Running 燒 (已結業)

出面有好多韓燒放題， 做到好平下， 但啲肉全部都醃到勁重味， 同淋到差唔多唔使咬都爛咁濟，所以食韓燒都好小食放題。 聽朋友話呢間 running 燒唔錯嘅， 見佢又唔係貴， 就試下啦。星期三晚， 一上到去都爆爆地場， 好在有 book 位， 呢到野飲任飲， 基本野食都齊架啦， 汽水， 茶， 果汁。如果想飲酒就要另外俾錢叫啦。 野食方面唔算太多， 不過對我黎講都夠哂， 因為主要都係食牛肉多， 而呢到仲有海鮮添。牛肉佢呢到有牛仔肉， 牛柳片， 牛肋骨等等， 海鮮就有蝦， 帶子， 蠔， 鮮貝。佢呢到啲肉冇話醃到好重味， 只係輕輕醃過，等客人可以跟據返自己口味加豉油， 麵豉醬， 蒜蓉，辣醬等。 而且肉質唔錯， 唔韌有啲咬口， 燒完都仲juicy 唔會好乾。啲海鮮就幾抵食， 叫幾轉蝦， 帶子同蠔就已經回本咁濟。除左燒肉，呢到都仲有啲小食， 我地就試左個炸雞。 都比想像中好， 上到枱仲係熱辣辣， 咬入去啲肉好滑同仲有汁添。個人幾鐘意食燒肉配水冷麵， 一來有啲澱粉質落下肚， 二來又涼涼地， 酸酸地， 幾解到燒肉個個熱氣。 而我老婆應該係寒底， 食緊燒肉都仲要配個辛辣麵黎刺激下舊蘿蔔係用黎清潔個煎盤

之前試過一次running 燒真心會有念念不忘的感覺, 食物質素高, 服務又幾好, 唔會黑面同趕客。首先任食嘅韓燒 都有食過, 但較少連海鮮都有任食, 仲有一連串周邊韓式食物, 如炸雞 ,辛辣麵,水冷麵 等等...先推介帶子, 疑似用急凍刺身帶子,燒完兩邊少許脆身但肉質仍然嫩口, 而且 粒粒都肯定地鮮甜,我起碼食左6-7粒。扇貝同蠔 就因為有殼燒得耐D, 我就心急所以燒左一兩轉就冇繼續lu。蝦都ok彈牙嘅。多春魚就出奇地好燒... 意思係好容易燒, 平時一般的板需要勁落油, 或者燒到條魚爛曬,但呢度 我可以唔需要理會佢嘅情況下 , 燒得脆脆同埋完整無缺!!肉類中 , 我比較喜歡辣味五花腩, 因為切得有口感, 夠入味。烤肥牛 同牛柳片都好好食, 燒一燒就食得, 配埋生菜真係無敵。另類嘅吸引 就係周邊野食, 韓式炒粉絲較乾身。睇下我自制左鮮蝦辛辣麵, 其實都好飽, 但又抵唔住頸叫一個, 煮麵時間控制得好好, 唔太淋係我鍾意嘅😂🤣😂🤣食燒肉真係好油膩, 所以絕對需要叫一個雜菜沙律中和返,酸咪咪好醒胃。抵讚有我最鍾意嘅士多啤梨雪條做結尾。提下記得用舊蘿蔔洗塊板呀. 真係好燒好多咖。肉類總括黎

見到咁多人讚先選擇食但去到失望死坐低唔問係食任食定 set lunch到寫好晒紙先話午市冇海鮮食咁點解介紹內容入面唔講都算數只係食肉同菜囉…肉都算過得去。但唔俾夾我點燒咪出去拿多對筷子黎夾生肉囉…見到咁樣先俾夾我地好喇食完第1轉樣樣試d之後寫第2轉紙入紙之後就俾左張單話last order但我等左半個鍾都唔黎野食就催。我朋友就發火。第1.收碟時d肉汁倒落我朋友電話上面。1句sorry都冇都算數第2.交枱唔係問題。但我第2轉d野食呢…第3.問左3次都唔黎野食。隔離枱果幾枱都已經黎唔知第幾轉野食。到再寫第3張紙入紙時再問。咁係咪唔黎野食果半個鍾free番俾我地呢…是但答「哦哦哦」好喇終於野食黎喇又食完喇。我fd好唔開心咁話唔會再黎食第2次。連晚市都唔會再黎。。唉…

突然好想食燒肉, 約埋個FD落旺角呢間running燒, 係90分鐘任食, 都係2百幾蚊一位, 對於嗜肉者啱晒.雖然環境唔算好大, 但感覺唔會坐得太迫, 抽煙位都抽得好強.醬料係自助形式, 有蒜蓉, 麵豉醬, 辣醬等.肥牛一卷卷, 厚薄平均, 脂肪較多, 但入口好軟嫩, 而且牛味好濃郁, KO左好多片.牛仔肉厚厚地, 咬落特別有質感, 唔韌夠嫩.仲有牛柳粒, 大大粒但唔韌, 一口咬肉汁滿滿.海鮮類, 魷魚一D都唔韌, 好爽口. 仲有大大隻既海蝦, 好彈牙, 蝦味濃而且多膏.五花腩片唔算太肥, 煎完特別香口又惹味, 肉質嫩滑唔肥口.上菜速度都幾快, 所以密密食夠晒飽.

好耐冇行過旺角喇 今日同朋友行完街之後再約埋好耐冇見嘅小學同學一齊食晚飯 我哋揀咗係鬧市中嘅韓燒店朋友帶咗囡囡過嚟 麵食湯烏冬啱晒佢喇 烏冬彈牙唔會太諗 佢不知食得幾滋味 另外再叫埋韓式炸餃子 分別有韭菜同泡菜味 非常之脆口 肉類方面選擇比較多 有牛 有豬 有腸仔 牛柳粒必點啦 叫咗幾轉 牛肉燒到唔會好um 再燒多幾條芝士腸比朋友個女食 佢一路食我哋就可以輕輕鬆鬆咁傾吓計 甜品方面唔算太多因為食完烤肉都比較飽 我哋淨係叫咗雪條同埋西米露咋 雪條仲要係我最愛嘅韓國melona 雪條 好正啊！

去完韓國旅行，我依然對韓國菜念念不忘，仲一直回味韓燒既味道。於是我就上網搵下邊間韓燒又好食又抵食，最後比我搵到間 “running燒”十分期待去啊!!場內環境不算好大，入面差不多坐滿了食客！可想而知依度既食物質素一定吾會差飲品是以自助形式自取，方便食客飲完又拎新飲品。旁邊仲有醬料區呢！首選推介一定系海鮮海蝦睇顏色刀知非常新鮮，size仲要吾細隻。經過燒後，海蝦除左香口之外，肉質鮮甜又實肉！我本人不停order，無一隻是死蝦，超正！另外，扇貝和帶子同樣地大隻又新鮮，燒後依然甜美。可以order海鮮類，感覺好似回本一樣呢。雞腎同樣地系我愛上的食品！依度既雞腎十分爽口，口感不太硬身，而且系街外真系好少有咖喇！一粒粒既雞腎，十分方便入口咖哩魷魚鬚又系推薦菜！最愛食魷魚鬆既我感動十分興奮！每一條既魷魚鬚刀好粗身，而且充滿左濃郁既咖哩味道，十分惹味燒雞翼一定是香港人既最愛！依度既雞翼是單骨的，非常方便食用。雞翼經過調味後，味道入味之餘又好食！一咬落去，不少肉汁滲透於口中！豬頸肉是朋友愛吃的一款，口感爽口，帶點點油份而香口，值得一試。總括而言，我同朋友非常推薦依間韓燒，由於抵食又美味！環境又不差，味

本來幫朋友慶祝生日所以先book韓燒慶祝，提點R職員上生日蛋糕，職員就咁大力放下生日蛋糕（餐廳職員唔係太忙），令到蛋糕hi花，同食蛋糕用具完全冇準備，一啲驚喜都冇。其次食雪糕嗰陣，雪糕應該係本身溶左之後再雪返硬去， 雪糕同包裝盒嘅形狀完全不同，影響外型更影響衛生！再者，有咩可能係個廁所入面會放其他食物用具？廁所裏面藏有幾多細菌？雖然唔係食物但用具都會沾上細菌，客人用過可能影響健康！今次令到我朋友有唔開心嘅生日回憶，再冇下次！！！

星期日嘅旺角到處都係人 唔想咁迫梗係搵間近地鐵站嘅餐廳慢慢食 朋友建議去食韓燒 話時話真係好耐冇食過啦 趁着夏天未黎 食多轉先一到去乜都唔理梗係點咗啲熟食先因為真係太肚餓啦 之後先慢慢燒肉類 韓國餐廳梗係必食韓式炸雞啦 揸到非常之脆口 啖啖肉 真係好嘢味 再叫雜菜沙律 感覺健康少少海鮮選擇唔算太多 有大蝦 多春魚 帶子 扇貝 咖喱魷魚 生蠔 款款好新鮮 大蝦同多春魚係我最愛 大蝦唔會好梅 好彈牙 多春魚要燒得靚真係好有技巧㗎 首先要多油先吾會癡底最後到甜品每日限定一條或者一碗 我揀咗試過西米露 唔會太甜 都唔錯

成班朋友好耐冇見，今日終於約齊左人。有人建議食韓燒，因為可以一路燒一路傾下計。一去到店員就送咗泡菜同海帶俾我哋食先，一路食住啲前菜，一路望下張點餐紙有咩好食，見到有好多海鮮，梗係即叫海鮮同肉食啦。海鮮都幾多選擇，有蝦、帶子、扇貝，仲有生蠔添呀，可以任食燒肉同海鮮啊，好想即刻燒黎食啲海鮮好新鮮呀，又大隻又多肉。因為我好鍾意食蝦同帶子，所以叫咗好多黎燒，啲肉好肥美而且鮮味十足，連生蠔都一樣咁新鮮多肉呀，估唔到啲食品又幾高質喎。除咗海鮮外，餐廳都好多肉類選擇，有雪花牛仔肉、黑豚肉、五花腩、芝士腸、豬頸肉等等，每樣都醃得好入味，燒完放啲肉落生菜到一齊食， 簡直絕配呀。餐廳除咗有生嘅嘢食，仲有啲熟食俾你揀，真係唔使驚你會肚餓。食完最後每人送一條雪條，蜜瓜味雪條好好味呀有機會都會再叫朋友嚟食。

朋友生日 來到旺角一間韓燒，變化了很多 本人都好久沒吃了 場地都有一條條的抽氣喉,周圍區會又谷又多火，煙，坐底後就選擇 多款式的飲品，就點食物了 基本上眼花花都比較多，海鮮類扇貝，海蝦， 帆立貝，生豪， 魷魚，吃過蝦，帆立貝 好新鮮好彈牙如果覺得想試別的味道還有幾樣 調味料 醬汁 ，熟食 麵豉湯，湯烏冬， 冷麵， 食到濟濟地仲有沙律，生菜藍 肉類選擇都比較多 豬頸肉 牛柳粒 五花腩 肉味鮮甜 新鮮 包埋生菜一齊食 吾會咁濟 食到飽仲有雪條食添

好耐冇去旺角啦今次家姐約我去食好野難得佢請一定揀放題不過都冇所謂啦位置都幾方便 容易找係鬧市街頭中的一座大型大廈入面9/F入到去已經好多人係門口排緊隊啦好彩我地book左位時間一到就可以入去 叫左我最愛的海鮮 有生蝦同帶子好新鮮啊大大隻海蝦好快就熟有得食 好甜好爽囗 帶子大大粒甜甜地又好正重有生菜可以包住肉黎食 冇咁熱氣加埋醬汁 味道一流又多一點口感由於食太多肉 罪惡惑太勁我點左蔬菜 種類都幾多茄子 南瓜 香茹 雞脾茹都有你諗到咩嘅蔬菜也有另外韓式嘅熟食都好多有炸雞，年糕，魷魚鬚全部都好新鮮整㗎 仲有一定要點雞翼呀鋪頭好細心一分為二所以好快就熟 唔使好似平時嗰啲成隻燒等勁來都未熟 重點仲要有辣同唔辣食飽飽之後仲有甜品食我揀咗韓式嘅蜜瓜雪條 好好味呀 甜甜地滑滑地

好幾個月冇食Running 燒，今次再返食，發覺肉類冇以前咁好食，叫咗燒蠔又冇送過嚟。星期六，日仲要多收$20。呢個價錢 出面韓國燒烤有更多選擇。下次應該唔會再嚟。

看見OpenRice評語不錯，又適逢我的生日，就和家人共3人一起試吓，怎知道⋯⋯中伏了！首先，點食物的紙就只有3張，帶子和扇貝都是雪藏的，還用鹽唵過，有些超鹹，羊肉沒有羊騷味，炸雞的粉太厚，d蠔有沙，什菜沙律d菜是鐵銹色，唯一食得下的就只有蝦。吃了一小時就話要last call了，仲有50分鐘吃，當然要叫定多d啦！所以我們叫了30隻帶子和15隻蝦，但卻來了只有10隻帶子和6隻蝦，跟侍應說的時候，她說張單是有限制的，只可以點6件，我們和她理論，因為那是last call 還有這麼多時間，不應有這樣的限制，她後來說：「好吧！那我給多你們兩三隻啦！」我生氣的說：「我們每人付了300蚊來食放題，並不是來乞食的。」她說：「我們的規矩是這樣的，對不起。」我說：「這是什麼規矩？放題卻限制人食野，收300蚊一個人頭，好像乞丐一樣。」最終她還是給了我們所叫的數量。真的不容易，要生氣才可以有得吃，來了食物，卻一肚子氣，真的沒有下一次了！

放工係附近睇下有咩食，看到9樓的running 燒放題。除左燒肉，仲有埋燒海鮮，當然上去一試😏門口就有價錢牌，有d椅比人等位坐.等左一陣就可以入去😊食物有3張紙，有生有熟😝寫好交比店員。食物上得都幾快，第一盤海鮮盤😍放得好靚Encore海蝦，好新鮮，而且仲好大隻。肉類：味道唔會醃得好鹹，鐘意食鹹d可以係自助調味柜拎醬汁.正宗韓燒又點少得生菜包肉👆🏻😏生菜藍可以係蔬菜類度任點😊食甘多肉中和下最好😊跟住到熟食啦因為主要食燒肉，淨係試左3款咋辣炸雞-》本身仲驚佢辣，但ok可以接受，雞都好juice炸魷魚鬚-》好驚喜呀，原本以為佢un 。但一點都唔un,仲可以好易咬開韓式炒粉絲-》原來好驚好大份，來到原來係細細份😋味道適中, 細細份，下次可以試多幾樣😝差點漏左野飲都係任飲架。全部放左係入面雪柜，自己拎。最後last orde的時候，就會比埋甜品紙。每人可以order一樣為晚餐加上完美句號😊😊

放假最開心可以同一班朋友放慢腳步四圍逛，今日去到旺角晚餐，逛一下再到Running燒食放題，放鬆一下。店舖環境寬闊，近窗向街外望可以清晰看到街景相當不錯。行到肚餓一坐下就已經點了一堆食物，我最喜歡牛仔肉，又不會太厚，而且牛肉味相當濃郁，另外就是牛舌,薄薄的剛好，輕輕煎兩下，咬得開，軟滑又多汁，味道濃郁。而烤生蠔都唔錯，再加上配料蒜蓉去烤簡直正到停唔到！值得介紹就係烤大蝦，都幾新鮮，蝦肉一啲都唔梅，啖啖爽口