Running 燒 (已結業)

韓國燒烤通常都幾貴，成日要就住黎食甘，硬係差d，食得唔夠開懷。最近知道有間任食任飲既韓燒，就上去一試。店內座位寬敞，適合一大班人去，一坐底店員已放底了一些前菜，泡菜，豆芽，菠菜，另有一舊蘿蔔係俾你擦乾淨個烤盆，幾特別。飲品自助任飲，有汽水，茶，韓國汽水...酒類就要另外加錢。外面都有醬料任裝；有辣醬，辣鼓油，蒜末，面鼓醬點完食物幾分鐘就送到，食物種類繁多；肉類：燒肥牛，烤牛脷，厚切豬腩肉，豬頸肉，豬大腸...肉類都不錯，樣樣都夠味，由其厚切豬腩肉，有咬口，又唔會鞋，包住生菜一齊食，正。生菜可以任添，菜都算新鮮。海鮮類：青口，帶子，蝦，生蠔，多春魚...海鮮都不錯，魚類都幾好味。但生蠔就一般般...蔬菜/飯麵/小食類：冬菇，南瓜，水冷麵，炸雞，烏冬...水冷麵幾有咬口，冰凍，幾特別，幾清新甜品類：紅豆刨冰，朱古力刨冰，柚子蜜刨冰...刨冰好多料，內有雪米池，我食紅豆味刨冰有點淡，柚子蜜刨冰好味d任食韓燒黎講，真心算是不錯的選擇。起碼樣樣食材都係新鮮，唔會醃到變晒色。

平時食韓式燒肉都係來來去去嗰幾間不過近排消委會話放題店經常呃稱所以我都係食返放題好啲因為就算去上多少我可以另外叫多一次滿足晒我貪心嘅心理雖然都知道放題嘅肉類質素唔會比單叫既咁好原來我係錯嘅今晚食呢間放題店佢D肉嘅質素同其他韓國燒烤店也不相伯仲不過呢度特別在佢嘅小食同其他韓式食品都十分之特別例如佢有嘅水冷麵韓式食品有炒年糕 炸八爪魚最受歡迎嘅韓式炸雞都有佢嘅水冷麵都唔係求其咁整用返韓國嘅冷面加上個湯夠凍令到聖歌冷麵又爽口又彈啦而且個湯唔會太濃味食住燒肉食呢個水冰麵一冷一熱都幾有冰火嘅刺激另外我最鍾意食燒肉嘅一個食法就係首先叫一個生菜籃先將生菜攤開放上自己喜歡嘅肉類例如牛西冷或者牛舌甚至豬腩肉亦可以上面加上蒜蓉同埋呢間店獨有嘅麵醬喜歡辣的可以加上泡菜之後將成個生菜包住晒然後一口食晒佢用生菜包豬肉一齊食不但可以減低佢嘅肥膩感呢種食法簡直會食到上癮呢度呢炸雞都好好食如果平時喺其他韓國店但我一份都起碼要百幾蚊呢度就可以逐件咁叫每件新鮮炸好先淋上汁也有不好吃的理由呢

啊媽帶路食好野，話佢知道有棟野有唔少新餐廳，叫我地全家一齊去試試。入到去原來見到都有唔少餐廳，而我地今次就係去呢間running燒，聽個名都幾攪鬼，哈哈~入到去都之前同朋友食個D韓燒唔算有太大分別，不過有條大大條既抽油煙管係爐既上頭，吸油煙都幾勁下，雖然食完一定會有浸味，不過至少唔會食到油林林先，好唔舒服架嘛！飲品就自助自己出去拎，竟然比我發現到呢到有Lotte既錫蘭紅茶，緊係馬上拎罐黎飲啦，飲落味道唔算好甜，錫蘭紅茶味香，唔錯，唔係間間都有架！到燒肉系列，五花腩、豬柳片呢D豬豬牛牛點少得呢？側邊可以再舊蠔上去烘下，邊燒邊烘，睇見D肉油「喳喳」聲，燒滾吧，陣陣肉香飄落鼻裡，燒好上碟，我就唔客氣啦。青口帶子同樣有得燒，青口冇沙洗得好乾淨，帶子都粒粒圓潤，韓燒平時都唔算多青口呢類選擇，平時都係燒蠔多！扇貝一樣有！每隻扇貝都大大隻，橙色膏仲要好吸引~我就緊係唔執輸食左幾隻，一啖就食哂落肚！雞翼我地叫左好多隻，呢到D雞翼好得意架，會幫你全部拆左一邊骨，食落好方便，得一條骨，另外一邊全部都係肉，嫌食雞翼麻煩既人定超鍾意餐廳呢個小貼心舉動，包括我！見到有個阿珠媽靚湯，仲要註明係天天不同，緊係要叫黎

之前同班FD約食飯，個個話想食韓國野，本身想約食部隊鍋，點知間野話Full人，咁我地唯有轉戰第二間，有朋友話呢間Running燒應該都唔錯，我地就決定黎呢到開餐啦~我地被安排坐近玻璃，可以見到下面馬路既風景，個View都唔錯！呢到4個先可以開一個爐，開多一個需要加100蚊開爐費，哂野食既話仲要每位人頭收多50蚊架！大家記住要惜食唔浪費，咪做大哂鬼！隔離Menu紙有齊哂你想點既野，唔洗出去捧一大盤野架~隔離仲有支油，係比你方便燒野食唔夠油個時加，唧唧細嘴唔怕落得太多油！有麵食有湯有小食，當然唔少得主角牛啊豬啊海鮮類啦，飲品就可以去雪櫃拎，我地一班餓狼都逼不及待去點齊哂自己想食既野，馬上開餐！小食我地叫左韓國炸雞，甜甜地黏黏地既醬，似足韓劇炸雞，肉質嫩滑唔韌口，每舊都細細，一口一啖都吞得落。咖哩魷魚略為偏鹹左少少，不過魷魚好軟好易咬開，而且D肉唔霉燒下青椒南瓜茄子，好脆爽口不過有少少青味，點番少少豉油遮到味，有益又健康！海鮮部分仲有叫左龍脷柳片、扇貝同大蝦。扇貝黎左兩隻係有膏架，啖啖肉啖啖膏味好正~龍脷柳片魚肉好軟林，唔粉而且啖啖鮮。大隻真係都幾大隻，呢到食既蝦點都唔係出面D細蝦仔，每隻都

又到每年最緊張嘅放榜時刻唔經唔覺距離放榜已經過咗咁多年不過表弟今日就真係DSE放榜好彩佢都考得好好所以夜晚就請佢食燒肉放題呢度裝修都幾靚似足晒明同嗰啲韓國燒烤店仲要好貼心咁張櫈係可以打開放個袋入去咁樣就唔會吸到啲煙味呢度肉類都有好多款齋係牛都已經有成半版紙有多再加上豬同埋雞另外特別在佢有羊肉揀表弟果然係年青人佢差唔多冇一款肉類都點左呢間餐廳係會將所有肉類放埋同一碟所以店員執好晒俾我哋見到都嚇一嚇呢度啲肉類好新鮮唔會好似其他放題店咁啲牛肉會用鬆肉粉那到冇晒味凈係得個淋字呢度啲肉依然有咬口而且完全冇鬆肉粉嘅化學味道另外都十分細心因為平時食啲燒肉雞翼係永遠十分難熟的呢到會幫你將隻雞翼起咗一邊骨咁樣輕輕燒一燒就可以成隻雞翼熟哂另外最特別嘅位就係呢度有燒生蠔食將生蠔放喺鐵板上當燒到佢出汁而且開始滾嘅時候就係佢熟嘅時候再加埋佢奉上嘅泡菜或者蒜蓉直情好食到震最後甜品竟然有少有嘅刨冰佢啲配料都十分揼本有一粒糯米糍同埋爆爆珠

韓風當道，身邊不乏有崇韓的朋友，因為有一位超崇韓的朋友生日～於是就帶她就這裡食個生日飯！相信不是迷韓國的電視節目都會認識Running Man這個風魔全世界的綜藝節目，這間餐廳就玩食字，改為｢Running燒｣好特別！這間餐廳是放題的，知道其他韓燒店都好少可係放題，而且價錢都不菲，唔係人人負擔到～放題收費合理，平日晚上入座都是HK$228一位，就可以任飲任食！食店內環境好似置身韓國的料燒肉店，令我位崇韓的朋友為之雀躍！想不到平日的晚上都座無虛席！老實說這裡的食物種類比不上日式放題的多，點菜紙只有5張，其中一張是需要另外加錢的酒類飲品！跟傳統的韓國餐廳一樣，開始前都有飯前小吃，分別有泡菜、芽菜及青菜～食哂都可以再Refill的！而職員先替我們開爐，就先奉上一小塊白蘿蔔，唔食用黎食，係用黎清爐～因為燒到咁上下，爐上面都有黑色塊塊的鑊濃，可以用它來清一清理再繼續燒！除左任燒之外，還有任飲的飲品櫃，當中不乏各款韓式的飲品！自助調味區可以自行調配自己喜歡的醬料味道～肉類我們每款都點了少少食，睇下邊款好味先再encore～當中的款式其實不算少，當中我們點了豬頭枕、豬頸肉、豬柳片、雞肉腸、牛柳片、牛

終於食到餐高質放題好飽好混動D肉既質素真心正！醃過既肉好好味牛肋骨🤘🏻豬頸肉好多都好好味雞翼開埋邊比我地煎超細心💕韓燒唔少得五花腩！好正！3條女燒左4大碟肉加海鮮😅好滿足 Tips:生菜要另外order 餐紙無寫野飲都唔錯 有忌廉奶👍🏼👍🏼

我注意到這間餐廳，正因為佢個名同那個韓國節目Running man 一樣。你有讀過會考到以有涯除無涯的那個概念，說就像是我們的工作，我們的考試，或者是吃自助餐都好，人生總有好多東西要做，好多task要fulfil，像那個節目的人一樣，要有限時做到無限可能。時間的關係，沒有選擇夜晚來吃，因為呢排啲節目真係好密麻麻，要試餐廳要選星期日的下午。方才發覺，原來星期日的下午吃午飯，是多麼的悠閒，人不多又舒服，唔會滾水淥腳趕你做，這間Running燒前排勁多人走過來朝聖，但下午竟然不多人，因此也吃得舒服一點。Running man 而係有限時間做幾十個task，以此為主題的running 燒當然也要這樣，有限時間，可以的話你要試無限的東西。我來的原因，是一位喜歡任食的朋友話呢度嘅任食平得來質素不錯，短時間內吃了兩次，於是佢推完再推後，我決定來探訪一下。可惜的是，下午沒有任食海鮮供應，朋友說海鮮是靈魂，以平價來說是絕對做得不錯的海鮮，今日時間關係試唔到，食下另外的肉類來試試質素吧。 前菜都是可以接受，特別喜歡泡菜。 燒的肉類都算可以不錯，因為價錢算中等，有牛舌有雞翼有豬肉有五花腩等等 ，最喜歡的

自從韓風襲港之後，各式韓式餐廳進駐香港！ 例如：韓式炸雞、韓燒、韓式快餐店、韓式 Cafe...等，要找實在容易！我有位喜歡到韓國追韓星的姊妹朋友，約她食韓燒就最好不過嘞！ 我們跑到旺角樓上韓燒店 <Running 燒>！店名改得鬼馬！ 好像韓國人氣節目 Running Man，卻沒有關係的！星期一至四放題 7:00~9:30 入座，每位 $228另設有加一服務費！4位或以下只開一個爐，如需要另加爐+$100！浪費食物，每位收取 $50 附加費！這裡比預期細，一走進去，已嗅到一陣油煙味， 幸好不太勁油煙！每一枱均設有抽油煙系統。店員為我們開爐，自從開爐之後，店員把抽油煙系統向下拉，讓油煙更易散去，服務貼心！他們收碟的速度不算快，可能是人手不足的關係吧！坐下來，店員隨即送上韓式餐前小食，包括：泡菜、芽菜、菠菜，另附有一件白蘿蔔，這不是食用的，而是用來擦去爐上的燒燶的焦！既天然又簡單！果然有效！ 真是意想不到！ 韓式小食包括：清爽混合麻油的芽菜，菠菜則翠綠柔軟，泡菜很辣，淺嚐一點已嚐出其味來！食物方面，可選擇：蔬菜、小食、麵、飯、湯、海鮮、牛、豬、雞、羊、甜品...等。另可

升降機門打開，便是這個大大的價目表。百餘元的燒肉放題，比午餐吸引。盡情吃個痛快，身心舒暢。一貫韓燒的和局，在下午還得上班的工作天，每張枱中央吊著的抽氣管，十分重要。簡單的佈置，牆上畫了塗鴉添上玩味，使氣氛輕鬆。靠窗的座位，還可以俯瞰彌敦道的街景。圓筒型椅子沒靠背但有軟墊，尚算舒適，還可以儲物。有8款牛、10款豬、2款羊、3款雞、6款蔬菜、9款熟食和兩款腸。小食和海鮮則只限晚市供應。甜品則有6個味道的刨冰。飲品可在雪櫃自取，有各式汽水、果汁和茶，是連吃三餐放題中款式最吸引的一次。醬汁和蒜蓉也是同櫃前自取。店員送上前菜和一塊蘿蔔，並介紹蘿蔔的用途。前菜份量偏少，要是能任吃就好了，畢竟燒肉油膩，清新的蔬菜可以清一清味蕾。肉來了。大碟大碟的紅肉，比旺角的老牌韓燒感覺企理得多。點了個生菜籃，包著燒肉吃，中和油膩，清新又健康。杏鮑菇燒至軟腍，夠多汁。在鐵板擠上油，就開始燒。豬頭枕軟嫩，肉汁豐盈，充滿肉香。厚切豬腩肉半肥瘦，肉汁和油脂滲在一起，濕潤又香口。薄切的黑豚豬肉，看似乾身，吃下去又幾嫩幾濕，帶豬肉的淡香。第一次燒豬耳，外層軟韌帶黏，中間爽口。豬大腸醃成橙紅，但燒至軟腍，不及脆的炸大腸惹味。燒

近兩年韓燒越開越多，幾乎次次食都可以試新餐廳，今次就同朋友去左旺角嘅Running燒。Running燒喺地鐵A出口附近，一棟剛翻新完嘅大廈9樓。一入到去都係走raw建築風，坐位十分充裕。平日同週末、假期、假期前夕，Running燒都係任食all you can eat，但價錢都有d分別啦。我去食晚餐個日係端午節前一日，價錢係$246，週一至四就$228，大家要注意番啦～入到去就拎野飲，同其他放題一樣都係0係雪櫃任拎。我地試左肥牛、五花腩、牛脷、牛肋骨同調味雞肉。一開始唔知份量，原來一客就真係一塊，大家點菜嘅時候要留意呀（但都好嘅，因為我同朋友都係女仔，唔大食 ）。肉質好鮮嫩，五花腩肥瘦適中，感覺唔heavy。我一向麻麻地牛脷，但今次牛脷冇「蘇」味，抵讚！調味雞肉就幾入味，不過不失～食韓燒一定要燒埋海鮮，今次朋友點左扇貝、多春魚、蝦同蠔～扇貝同蠔都大大隻好肥美，重點係冇雪藏味好新鮮。由於實在食得太多肉，所以我地都叫番d蔬菜黎中和下～翠玉瓜、南瓜、冬菇同埋雞脾菇都超甜，燒耐左少少都仲有好多水份～最後叫左個韓式刨冰做甜品，我試左士多啤梨味嘅。果醬酸甜，有埋士多啤梨果肉，一d都唔hea，係個

星期日中午吃韓燒放題去，位置接近太子區，餐廳範圍不會很大，可以說是一眼看完。涼著冷氣，身處9/F高度望向街景，由中午12:30至3:30的110分鐘內任點任燒任飲任吃，價錢每位$158，可吃盡韓燒生料及廚師烹煮的麵飯小食（熟食）。前菜三碟加一個白蘿蔔，白蘿蔔不能吃，遲一些便會知道它的用途。生料有牛、豬、雞、羊、香腸，海鮮只限晚市供應；每款肉的大題下有至少兩款肉部位或調味的選擇。白蘿蔔是給予我們為鐵板清潔洗擦之用，擦一擦再烤過，調味不錯，肉質又非被鬆肉粉殺死，至少有一口好肉吃。烤肉後，麵飯湯也是任吃的，不過任吃的小食例如炸雞、炸八爪魚都只限晚市供應。任吃的麵飯湯有炒年糕、炒粉絲、水冷麵雖然沒有豐富的配料，但味道是對辦的。阿珠媽靚湯是天天不同，今次是人參雞湯，有人參的甘味。甜品是刨冰，也是任吃的，多款味道，配料已定，刨冰的冰粒是粗的款，並非冰沫喔！百多元一位已算好抵吃，性價比高！