SPICE Restaurant & Bar

营业中

休息中

印度菜真係未試過，一直都好驚太多香料難以接受，不過朋友試過呢間都ok幾特別，一於信佢試下先～餐廳嘅裝修有點印度風情，再加上播埋印度嘅歌，有點特色！Samosa 印度咖哩角 $80印度式嘅咖喱角，我揀左雞肉～仲有素嘅可以選擇！食落入面嘅餡有好多香料同雞肉一齊，外皮較厚，好鬆化，再配埋兩個醬！冇得輸呀🤤Tandoori Chicken 香烤無骨雞塊配三種醬汁同埋印度烤餅 $140印度餐廳先食到嘅特色烤雞，烤雞都幾大件，雞皮有好多香料去腌製，用嘅係雞胸肉，但好孩同埋乾，記住落埋檸檬汁，印度烤餅口感軟熟煙un～Grilled Beef 鐵板烤牛肉 $155鐵板牛黎到嘅時候出晒煙，但冇乜牛味同埋淡左少少，有好多配料同醬，個烤餅口感好煙un～Cucumber mint cooler $75青瓜同埋好多薄荷葉，飲落好清新，食印度野比較重口味，揀呢杯野似可以中和番！不錯整體黎講黎試下都ok...不過野食就不過不失喇

今晚朋友仔帶左我去食中東菜定印度菜 位置超方便喺諾士佛臺🧛‍♂️ 係間restaurant and bar 環境都幾有feel 食物都幾有質素喎🧚‍♂️呢個烤雞肉一定要食 勁抵 $65有三串烤雞🧛‍♂️🧛‍♂️ 每串都有三大件雞肉同蔬菜🧚‍♂️ 雞肉雖然大舊但入面仲好多汁 唔會有乾既感覺 一定要點埋個花生醬定腰果醬 好濃好杰 帶少少甜 兩者一齊食超高水準🧝‍♂️ 隔離係辣醬 都係好濃所以都幾辣下！🧞‍♂️🧞‍♂️Pita bread係跟埋烤雞肉既 其實所有前菜都跟一份pita bread🧞‍♂️ 望落雖然油左少少 但食嘅時候完全唔覺 食落都幾重麵粉味 幾得意🧚‍♂️因為佢個辣醬太辣 所以叫咗杯飲品 Moksha 超解辣解渴🧚‍♂️ 蘋果味超香再落埋青檸好醒神 我連蘋果肉都食埋阿🧛‍♂️主菜個羊排都好有羊味🧞‍♂️ staff冇問要幾成熟 我又唔記得咗講明 上菜嘅時候好驚會烤到老哂🧟‍♂️ 但點知食落又好嫩wo 羊排仲帶住啲羊脂 好稔好好食🧛‍♂️ 點埋個秘制黑椒汁 夠哂香 應該額外再落咗香草調味 同平時一般茶餐廳食到嘅完全唔一樣🧞‍♂️

食午餐我行完條長命斜先發現，喺美麗華又個出口到（starbucks 旁邊）裝飾好有阿拉丁feel 好正1pm 到餐廳情況，可以坐到卡位我地2個人，叫左一個lunch set 加另外叫pizza同甜品Lunch Set包 : 湯，沙拉，仲有得加錢要小食同cake 其實都已經勁豐富午餐跟蕃茄湯有粒粒濃濃的，酸酸的，我鐘意丫午粲跟沙拉今日我食既菜都勁新鮮，佢個包粒又勁脆之後就係主菜！成餐飯重點！ Butter chicken 個汁有陣炭香味，由您口腔會上番個鼻！ 好神奇味道就好合我心意，偏甜雞肉有質感，唔柴岩岩好！ 雞粒大細切得岩岩好，粒粒差唔多，正加左$20 素菜咖哩角哩款食品，我平時都好愛吃哩個無甘重口味表外都好脆個汁做得好好因為朋友想試風味菜，就叫服務員姐姐介紹左哩個印度烤雞pizza Pizza 重香草味， 滿滿既芝士，非常夾佢既pizza既質地，似意大利pizza 厚左，所以係以脆為主， 中間有醬有芝士就似包多過餅，因為比厚少少芒果沙冰好特別既芒果味，似印度芒果味，好甜嗰隻非常濃縮凍咖啡都係幾香，可惜唔記得叫少甜，就當然好甜Brownie 好香朱古力味但口感: 可能因為重焗，硬左，

本來以為今晚食印度野預左係食咖哩 但一入到餐廳感覺好似去咗食西餐食fine dining咁😯😯 有啲神秘嘅感覺🥳 因為餐廳比較昏暗 燈飾設計又好獨特好靚😛先叫杯Hoegaarden happy hour去到8pm咋😝每樣食物都好新奇好有特色 連撒哈拉美食都有😂 真係多元化👍Chicken Quesadilla 有六塊 係用墨西哥薄餅包住雞肉同cheddar cheese🧀 超好食超足料阿😍😍😍 墨西哥薄餅焗得好香脆 唔會乾👍 附有三個醬汁 三款味道都好夾好食 番茄莎莎醬fresh 酸奶油就balance左cheese既膩 柔和地令到雞肉冇咁辣😋😋 鱷梨醬其實即係牛油果醬😍 配墨西哥薄餅係傳統食法 幾開胃！😍另外仲叫咗個羊扒 lamb rack 係餐廳比較貴嘅主食$298🤔🤔 有四件 雖然貴啲但真係食得過😍 一咬落去食到好嫩嘅羊肉 雖然羊膻味唔重 但好嫩滑好juicy😋 時間火候掌握得好好😋😋😋羊扒上仲有啲parmesan cheese 估唔到鹹鹹地又幾夾wo😯 唔會搶咗羊嘅味道 食多兩舊都唔會覺得單調😋配菜係烤青椒甜椒 烤過真係特別甜 暖暖地唔錯👍PS: 記得openrice boo

諾士彿台入面除左酒吧，今次唔係去酒吧嚟覓食發現一間有印度風味的餐廳😉========================特色肉類拼盤 Non-veg Mezze Platter $190拼盤入邊用左嘅食材非常之豐富，確實種類多多😉好多都係平時少見少食到嘅地道印度食材🔍個人覺得比較特別嘅有炸鷹嘴豆餅，外層脆口內裏泥狀，味道特別；羊肉腸亦唔會似西式個種口味咁酥🐏另外有三種蔬菜泥俾我地醃拼盤內包括嘅印度薄餅食，個人覺得青綠色嘅鷹嘴豆泥配合得更好，佢嘅味道食落有啲似清新版嘅咖喱，淡淡地又唔會過濃味，的確比較配合香港人口味🤪========================香辣特色意大利茄汁麵 Penne Arrabiatia $108依個麵用左長通粉，成碟長通粉都裝滿香辣茄汁🥫，茄汁用左橄欖同辣椒片調味，香辣味食落相當惹味，而且醬汁呈杰身唔水，係近日試過最正嘅長通粉😋======================== .巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻=====================

冇啦啦老媽子話要同朋友食飯，所以屋企冇飯食。臨急臨忙搵飯腳去尖沙嘴諾士佛臺覓食。我同朋友都係Entertainer既fans，所以係apps搵到呢間印度fushion菜，望完個menu既價位都幾好，一於試試佢。-叫左Vongole Bianco，賣相都OK，味道都唔錯，蜆肉份量都多，意粉煮落唔錯，咬落唔會好硬，麵質爽口好彈牙。帶辣辣味，但好惹味。份量都幾足，兩個女仔share再食d其他野就啱啱好--再嗌左個due salami厚底pizza，好多芝士，好rich。有拉絲效果。但個底同d腸焗得過硬。-tiramisu係小妹既至愛。每次同姐妹食親飯都會一定會叫。黎到呢間Spice，點都試一試佢既tiramisu先。佢唔係一般加入魚膠粉嘅 Tiramisu Cake, 做法相對傳統。 Mascarpone cheese 香味好重，咖啡味尚算濃郁，質感濕軟，可惜 Rum 酒味並唔突出。小妹都係比較中意咖啡味同酒味再濃郁既tiramisu。暫時食過咁多間都係ciao chow既tiramisu最為出色。

嚟到諾士佛臺呢間餐廳，初頭以為係食純印度野，朋友介紹下先知原來仲有好多其他野食都值得一試。首先嗌既就係一份buffalo wings, 同外面其他餐廳做法唔同，呢到係另外提供個醬汁，所以就非常岩我另外一個唔太鐘意食酸野既朋友，點醬唔點醬，各取所需！其中一份主菜就係白酒蜆意粉，如圖中所見，蜆既數量係非常之多！而且隻隻都好新鮮無一隻埋口。而意粉彈牙之餘亦都有好濃既酒香，真材實料！埋尾就要左份pizza 同兩杯啤酒，一手渣住件pizza 一手渣住杯啤酒一齊傾下計，最緊要就係餐廳地方寬落，當晚既客人亦唔算太多，可以靜靜地享受一晚！

香港有美食天堂之稱號，的確唔係浪得虛名。要食咩菜式都一應俱全，包括今次黎尖沙咀 Spice Restaurant & Bar 食既印度菜。一去到餐廳🍴，待應面孔到餐牌都感到好陌生；幸好環境高貴時尚；帶給我一絲絲的溫暖。又想試下印度特色菜又怕唔岩口味，所以今次點選了穩穩陣陣既意大利麵同炸魷魚圈；呢兩道菜都帶比我驚喜，比外面的煮得出色；加上賣相吸引；絕對係高質之選。- Lemon Pepper Calamari , $120- Beef Lasagna , $125唯一要挑剔既地方係... Menü 內既相片太少，唔足夠吸引眼球。相對上，Menü 有點「歷史」既感覺，浪費左人地對餐廳環境同食物既印象。

放工去happy下，餐廳環境寬敞，但燈光好暗😂比較岩去飲野談心😂但食物質素都唔差😋#牛肉千層麵 $125趁熱食，芝士溶得岩岩好，超多牛肉醬，大概有4層麵，好飽肚😆#Achari Chicken Tikka $120配3種醬汁和印度烤餅，烤餅煙煙韌韌，最中意綠色款醬😍微酸，有陣陣薄荷味，好清香😋唔飲酒，呢到仲有好多選擇🤔#strawberry smoothies $60加乳酪blend，草莓甜，飲落酸酸甜甜，好開胃，仲有好多味簡，非常適合配印度既香辣野食👍#Moksha $75Signature mocktail之一，有蘋果粒粒、薄荷同青檸，非常fresh😋😋

昨天和去朋友了一間印度餐廳食午餐， 位於尖沙咀諾士佛臺1號2樓，去到門口感覺已經好有印度特色， 侍應非常有禮貌，他帶我們到靠近窗邊位置的一張梳化枱，店內裝修非常典雅，是一間高質素印度餐廳。座位寬敞，非常舒適， 座位頂上吊燈好特別，帶有點古式 👍BBQ chicken pizza(10")， 烤雞肉好入味， 雞肉帶有少少辣, 配合番茄汁及 滿滿芝士 ， 真係好惹味👍pizza餅底還有少少脆海鮮意大利麵，海鮮有魷魚，鮮蝦， 唔好睇隻碟好大, 其實份量都不少， 茄汁醬有少少辣， 令人胃口大開水牛城雞翼， 這個雞翼不單止賣相靚，皮脆肉嫩， 配合這個秘製醬汁，恰到好處， 真心推介這間餐廳價錢合理，其實餐牌上還有很多食物想試， 但今次實在太飽， 下次一定會再嚟。

同朋友放工聚舊，來到尖沙咀食，首先呢度既裝修十分舒服，同朋友坐係一角，傾計好有私人空間。兩個男人都大家叫左幾樣野，先來一個香烤茅屋芝士，鐘意卡路里含量但喜歡芝士既朋友最岩。之後是海鮮意大利麵，海鮮足料，有魷魚同蝦，小小辣配合海鮮的鮮味，十分開胃。主打是泰國童子雞配沙律同薯角，濃濃香草味撲埋黎，爐烤令到香料好入味，連皮都好好味，香口而少油感，十分理想。最後一提，如果是想飲氣水既朋友，是可以添飲既。呢度無論環境，食物都好岩放工同朋友，家人relax。

夏日天時去諾士彿臺飲野真係要坐室內先得, 而又想靜靜地傾下計既就上樓搵食啦。喺樓下見到佢既menu都係西餐為主而又唔會太貴，所以最後就入咗去試啦!入到餐廳只得好少人，我地就攞咗個卡位坐。二話不說就點咗杯Hoegaarden同埋Stella，侍應都好快手即刻斟俾我地。我地眕過下其他人既食評見到Lemon Peper Calamari好高評價，而又幾岩我地送酒飲，所以就叫咗一客，另外再加多個Buffalo雞翼同埋12" BBQ Chicken pizza!朋友都嗌咗杯即搾西瓜汁。Lemon Peper Calamari份量都算多而且係熱辣辣同埋夠脆，炸粉亦都夠薄唔會成口都係粉，好香既魷魚味同埋食唔出有雪藏既感覺，果然係其中一款招牌菜，送酒亦都一流，即使放左半個鐘左右都唔會淋哂，建議大家如果想有小食邊食邊傾下計就一定要叫啦! Buffalo雞翼有別其他Buffalo雞翼，餐廳係炸完雞翼後再配上Buffalo醬汁慢慢點嚟食。首先個雞翼炸得岩岩好又唔會外脆內生，其次個Buffalo醬汁好開胃同埋惹味，再加少少辣味同個雞翼超級夾! 我地食食下就知點解會醬汁分開上，因為咁樣即使雞翼隔咗一陣再食都仲可

印象中一嚐濃味的印度菜衣服好一段時間都抹不走那印度味... 加上環境及言語阻礙，令我對印度菜有點卻步，同時又加添神秘感。而Spice Restaurant & Bar 位於尖沙咀諾士佛臺繁華地段，環境寬敞，風格高貴時尚，今次我就嘗試去打開印度菜既神秘面紗。香烤羊肉。印度草料烤特製羊肉$190瑪沙拉雞塊串燒，甜椒和印度香料雞塊$130保持印度獨有香濃風味又不失港人港食的熱門菜，菜式選擇多；這是非一般的印度餐廳。菜式擺設/色調配搭豐富；讓人賞心悅目。雞肉和羊肉比想像中柔嫩，配料也是可接受範圍；適合香港人口味。即使菜式無得輸，但一看Menu 點餐時見到好多既熟悉又陌生的字，order 食物都係膽戰心驚去博一博。如果Menü 設有熱門菜式//推介會更好

朋友話黎過呢間餐廳，覺得又食得飽又坐得舒服又可以慢慢傾計，於是就趁weekend上黎試下~入到黎感覺好有格調好舒服，我地揀左個卡位坐，一個大窗邊有自然光滲入黎感覺好relax!因為夜晚要番工關係就食飽D，食物方面叫左個PIZZA同兩個小食。水牛城雞翼一碟6隻好明顯花過心思擺盤~水牛城醬汁另上非常貼心，可自行調較份量~雞翼好熱炸得好香脆而且保持肉汁，醬汁辣辣地帶微酸，點唔點醬都一樣好食!檸檬胡椒炸魷魚以前番學試過整炸魷魚，所以見到餐廳有炸魷魚就唔知點解特別想試。呢度既炸魷魚滿滿一籃份量超多，賣相好靚，上面擺左D檸檬可自行按需要吱落魷魚度，有檸檬汁為魷魚調一調味令熱氣既感覺減少左~但就咁食都好香口好好食!推介!BBQ Chicken Pizza叫左個12寸BBQ Chicken Pizza，材料有燒烤雞肉、紅洋蔥、燒烤醬、Mozzarella cheese，PIZZA拉絲效果一流，燒烤醬令成個PIZZA香味好濃郁，雞肉有咬口又冇辣肉腸感覺咁膩，配埋厚批底食兩件已經飽哂~因為我地一路食一路傾所以飲品飲完一杯又一杯~前後叫左4杯野飲。啤酒叫左Hoegaarden同Stella，另外叫左新鮮菠蘿

位於諾士彿台的酒吧整條街都係，但要嘗到印度風味的餐廳酒吧，呢間非常地道，一入到餐廳無論內外都佈置格外華麗，浪漫裝潢，周邊都有吊燈的裝飾，酒吧是開放式的，坐位非常舒適，大多數係放工黎輕鬆下飲幾杯酒，想不到呢間印度餐廳是酒吧，pizza 有hawanii，好足料，好熱，皮足雙重芝士四重口感，有印度薄餅配地道小食，小食有雞串燒，春卷，香草丸，咖哩角等，配青醬咖哩汁，另外還有點叫多一碟香䓤蒜頭薄餅，熱烘烘的，香脆可口，一食就感受到鬆軟的口感呢