Running 燒 (已結業)

今晚同朋友仔去試「Oppa」 放題 - Running 燒, 一上到門口已經爆滿 「Running Man & Woman」, 個裝潢更有D Rock Rock 地, 我地果然冇搵錯食呀呢個 「 Running 」 燒放題Menu 好多款式及飲品選擇, 點了「HITE 芒果啤酒」一飲好芒果味然後酒味先慢慢來好得意, 跟住當然狂點烤肉、牛不特止, 佢地有個 「 羊西冷 」好正好有羊味, 不是一般那些有雪雪味囉, 堅要再re-call 多round! 仲有當 「Oppa」 員工送上佢地個 「雜菜沙律 」時嘩左一聲, 因為冇諗過咁大盆淨係叫呢個 「雜菜沙律 」 我地覺得都已經抵晒, 當然仲要任叫佢地D海鮮 - 扇貝、帶子係好食得不得了好新鮮, 最蝕係我地倆個都唔食生蠔, 因為眼見隔離枱各位 Running Man & Woman 食得好滋味, 一定好好食! 加上呢幾日天氣超凍, 真係抵佢地坐無虛席, 好正!

天寒地凍,最好不過就係燒烤或者打邊壚。今晚就揀咗韓燒做生日飯。Running 燒任食110分鐘,17:30-19:20$208一位,19:30-21:20$258一位。所以就揀咗17:30食,平$50一位啦。21:30後仲有7折。Order紙唔多,得三張,另有一張洒類係要加錢的。非酒精類飲品就任飲,有汽水,韓式飲品,煎茶等。最抵食梗係海鮮啦,有蝦,有帶子,扇貝,生蠔等。肉類種類都ok多。仲有菜,菇等及多款熟食。喜歡飲洒可加錢叫。Order咗雞翼,牛肋骨,豬頸肉,一口牛等。扇貝較細隻,個人比較喜歡帶子。蝦都好新鮮,龍脷魚都ok。仲有生蠔,不過燒完好細隻。又一盤肉,仲有咖喱魷魚鬚個人覺得係最有味道既一款。但原來無影相。食咗咁多肉仲叫咗烏冬,辛辣麵,沙律,餃子及韓式炸雞。飲咗好幾款飲品。食到最後30分鐘會提你last order及比甜品紙你,有蜜瓜雪條,芒果雪條,椰子雪條及西米露,每人可算一款。西米露其實似紫米露。匿到環境唔算大,得15張枱,服務員都算多,收碟都快,出野食都快。可能係早嗰輪都唔full,得6,7張枱有客,我地差不多食完先多幾枱客。今餐食到飽飽,每人$208唔算好貴,但如果甜品

同朋友去旺角行街，行到肚餓就揀咗呢間樓上韓燒任食。一坐低，waiter就上咗幾碟伴菜，食完就可以嗌佢加。呢間鋪唔興換爐，而係用白色嗰舊蘿白抹走啲焦，方便得黎又環保，抵讚！佢都設有醬料枱俾食客攞自己鐘意嘅醬。熟食方面，嗌左韓式炸雞，辣辣地，唔算厚粉，好juicy!韓式韮菜同泡菜餃子脆卜卜，夠哂惹味。年糕湯細細碗，用黎過口癮啱啱好。肉類方面，厚切豬腩肉同牛肋骨最推介。前者肥同肉嘅分佈平均，食落唔會成口油，配埋生菜同泡菜一齊食簡直係perfect match! 後者牛味十足，唔使配其他野就咁食都已經可以輕鬆食到十幾嚿。五花腩薄片上，食多幾牌都冇乜罪惡感。大蝦夠哂大隻，爽口彈牙。扇貝同帶子都好新鮮，魷魚圈唔會好“un”。仲有多款飲品任飲，食到好滿足！

今次又系去食韓燒啦，依間Running燒距離旺角mtr b2出口三分鐘路程吾洗，都幾方便下。入正題啦，大家韓燒食肉就食得多啦，海鮮可能相對較少既，而依間韓燒能夠提咁多款海鮮，當然要試下佢啦，所以我今次主力就去左海鮮度啦😂我地叫既海鮮有原隻生蠔，虎蝦，帆立貝，多春魚等等...而其中生蠔最值得推介，其一因為佢系燒熟之後既size冇由蠔變成蠔仔，其二系佢既雪味吾重系新鮮既，而且咬落吾會太痴牙，一定要n call呀🤤而帆立貝系另一樣我想講既，帆立貝大細誠意十足，而且加埋佢地既麵豉醬包你食過返尋味，唯一不足就系隻帆立貝痴得隻殼太實😂而其他既肉類都不過不失啦，有一般韓燒店既水準，鋪內油煙亦吾大👍最令我意外既就系佢地有melona雪糕食，依個牌子平時超中意食，估吾到系依間都有得食，系小確幸呀😍

尋晚係最天寒地凍之時, 我地兩個二口同聲要去食韓燒, 於是同事介紹左係旺角(其實近太子方向多些), 呢間上樓的「Running」燒放題。同事話抵食兼款式新鮮, 上到去時門口已經迫爆, 我地已經知沒選錯地點(仲要全晚不斷有人等枱)!一睇Menu果然係好多花款, 豬, 牛, 雞翼雞尖當然唔少得, 佢地D 厚切脯肉肥瘦分明, 「雜菜沙律」係必食因為個份量好大料好足好抵食, 雖然天氣好凍但你燒燒下就自己想飲凍嘢, 「真露泡泡汽水(桃味)」起初怕怕地酒, 但原來好有桃味同甜多D好易入口‧ 我地第一次「燒豬耳」仲係韓式燒果然「好打耳」呀 Oppa!  佢地好多款式好新鮮所以海鮮一定係首選「新鮮扇貝, , 帶子」, 我地已經唔記得take左幾多round了非常非常好食!仲有我地第一次咁樣「 炒菜」食感覺好正, 多油少油自我控制, 正!

我同friend都係食肉獸黎，都好鍾意任食，因為比一個價錢食到你飽晒。今日就選左食韓國燒肉。飲品任飲，而且款色都好多。多款肉類任君選擇，豬肉牛肉雞肉有齊晒，仲要有唔同部位，包羅萬有!D肥牛脂肪適中，色澤漂亮! 肉類調味適中，唔會過鹹! 仲有菜類同姑類選擇。個人最喜歡牛仔骨，真係好好味!豬腩肉好香口，唔太厚，好快燒熟。呢個韓國辣麵幾好食，湯底夠濃夠辛辣。好想食多碗。辣醬炒年糕，個汁好香濃，年糕夠煙韌，好食到唔停得口。

第一次食Running燒😍朋友果然無介紹錯呀！🤩呢間韓燒真心正！餐廳環境相當唔錯🍴 枱與枱之間唔會太迫👀 唔洗怕比隔離枱既人聽到曬對話內容嘛😝 不過餐廳內座位唔算太多 如果一行多人 又或者撞正特價時段 就要早d去拎位喇！🕘食物方面，每張枱都會有幾款前菜 超開胃😋 清清地又可以中和到燒肉既油膩🥕留意店員會提醒你白蘿蔔唔係要黎食 係用黎洗走鑊上既焦架🚨食物種類都幾多🤔👀 應有盡有😍 尤其係無限量供應既海鮮呀😍 開頭以為海鮮質素會係麻麻 一般雪藏海鮮 點知好驚喜！ 蝦同蠔都好鮮味 食到停唔到口呀🤤 但留意海鮮要夜晚先有供應呀⚠肉類都有好多款呀😇 有豬雞羊牛既唔同部分 真係每樣試少少都已經好飽喇！岩曬食肉獸😏我地嗌左一籃生菜包住d肉食 無咁滯👍🏼 熟食都有唔少選擇！炸雞有辣🌶有唔辣🍖🍗 個人覺得質素拍得住出面既炸雞店呀😍 炸雞餃子送啤酒🍻一流呀！基本野飲，汽水/解茶都係包架😍 但如果想嗌啤酒送肉 就要另外收費喇💰 最後最後 幾飽都記得要食埋呢到既甜品呀！🍦

RUNNUNG燒一直起我班朋友圈好有名氣今次就叫另一個朋友同我貪新鮮咁去試下好不容易先約到的朋友啦～～～雖然我放９：３０ＰＭ，去到旺角成10點都照等我，感激.....好彩佢地都有做埋夜既時段，仲會打個七折添....百七蚊既價錢抵啦=同我地咁夜食飯既大家，見到佢地一大碟既牛就覺得犀利....伴菜有豆芽、泡菜、海帶....旁邊既係一大個白蘿蔔，唔係FOR食既，係用黎洗爐架~~~正式的韓燒，唔會好似放題咁做到咁雜，變相食到既野就精D....好食D牛舌、肥牛系列，細細塊，點多幾轉......起碼食到量力而為又再一ROUND扇貝都幾新鮮，叫左兩轉，每人兩隻，個爐都好快煮熟左，唔使等好耐不過我地為食關係，推埋一邊，中間主力食肉啦....好肥美的三層肉，配埋菜包埋一齊一點都不膩啦旁邊就煮左少少牛肉粒，正啦，肉味咁重海鲜類就有魷魚圈、蝦、帶子，非常新鮮，燒完唔會縮曬水色水好靚既牛舌、肥牛，燒到岩岩好，好嫩滑，呢個爐都幾好，燒極都唔會太污穢起叫海鮮之餘又落埋ORDER燒下龍利柳，一點都無散肉，好嫩肉地成日都唔記得影食物大合照，食到一半先影搞到俾朋友笑一大必食：水冷麵，好似去左韓國食一樣.....旁邊既冰

而個星期天氣又急跌到得7度！真係要食燒烤！開爐取暖！一到已經有小菜等緊我啦！海帶好粗！好爽口！等緊野食熟時個肚打緊鼓！好彩有好多小食可以食！年糕！辛辣麵！餃子！炸雞！就叫炸雞食住先！有辣有唔辣！任君選擇！炸得超香脆啊！辣個種好惹味！小辣剛剛好！海鮮都有唔少野可以選！帶子同扇貝都幾好食！不過大蝦超級彈牙！又夠哂蝦味！正！估唔到有豬耳可以食！豬耳係滷水豬耳！燒完個皮又香香地！個豬耳既軟骨又好脆！好食！豬頸肉係勁厚切！有辣味揀！個豬頸肉口感好好！夠厚又夠爽口！食得太多肉！仲可以叫沙律清一清！沙律份量大啊！用沙律醋夠清爽！

自己平時都算中意食韓燒 見好耐冇燒過 就約咗朋友放學後一齊去燒一燒之前都有聽過Running燒 想試好耐 不過一直都冇機會 今次終於食到我地book咗位 所以去到唔洗等位就有得即刻入我地係平日既晚市去 $238一位 價錢唔算太貴因爲呢個價錢竟然係包埋海鮮既🤤一入到去 就即刻上咗小菜 味道唔錯 特別中意泡菜😆 不過份量唔算特別多 所以我地要不停叫加泡菜😛雖然係任燒 但呢度既食物種類絕對唔少😁 牛豬雞同海鮮絕對唔少得🤤 因爲我地係食肉獸既關係 一次叫咗好多唔同款既肉 個人最中意牛肋骨 夠入味五花腩同厚切豬腩肉都勁正 加埋泡菜再包生菜真係好好味海鮮都有好多選擇啊 同埋都幾新鮮我同朋友都覺得大蝦同魷魚圈最好食咁仲有帶子等等 但帶子就略嫌有少少咸 記得唔洗再點汁啊除咗燒野食之外 仲有唔同既熟食可以揀🤤 有韓式炸雞 原味有少少甜甜地咁 辣味完全係我杯茶仲有年糕湯 冷麵等等 細細碗咁 唔會話食到好飽搞到食唔到燒肉 又唔洗浪費燒肉又點少得汽水呢！！呢度都有好多唔同既飲品可以揀 唔錯唔錯總括之言 第一次食Running燒 雖然係任食 但食物既質素絕對唔差 而且又多選擇喎咁既價錢食到咁既質素認真唔錯下次同

近年好興韓燒, 年中都食過好幾次, 但呢次朋友介紹話有個地方好食, 於是呢日放工就一齊去食下~~ 上到去, 首先覺得個feel都ok, 地方唔係話十分大, 但坐得ok舒服, 枱同枱唔會太貼, ok好坐. 剛坐低, 就黎左幾碟頭盤, 全部都可以refill的, 其中個泡菜特別好食, 辣得黎有少少甜味, 令我地食完又食. 而嗰碟大大舊白蘿蔔, 唔係用黎食架, 係用黎抹個剪爐個燒盤, 用落其實幾好用, 變左唔使不斷換個盤, 成件事都efficient啲~~ 另外有個醬料corner, 我見有啲人好似走漏左眼. 嘢食黎講, 普遍都幾好食, 好多都唔使再加額外醬料都已經好夠味, 其中平均黎講牛比豬更好食. 而真係唔可以miss嘅係海鮮, 扇貝又好, 帶子又好, 真係正~~ 印象中扇貝我起碼食左4,5隻~~ 除左燒嘢食外, 亦有其他熟食提供, 其中上圖個冷麵, 我覺得值得食, 除左味道好之外, 其他地方唔多見, 甜甜地有少少酸, 喺熱辣辣嘅嘢食之間, 涼一涼好舒服~~最後不得不提, 臨尾每人會有一條雪條, 我要左蜜瓜味, 好好食, 食飽之後整返條真係very good~~

依家坊間已經好多間韓燒，唔打唔撞，上咗嚟呢一間好正既任食韓燒！佢啲位唔算太多，如果兩個兩個去食，會用張6人枱分一半咁坐。而且佢d凳入面可以做我哋啲袋，啲褸咁，起碼d袋同褸唔會好大陣味。👍🏽👍🏽我地完全被張海鮮order紙吸引住🤤🤤大大話話都有8款9款海鮮揀！推介大家食海蝦同蠔！！！我地真係encore左3次！d蝦好大隻好厚肉，燒完好香好有蝦味。而且佢d蝦肉實得黎好彈牙，真心要推介！另外佢d蠔好有蠔味，雖然燒既過程比較耐，要等佢出汁，d汁再滾起咁煮熟隻蠔。姐係用d蠔既精華咁煮返隻蠔。😍😍😍好好食！好重蠔味！燒肉推介燒牛柳！好juicy!! 不過就要好好睇住火侯，佢好薄好快熟，一熟個下即食就最正。頭個幾次，我地燒得太耐搞到佢好乾😖佢仲有d熟食可以叫，推介韓式炸雞！個皮炸到好鬆化，但入面好juicy!!!呢到飲品任飲🤣🤣最好嘅係佢有道地樽裝嘅烏龍茶同綠茶，解濟一流👍🏽👍🏽韓燒通常都係食肉，所以嗌咗個沙律食，車厘茄勁新鮮，勁驚喜。而且佢加左少少柚子醋，好開胃，而且可以平衡返個韓燒個油膩感👍🏽👍🏽最後有甜品，一人一款，我同朋友揀咗雪條🤣唔洗講，呢款韓式雪條勁出名！

忙碌了整個星期，好想狂食relax一下。朋友介紹我來到太子這座美食大廈，隨意選擇就可以飽覽夜景，見到有韓燒，仲要任食，就拍板gogogo.....一入店，店面不大，但由於枱數也不多，所以每枱空間感OK.不會坐得逼。明明差不多full house，我們好好彩, walk in都派到落地玻璃窗位，坐擁旺角街景嘅感覺，有啲high過頭，居然忘記拍照…………………Anyway, 更high的是枱另一面嘅落地玻璃窗，即係飲品櫃，除咗大路嘅汽水，仲有不少坊間少見嘅韓國飲品，石榴汁好fresh又唔甜，飲咗好多罐。。。仲要伸手可及嘅距離，實在太方便!!!坐到呢張枱真係好lucky坦白講，同是任食，以食開放題嘅我嘅準則，係會覺得呢度比較少款式，但食落就有種貴精不貴多, 因為呢度嘅食物質素係有本事令你想安哥再安哥。。。。。同埋第一次食韓燒係不用自費就有任食任燒嘅生蠔生親韓燒我都會同時生返好多菜，等個人無咁熱氣，大讚呢度嘅沙律好大份，但夠爽脆新鮮！！信我，海鮮質素肉類都係嫩嫩的多汁食埋蜜瓜雪條，人生好完滿！！

天氣凍，貓貓頂唔順，決定食韓燒。呢間running燒既設計好靚，好有韓燒氣氛。貓貓order左好多牛肉。肥牛仲好新鮮。貓貓鍾意呢度火候夠大，好快就燒得熟，所以可以係咁encore order野食。牛肉甜，點埋韓式辣醬，加個生菜，好多汁好好食，貓貓濕左個嘴啦又！除左牛肉，仲有好多豬肉雞肉，羊肉都有，全部任食，好抵。貓貓叫左成兜新鮮豬羊雞。一次過燒曬佢再食。真係好惹味。雞腎好彈牙，食極都唔厭。業左既豬頸肉特別入味，不過都要多得貓貓燒得啱啱好，彈牙又潤滑。貓貓手勢真係唔錯。貓貓食好多肉，當然要食飯菜菜啦。貓貓order一碗沙律。真係好大碗，全部新鮮蔬菜。沙律醬料調得好味，唔會算，蕃茄仔好甜，食完成個貓fresh曬。開心貓！好抵食呀，貓貓好開心！

今晚相約朋友晚餐，朋友話想食韓國野，而我想食韓燒，就上openrice搜尋一下，一搵呢間係top幾位，甘就一預試下啦。見到有openrice直接有訂座功能，我就book左7點。點知同朋友心有靈犀，佢又訂左同一樣既時間，所以我就取消左自己個預約。上openrice訂座好方便，大家都可以下次試下我地準時去到，見無人打泥confirm booking，都吾知有無book到🙄最後係有既！我地安排座4人枱，個職員話一陣仲有人入座要坐對面既2個位，但坐左去入面跟本出吾番泥，無得自出自入泥飲品，同張枱有點細，無位放野食。不過啲職員話full booking無計🤷‍♀️張登可以打開放袋入去，幾方便！飲品種類好多，我就中意飲解茶消下濟。特別既係有舊蘿蔔抹下個pan，甘就去到燒焦野同黑色。吾洗成日換爐！食物方面選擇係貴精不貴多，仲有小食添。不過佢一次過一碟上，基本上我都分吾到邊款係邊種肉🤣🤣肉類係好食既！另外推介一下佢啲炸物，因為都好食，炸雞炸餃子🥟炸魷魚🦑都好味！吾多粉！冬菇同秀珍菇燒起泥好好食！我仲點左一人份沙律，原來超大碗！不過慢慢食，中和一下🤣，仲點左生菜包肉食！有少量調味料出面有得拎。反而我覺得海