Shine (已結業)

專搵好野食的我，今次試試上樓餐廳，環境十分適合一班朋友相聚聊天，今天我們也是，斧頭扒 $900多，口感麻麻。帶子意粉好味鮮甜。另外叫了我好小食的意大利飯，估唔到唔錯喎平時覺得意大利飯麻麻地，但今次不會而且有香濃菇味，like it

之前來Shine食過一次覺得唔錯，今次朋友話想食啲特別啲嘅西餐，我第一時間就諗起Shine啦🤣🤣芝士西西里蕃茄煙肉焗薯皮 （$88） 作為一個薯仔控，見到焗薯皮就忍唔住order左啦~ 呢個食落嘅味道幾似肉醬，口感幼滑得來又有蕃茄粒和煙肉碎，層次比較豐富，幾好食😋香煎太平洋鱸魚配普羅旺斯燉菜 （$268）鱸魚肉質比較結實，有少量骨絲，味道主要依靠魚皮上面嘅粗鹽和其他香料～ 普羅旺斯燉菜外表幾似紅菜頭，實際入面混合左幾種蔬菜～ 橙色嘅係蕃薯蓉，口感幾creamy~黑松露大啡菇意大利飯 （$168）先講個意大利飯，黑松露味道濃厚，飯嘅口感比較黏，醬料creamy得來仲有少少拉絲效果，雖然好heavy但真係好好味😝 大啡菇味道幾清，感覺可以食到菇嘅原味～火焰雪山 （$108）甜品方面我地試左呢個超級打卡-able嘅火焰雪山～ 店員會係由微鹹嘅蛋白cream造成嘅雪山上淋上酒精，再點火就營造到火焰嘅效果啦～ 雪山入面有朱古力雪糕、雲呢拿雪糕、馬卡龍、布朗尼蛋糕等，食嘅時候就好似尋寶咁🤣🤣🤣總結，呢間餐廳嘅菜式都幾創新特別，可以一試～😇

之前已經幫襯過一次, 今次同朋友仔食飯, 諗唔到食乜, 決定再次幫襯, 水準仍然KEEP 到呀!燒西班牙黑毛豬配蘋果蓉塊黑毛豬扒係勁量級，成個拳頭咁大，脂肪分佈平均，食落好爽口但又富肉感。今次叫左7 成熟就 剛剛好，肉質鮮嫩多汁，肉香味美，配埋酸甜蘋果蓉，減淡左黑毛豬扒既油膩感，令味道更有層次。芝士焗龍蝦意大利飯首先賣相100分，好吸引，擺碟好精緻。超大舊龍蝦肉好鬼正呀。意大利飯夠creamy又不會太膩，入面仲有好多菇菌，食落有口感。Devil and the angel其實係朱古力+milk+Oreo 嘅smoothie。雖然好肥係真係忍唔到口呀，唔會好甜，而且oreo味都好重。加埋入口即溶個cream　

今晚同朋友試一間環境比較舒服、適合聚舊既餐廳。一入到樓面，好快就見到bar枱位置擺滿左一支支各式各類既酒，加埋d燈光，一睇就有好chill既感覺講番食物先，雖然意粉、意大利飯款式唔算太多，但就有質素就的確唔錯。main course亦都有好多出面比較少見既款式，感覺比較主打。先叫左個燒西班牙黑毛豬扒：一黎到唔洗講，個厚切程度已經令人哇左一聲。以為咁厚會內生外乾，但佢又唔會，因為塊肉脂肪比例足夠，所以一切開已經漏哂汁，口感一d都唔乾，脂肪位爽口又唔膩，正帶子明太子意粉：帶子煎香，外皮有陣陣燒魷魚味，內裡仲好軟彈。大大粒魚子配上忌廉汁，魚子汁中和左忌廉既膩感，配合得好好焗羊奶芝士菠菜雞卷：羊奶芝士份量足夠，味道好出，雞卷唔算乾，但再多d肉汁會完美d

男士每年都總有幾日係特別頭痛情人節、生日、週年紀念、聖誕節唔單止諗送咩禮物頭痕 就連諗餐廳都有排煩但今年女朋友竟然主動提岀要黎Shine食飯一入到餐廳見到細緻嘅裝飾同別樹一格嘅Bar枱由於提早訂位 餐廳安排我地坐係窗邊卡位樓下雖然只有街景 但就同餐廳中嘅安靜形成強烈嘅對比我地叫左好多唔同嘅野 但就唔記得影相前菜龍蝦湯、脆炸粗直薯條配黑松露醬先講個龍蝦湯 味道之濃令人難以忘懷 而且烤脆嘅法包亦令個湯加好多分其次就係個薯條 薯條味道熱度都係一流水準 無咩可以挑剔 而且份量多到我地食完正餐都食唔哂主菜燒西班牙黑毛豬扒配蘋果蓉、煙三文魚蝴蝶粉我個人覺得蝴蝶粉無咩特別有機會大家可以試下其他之後落黎真係不得不提呢個黑毛豬 (唯一有影相)肉味濃郁 配上蘋果蓉嘅清甜形成一個強烈嘅對比令你食完整舊肉都唔會有膩嘅感覺而且豬肉熟度控制得好好 肉質鮮嫩~~~~~~~~~~~~~~~~~~~~~~~~~~~~~~作為一間用黎慶祝生日嘅餐廳無論環境、食物、服務、價錢都無可挑剔 推薦大家平日經過都上去試一試 保證不後悔

約左友人食生日飯，大家都喺尖沙咀返工，梗係上openrice睇下有咩好西食，見到呢間Shine有過千個笑哈哈，即刻book張枱！我地book左7點，雖然早左15分鐘到，不過都可以提早入座，仲有闊落嘅卡位窗口位🤣🤣蝦嘅數量非常多，應該有大概15隻左右，每隻都好爽口，配上蒜容同少少辣椒，非常惹味！只可惜得三件多士，每件多士配三隻蝦食已經好夠😆牛排今次order左五成熟 ，食落唔會好生，肉質好嫩夠juicy,最特別嘅係佢有原個蒜頭做伴碟。起初以為成個生蒜頭會好大陣生蒜味好唔夾，點知食左一粒先發現d蒜應該係炸過，食落完全唔覺重蒜味，配埋個肉眼食真係好有驚喜！😍 大大粒嘅帶子有四粒，味道好鮮甜，個人認為明太子同帶子配意粉已經非常美味，再加埋三文魚籽，成個意粉層次感昇華左咁！🥰🥰慶生當然唔少得生日蛋糕啦！友人至愛嘅心太軟，落單時仲可以畫埋碟，寫句happy birthday加支蠟燭，非常有生日氣氛💓💓

放工同老公落Shine鬆一鬆， Happy Fridays night唔知點解見到呢個隔斷令我唸起層層叠bar檯上放左唔同既酒焗羊奶芝士菠菜雞卷羊奶芝士乳糖低、脂肪比例較高，女士食多少少都唔怕雞肉去皮，肉質唔會太乾身，感覺好健康傳統肉醬闊條麵: 一層面一齊肉醬一層芝士，如是者有兩層，出奇地口感豐富，但又唔會太漏燒西班牙黑毛豬扒配蘋果蓉: 肉質較鬆化，肉味也較濃。黑毛豬的脂肪油潤甘香，肉嫩多汁，蘋果跟豬扒好相襯，豬鞍扒加入酸酸甜甜的蘋果蓉，不但令味道更有層次，蘋果蓉中和豬鞍扒的肥膩感，好味

話說已經一年冇黎過呢間位於尖沙咀北京道的西餐廳「Shine」，今晚黎重遊舊地，放工後鬆一鬆，獎勵自己！裝潢依然以黑色為主調，感覺型格得來又浪漫有情調餐牌上的選擇已經更新了，多咗唔少新菜式同選擇，每款都看似好吸引呢香煎半熟帶子配黑魚子醬帶子有七粒，外皮煎至微微香脆，好香口，底部加左啲辣汁所以微辣。採用日本刺身級帶子，內裡半熟嫩滑，配埋黑魚子醬，更添矜貴芝士菠菜意大利雲吞配煙肉南瓜汁意大利雲吞都係我食西餐嘅心水之選，餐廳採用傳統大隻扁圓款。南瓜煙肉汁同香脆芝士片鋪滿意大利雲吞，帶有天然南瓜甜香同忌廉奶油香，非常好味！雲吞皮厚薄適中，內裡係滿滿的菠菜芝士餡料，鹹香滋味青醬蝴蝶粉配香煎雞胸香煎雞胸意想不到地好軟嫩，口感絕不粗鞋，仲好大塊添！蝴蝶粉煙韌有嚼勁，醬汁相對上比較稀薄，冇咁濃稠黏膩，加入左香草，感覺比較清新請把我帶走最後又點少得甜品，「請把我帶走」即係Tiramisu，面上有新鮮草莓同金箔，清新香甜。底下係Mascarpone cheese，入口好幼滑，帶有陣陣忌廉芝香！中間夾心仲有沾滿了濃縮咖啡的海棉蛋糕，味道同層次都好豐富呢

是日好友生日，當然要同佢慶祝啦，佢好鍾意食西餐，所以我特登揀左呢間係尖沙咀有多達1000篇好評嘅餐廳，睇下係咪真係好似各位網友講到咁好食先。我地一行兩人，叫左一個沙律，兩個小食同埋一個主菜share食。煙鴨胸無花果沙律:煙鴨胸無花果沙律以平底圓盤端上，無花果好甜，份量亦都比想像中多，略煎嘅煙鴨胸帶有煙燻香氣，非常厚身，肉質嫩滑彈牙，配上新鮮嘅沙律菜同黑醋食，非常開胃。西班牙蒜味蝦配多士：加左蒜頭去炒嘅蝦入口微辣，肉質爽口彈牙，份量都算幾多，配埋帶香草味嘅多士食，味道一流。香辣椰汁燴藍青口：青口份量都幾多，大小剛剛好，香辣椰汁味道香濃，入口微辣，非常惹味。食晒d青口後仲可以用上面個小食淨返嘅多士點汁食添。北海道帶子明太子意粉配三文魚子：北海道帶子厚身，入口軟身唔會韌，味道鮮甜，配上加入左三文魚子同埋微辣嘅忌廉明太子汁，味道非常濃郁，醬汁亦都好多，令到每一條意粉都能掛上醬汁，非常好味，真係令人一啖一啖食過不停。食完咁多野都好飽，食唔到甜品啦，不過一向嘴刁嘅朋友都對呢餐晚餐非常滿意，網友們果然無介紹錯呀。

我同朋友兩個人七點半去到呢間餐廳已經全場爆滿，好彩個朋友早有準備一早book咗👍我哋叫咗一個墨汁海鮮意大利飯， 西班牙蒜味蝦配多士同香煎挪威三文魚扒配青瓜檸檬乳酪～個海鮮墨汁飯一嚟到見到三大隻青口同一大隻蝦喺面頭， 不過我心諗海鮮無理由得兩款咁少架😐 原來底下仲有帶子同魷魚同粟米芯😂墨汁飯有啲海水嘅鮮味，唔會好似出面食太乾，汁同飯既軟硬度都調較得好好👏 帶子大大粒好香，煮得岩岩好唔會咬唔開， 平時我唔鍾意食粟米芯，但係呢個冇咁草青味都幾接受到👍個蒜味蝦配多士既蝦份量好多， 食曬啲多士仲有好多蝦淨，蝦好爽口，多士勁薄脆～三文魚扒大大舊，無腥味， 最初見到係配青瓜檸檬酪醬有啲擔心會好奇怪，但係食落又幾fresh😮 可以平衡煎焗有少少既油膩感👍 呢個三文魚配菜色彩繽紛，有普通薯仔，紫色嘅薯仔，紅蘿蔔，露筍etc， 豐富蛋白質同纖維，感覺好有營養得黎又容易消化，nice！👏下次可以試埋pasta同甜品🙊

對上一次黎呢間餐廳，應該已經係兩年幾年，當時初初開業無耐，今日再同另一半到訪，感覺大有不同。SHINE位於尖沙咀太子集團中心，呢棟大廈食店頗多，繁忙時間等候電梯需時，如果係約左人，記得早啲出發以西式餐廳黎講裝潢幾新潮，唔會好正式，氣氛幾輕鬆，幾闊落。大部份係梳化位置，如果人多可以提前預約，我見佢地有靠窗嘅卡位。不過燈光方面偏紅，我嘅食物照片就唔係太滿意，哈哈。比起兩年嘅餐牌，簡單左好多，冇咁fusion，主要都係西餐。分別有沙律、湯、冷盤、前菜；主食有意大利飯、意粉、牛扒、煎鴨胸、黑毛豬扒、三文魚扒、龍蝦等，應有盡有。當然唔少得甜品，款式都幾多，例如affogato、tiramisu、心太軟、火焰雪山等。食物一律單點，性價比就唔算高，勝在份量不少，三至四人就最適合飲品凱撒沙律 $128可選配煙三文魚或巴馬火腿，揀選前者，沙律份量不少，菜葉新鮮，加埋硬脆麵包碎幾好食。煙三文魚表面比較乾身，幸好唔會太鹹，開胃之餘墊一墊肚甜蜜蜜雞翼 $118雞翼兩款，包括蜜糖口味、辣味，三至四人用啱啱好。雞翼沾粉脆炸，食落都唔會皮肉分離，即製脆口，炸雞翼就點都會油少少，可接受。雞翼肉仲幾嫩，略嫌蜜糖漿稀身，

踢走blue monday的最佳方法就是吃一餐晚飯大快朵頤。我一直都想試這間餐廳，果然餐廳環境和食物質素都沒有令人失望。餐廳設計像樓上酒bar，很有情調。菜式種類也很多，令人很難決定點甚麼。最後主菜點了卡邦尼意粉（$168）和燒安格斯肉眼排配野菌紅酒燒汁（$368）。卡邦尼意粉表層鋪了兩塊烤芝士，香脆可口，意粉不會煮得過軟，均勻地沾滿卡邦尼汁非常惹味。牛排點了5成熟，賣相很吸引，牛排伴碟通常是烤薯仔或薯泥，這次卻是蕃薯片，表層還沾滿了芝士粉，非常特別。牛排點了3成熟，juicy又很重牛味，愛牛排的人不能錯過。最後當然不能少了甜品。點了火焰雪山（$108），入面藏了雪糕、馬其龍、水果 brownie和蛋糕，我們像尋寶般吃得很興奮，這個甜品耐看、好玩、好吃，值得推介！

有日同友人黎左尖沙咀搵野食搵左呢間餐廳食～芝士龍蝦焗意大利飯($218)龍蝦好新鮮蕃茄意大利飯酸酸地好開胃脆炸德國咸豬手($278)呢一個豬手好大份好足料塊皮炸琴脆卜卜好好食啲肉質又好幼嫩 十分推介甜甜蜜蜜炸雞翼($118)一共有八隻雞翼～蜜糖襯雞翼一定冇得輸廚師推介既龍蝦湯($78)呢間餐廳既龍蝦湯帶有酒味 好特別 愛酒之人 不妨一試包你一定會有驚喜啊！總括黎講呢間餐廳表現都唔錯環境都好闊落 坐得好舒服可以再黎encore～

好耐冇出街食飯啦，難得同好朋友相聚，當然去老地方啦，這間餐廳環境唔錯，談心嘅好地方北海道帶子超新鮮三文魚籽超多這個沙律好值得食餐廳啲沙律係超好食㗎，下次可以食牛油果那個沙律都一樣好好味以前食過蕃茄煮青口，蕃茄味超濃郁，適合不食辣的人士今次我們叫依個香辣椰汁會藍青口一樣好味，帶出一個鮮味青口，每粒青口肉都好新鮮，肉厚，價錢合理，食得好開心🥳辣蟹肉彩椒闊條麵：超多蟹肉闊條麵吸收晒所有蟹肉精華完全係食得出闊條麵腳蟹香味好鍾意食嘅彩椒，清新感覺荔枝梳打超香有玫瑰嘅濃郁飄逸飲落超清爽這杯檸檬味突出，超醒胃我鍾意這間餐廳嘅環境舒適燈光不太光有一種舒緩壓力的氣氛嘅感覺令到你好開心同自己嘅好朋友談心，值得享受

第二次黎Shine, 對上一次已經係兩三年前～ 今次因為友人生日，所以黎同佢慶祝一下 😊脆炸粗直薯條$78同個名一樣😂 薯條真係好粗，炸得好脆🤣🤣好好食，但勁熱氣 😝 北海道帶子三文魚子沙律 $128沙律好fresh, 三文魚子脆卜卜，帶子鮮甜，好好味但份量小傳統肉醬千層麵$188芝士味勁濃， 千層麵好厚，食完勁飽好頂胃 😂辣蟹肉彩椒闊條麵$188闊條麵味道普通德國鹹豬手 $278味道尚可安格斯肉眼$368 肉質不錯ok~ 但野菌紅酒燒汁味道奇怪 🙈Apple peach tea $58餐廳寬躺， 氣氛不錯！ 五人埋單$1538，整體感覺不錯， 食物味道一般～