Running 燒 (已結業)

韓燒流行咗好多年，但熱潮依然冇減退過，我間唔中都會同朋友去食下韓燒，今次睇中呢間餐廳有晚市九點後入坐有優惠呢點，點知令我有驚喜！放題最正嘅地方就係可以想食幾多就叫幾多，想食啲咩就食啲咩，唔使理價錢。餐廳入面嘅食物有好多選擇，有好多種肉，雞翼都有幾種唔同嘅味道。豬牛雞 任君選擇燒呀燒呀燒通常韓燒放題都只係得肉係任食，份量仲唔多，呢間餐廳啲肉唔單只份量多到嚇死人，而且仲有好多種海鮮可以揀！我哋叫咗蝦，扇貝，魷魚，同有得食蠔添！多到嚇死人嘅份量百幾蚊可以食到咁高質素嘅韓燒真好抵，我建議大家九點之後入座！因為咁樣有額外嘅優惠㗎 ！

很久很久以前吃過一次午市這次與朋友首次吃晚市放題記得要訂座 座位有限 地方規模比較細 幸好很快就安排入座坐下不久 店員便送上前菜一定要介紹右下角的那件大蘿蔔它的用途是為了清洗爐上的燒焦這個設計實在太方便 算是這店的特色放題包含各式各樣的食物除了肉類以外還有海鮮選擇連生蠔大蝦也包括在內 物有所值飲品，醬汁是放在中央區客人以自助的方式提取韓國的樂天飲品也是任飲不得不提熟食的質素也很好朋友一直encore 少辣的炸雞而我則喜歡炒粉絲配燒肉很適合最後有甜品作終結以為糖水伏 意外地覺得好食雖然是紫米紅豆西米露而並非水果水比較稀 不過料卻很好吃 份量亦不少 可算是小驚喜

朋友知道我鍾意食韓國嘢，今日特登帶我黎這間餐廳食韓燒。這間餐廳我最鍾意食的就是小食炸雞，這裏的炸雞有很多口味，由吾辣至噴火辣度，分幾種，每種都各有特色。我就叫咗唔辣的和噴火辣試。噴火辣顧名思義，食一啖火都識噴出嚟，跟住就係咁飲水撲火，如果平時食吾到辣的，千祈唔好說。唔辣的炸雞，外層薄薄的炸粉很酥化，雞肉很滑很柔嫩，肉質豐富。不似一般的炸雞乾爭爭。燒牛仔骨肉，薄薄一片，一啲都吾（銀），有牛肉味，吃時點一點辣醬，再用生菜包包住食，口感更清新也不會膩。韓國入口的芒果味雪條，芒果味超濃，一定要食。

朋友突然間話想食韓燒，我就帶佢嚟咗呢間食韓燒，因為我好鍾意這裏的環境，沒有油煙，不會怕食完後成身油煙味。食放題梗係第一時間食咗啲海鮮先啦，起碼要食到回本唔好蝕。海蝦大大隻，比手掌心更長，肉質彈牙，很鮮甜。帶子，像一個＄5銀咁大，肉質鮮甜，入口很嫩，啖啖肉很好味。蠔，有手掌心咁大隻，放喺爐上面燒，當聽到（節節）聲時，就差唔多熟了，我會加少許蒜蓉一齊燒，入口蠔很肥美可口，加了蒜蓉味的蠔，入口仲更加冇得頂。

不愉快經歷，超過六位成人請不要再去這裏，沒有食物選擇，和食物實在太普通，其實可以不要再幫襯，沒有人理會，加座位他們說他們會很多人來Booking但到晚上10點半都是只得一半嘅客人在餐廳內！訂了座位都沒有用的，職員完全沒有理會，客人佔餐廳嘅數目真的很少，食物亦不是想像中咁理想，真的不要再幫襯他們了，價錢亦不是十分優惠，喜慶節日亦沒有特別嘅安排，飲品都沒有什麼選擇，比起一些放題便宜很多，廉價好多，食物種類不多

今日行開彌敦道，見到有間叫Running燒嘅韓式燒肉放題餐廳，作為Running Man多年fans既我好有興趣，就決定搭𨋢上左去試。我同男朋友都係典型嘅食肉獸，無肉不歡，燒肉放題真係啱曬我地。一入去坐低左我地就即刻攞曬d點菜紙點野食，有牛雞豬羊四種肉供選擇，每種肉亦有唔同部位俾我地揀。因為坐低點完菜太肚餓，唔想等個鑊上面d食物燒完先有得食，我地叫左韓式炸雞同炸餃子，食少少野打個底再慢慢燒。依頭落左單果頭就送黎，炸雞咬落去好酥脆可口，入面既雞肉亦有肉汁，水準唔比出面d炸雞專門店差。炸餃子d餡亦好足料，咬一半d汁爆曬出黎，唔係d大型超市買返黎嘅一般水餃。而主角肉類都好新鮮無冷藏味，點埋佢地無限量供應嘅蒜泥、三種醬汁，真係燒到停唔到手。除左燒肉之外，餐廳亦有各色各樣嘅海鮮任食，包括大蝦、多春魚、帶子、扇貝、咖哩魷魚鬚、魷魚圈、龍脷魚片、鯖魚、仲有生蠔，同樣地新鮮。飲品都有唔少選擇。最後食埋甜品蜜瓜雪條同西米露，好滿足！

同朋友黎食過一次，野食質素好好，9點半黎到價錢會再平左。所以果次之後都希望再黎幫襯今次屋企人就快生日，預約左時間7點半，點知公路上遇上塞車，係就快夠鐘時已經打電話希望講低會遲，可以留枱。但繁忙時間佢地無法聽電話，儘管打左7次有多，到最後當然佢地已經張我預訂嘅枱比左其他人。佢地強調已講明留枱10分鐘，我都明白，但難道我可以控制塞車？意外我預計唔到，已經提早出門，但佢地長期無法聽電話都導致我無法交代，最後只好帶住老人家搵其他餐廳，等位。

今日5點到9樓，上到去黑晒燈，係落場，仲聽到人係到訓教。因為想等到5點半walkin, 一直坐係到等。直到5點15分，開始人多，期間間店電話無停過咁響，只係d staffs較到最最細聲。我心諗我3點幾時已打過電話黎，唔怪得無人聽。最可笑係5點20分時有staff將電話音量較大，但依然唔聽電話彩您都有味。等到5點30分終於開左門，我同我呀媽2個人，就開2位，一心諗住可以有野食，加上係第一位。點知一個唔高ge女經理，話無book位唔入得，麻煩我地出去等，我問而家係咩安排? 個場有5張枱係吉ge, 問女經理佢無視我問下個客有無book位。我同我媽嬲到入左去，佢無打算理會我地，我再問您張紙booking係6點，7點，有枱唔做客，而家點安排? 女經理完全唔想做生意，話無booking無得入，今日full左。係我地後面有5個係walkin,無奈都只有走。Running燒幾好食都好，服務係垃圾，管理係垃圾，連客滿都唔講，員工5點25分先開燈開冷氣，我係老闆一定抄左呢班waiter，趕客一樣，好自為之! 垃圾!

過左端午後，天氣真的穩定地熱了不過並無阻我吃韓燒放題的心情！我同朋友黎到旺角的running 燒，預左今日食到一身汗了（其實冷氣好充足）其實呢度主打海鮮，好多海鮮任叫，我就覺得叫海鮮就好似有賺咁，所以就唔了不少如上圖，d海鮮睇落都唔差！魷魚，魚，貝果d，都可以燒到好香口，當然我自問我的燒野功力不錯啦！除左自己燒，我都有叫到d炸雞，韓國炸雞係有質素的保證！另外都有燒魷魚，可以試下，唔錯的另外呢度d豬肉又調得幾好，燒出黎好香，肉質也不錯另外我就叫左個韓色年糕，唔好見佢紅色好似血咁，其實味道好開胃架，年糕又好好咬口食到慶合合，結果我飲左五罐野！！最後食埋一條大大條的韓國芒果雪條，為呢餐放題作結，大滿足！！

好耐無食過韓燒，襯今日落過雨，天氣無咁熱，食就返d熱野先！呢個running燒，唔知就同running man有無關係啦，不過佢地上菜既速度都ok快，應該都叫得上running啦！首先黎個前菜先啦， 開一開個胃口，呢度的泡菜幾夠酸，係我鐘意既味道！其他前菜都不錯然後，就開始狂叫海鮮了！元貝，蝦，蠔，等等可以狂叫的，而且材料唔係好梅果d，尚算新鮮！燒出黎都幾好睇，當然食落都唔差啦！我幾乎剩係叫海鮮咁濟！不過都有叫其他野的吃太多肉始終不好 點都要叫返d蔬菜，知道無？呢度都熟食又唔錯呢個雞雞有少少辣味，好惹味！我每次都會食返d五谷類，感覺會健康d！BTW 到最後先知個羅白唔係用黎食的！你估下係用黎做乜？今餐都幾滿足了，價錢不太貴，食物質素不錯，速度又不錯！

我們朋友間中久不久都要吃一次燒肉，有人是食肉獸，沒辦法。這次來這間Running燒，一來到就超多人，好彩我們不算太多人，可以找到位置坐，餐廳通風系統做得不錯，油煙味不算太嚴重。食物都有好幾類選擇，除了最基本肉類，還有海鮮、湯品麵類、小食炸雞都有。肉類腌得很入味，我們特別喜歡吃牛類，很多部位都有，不過另外的如芝士腸、大蝦、帶子都很不錯，特別一提的是大腸，意外的非常軟身乾淨，而且好入味，帶點脂肪，非常好味！雞翼是已經幫你剪好一半開骨的，吃起來很方便！韓式炸雞有得選辣度，我們不敢吃太辣所以點了BB辣，辣醬是很韓式的那種辣醬，微酸甜的辣醬，把炸雞蘸上很好吃，少少辣的更開胃，而且炸雞肉好嫩，一點都不老。韓式餃子有韭菜和泡菜2款，我比較喜歡韭菜款，味道比較香，餃子皮是有炸過的，所以吃上去是脆脆的。飲品是任喝的，基本上芬達、可樂、道地和韓國鮮奶溝忌廉等等都有齊，很夠冰凍，搭住吃熱辣辣的燒肉很棒。最後每人一條韓國雪條，偷吃了朋友的蜜瓜味，我自己比較喜歡草莓味的。

今日話說約左幾個朋友出去聚會，有D朋友話要食韓燒，有D又話要食放題最後投票決定食韓燒，但係唔會去一D低質素既，要去比較有質素，大家都話RUNNING燒唔錯，甘即時打去問有冇位，佢地話有位，我地就二話不說飛過去去到差唔多爆滿，最多位既地方就係餐廳比較入既地方，一開始大家就更係任叫任叫，唔停手，但係佢地店有隻新野，其實我之前都黎過，果時未有而加甘多野叫，估唔到有炸雞叫黎食有2種，一種係辣味炸雞，一種係原味炸雞，2種炸雞都多汁，唔會炸到乾曾曾，因為食炸雞好怕到乾既雞，似柴皮辣味炸雞都唔錯，醬汁酸辣搞到好開胃，但唔會去到好辣，令你之後食唔到野差D漏講醬料，可能我地果日比較遲少少去，大約8點幾左右D醬比人搶哂，不過好彩冇幾耐添加左，有蒜泥，豉油加面豉醬D野食終於黎啦，好彩唔會漏單，呢樣好重要，第二碟上有大更多唔同選擇去燒，亦有特別，例如大腸等等，肉類食落冇異味，咸味適中唔會太過份雞肉算嫩，牛肉都係唔錯既選擇，不過都係睇手神，哈哈海鮮有帶子同魷魚圈選擇，竟然魷魚圈好好食，唔會咬唔到，好鬼好食，唔係幾識形容，但推介大家試試帶子都幾鮮味，大大粒，食多幾舊都可以回本，哈哈如果大家只係覺得食肉會食到好”濟

呢日出去旺角睇戲，睇完唔知食咩好，行吓行吓見到有任食韓燒，突然心癮起，於是就決定去呢度食晚飯，去到都有啲人等緊位，好彩我哋等咗陣就有位。燒物炸物都係任叫任食。坐低點完第1round嘢食，就即刻出去拎醬料同飲品，醬料係自助形式，分別有蒜蓉、麵豉醬、辣椒醬、豉油，啲蒜蓉放落啲燒物度一齊燒，好惹味呀! 飲品都係自助任飲，有Milkis、汽水、茶、果汁等，我呢晚都飲咗幾罐呢～ 嚟完醬料飲品，返埋位已經嚟咗啲牛脷、五花腩、雞腎，啲肉都幾新鮮，唔嚡口。另外，仲叫咗大蝦、多春魚、帶子、扇貝、龍脷魚、生蠔，大蝦燒完仲好爽口，多春魚都好味，帶子同龍脷柳都好淋。仲有要咗雞翼、調味雞肉、辣味雞肉、豬皮、厚切豬腩肉、芝士腸，豬皮都幾特別，燒完脆脆哋又煙煙韌韌，充滿膠質，雞翼都滑，唔錯!我哋都叫咗啲熟食，分別有噴火烤雞、韓式炸餃子 (韮菜、泡菜)、炸魷魚鬚，幾款炸物都好新鮮香脆，泡菜炸餃子真係幾辣，但好惹味。炸魷魚鬚唔韌，好爽脆，有驚喜。水冷麵好煙韌，食完燒物炸物再食佢，酸酸哋，透心涼，好正!韓式辛辣麵都夠辣夠入味，麵質煙韌彈牙，好韓風呀! 甜品就唔係任食，係 last order 嗰陣先會俾你落單1次， 由於

以往朋友聚餐多數選擇曰式西式自助餐，現在韓燒成為朋友晚膳的焦點選擇🔥，Running燒雖然是任食，但食物整體新鮮，質素有保証。以每位二百幾蚊來說算是「庶渣價錢，燒鵝享受」。餐廳抽風系統做得很全面，即使餐廳滿坐，餐廳內不會有太大油煙味。另外，店主考慮衣服沾有燒烤味道的問題，提供了最貼心的服務，就係客人一坐下，可以把外套和袋子放入椅子筒內，這樣衣服就不會沾有燒烤味道。食物主打當然是肉類(豬牛雞羊, 香腸), 這店不只是單純地把豬牛雞羊, 香腸等分開，牛肉和豬肉也會細分唔同部位種類，客人可以試吃唔同部位的味道，唔似坊間一般放題，比你大盤肉食飽就算。 我們點了烤牛脷、牛肋骨和牛柳粒，待應拿到我們面前，我們的雙眼立即發亮，不及待燒牛肋骨及牛脷，個人比較喜歡牛肋骨，牛肋骨肉味比較濃，因為這部位比較少脂肪，口感會重點，牛脷好爽口。 而豬肉方面比牛更多選擇, 也可以滿足喜歡辣和不吃辣朋友，很喜歡豬頭枕，很特別，豬頭枕吃起來比豬頸肉更爽口，唔會過油。韓式燒烤最好是有生菜來包肉吃，可以減輕油膩感。除了肉類，餐廳還提供海鮮, 蔬菜, 小食等...對怕肥或者唔好肉的朋友絕對係最佳選擇。海鮮選擇也算多，有燒大蝦

店舖所在商場屬於太子及旺角中間，整棟大廈基本以飲食業為主。110分鐘任食放題加一約250元，在特別時段更有七折優惠，折後十分划算。一出電梯就能看到店舖牌及牆壁，掛貼了一些關於該店的雜誌及專欄，旁邊擺放了不少椅子，客人輪候時可休息等待。店舖主要韓式燒烤，每桌均有一個燒烤爐及一條由天花延伸下來的抽風管。 店內有貼心設計，客大可把包包及外套放入椅子里。店舖主要四張點餐紙，分別牛、羊、豬、雞、熟食、酒，基本遞上點餐紙後，很快就會上桌。一開始店員會給你三個小菜及一個白蘿蔔，當爐面開始起焦，你可以用白蘿蔔刷燒烤爐面，脫焦一流。第一輪肉食: 牛肋骨每件原整大件，肉質軟嫩，醬汁入味。辣味豬頸肉爽口彈牙，微辣惹味，香氣撲鼻。大腸滲出香豬油，外皮有點脆口，內里爽口香濃。羊肉每片不大，但肉質鮮嫩，微羊騷味。總體而言，肉類選擇多而質量不錯，客人可挑選自己喜歡的追加。第二輪：重點追加特別喜歡的海鮮：多春魚每條完整，放在爐邊燒烤，定時翻面，入口香嫩，滿滿的春溢在嘴中。殼里燒的帶子滲出湯汁，湯汁鮮甜帶重元貝味。蝦及蠔新鮮不腥，肉質彈牙，可追加。建議初學者別挑戰蔬菜類，因難掌握火喉，容易燒至乾身。韓式年糕微辣惹味，口