Running 燒 (已結業)

由於7:20前有7折，所以今晚約咗朋友一起去試吓，HK$238一位，加上有折都好似幾抵食5:30去到, 地方不大,都有點迫，坐得唔舒服！任食款式都ok, 可惜不是太好味！我覺得食材品質較差，不值一試!

天氣凍凍地 我又想食燒肉旺角彌敦道有好食燒肉放題店唔多仲要韓式 竟然比我搵到 哈哈呢間好正 好有feel 入到門口已經勁香烤肉味好正呀我同朋友都好大食 所以食放題就最啱我地坐低之後店員就送上前菜 有芽菜同埋泡菜仲可以免費＋1次之後同我地講飲品係自助嘅 飲品選擇都幾多講得出嘅都有我哋首先叫咗啲肉類食住先肉類選擇都勁多有羊有牛有豬 份量都幾大碟同埋夠厚仲要有辣同唔辣 照顧埋唔同需要嘅客人好細心呀放題就梗係一定要叫海鮮我哋帶咗扇貝 海蝦 龍利樓 魷魚突然 竟然連生蠔都有我自己就超級鍾意食生蠔一定放過不停食好新鮮 生蠔都幾肥美 鮮味十足扇貝都啖啖肉 而龍利樓好滑 好大份 正呀食完之後仲有甜品送 我揀咗芒果味嘅韓國雪條 好好味呀燒嘢食一定會成身都係味門口放咗支清新噴霧 可以減淡啲味道

同幾個朋友gathering,地點不二選就來旺角附近。朋友搵左呢間韓燒任食😝😝食肉獸好需要平日正價時段248加一，110分鐘Book 左7:30來到坐睇下有咩先款式都幾多，我地樣樣都叫左d試下😆比左單店員就可以自己出去拎野飲，係雪柜自己拎有普通汽水，韓式汽水，另外有細樽裝綠茶👍🏻調味係出面有個柜仔度自己拎，仲有水都可以拎。主菜到😏我相都未影就落晒爐😂放工出來餓呀嗎😄D肉全部都好新鮮呀.牛舌係落一落爐就食得，好正😍海鮮有生蠔😍當然要叫來食啦！可惜我地唔識燒😅😅燒左好耐先熟😂人地燒得好靚架🙈佢仲有生菜藍，可以用包住d肉食.呢個辣炸雞好食，好脆內juicy 浪費d quote食左幾舊😂臨尾先燒左d蔬菜中和下😋😋到last order店員會比張甜品紙揀甜品，一人一款有3種既韓國雪條，同西米露。燒完肉整反條雪條，正呀

朋友介紹下，去左旺角依間Running燒食韓燒。距離旺角mtr b2出口，行左一陣就到，都幾方便。韓燒食肉就食得多啦，海鮮可能相對較少既，而依間韓燒有哂牛豬羊肉類，估唔到仲有得揀海鮮類，仲要多款選擇，海鮮有原隻生蠔，虎蝦，帆立貝，多春魚等。。。而其中生蠔最值得推介，成隻大大隻又多肉，仲要係生鮮既，食落口真係好有咬口，我地仲要自己加左啲蒜蓉落去燒，真係好野味😍 鐘意食蠔既真係可以n call 再n call！！我係一個食蝦王，對食蝦有返禁上下要求，呢間既蝦好新鮮，燒緊個陣已經聞到陣蝦味，食落口一啲都唔霉，好有蝦味，我已經食左好多隻。呢間店最貼心有三樣，第一每個爐都會俾個蘿蔔你去抹下個爐。唔洗燒到個爐黑哂食到啲炭屎。第二，食完個陣有個甜品紙❤今次我揀左melona雪糕，正 第三，走個陣仲會有個除味既噴霧俾我地噴。除走陣濃濃既燒肉味

琴日同朋友去左試韓燒 之前已經收藏左一直都想試所以就book左昨天去試下我地一行三人 店員俾左張六人台我地都座得幾舒服入座既時候人數都唔算多空氣都還好 後黎多人就發現抽氣麻麻地講番野食先 價錢248 加一韓燒黎講唔算平食物種類算多 我地每樣都試左少少服務態度可以用差形容食物質素就可以 但CP值不算高個人覺得食物既質素都算可以接受最喜出望外係 蝦同埋帶子食落都係唔錯唯一要改善就係員工質素十問九唔應 想叫野食就扮睇唔到黎黎去去都係得個兩個人做野其他人唔知做乜總括 呢間鋪CP值唔算十分高 但可以一試 只需要忽略員工態度就可以

好友生日飯要求食韓燒，大部分韓燒店都只係得肉類提供，呢度$238一位有埋海鮮燒相對抵食好多，2小時任點任食，飲品任飲，醬汁任攞非常方便，餐廳地方不太大，但枱與枱之間空間都充足，但枱面就唔係太夠位放食物，食物質素都ok, 款式亦多選擇，除左燒烤食物還有熟食食品任食，酒類就要另收費，最後仲有韓式雪條送上呢。坐低時侍應會送上泡菜，韓式海帶及芽菜，係未有食品燒時可醫下肚，另外有一大舊白蘿蔔特別提醒是用來清潔燒烤爐的不是食用的😁

食肉獸最鍾意就係韓燒🤣 今次去食running燒，餐廳在旺角，位置好方便，餐廳唔算十分大，所以有定位會比較好～ 裝修同一般韓燒店差不多，都有獨立抽氣機～ 一坐低，店員已經放上泡菜、海帶同芽菜作為前菜，味道唔錯～ 有自助醬料區，可以加豉油、蒜蓉、韓式辣醬等～ 亦有飲品櫃，可以自己隨便揀，選擇算多～ 食物方面有海鮮、肉類、蔬菜～ 海鮮選擇有帶子、蝦、魷魚、扇貝、多春魚、生蠔、龍利柳片，我覺得蝦好好味😋 新鮮彈牙，我哋encore左好幾次🤣 帶子亦都係一樣👍🏻 肉類有雞翼、雞肉、羊西冷～ 牛都有好多部位，牛仔骨、肥牛、牛柳粒、牛柳片、牛脷等等～ 牛肋骨同雪花牛仔肉都好好味😋 又係不停encore 👍🏻 豬都係有好多部位，豬五花、豬頸肉、黑豚豬肉... 都好好味～ 蔬菜方面，我哋叫咗生菜籃，包住啲肉食更加清新健康😝 7:20pm 前離座全單七折😵真係好抵食👍🏻 每人都係＄190！啱晒食肉獸😆

好耐沒有食韓燒了，今晚和太太去大吃一番! 旺角的running燒地點好，無論由太子站或旺角站行過去都不用5分鐘，方便非常。 我們先每款食物都點少許，好食的話就再encore，避免浪費。 我覺得值得encore的有牛舌、大蝦、五花腩片、多春魚、牛柳片，而比較特別的是running燒有提供生蠔、扇貝及帶子，這些都是貴價材料，不是每間韓燒都會提供，食多些一定可以返本! 因為生蠔和扇貝都是連殼上，所以燒的時間較耐，如果沒有耐性，可試試反轉來燒，但記住要睇火，要不然就會燒焦了。 飲品沒有太大驚喜，都是一般的汽水，如果想喝真露、燒酒等，都要加錢了。 點了的食物沒有漏單，服務尚算OK!

食得多放題想轉下口味，尋日去食左間好抵食既任食韓燒“Running 燒”，餐廳位於太子始創中心附近， 非常方便，收費分開三個時段，19：20前及21：30後仲有全單七折。食物包括有海鮮、雞牛豬羊、蔬菜同埋有韓式食品例如炸雞，一坐低即點海鮮，有帶子、大蝦、扇貝等，最正係帶子同大蝦，大蝦大大隻，肉質爽口彈牙，十分新鮮，我一個人都只少食十隻，而帶子同樣新鮮，一定要食。我開頭以為生蠔係可以生食，但店員提醒要燒熟離食，生蠔變熟蠔，燒完得返好細粒，又無乜味道，可以唔洗點。肉類多選擇，最好味豬同牛，五花腩同厚切豬腩肉超正，我建議點蔬菜藍連生菜夾住一齊食。另外辣味豬頸肉同埋豬頭枕都係必食之選，我地剩食燒肉個肚腩都無位試其他韓式食品，下次再去點都要點離食。食到飽最後每人可選一條雪條，蜜瓜味好味，食完韓燒食返條雪條減低熱氣一流。尼間韓燒真堅係抵食，我地17：30到，19：20離坐，所以全單七折，每人都只係$191已經連埋加一，食物質素又ok，如果鐘意食韓燒既朋友一定要去試試，不過餐廳因爲坐位唔算多，所以記得book位。

女兒一向喜歡韓國菜，旺角有一間韓國燒烤放題，最近好多朋友都食過，個個都讚不絕口，這間就是Running 燒，今晚剛好有空，我們一家就前往試試！自助調味區韓燒食材都有好多選擇，海鮮、雞、羊、牛、豬、香腸、蔬菜。熟食有麵、飯、湯、小食。飲品任飲肉類入味又多款，雞翼嫩滑，豬皮、豬大腸夠味吾靭、雞腎、豬頸肉爽口。海鮮好新鮮，龍脷魚片滑，帶子，大蝦彈牙。生蠔肥美冇腥味，記得不可生食。韓式炸雞：小食之一，皮脆肉嫩又夠味！韓式炸餃子，餡料有韮菜或泡菜選擇，我選了韮菜，餃子夠大隻，皮脆餡足料，不錯！食完韓燒千萬記得食埋甜品先走，韓國雪條味道不錯，每人一條。

這間Rinning 燒我已經聽朋友講過好多次，佢話韓式燒烤食物好好食，今天佢地又去食啦！我今次就參加埋一份，去到店內，見到真的座無虛席，客人食得好開心，好在朋友有訂位，等等左一陣就可以入座了！Running 燒的食品確是高質的，海鮮的帶子、扇貝都好新鮮，我最喜歡大蝦，真的好新鮮又大隻，鮮甜彈牙！肉類也有好多選擇，雞牛豬都有，而且醃得好入味，我最喜歡雞翼，已開邊方便燒烤和進食。除了生肉燒烤，還有熟食、麵、飯、湯、小食。韓式炸韮菜餃子，饀料飽滿惹味！最後食甜品，有雪條或糖水，每人限一様，椰子雪條味道不錯👍

三五知己聚餐，選擇九龍中心點旺角，方便解決大家交通上既困擾，此店地點在彌敦道，非常容易找到。透過Apps預約21:30入場，特價時段任食七折，準時人齊入場，這店地方不大，約十多張枱，可能大多人同時入場，服務員比較混亂，場內油煙滿佈需要改善，110分鐘任食時間較少，服務員和食客都變得好忙，大多食物質素都很好，蝦大隻，其他海鮮類都算新鮮，肉類食物應有都有，炸物亦相當有水準，店來還有燒酒供應，整體上算不錯，結帳後有甜品選擇。

約咗至少6年無見嘅朋友一齊食飯，人就係咁衰格，又要平又要任食。搵咗一輪發現Running燒有晚市19:20前交枱有7折，始終得3個女人食力有限，呢個價錢真係算抵食。訂咗由17:30開始，上到去已經人頭湧湧，好彩有訂位唔洗輪米，OpenRice比起十年前進步不少。初時見到食評係有甜品，但枱面嘅食物紙係無甜品，原來係最後埋單時先俾寫甜品，每人只限一份。雖然係女人，但都係食肉獸，一嚟就點晒啲無骨既肉，有豬牛雞，牛脷唔錯，翻兜咗幾次，紙咁薄牛相對係無咁好味，第二轉都開始唔叫，勁叫豬肉，叫過厚切豬腩同五花腩，個人覺得五花腩切到細片都幾好，不過生菜藍係要自己再點，唔會跟肉上埋。110分鐘真係有啲趕同趕客，我哋last order叫嘅嘢嚟漏咗，唔食又唔夠，但食埋又趕唔切交枱。呢樣希望可以改善下。飲品係自己係雪櫃任取，仲有醬料都係自助，選擇不多但都夠嘅

小弟一直有約舊朋友出去吃飯的習慣，這次大家說想吃韓燒所以我就在openrice挑了一間比較多好評的餐廳去吃，最後我們選擇了 running燒 。剛到門口就看見很多人在等位所以有興趣的朋友記得預約。雖然裡面的地方不大，但是我們一共7人坐得還算舒服只是凳子沒有椅背不太習慣，環境也算ok，乾淨。食物方面除了幾樣特色小吃外其他的和普通的韓燒區別不大可能再好一點，海鮮也很新鮮，選擇都唔少。而小弟去嘗試了他們的噴火辣辣雞以後就覺得嘴巴已經不是自己的了（小弟平時唔吃辣）但也非常好吃。由於場地不大所以D服務員姐姐都會很快處理你的要求，像是換板，或者落單都是非常迅速的。服務態度也是非常好，親切有禮貌。價錢方面我們吃的是晚市平均每人消費300HKD，算有點貴。總而言之，running燒 是一家不錯的韓燒餐廳，非常適合朋友聚會。但是如果有小朋友就要小心因為有的桌子之間距離非常近容易影響別人也容易受傷，所以在預約時要告知餐廳。

垃圾，d肉又乾又鞋，又唔新鮮。咁難入口嘅嘢，d人都可以擺得落口，傻㗎?餓得制呀你哋。我真係唔得，頂唔順喇。仲話係大受好評，得獎熱店?我食一次都唔想再食喇。應該話唔駛錢我都唔去食！附近平過佢嘅韓燒任食都好過佢。