Sky726

同兩個朋友（三個女仔）想搵個地方傾計食飯，上網見呢間餐廳環境好似好好咁，所以book 枱試下。我地叫咗幾appetizers幾個main courses..... 收費都唔係平，appetizers 要百幾二百一道，main courses 仲有D去到三四百一道。食物送到時，老實講賣相是ok 的，appetizers中規中矩，但main courses 就有些差了。特別是signature beef cheek, 明顯食物調味係唔協調。食落好奇怪。 而且人均冇飲酒都要$450.....下次都唔會再黎了。

忙足一星期, 終於星期五了, 最佳減壓方法當然係食啦!   叫咗杯特飲, 飲住等朋友到.  唔記得個名, 只記得好香波羅味.    人齊啦, 先來兩個前菜, 北海道帶子, 雖然好肚餓, 但要慢慢食, 試真D媽掛住食, 唔記得同三文魚tar tar影相添 黑松露湯好香濃, 但唔知點解有泡泡呢? Share 咗個慢煮豬肋骨, 好彩冇眼闊肚窄, 原來好巨型, he he 最啱我呢D食肉獸甜品叫咗心太軟, 之後見到後面枱叫雪芭, 見個樣幾可愛, 又叫個試吓.來之前只是想星期五鬆一鬆, 估唔到有意外驚喜.

難得當天不用急著見客，所以與致愛輕鬆地嘆番一個午餐。首次光臨，沒有訂位，好彩還有窗口位，因為差不多兩點了！但餐廳内都坐滿六乘枱，相信午市應該要訂枱，因為坐位不太多，但勝在高層開楊，感覺輕鬆，而食物也有水準，很讚！！

一般如果想在油尖旺區喝點COCKTAIL，吃點小食，和朋友談談心，多數會選擇到尖沙咀，如果在旺角，選擇真的不多，多半會到朗豪坊或朗豪酒店。這天發現了這座新食廈的SKY726，確實有點小驚喜! SKY726 位於高層，有落地玻璃，雖然放眼挑望是樓景，但感覺還算舒適。我和朋友是平日的午市時間用餐，沒有訂位也不用等，人很少。我們了一個蕃茄煙肉長通粉(忘了拍照，)那個蕃茄醬汁很好味，吃得出是自家制的。另外點了巴馬火腿意大利飯，巴馬火腿是脆的，偏咸，意大利飯味道比較淡，飯是偏硬身的。每人埋單大概$100, 划算! 這裡也有COCKTAIL，下次HAPPY HOUR 可以一試!

The building at the 726 number on Nathan road, offers you a special and rare Kowloon night night! That's the interpretation of Sky 726, to me.A fully open dining area with the square bar in the center and the open kitchen more like a showroom. A twisted fine dining concept with French cuisine managed by a team of young talents with great passion.The appetizers are pretty in the style with a lot of fish and seafood options. Coming to the main courses, meat ratio is slightly lifted up by the input

好耐無寫食評 !! 早幾日首次用 Table Map 訂下今天的午膳地點 Sky 726 。這間餐廳座落於彌敦道726號，地點十分方便，呢楝新 Building 有不少食肆如樂農，running 燒等等。而小弟今次乘升降機直上25樓開飯。由於 book 左臺，我們當然係坐 window side la ，這裡環境給人舒適的感覺，播放一些英文歌曲 (音量係十分適中的) 居高臨下咁食番個 lunch，豈不快哉 ! 好! 廢話說畢，言歸正傳 ! 午餐價錢 $70 - 90 ，menu 都重係各位食家 upload 果張 !  無錯!! 就係呢張 !!飯同意粉既選擇其實唔多， 跟餐包及飲品 ! 我重以為會有扒餐食! 如想跟湯及沙律就要比多少少銀兩了!!我今次終於記得相機食先喇，哈 ! 我點了忌廉茄醬長通粉配煙肉雞卷，賣相都唔錯 !!長通粉略嫌硬左D，開放式廚房既關係，個廚師可能聽到有人話好肚餓，拿拿聲就整好 ! 哈 ! 忌廉茄醬幾好味，唔會太酸茄醬味道 !  煙肉雞卷的雞胸肉幾嫩，有口感 ! !如果食物熱度再提升番D會更好 !!重有我想講，個餐包係幾好食，無比個主菜蓋過風頭 ! 餐包有香草味，

10月14日, 平日夜晚, 在放工時間就在旺角的街頭, 幾乎每個角落都塞滿人… 好不容易走到這棟食廈，乘電梯攀上這25樓高的酒吧格局西餐廳，居高臨下，一邊開揚的落地玻璃，就這樣任由星空把食客包圍，開始了這頓特別的慢煮盛宴~::: Assorted Bread :::餐前麵包有兩款不同顏色，一黃一黑，蘸上黑醋橄欖油一起吃也不錯.::: Gourmet Mesculan Salad ::: $138先來一客清爽的蔬菜沙律，蔬菜爽嫩，加上鮮菌紅椒車厘茄，輕盈健康.::: Smoked Salmon Salad ::: $118再來一客煙三文魚沙律~ 煙三文魚份量十分多! 配上青瓜片和沙律菜同食，味道更加豐富，吃罷真的開胃了~::: Sauteed Tiger Prawns with Confit Garlic ::: $178蒜片虎蝦屬中型size，算是做得夠香夠脆~ 蝦肉彈牙，蒜味濃郁，也好吃~::: Salmon Tartare with Black Garlic, Horseradish Foam ::: $168三文魚他他擺盤美得像塊藝術品~ 三文魚切粒混上醬汁，其實味道有點像三文魚

一餐飯，要吸引到人，有好多原因，地方，食物，環境，價錢，或者是叫你去的人，這些大概都是驅使你食飯的弗洛蒙，有時候，一撻即著，一發不可收拾。L小姐是認識了一陣子的朋友，只不過一直沒有機會食飯，難得她約我去吃飯，好比kelly Jackie 約我去迪迪尼咁榮幸，再看到餐廳係呢排好hit嘅大廈的一間餐廳（Doux是我的favorite 甜品店)，又係一間以較現代為主的法國菜為主打的新場，大概弗洛蒙足夠我以一年時間無條件追一個女孩，似乎沒有原因不去吧。地點，時間，人物都適合，就安排晚飯吧。上到去，大概你也會因夜景醉人，只不過影相實在看不到那種如星際啓示錄般的壯觀，大角咀的夜景也是醉人無比的，你好難相信旺角會有這種的餐廳，如果唔睇openrice，看不到別人講過呢間餐廳，大概我也不會上到來。這裡又是另一個催化劑令我對這餐晚餐有期望。Kaffir and lemongrass ，在那個非常多選擇的wine and cocktail 名單中，我選擇了呢個飲品，主因就是因為香茅為主角，清新與簡單之結合，酒精味不重，是夏天和女士的最好選擇，也為這晚飯開個好頭。沙律和肥美的三文魚你選擇，兩者來說我一定喜歡

有些朋友喜歡慢煮食物， 覺得健康又美味，的確慢煮不油膩，又嘗到食材的原汁原味，所以我也不抗拒。最近跟朋友來到sky726， 一家以現代法式菜為主的餐廳， 大部份菜式都以慢煮方式烹調， 餐廳中間位置為酒吧， 近廚房一邊，也有單邊座。看到這麼多調味料， 我就知道，我會好滿意今晚晚餐。煙三文魚青菜沙律， 像花團一樣的三文魚，煙燻味與咸味平均，伴著少許醋酸的青菜沙律，為今晚的慢煮宴打頭陣。鵝肝，好創新的菜式， 大塊厚身的鵝肝，其實是以鵝肝醬混合蘋果蓉而成，口感超軟滑，沒有那油羶味，反而是咸咸甜甜的，好特別的味道。配杯Classic Bellini，好鬼夾。蒜片虎蝦，虎蝦實淨彈牙，惹味的蒜味，沒有過份地蓋過鮮蝦味，連蝦殼也想啜一遍。麵豉三文魚， 超推介的主菜， 三文魚扒用麵豉醬醃了24小時後再慢煮， 放在矮瓜昆布木魚湯上，氣味香濃， 色澤清澈，喝下時是清甜不涸喉的；三文魚夠實淨無魚腥，滿是麵豉的甜蜜味道。延續甜蜜的感覺，點了杯好適合女孩子喝的Frozen berries, 口腔盡是清甜味道。黑松露意大利飯，好香濃黑松露氣味，片片芝士隨著熱烘烘的飯粒而呈半溶狀態， 飯粒濕潤又有咬口， 味道咸咸的，

自娃娃落地一聲的哭叫，便馬上與數字結下不解之緣！出生時辰和日期，構成八字一算，生來命好命壞一目了然；長大後大家關注的年薪、身家財產幾個億，甚至女生們的秘密三圍數字，統統與數字「唇齒相依」。雖然數字有點現實和邪惡，不過對數字並不敏感的我，卻留意到以數字命名的餐廳不多，暫時最喜歡的一家在中環，它的海鮮湯真的非常迷人！當晚又再與數字餐廳偶遇，跟友人來到「Sky726」，踏進餐廳的一刻，完全掌握得到餐廳名字的由來。面前一片大窗，映照出彌敦道萬千的霓虹星空，至於726就是餐廳所在的彌敦道726號，兩者結合出了「Sky726」來！拍不到窗外的星空，然而餐廳中央充滿「星光」的酒吧也不錯吧！先來侍應推介的 Fennel Apple Cider，特式是採用了 Fennel Heyman's London Dry Gin、自家製的青蘋果楓糖漿，還有新鮮蘋果汁。Gin 酒香氣突出，味道清新，大伙兒更可以 Jar 代杯，一同分享不一樣的 Apple Cider！先來 Gourmet Mesculan Salad，以沙律雜菜、紅橙籠椒、車厘茄和鮮磨菇等蔬菜的一道健康沙律。材料新鮮，唯沙律醬汁過於平淡，未能帶出特

數數手指原來已經有數個月無來過旺角區, 其實小妹對旺角又愛又恨。愛它是購物集中之餘又較便宜, 不喜歡它由早到晚也是水洩不通, 每次行街就火都黎埋。但無可否認, 旺角就是如此多Fun 的地方。今晚朋友飯局地點在彌敦道 729 號 25樓, 我稱它為「旺角的天空」25 樓可以做啲乜, 可以眺望旺角至太子的夜境, 可以在這裡 Happy Hour,可以和愛人浪漫一番, 可以約三五閨密共享美食, 可以……總之是數之不盡的可能性。沒有愛人又如何, 所以小妹絕大多時間也是和朋友坐埋一枱飲下食下, 人生就是如此Fun。由於人多我們選擇了A la carte 菜色。酒類停不了, 選了 Mocktail ~ Frozen Berry Punch (無酒精飲品) Homemad Rasepberry puree, Blueberry, Strawberry, Fresh Pineapple & Orange Juice with a dash of LemonRefresh Mocktail 質感有如思樂冰, 很嬌美的淡紅色。以多種莓類混成, 甜甜酸酸十分醒胃, 冰涼可口, 小朋友都可以飲架。先來了兩款沙

前一日打風又落雨，所以人全留係屋企唔出街。過了一天，天氣好轉了一點，於是急不及待相約朋友去街同食嘢。同朋友相約在旺角聚會，就馬上想起呢間餐廳，於是就一齊黎了。我地叫咗兩份set lunch，侍應生首先送上餐包同餐湯。今日既餐湯係周打蜆湯（加$15），里面有各種海鮮，飲落好鮮甜，加埋面包（香草同墨魚汁味）一齊食，好滿足。跟住就係主菜，我地兩份都叫咗燒牛肉華多夫沙律（set lunch $78)，燒牛肉肉質好淋，完全冇渣，超正 ，配上新鮮沙律菜，好fresh吖，再配以脆脆原粒既合桃，合桃份量都幾多，同沙律一齊食好夾，有畫點睛既感覺。餐茶叫咗凍檸茶，味道可以。最後特別值得一讚既係侍應生係全程都能保持笑容，無論點菜，上菜，收碟都好快手，能保持水準。

發現左呢間新餐廳.老公帶我們來試下.系旺角有個裝修甘有feel的餐廳當然要去下，我覺得他午餐會抵食d.晚餐價錢有點高，不過我覺得拍拖情侶值得一去，都幾有浪漫feel。野食都好好食架

每年朋友生日，我地都係去食中菜，今年就改一改，食西餐。之前都嚟過依間餐廳幾次，覺得幾好，所以今年就嚟依度幫朋友慶生。 一開始，點了3個頭盤，牛油白酒煮藍青口，香煎意大利煙肉卷北海道帶子，蒜片橄欖油虎蝦。主菜點了燒16小時慢煮豬肋骨，日式麵鼓三文魚配高湯茄子，香煎慢煮煙肉卷有機雞胸，燒慢煮墨西哥春雞。甜品點了朱古力心太軟和焦糖燉蛋。藍青口很新鮮，醬汁很香濃，很重牛油味加上番茄粒，帶出青口的鮮味。蒜片虎蝦煎得很香，蝦肉不單很結實，而且還很入味，旁邊的蒜片也很香口，這道是我當晚最喜歡的菜式。北海道帶子好大隻，啖啖肉; 帶子既鮮味，和包住既煙肉一齊食，味道相得益彰。首先到既主菜是燒16小時慢煮豬肋骨。依個豬肋骨比較多肉，而且d肉好容易離骨，燒得好入味，正!三文魚配高湯茄子，三文魚很厚，可以用三文魚磚來形容。高湯很清甜，配襯上三文魚味道很夾。慢煮雞胸，肉質仍然保留嫩滑，煙肉包卷着雞胸，煙肉的味道滲入雞胸，令雞肉夾雜着煙肉味，配合嫩滑既雞胸，口感一流。墨西哥燒春雞，加埋提供既醬汁，好惹味，原隻燒春雞，除了雞髀骨外，成隻雞已經去骨，食既時候好方便。甜品時候到了，由於食得好飽，我們只點了2個甜品sh

朋友飯聚...見view 靚, 新店, 有見食評又不差便試...結果,失望到甜品都冇興趣點, 便走.飯店餐牌有廣告賣生蠔, waiter話今日冇生蠔到．．．但奇在，俾我們遲入的一枱，　有２碟生蠔奉上，問waiter原因,佢話客人訂枱已經留...我再問今日若冇生蠔到, 咁你d生蠔放左幾耐? waiter 茫然答唔到.網上見相正, 想飲cocktail...又話bartender sickleave, 冇cocktail..總括....waiter 服務好.