Running 燒 (已結業)

之前係網上見到呢間舖的介紹，咁啱又俾我見到佢做緊團購，所以啦啦聲入2套～但係之前一路都唔得閒過來食，後來眼見行程越來越緊湊，所以book著個週六晚過來食～首先講下環境，檯與檯之間的距離都幾闊，一點都唔逼，的凳仔下面有地方可以擺放手袋，既不佔空間又安全，呢個係亮點～當然，食野嘛，食物質素梗係最重要。雖然係團購，不過食物質素真係「原價」，沙律菜都好好味。有圖有真相噶！PS：佢的醃製的幾好，不過燒出來的質素就因人而異咯，我個人覺得我燒的幾好，不過燒好我就即食居然唔記得影埋相～送的前菜和雪條都係淨野來噶，飲品都係我心水：醬料我揀了常見的幾款：招牌的炸雞我都有order，呢個就麻麻，不過唔係重點，都可以接受噶～最後，服務質素都要Like一個，perfect！

秋風起，當然想燒烤，但兩人前就唔想走咁遠，不如就去食韓燒啦。黎到旺區，setting基本上都係好韓式，坐係圓筒形既坐椅，大大個圓形烤盤，上面就有抽煙系統。至於呢度既配料基本上任叫，而我就獨愛吃海鮮。好多款既海鮮都有，海蝦，扇貝，尤魚唔少得啦，仲有蠔同埋多春魚添呀。我個人就鍾意慢慢燒，扇貝真係好新鮮好甜，而且燒法令扇貝乾身，最後食左5隻呀。海蝦燒到變金黃色就岩岩好，蝦肉就相當彈牙呀。多春魚將魚身燒成淺金色，肚裡面既魚春就夠槳爆啦，當然因為正值當造季節啦，所以魚春都特別多。最令我滿意既係燒蠔，燒蠔既口感絕對唔同生蠔，蠔身係燒到有少許脆身之餘，蠔汁依舊係蠔肉裡面爆出黎，而蠔殻裡面都裝有蠔汁，最後可以飲埋，超滿足呢。

同屋企人出街食飯 突然想食韓燒 就黎左呢間首先抽油煙做得幾好 唔會煙霧彌漫 成身油煙味 好衞生之後最緊要緊係啲食物啦 食物款式都幾多 又有小食 又有甜品 又有海鮮 滿足多需求既人仲叫左什菜沙津 好大碗喔 落左啲醬汁 食落好清新 好似置身於田園一樣 酸酸地好開胃 減低肥膩感一流之後緊係要叫啲野燒下啦扇貝真係好大隻呀！！燒完之後都係保持住咁大隻 又要好鮮味 又唔韌 大蝦粗過隻手指 幾爽口彈牙 多春魚仲長過我手指 燒完唔會好腥 又脆脆地 夠曬新鮮仲有肉啦 叫左牛肋骨 燒之後啲牛味出曬黎 食落又有啲油肥bi出黎 又juice雞翼 切開左 方便去燒 啲會出面燶裡面又唔熟 燒得均勻啲 雞翼又香口啲 食個陣又唔有燶味 調味又唔會太咸 又唔會唔夠味 飲品方面 款式好多 令到我花多遼亂 氣水都又有幾款 又有韓式飲品 對於食物質素同埋款式有需求既一定要試下。

本身同朋友打算去試下食個個八爪魚芝士鍋+韓燒一坐底 見到全部餐牌都係韓燒 無得點個個鍋 於是就問一問個店員 之後個店員表示自己新黎 因此搵左第二位店員解答 但個位店員講到一舊舊都算 起碼知道原來要加$158 咁我同佢講要一個之後見到佢開哂2個爐都係韓燒 就再同另一位店講多次要個個芝士鍋 之後店員又同我講 話如果我地有6位嘅話 就免費送一個芝士鍋 但我地得5位所以要加$158 但只要4位以上其實會免費送一個部隊鍋 我地最後都選擇左部隊鍋 但其實點解唔係一開始同我地講有部隊鍋送 而係要我地問有無個個芝士鍋 之後講一大堆廢話 再話比我地聽有部隊鍋送？總括而言 唔會再食呢間餐廳 個部隊鍋等到last order 先開始滾少少 啲食物質素 因為係放題 本身期望都唔高 但真係麻麻地

好耐無食過韓燒了，聽聞有間任食韓燒不錯，就黎食下好彩book左位，都幾多人下，有韓歌聽，好有氣氛，環境都不錯，雖然不是太大地方。有三種配菜可以任潻，另外有一個係白蘿蔔，原來係可以用來洗燒完既爐面，好神奇，第一次用又真係得架喎，哈肉類，海鮮我地每樣都叫啲，咩都試下任食來說，不過不失，對食肉獸來說，不錯。 豬頸肉好入味厚切五花腩，啖啖肉，好厚同肥告一齊食好正，雞翼剪過，好易燒，入味易入口， 牛舌煙煙韌韌還不錯，不過唔好燒得太耐，豬腸燒完都幾香口。 海鮮帶子不錯，算新鮮，蝦還可以，青口都不錯，魚類燒完好香，入口不錯。 叫左一份沙律菜，都幾新鮮，佢地加左點辣粉，幾惹味，原來菜辣辣地都幾好味。 最後吃到好飽，都一定要叫的甜品，沙冰，宜家咁熱天氣一定要食，爽，柚子味好清新，啖啖柚子肉，成個人都爽晒，白色一粒係糯米糍好好味，仲有旁邊既Mochi煙煙韌韌一齊食好正 另外個碗係紅豆味，仲意食紅豆可以試下又是一個很滿足的晚上

今次慶祝媽媽生日，所以帶佢黎試試呢間韓燒，全費由我出黎孝敬媽媽。當日人流算多，不過好彩因為我地一早訂左位，所以一去到就已經有位，等都唔洗等~坐到埋位店員就馬上準備好前菜，有泡菜、芽菜、菠菜，味道上沒有太多特別之處，泡菜不算太辣，反而正合自己口味，不過泡菜都係要辣辣的先夠過癮！仲有一舊白色既蘿蔔，係我地討論緊係咪拎黎食之際，店員再三叮囑我地呢個係用作洗鐵板，唔食得架！真係少見少聞。鐵板都係好新好乾淨，上面有個大大抽油煙，店員拉落黎指唔好郁個抽油煙管，等佢好好吸走哂油煙令環境冇咁油。座位都係可以放雜物既置物櫈，近年都係好流行呢D多功能用具，對於韓燒店黎講算係不錯，可以防止衣物隨身物品都沾上韓燒既油煙味。每一個爐只有一隻夾，我覺得如果可以多提供一隻就比較好，生與熟的可以分開夾，比較衛生。首先係出面就拎左至愛既Lotte忌廉溝牛奶，任拎任飲，基本上市面韓系飲品都有，飲幾多就拎幾多喔！店員指因為晚市滿4人就可以送一客芝士年糕部隊鍋或韓式海鮮煎餅，我地就選左韓式海鮮煎餅，對於我地黎講芝士年糕部隊鍋份量未免太多，緊係留番個肚食其他好。韓式海鮮煎餅有D蔥有D魷魚，外圍燒得好香脆，而裡面食落煙煙韌韌，味

出糧啦！！！帶屋企人食餐好，慰勞佢地又慰勞自己細妹、細佬鐘意食韓燒，就去上次慶生話食過好食果間啦，好味又抵食，夜晚6點前位位200蚊有找，係包海鮮喎！去到唔輸蝕就乜都叫一餐啦牛柳粒、西冷扒、豬頸枕、雞腎同雞翼都係推介牛柳粒不會太細，食落嫩滑，西冷扒肉汁濃郁豬頸枕唔會有豬羶味，肉嫩，燒得香脆更惹味雞腎味道濃且脆口，事先將雞翼拆骨，醃好，令雞肉更入味，雪藏味無之餘，燒後更覺醬汁係錦上添花海鮮係餐廳嘅主打，海鮮新鮮大隻不欺場，魷魚圈厚切，扇貝多膏夠肥夠光澤，大蝦燒後食落鮮味足更覺爽口彈牙，龍利魚片食落魚肉實且有咬口，海鮮新鮮之餘又任叫，真係點食都回返本餐廳服務細心熱情，會不時執碟換燒盤，更設白蘿蔔可以俾你偶爾抹浮燒盤，飲品無哂仲不停拆貨入雪櫃

                         韓風都吹左好耐，但係韓國文化既流動仍然源源不絕，周圍都係韓店，就連這次我地都去左呢間韓燒店食野，眼看全部好多都係年輕一輩，其實感覺吸引力真大！(其實我都還很年輕哈哈)手拎住點餐紙啦，平時食開都係某某尚算出名的自助式韓燒餐廳，今次終於試新野，等我黎睇睇有咩分別燒烤爐對上有支大吸管，方便吸走油煙，令成間餐廳都冇咁大油煙味，確實比其他韓燒店做得好，不過油煙味都少不了吧，怕的朋友不妨隨身帶支衣服清新噴霧好了檯上有舊白蘿蔔？店員話係拎黎清潔爐面，但係我唔太識用，呢D問題都係交番比朋友專業的處理。先來的係肉類，牛肉豬肉一定唔少得，但係我地都係每樣少少咁叫左先，免得唔岩食又食唔哂太浪費！每份都切得好薄，薄薄一片更快熟，味道上不錯，唔覺得霉，睇黎都新鮮第二輪我地就開始動真軍，馬上叫一盤雞翼啊、乜牛乜豬，總之係肉就叫定先，慢慢燒慢慢燒，然後發覺調味上都好入味，基本上我地唔需要加醬油都已經好好味，所以我同朋友都冇要到調味料，默默地燒默默地食肉質黎講都好軟林，好少有筋位出現，好易咬，至於咬力唔好既朋友都唔需要擔心食唔到，大細方面都岩岩好，唔會好大塊，食得好狼

熱愛韓國食物嘅我，又相約友人去韓燒一番！今次就去旺角試下呢間任飲任食嘅韓燒店。地方不算太大，不過每張枱都相隔左一些距離，都算坐得舒服。而且抽風都算不錯，食完嘅時候都無一股勁臭嘅油煙味。當然點都會有少少味喇。韓燒對我來說就五花腩😍所以我今次都係鎖定了五花腩，同豬腩肉😍而我覺得今次最好味的肉都係五花腩同厚切豬腩肉。厚切豬腩肉必定要叫的厚切豬腩肉😍。雖然個樣好像好肥咁，個其實燒完後，d肥油已迫哂出黎。完全一點肥腻嘅感覺都沒有。燒到表層微微有蕉，就可以食😆。食落不會覺得靭。一咬嘅時候，已食到好香嘅豬肉味。正👍🏻五花腩雖然有點薄，但佢嘅口感同厚切豬腩肉有點分別。五花腩比較爽口，肉味同厚切豬腩肉不相伯仲。所以兩都我都喜愛😊。但用五花腩用來包菜食，會比較容易handle。兩片五花腩爽菜，一啖就已經放到入口。一起食會感覺比較清新，沒那麼熱氣。水冷麵涼涼的酸酸的水冷麵，食後包你減低油膩感覺。麵質很煙韌。還不錯什菜沙律呢個我都覺得幾好食的。酸酸的，令你好開胃。蔬菜幾新鮮爽脆👍🏻加上吃左咁多肉，一定要食返多點蔬菜先得。柚子蜜刨冰最後食埋個刨冰就就畫上了圓滿嘅句號☺️雖然刨冰不是綿綿冰那種。放左口你咬嘅時候會咬

這間韓燒，老婆之前嚐過，評價不俗，今晚同班朋友訂了這間韓燒，一定要食到盡興!成班男人老狗，全部都係大食狂，呢次一定要食到盡。入到去見到好多煙囪，好韓格，但是至少油煙不太多，肉類五花腩好正，油份好重，D肉會燒到腍滑；厚切豬腩肉重正，D豬油燒到香到無朋友，另外個人好鐘意食調味豬扒，入晒味，會令你越食越Encore。牛方面，牛肋骨最好味，D肉質腍有牛味，醃得唔錯，有D韓醬加入去，食時會少少辣咁，吊出牛味不俗。韓個炒粉絲，加了菇和菜，唔炒得好油，D粉絲係粗身，煙韌好爽口，韓醬帶甜和辣，好味。個咖喱魷魚唔夠咖喱味，魷魚未夠入味；海鮮都有80份，可能燒關係，會去左雪味，特別燒蠔，燒到有蠔汁，好味! 帶子扇貝也是點鮮味，加D韓式辣醬重正。魷魚圈好麻麻，太韌。燒菇記住加D水，否則好乾，但菇味好濃。小吃韓式炸雞，細細咁，一口一件，外面炸得好脆，少辣，入味啦，入面都好Juicy，佐Coke 好好食。我飲品一味飲Coke ，7-up，友人要愛Lotte款式，單是不停飲，值番晒，特別是吃燒烤，飲品一個人可以飲到5-6支！抵番晒啦！上次老婆話刨冰好好食，真係唔錯，紅豆刨冰，紅豆好大粒，清甜到起沙，又有冰凍沙冰，

約左好姊妹飯聚，今次揀左地點非常就腳嘅旺角Running 燒。7點幾到，排左一陣就食得。果然冇失望,入面有各式嘅肉同埋海鮮、熟食，仲有一整櫃野飲👍🏻👍🏻除咗狂啪啲肉，佢哋嘅豬耳都好值得推介😋😋外面煙韌，入面脆扑扑，點啲惹味嘅豆瓣醬,我姊妹食左好多件。平時食韓燒，啲side cut 野唔食得多，但今次佢嘅炒粉絲真係俾我清左成碟！D 粉絲唔似其他鋪咁油膩，仲會彈牙架。 佢地嘅炸雞火喉啱啱好，入面有汁必出嚟，值得encore呀都。甜品係我最愛嘅果味雪條❤美中不足係無韓式前菜, 無啲kimchi 開下胃我啲作戰能力真係低晒!埋單$220 ，我又食到頂住個肚走啦，睇嚟變200磅日子不遠矣。

聽到Running 燒這名字, 彈入腦海一定是韓國的電視節目Running man...當然, 不用多講, 也知這是一間韓式烤肉店. 坦白說, 如此類型的烤肉店近年實如恆河星數般出現在港九新界, 要突圍實在不易, 幸好, 有一個噱頭的名字, 走平價年青路線, 人氣總能保持. 吃烤肉還是愛放題形式, 不用就住就住, 一個價錢愛吃什麼就吃什麼, 吃多吃少也可以, 雖然多數只限2小時, 但其實吃肉太多也快膩, 但求無拘束開懷吃一餐就好, 烤肉似乎總有着如海洋因子般令人愉快的元素.甫出電梯門, 迎面是帶地下工業味道的佈置, 粗礦的石屎牆, 金屬復古椅子, 明碼實價貼着烤肉放題價錢. 當然選平日來吃化算一點, 人也相對較少.店內的面積不十分大, 一眼已看盡, 跟很多烤肉店相若, 典型韓烤圓枱, 圓桶椅子, 垂吊的抽油煙機, 幸好是店內油煙味不重, 加上是樓上鋪關係, 感覺也較私密, 有Booking 才會上來, 沒有地鋪般嘈雜.靠牆一邊可容納8-10人的聚會, 牆上的彩色塗鴉更添玩味.另一邊可居高臨下看看旺角街景吃放題最怕是要不停招手點菜, 這裡用上自助點菜紙, 選了食物和數量填好, 交給店員,

上個星期五，放左工約左D朋友一齊食韓燒烤肉，友人韓燒痴，去左呢間因為旺角區地點方便，食過幾好咁話!環境幾好，好韓個燒烤裝修，裝修好有Running Man 的FEEL，一坐下就有前菜，泡菜好正，好食！另外有D爽口芽菜，菠菜咁，幾好又爽又清新！一到就去飲品櫃取野飲，Lotte 有多款選擇，我揀左錫蘭檸茶，友人揀左好多罐芒果，唔飲多D唔抵呀。Lotte 檸檬茶好好飲，茶味好。服務唔錯，D野食好快到！大盤鮮肉送到，豬腩肉、黑豚豬肉、豬大腸、豬梅肉....D豬肉類醃得好入味，燒到香噴噴，加埋D韓個辣醬和蒜泥來吃，真係好好食好有肉味。推介係豬腩肉同黑豚肉，好有油花，肉質腍香。另外係D大蝦、帶子、扇貝燒來十份好吃，唔食海鮮唔抵，算新鮮，起碼不會有濃腥味，但青口麻麻！另外甜品一定要叫刨冰，我覺得紅豆刨冰好食，友人話芒果都好正，刨凍不會死甜，料夠多。我地呢班女都係食唔到素架啦，食一餐韓燒夠晒罪過。

旺角區夠方便，呢間唔多人可以慢慢食都有幾多種類幾多款式甘飲品都還可以，唔算少款每様叫啲，黎到就係大拼盤，全部奄好晒架啦食物冇咩特别，冇咩驚喜，但又唔會話唔好食中规中矩同漢和個啲燒冇分别，不過佢有個抽煙管，冇甘大煙啲肉唔會un,貝殻類都洗得幾乾淨，冇沙的甜品係好大舊刨冰哥加啲煉奶同配料，個人認為呢個甜品唔好食

熱愛韓國既我, 就算係香港都中意周圍發掘韓國菜, 炸雞食得多, 今晚就去左食韓燒放題! 臨近8點, 已經全場爆滿, 限時110分鐘, order野食黎得快! 任飲任食!(酒類飲品額外收費)一個價錢, 仲可以任食海鮮, 包括: 多春魚, 大蝦, 帶子, 扇貝, 咖哩魷魚鬚, 青口, 龍脷魚片, 生蠔等等.... 而肉類既豬,牛,羊,雞都齊哂...牛肉有8款不同部位,而豬既更加有十款咁多!不得不讚既係肉類醃得非常入味!!肉質好鮮甜!甜品有6款唔同味道既沙冰, 食完韓燒再食沙冰, 真係透心涼.... ------------------------------【星期一至四 18:00-19:00入座】HK$208加一