後都會再繼續試下印度菜

今日係520 希望各對情侶都甜甜蜜蜜單身🐶就快啲搵返個人 湊成一對🤣兩個人撐枱腳 or 幾個人chill1chill可以去諾士佛臺嘅 SPICE restaurant & bar氣氛野食都好好架🎉我同MY BOSS 首先點左個小食水牛城雞翼 ($80) 味道很香辣 帶少少甜及酸即使辣得要命也很想吃多一口😋之後點了個Vongole Bianco ($125)清清地但鮮味十足簡單的用鹽和黑椒調味已經好好味👍🏻最後要左個American Classic Beef Burger ($140)牛肉7成熟 肉汁豐富又富嚼勁最欣賞係佢嘅芝士同麵包合為一體另外有墨西哥辣椒 好正啊😍________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

朋友話想試特色菜，不吃中、日、韓，想了一會兒就選了印度菜！這家印度菜位於尖沙咀酒吧街，想必晚上必定十分熱鬧！不過這次跟朋友來吃午餐，價錢都很合理，餐牌如下：午市套餐都幾抵食，包沙律、餐湯、主菜和飲料。最後點了奶油雞、東亞咖哩魚和阿拉伯特色的鷹嘴豆泥配皮塔餅。沙律都挺大碟的，而沙律不是一般的黑醋，而是甜辣汁！挺特別的～餐湯不是紅湯白湯！而是綠色的！超特別，類似打碎的瓜湯，清甜，不錯！另外最喜歡是鷹嘴豆泥配皮塔餅，是超足料的鷹嘴豆泥～由鷹嘴豆泥配草藥、香料、芝麻醬、檸檬汁和橄欖油，口感和味道都很豐富，配皮塔餅就好似牛油果醬配doritos一樣配合！奶油雞和東亞咖哩魚都很值得一讚，咖哩不算太辣，但香氣濃濃的～另外很想讚是其服務質素，超體貼，上完菜都有問我們用餐如何、有沒有什麼需要幫忙，而且和朋友聊天聊了差不多兩小時都沒人趕，環境十分舒適，很推薦比朋友聚會！

無心插柳，柳暗花明又一村。 原來預早報名的甜品班上課地點也就在食店附近，不知道原來就是那麼近。 今天一來到，才知道是那麼的近， 幸運的預早一天訂了座位，可以享受悠閒的午餐……位於尖沙嘴諾士佛臺的食店，早陣子與朋友們去過了。 晚上的時段是很熱鬧及人氣爆燈的聚腳點， 我們來到諾士佛臺，就去Spice Restaurant & Bar食印度菜。。。不過今次是中午，當然去食午餐，人流一樣的多人。是周六天，早起的鳥兒不想放棄一個大好的下午了。🍻餐桌與坐位的空間很寬敞，讓人坐的舒服及有空間感。 晚上來的時候，感覺很有情調及氣氛濃厚。 🍻MENU內有豐富菜式選擇……🍻店內的燈飾及佈置富有印度色彩，燈飾好精緻。🍻Achari Chicken Tikka： 香烤特製雞塊配三種醬汁和印度烤餅。雞塊有濃郁的印度草料，香料不會搶走原雞肉的味道，不辣也不咸，很正宗的印度菜。當日，我地嚐試帶檸檬及少少薄荷的醬汁，不膩，帶有清新口感。🍻Achari Chicken Tikka ：喜歡食印度烤餅的朋友，印度菜一定點要配上印度烤餅 (Naan Bread) 才是明智之選。 🍻Buffalo Chicken Wing

同女朋友都成日去尖沙咀搵食。最近都鍾意去諾士佛台，因為環境靚啲，有情調，啱曬我哋去拍拖，而且可以happy hour飲下酒，慰勞下自己。所以就上去某平台 book 枱，結果就俾我發現咗呢間spice restaurant and bar呢間餐廳主打印度菜，我都覺得幾特別，因為真係好少見印度餐廳同埋酒吧既組合，所以我哋就拿拿林book枱呢間都係樓上鋪嚟嘅，入到餐廳都覺得好型格。佢啲掛燈同擺設同埋壁畫都好富有印度色彩，加上早食飯嘅我哋周圍都冇乜人，只係坐咗一臺南亞裔嘅客人，同鄉都嚟呢間餐廳似乎都幾正宗喎。先嚟返杯酒先。Mojito飲落有薄荷味，仲有淡淡嘅酒香，感覺非常清新，女朋友嗰杯係mocktail，同我杯十分相似。印度烤雞。這一種真係印度咖哩鋪先會食到嘅烤雞，鐵板上碟咋咋聲好正。這種烤雞燒落係比較乾身，但配咗檸檬汁之後酸酸地感覺唔錯，作為頭盤亦非常理想。海鮮披薩。份量非常大個嘅披薩，非常足料無欺場，有好多嘅大蝦喺上面，而且有好多芝士做到拉絲效果添。無論餐廳嘅氣氛，環境同食物質素都有好高嘅評價，誠意邀請呢間餐廳畀大家。