SPICE Restaurant & Bar

营业中

休息中

同朋友聚會上嚟搵食，睇中咗個咖喱，果然無令我失望。不過其他就一般啲，而且環境比較嘈，傾偈比較辛苦。先嚟個小食檸汁魷魚，幾好食，開胃菜一流。然後我地見到人地點呢個拼盤好似唔錯，但結果味道我地覺得麻麻地。可能唔太啱香港人口味，幾款唔同既肉丸，唔同既豆泥，仲有配一兜烤餅既，但我哋就覺得一般般，個羊乳酪串朋友仲覺得好騷。海鮮pizza整得唔錯，芝士都好香，不過就有啲漏，我只係食到一件。我主要既目標係呢款咖哩雞，個汁好香，少少辣好好食，雞肉都嫩身，配烤餅一流。半份ribs就一般水準，肉質有啲韌同鞋。嚟呢度主要飲酒，但我同啲朋友都覺得呢度都酒偏濃，我地其實唔太好，所以個個都叫多杯mocktail。飲返啲甜嘢好啲。呢度waiter大部分似印度藉，用英文交流都差咁啲咁，可能我英文唔夠好啦。不過佢地好熱情，臨走仲請我地飲shooter，不過都真係太嘈，即使坐位寬敞，都唔太relax到咁。