Running 燒 (已結業)

小弟本身係位食肉獸 無肉不歡 所以一直都好想試下韓燒 再加上近排超得閒同女朋友睇running man 見到d韓式料理同韓燒搞到我口水都流 所以琴日一鼓作氣走去試下食韓燒咁上openrice睇下韓燒有邊間好 見到running燒 我見到個名都覺得好岩我地而且d食物都幾靚 就去試下啦 我地去到樓下 見到有好多唔同韓式野 但唯一韓燒就係得呢間 而且個大廈有d似商業大廈 搞到我感覺好似高貴d搭到9樓 一出lift就見到d好有特色既櫈 有種懷舊復古既感覺 個waiter即刻帶我地入去 等都唔洗等 坐低左 waiter就上左d前菜比我地 有泡菜，芽菜等等，我好耐之前食過第二間韓燒 但呢間d前菜好味多d 咁我地就揀野食 佢地以件做單位 我地每樣叫幾件 豬 牛 羊 海鮮 香腸等 本身諗住唔算好多 點知食到我地好飽 除左有肉類同海鮮等 仲有熟食比我地揀 有韓式炸雞 烏冬 冷面 仲有日日唔同既靚湯 超細心好多office worker成日OT 又無時間補湯 呢到就可以比我地有湯飲 仲有韓式年糕 年糕湯 我地愈叫愈多 好彩最後食得曬出面有個野飲bar 除左有可樂 忌廉 雪碧呢d汽水之外 有好多唔同韓式既罐

韓流襲港咁耐 緊係要食番餐正宗韓燒偽下韓啦 一早見朋友UP既Runnging 燒相已經覺得好吸引，價錢正常 就襯平日少人d去刷餐勁既!!我同朋友630已經去到 一去就即刻有得入去坐啦 見到環境好時尚 燈光充足 感覺好乾淨 入到去個個食客都係偽韓人 真係好似置身韓國 哈哈! 由於限時110分鍾，我地緊係即刻點野食啦。款式唔算多，仲寫明每款每次只可叫6件，所以都無寫多，我地每樣都試少少，寫4-5件。本身驚叫左好少野食咁，不過全食所以落住單先啦! 前菜我地叫左沙律開下胃口先! 點知佢同肉一次過黎，人少既關係食物好快就到啦! 無諗過沙律都咁多，嚇親我!  入面好足料，有蘋果，青瓜，份量唔少，味道一流，少少酸，不過食左少少就食肉~ 食到一半滯滯地用菜包住肉，消滯又唔洗曬左d沙律，食食下竟然就唔覺意食曬! 食咁多肉叫個沙律中和下好ok架!! 麵都有好多種，烏冬有黑椒味，一d都唔齋。仲有刀切麵，冷麵......主菜--肉，都無令我地失望，雖然好似叫左好少，但兩個人食真係眼闊肚窄~差d食唔曬~!味道岩岩好，唔會好濃，食完唔覺得用多味精!所以真係好OK! 食韓野走唔甩泡菜同年糕

約了又約，大半年後總算約成了。為了大家方便，特別是新手媽媽朋友，所以定了旺角，加上當中有食肉獸，燒肉放題是不二之選。大家投票之後，選擇了近地鐵站的Running 燒。前菜有3款，菠菜最好味。食物款式不算少，肉類、海鮮、蔬菜、熱食和甜品都有，大家可以各點所好。飲品方面都是大路的罐裝飲品，汽水、果茶、忌廉溝鮮奶等。熟食點了水冷麵、炒粉絲、炸餃子和炸八爪魚等，當中水冷麵很不錯，炸餃子也不錯，其中炸泡菜餃子更刺激味蕾，辣辣的很好吃。肉類選擇也不少，我們隨意每樣點了少許，當中牛舌要encore ，其他肉類的質素不過不失。有海鮮當然要點，鮮蝦和帶子也算新鮮。怕肉太多，其實也可以點些蔬菜類，例如冬菇、茄子等。當然，直接點個生菜籃包著肉吃就最好不過。初時還以為蘿蔔是前菜的其中一碟，但原來是用清潔燒肉板的，很有趣呢。每桌會送上部隊鍋或海鮮煎餅，我們選了海鮮煎餅，煎得很香，材料豐富，有驚喜。最後點了個芒果刨冰大家分享，沒有什麼特別的，不過那些七彩粉團也算煙煙韌韌有咬感，而最好是那個雪米滋。整體來說食物不過不失，個人較喜歡熟食，未試過也可以一試。習慣晚吃飯的人可以選擇九時半後入座，七折價錢更吸引。

第一次見有韓式燒肉放題！任食燒肉放題來講，呢間嘅價錢其實唔算貴，因為佢唔止有燒肉，仲有好多海鮮，飲品，甚至係韓式料理。店內環境舒適，裝修都有懷舊嘅韓風，非常有特色！有好多種唔同嘅飲品，我就揀咗一罐芒果汁，佢有淡淡芒果嘅香味，而且唔會好甜，飲落幾fresh~除咗飲品之外，仲有提供阿豬媽靚湯（天天不同），飲一啖簡直覺得補到入心入肺！絕對落足料，超級濃郁嘅人蔘味，飲唔出到一定睇得出，換換都有咁多人蔘韓式料理有炒年糕，年糕口感好煙韌，味道甜甜地有小小辣，幾開胃牛肋骨好重牛味，配合佢哋葉制嘅醬汁，又香又juicy!!!!豬頸肉超級爽口，咬落去好彈牙！如果覺得啲肉唔夠味，可以拎醬汁點。 蔬菜放系爐邊可以索晒啲肉汁，好正啊！韓式炒粉絲，用咗一啲蔬菜配自家製醬汁炒成，粉絲好煙靭，好有咬口！而且味道唔會太鹹，仲有少少甜甜地。😋佢哋有好多種唔同嘅海鮮選擇，所有海鮮都幾高品質，特別係大蝦同扇貝，大蝦既肉質好實、好新鮮！扇貝好大粒，啖啖肉，咬落好有口感！

見到朋友系ig分享呢間任食燒肉覺得好吸引，因為之前食既都無任食同埋好貴！running 燒係一間樓上鋪，一出電梯都見到一排好有特色既蹬，韓風既感覺環境舒服，唔會好大油煙，落地玻璃可以睇到街景佢地都會提供餐前小食，泡菜味道好唔錯，唔會太辣，另外兩個小食味道偏淡。佢地好貼心準備左舊蘿蔔俾客人抹走燶既野😘飲品都可以免費任飲，呢罐荔枝紅茶有淡淡清香既荔枝味，唔會好甜，好唔錯！燒豬頸肉好爽口，咬落好有口感同埋好juicy!!! 牛肋骨好重牛味，而且一d都唔韌！牛柳片好入味，好滑同埋濃郁既牛味唔止燒肉，佢地仲有炒年糕！年糕好煙韌，好有口感，味道甜甜地辣辣地，但係唔會太辣。韓式炒粉絲，粉絲非常入味，好彈牙！最利害嘅地方係唔會炒到太乾或者太濕仲有好多款唔同嘅海鮮可以燒，佢哋嘅大蝦非常新鮮，肉質好實！帆立貝都幾大隻，帶子清清地，但咬落都好有質感叫咗兩種唔同嘅炸雞試下，左邊係噴火炸雞，表層好鬆脆，裏面肉質好亂，嫩滑。右邊係韓式炸雞，味道有少少酸甜，好開胃，雞肉好juicy😋 燒蔬菜類可以放系爐邊，咁就可以吸收晒肉汁！甜品叫咗柚子蜜刨冰，上面有一粒忌廉丸子，味道幾香濃，而且口感煙靭！另外有一啲趣趣、爆珠，口

心血來潮想食韓燒，就OPENRICE了這間RUNNING燒，充滿驚喜！ 呢間有韓燒之餘仲有韓國野食嘅放題。韓燒款式算多，有肉有海鮮有蔬菜仲要有甜品肉類入面，最喜歡的是西施牛肋骨及雪花牛仔肉，驚喜在於餐廳提供生菜籃，把肉再配上生菜一同吃更美味！海鮮方面，最喜歡的是扇貝及龍利魚。當扇貝配上蒜蓉一起燒，蒜味十足，再加上扇貝很大隻，真的不可不試！燒龍利魚真的是第一次，卻有意想不到的鮮味及好味，值得一點再點。至於韓食，有水冷面，年糕湯，韓式炸雞，炸八爪魚等。我最喜歡的是炸八爪魚，細細粒，吃了也不膩。吃韓燒之餘還有韓食放題，真的是滿足及驚喜！甜品時間，有韓國出名的刨冰，我們選擇了芒果刨冰，在吃完熱氣的韓燒後再吃刨冰，滿足地結束這頓晚餐。

平時日式放題就食得多，今次見到呢間係110分鐘韓式燒肉放題係新開張，裝修同個menu都好吸引！緊係要試下啦！一坐底，未點野食之前，店員送上幾塊前菜，充滿韓式風味，開胃又好食！左邊的蘿蔔係吾食得架，用黎剷走鑊上面的蕉，天然又特別！重頭戲一定食韓式燒肉啦！menu有多款肉類揀，俾到好多選擇我，吾怕食某幾種肉食到悶！特別推介烤牛脷，雪花牛肉仔同牛肋骨！新鮮，啖啖肉！加上特別的腌製醬汁，今到牛肉的鮮甜味更突出！嫩滑多！正呀！除左燒肉，亦都有海鮮燒！一個價錢，有兩類食材燒，抵食！海鮮一D都冇揸流灘！大件新鮮！俾足貨！帶子同扇貝係我主打，叫完再叫！哈哈！實在太過鮮甜！配埋香蒜同特製的辣豉油，惹味非常！甜品亦都非常出色！今次order左芒果刨冰，最岩夏日炎炎食啦。甜甜的芒果醬汁撈埋刨冰，啖啖透心涼！配上爆珠同彩色軟糖，增加口感！可惜食得太飽，如果吾係想order埋其他口味的刨冰！哈哈！running燒近旺中，地置好方便。食物質素好又抵食！下次會再幫襯！

韓迷最鍾意食韓國野, 最近發現有間running燒, 個名好易入腦, 係韓燒放題. 雖然地方唔算太大, 不過幾闊落, 無壓迫感, 近窗邊仲幾好風景.肉類剩係牛類同豬類都已經好多款, 樣樣都想試下.所以一次過要左牛脷, 雪花牛仔肉, 牛柳粒, 牛肉片等. 牛脷唔會太厚好爽口, 雪花牛脂肪分怖平均, 咬落嫩滑. 一口牛柳粒, 牛肉片都好軟嫩, 食落無渣. 仲有最正有豬耳, 咬落唔硬好爽口, 黑豚豬肉亦唔韌. 每種肉本身都已經好夠肉味, 唔洗點醬汁已經味道不俗.有生菜無限供應, 包著肉食無咁飽濟, 呢度D生菜大塊又新鮮.仲有海鮮種類都唔少, 大蝦大隻, 咬落爽口彈牙, 食落鮮甜有蝦膏味. 咖哩魷魚新鮮唔韌, 咖哩味唔算太濃, 口感不錯.

有fd話去Running燒食嘢，一聽就諗起Running Man，唔駛講一定係韓燒，韓燒食過好多次，多數都是任食任飲，Running燒亦唔例外。Running燒位於旺角中心點，交通極為方便，求其上一架去旺角的車都去到，坐港鐵在旺角站 B3出口，行一兩分鐘就到，話咁快就到。因為是預先book了位，一到就即刻可以入座，侍應略略介紹一吓落單程序，飲品及醬料擺放的位置。因為我哋是四人同行，侍應話公司送贈部隊鍋或海鮮煎餅，我哋要了海鮮煎餅，煎得很均勻，還加上香葱，因為我很喜歡葱的味道，香噴噴好好食 我哋7點左右到達，客人不算多還有幾張吉枱，但十多分鐘後就坐滿，望落去全是年青人，雖然大家不相識，但總覺好像是一大班friend 開大食會環境裝修有特色，外圍用鐵網圍著，有wild的感覺。抽風做得相當好，不會煙霧瀰漫，令客人放心衣服不會沾滿油煙的氣味，加上冷氣充足，一點也不覺悶熱。還有圓筒櫈，原來內有乾坤，打開可以將手袋放在筒內，不用拿著手袋食嘢，十分貼心。 落單後三分鐘，第一round的柯打就陸續送到。牛肉類我們點了牛脷、牛仔骨、雪花牛仔肉、牛柳粒、牛肋骨。薄切的牛脷、牛仔骨、雪花牛仔肉，輕輕一燒，反

餐廳係lift lobby度放滿一行櫈，就算要等都唔會好辛苦。(不過我地今次黎得早，唔洗等) 餐廳入面既位同位之間，枱同枱之間都留有足夠空間，就算依度地方唔大，都唔會覺得焗促。韓燒最怕有鑊燶，擦又唔係，成日叫人換塊鐵板又唔係，呢度每枱會俾舊白蘿蔔，用黎洗走d鑊燶，效果仲好好添！呢度既服務幾好，叫既食物都按要求送到 (唔知係心理作用定點，好多任食餐廳一見“平夾好飽”既食物就會俾多d),侍應執碗都好快手！呢度海鮮既種類比一般多，其中蝦同魷魚圈比較突出，好新鮮，非常彈牙！肉類方面都有好多選擇，本人推介牛肋骨(右)，唔會韌，有濃厚既牛味，而且肥瘦適中！豬肉就可能無調味(左),味道稍為遜色。阿豬媽湯(話每日唔同)，今次係人參湯，碗底湯料見都好足料，岩哂成熟爸媽！呢度既飲品有好多選擇，仲有d係made in Korea添！我地叫左生菜籃，用黎包肉食，不過有幾塊菜稍為無咁新鮮。

好耐無食過韓燒，今日就要食返夠本！餐紙都幾多款式，睇完決定每種都叫少少試下。然後當然要去拎飲品啦，去自助區任拎。先燒五花腩令d油開開鐵板係好方法，牛舌少少薄不過勝在快熟，而且有口感。而雪花牛仔肉肉質嫩滑，很不錯。厚切豬腩肉認真出色，厚切食落大啖肉非常滿足，醬汁微甜，燒完肉汁好多。豬耳亦非常爽口，燒到微脆更好味。帶子同扇貝都鮮味十足，而且燒完唔會好乾身！水冷麵嫩滑得來麵質煙靭，份量也多！埋單每人都係$229

日式放題就食得多,隨著韓風熱潮,炸雞韓燒隨處可見,所以今次一於試下韓燒,炸雞,甜品有齊既Running燒前菜及用黎刷鍋既白蘿蔔款式紙上選擇甚多,豬牛羊,海鮮,更有炒粉絲,辛辣麵,炒年糕,湯,炸雞等等,最特別既係仲有刨冰做甜品首先黎轉海鮮,海鮮必食呀帶子及龍俐魚柳燒完仍然十分嫩滑,多春魚又香口又惹味,必食既當然還有燒蝦,燒完仍然彈牙,仲多了陣香味牛舌只要輕輕一燒,點上大醬,美味牛仔骨,牛柳,西冷等其他肉類大部分都已經經過醃制,配上辣醬及新鮮生菜,味道一流,如果有埋蒜頭就更好喇這客水冷麵絕對有驚喜,冰冰涼涼配上彈牙既麵,值得一試食到有啲dry,點番客沙律食,這客沙律十分新鮮配上蘋果青瓜及酸酸辣辣既醬汁,絕對要點最後食完韓燒,有點熱氣想降温,點刨冰就最好不過,雖然刨冰是較粗既粒,但這客紅豆刨冰,滿滿紅豆加上配料,好味幸好早到,一陣已客滿了

各位韓燒迷如果想搵一間能夠滿足食肉獸慾望無顧慮任食既韓燒，呢度就岩晒你！ 食材當然唔可以同貴價韓燒相比，但質素同種類絕不欺場，係抵食既！首先小食方面我最鍾意食韓式炸雞！有辣有唔辣，辣度有得揀，我食辣既，甜甜辣辣既醬汁好惹味！韓式炒粉絲都係我平時既飛佛，不過呢度既炒粉絲調味稍遜…冇平時食到既醬油味同麻油香味凡4人惠顧就送一客海鮮煎餅或部隊鍋，我地揀左海鮮煎餅，大大粒八爪魚好足料，煎餅煎得香口 飲品選擇好多，有各式罐裝汽水果汁，我飲左冬瓜茶，好飲！心理上仲可以清熱氣 醬料方面有辣椒醬，麵豉醬，辣椒豉油同蒜泥，如果有埋蒜頭同洋蔥就更好，加埋落生菜包一定仲好食！各式豬牛羊雞肉類叫人眼花撩亂當中最鍾意牛肋骨，牛柳粒同羊肉，肉味濃郁，醃得入味！另外叫人驚喜既係海鮮種類都唔少，最鍾意大蝦啖啖肉，扇貝好鮮味！不過生蠔燒熟左就大縮水水冷麵凍冰冰，剛好中和左燒肉既熱氣感完滿既一餐唔少得以甜品作總結，我揀左朱古力味刨冰，有成個麵碗咁大碗，其實細碗D少食多滋味都ok架喇

聽朋友講有間韓燒係旺角新開，環境食物不錯。星期五晚決定同老婆去試下，7點左右上到去，裝修環境不錯，台與台的距離夠，坐得舒服，傾偈唔怕嘈到隔離。 每個爐都附送蘿蔔一件，唔好誤會，不是用黎食的，而是給你清潔鐵板用的。根據我的經驗，少汁的食物，燒完用蘿蔔刷一刷，的確可以清除啲焦。如果係有腌了的肉類，就未得，所以建議先食海鮮，再食豬肉，最後食牛肉。 到正題，係時候講下啲食材，海鮮有魚，有蝦，有帶子，仲有少見的生蠔。海鮮的確夠鮮，特別係帶子同海蝦，鮮甜彈牙，食完再食。生蠔韓燒 e個組合的確新鮮，不過隔左鐵板燒所需的時間相對加長不少，愛蠔人士食起黎略為唔夠過癮。五花腩係韓燒一定係唔少得，加埋生菜包住食，正！ 牛肉選擇多，有牛柳粒又有西冷，鮮嫩入味，好食。 再加個冷面，清涼爽口，係燒烤中緩和一下，感覺一流。

成間餐廳用韓式街頭風做裝修，善用鐵絲網做lift lobby同餐廳既分隔，型格得黎餐廳面積可以大返d平日晚市四人黎到，話有得送海鮮煎餅or部隊窩，睇返menu價錢分別係$98 & $128，我地點左前者。其實我一開始心諗，餐廳係咪想開始前塞飽我地，上枱後發覺唔算大份，而且脆身香口，煎餅表面微焦，乾身而唔會成口油，有海鮮粒係入面。煎餅係韓燒食物未到之前就上，一人兩塊一陣就KO左食完煎餅就岩岩上韓燒食物啦，推介其中一d較突出既！海鮮類 - 好多韓燒都係提供最基本既海鮮，多春魚，魚柳果d。呢度既海鮮就豐富好多，連大蝦，扇貝，生蠔都有！海鮮好新鮮，唔會好似其他店d食物梅梅地咁。(燒蠔其實質素幾好,係蠔肉係連住殼，唔怕係二手蠔。不過麻煩係蠔殼厚身，而且表面好彎，所以放左係爐燒左十五分鐘都仲未熟，要自己拆肉放係扇貝殼度先燒到，呢點餐廳要諗諗計)肉類 - 重點推介羊肉(無影到相)同厚切腩肉。羊肉係韓燒點比較少有，羊味好香，又唔肥。幾塊薄切，用生菜包住黎食真係好滋味！呢度有分腩肉同厚切腩肉，個人認為厚切好食好多！腩肉肥瘦適中，用鐵板燒完後無咩肥膩感，厚切亦保持更多肉汁！餐廳仲好細心，將難熟既雞翼開邊，