Running 燒 (已結業)

今晚放工同朋友來旺角食飯，搵到呢間韓燒任食燒肉，見到餐單好吸引，就上來試下，好彩試下walk in 都有位。入面座位都有圓檯同長檯為主，用上抽煙管抽煙，唔會太大油煙味。飲品雪櫃有汽水，綠茶，烏龍茶等任揀。每張檯都會送上的前菜，有辣泡菜，海帶，豆芽等。海鮮類，有多春魚，海蝦，扇貝，帶子，生蠔等，材料新鮮，肉質彈牙爽口。肉類，五花腩，牛舌，肥牛等，牛舌肉質比較爽口，牛肉口都重，五花腩肥瘦適中，食落好重油脂味，肉質好嫩滑。牛肋⻣，牛柳粒，辣味豬頸肉，辣味雞肉，雞翼等，肉質鮮嫩，個鑊唔會好易燒燶啲野，燒到油脂味散發，香味十足，豬頸肉咬落夠爽口，有嚼感，牛肋⻣的牛肉味頗重，好香濃。水冷麵，落咗冰，麵質食落更爽滑，酸酸甜甜的味道好清新，富有咬感，麵質夠煙韌。甜品有幾款唔同味道的Melona 雪條揀，密瓜味道清甜，奶味夠香，食落好香滑。總結黎講，呢間任食韓燒性價比都高，服務又週到，收碟夠快，食材豐富新鮮，都是聚會傾計的好地方。

很久沒有韓燒了, 發現這間RUNNUNG燒, 就試一試吧=]韓式當然有前菜, 泡菜、海帶還有涼伴芽菜, 吃完了十分開胃。最特別是有一件大白蘿蔔, 原來用來擦煎板的, 長知識了。由於是自助式的韓燒, 食物種類很多, 有海鮮、肉類還有熟食類。一開始就叫了牛脷, 豬大腸, 好入味而家爽口。牛類和豬類也有很多選擇， 牛肋骨、豬頸肉、牛柳粒、豬頭枕也不可放過呢！ 兩個女仔瘋狂食牛：）海鮮食了大蝦、扇貝、魷魚圈、龍脷魚、蠔, 全部都很大隻, 而且新鮮。韓燒最好食法是用生菜包肉再加蒜, 完全唔覺肥膩。雖然好飽, 依然忍不住要試炸物,叫了韓式炸雞, 辣的超好食, 飽也食了兩件, 真的好像在韓國食的甜辣雞=]還有食了炸蠔同炸餃子，炸蠔唔腥，炸餃子也很特別, 有泡菜而且有點小辣，十分好吃。還有一樣一定要食的…就是水冷面, 用冰碎上, 凍凍的又彈牙, 必食!任食就梗係唔少得任飲啦，飲品嘅選擇都非常之多，我梗係飲最愛嘅韓國忌廉溝鮮奶啦最後估不到還有韓國蜜瓜雪條, 開心滿足。最後走時門口還有除味噴霧, 超貼心的服務。

雖然3號風球，無阻我哋去食韓燒，依間食店可以從高處看到街景，無論幾大風雨都看得一清二楚。食店坐位都算多，地點又方便。服務員人手唔算好多，但工作效率超高，而且態度都好好。講到食物方面，整體都新鮮好味。烤肥牛、黑豚豬肉、五花腩：只有少少肥位，唔油膩，燒烤後唔會太乾，還有肉香味，口感也很好。"多春魚" 每次都會食，每次都向難度挑戰，今次燒烤盤溫度應該熱度剛好，燒得好香好脆。"帶子"好鮮甜，食完想再食"龍脷魚片" 肉質好嫩滑"生蠔、扇貝" 夠新鮮，用來燒烤，一樣好鮮甜"什菜沙律" 沙律汁酸酸甜甜，配上新鮮沙律菜，好清爽又開胃，仲可以中和燒烤帶來的熱氣感。除了食物，飲品亦有很多選擇，而我就最鐘意雪梨水，仲有雪梨粒粒係裡面添！

好耐無食過韓燒，真係好掛住，難得老婆今晚有興致，當然要把握機會啦！而最佳選擇就緊係任食放題，樣樣都可以食到，加上飲品自助，價錢亦相對化算一點。這家採用點菜紙都唔錯，感覺上食物較為新鮮。加上環境一D都唔侷促，好舒服。水冷麵：冷麵好有口感少許彈牙，湯底微微酸剛好，想不到主推燒烤，但其他食物質素都唔錯。噴火炸雞：辣味十足，好辣的我好滿意。厚切豬腩肉：果然厚切係唔同些，燒好的豬肉，肉汁唔會流失，仲好有口感同豬味濃。雞翼：有少許調味，好味，重點係店舖好細心，切成單⻣雞翼，燒同食都好方便。帶子扇貝：雖然燒耐一點，但勝在鮮甜。鯖魚：雖然細細件，鹹鹹地，肉質新鮮彈牙。羊脾肉：嫩滑，唔羶但有羊味。

落雨濕濕真係無心機,嬲嬲地同朋友去旺角食韓燒食餐勁既今晚去左Running 燒,入到去都唔使等就有位坐喇即時睇下有咩好食先點左牛肋骨,西施牛肉片,雪花牛仔肉,辣味豬頸肉,厚切豬腩肉,黑豚豬肉,五花腩,辣味五花肉,豬梅肉,豬皮,芝士腸,大蝦,龍脷魚片,多春魚,帶子,扇貝,咖哩魷魚鬚,生蠔,雞翼,雞腎,辣味雞肉,茄子,生菜籃,韓式辛辣麵,噴火炸雞,韓式炸餃子,炸魷魚鬚餓到一個點.叫住D熟食頂住先噴火炸雞,韓式炸餃子,炸魷魚鬚--餃子有隻泡菜辣辣地幾好食,炸物唔會好燶脆口韓式辛辣麵--少少辣,辛辣麵就係好味冷麵--都幾好,凍凍地食肉類--牛-牛肋骨,西施牛肉片,雪花牛仔肉--D牛脂肪比例都OK唔會好肥,香牛味呀豬-辣味豬頸肉,厚切豬腩肉,黑豚豬肉,五花腩,辣味五花肉,豬梅肉,豬皮--好香口,D肉好夠味,慢慢燒起黎食,香豚肉味呀芝士腸--至愛芝士腸雞-雞翼,雞腎,辣味雞肉--幾入味D肉海鮮類-龍脷魚片,多春魚,帶子,扇貝,咖哩魷魚鬚,生蠔海鮮都OK幾新鮮,生蠔加蒜蓉真係特別正,帶子輕燒完都好爽口彈牙,龍脷魚片都好滑好香口生菜籃--燒完D肉用生菜包住食真係幾正,好口感燒呀---慢慢燒正呀甜品--

完全唔明呢三百幾個讚點嚟？見有好多人讚，又太耐無食韓燒，即管去試下！間嘢啲侍應行行企企！落單紙得三張？啲調味料？得蒜蓉醬，辣椒醬，麵豉醬燒肉汁都無，得豉油，睇翻其他食評就話係生抽！？你去到調味料櫃，就會完全失望！落咗單，食物上枱，一堆細件嘅碎肉🙄海鮮蝦都可以接受，但貝殼類，不建議食，全部有沙！都無乜食物可以再批評，因為食物根本唔多！話豐富啊，高質啊嗰啲食客，對不起，真係不敢苟同！落咗一轉食物，已經唔想再落單！呢間嘢相比以前食過嘅韓燒放題，今次真係大失所望！亦無下次！由於食物賣相望落唔吸引，同埋已經一肚氣，一開始已經無乜點影相，但諗起要打食評，中途影咗啲相，吸引下大家唔好嚟食！各位想試嘅朋友們，一定係睇負皮最實際！

好耐無食過韓燒，同老公上網睇下有乜好推介，見到呢間好評咁多，又做七折優惠，就去見識下，點知，一入場就知中伏，望下調味料櫃🧐oh⋯⋯再望下落單紙，食物有三張，酒類一張，oh⋯⋯已經覺得唔對路，同平日去開嗰啲韓燒放題係有啲分別，落咗單，食物好快就到，見到都係一啲碎肉之類咁上枱，食物當然無令我失望，係普通，無乜特別好食到要令人翻嗌嘅肉類，建議各位如果未試過，揀翻做優惠價個時段去試下，大家就會決定到會唔會一試再試，不過順帶一題，間舖好細，多人起嚟，等唔等睇你🤷🏿‍♀️

點解話好有懷舊風味？記憶中年幼時係街邊打邊爐，係坐一d比較矮嘅櫈，今次幫襯 running 燒，櫈比較矮，所以好有懷舊風味。只差旁邊唔係人來人往嘅馬路。哩種懷舊風味，香港一早消失哂啦！雖然話 running 燒係放題，但唔係自助任囉，哩點不得不俾十個 like, 因為香港太多自私精，囉囉埋埋又食唔哂，攪到浪費哂食物！未燒之前，餐廳已經提供三小碟前菜。前菜都未食，我地點選嘅燒烤食品已經上枱，果然做野快手。豬扒牛柳羊架雞翼就韓燒必備啦，但豬大腸，豬皮，豬耳，哩d食物，好少係韓燒店出現喎。再睇睇點選紙條，連韓式炸雞都有，果然同一般韓燒店唔一樣。食材方面，海鮮全部都好新鮮，什菜沙律比想像中大盤，所以嚇一跳，最難忘係隻燒蠔，第一次幫手燒蠔嘛。PS：又一年，相信我比一年前又唔同咗！記住！我對自已占卜結果好有信心！記然占卜結果係有一個好嘅開始，即使依家唔係咁如意，放心，請相信我！之后必定係一個好開始！俾少少時間好嘛？

屋企人下午臨時想今晚食韓燒，用openrice訂咗21:30，黎到因有輪椅安排坐最入，但成晚都冇俾人遺忘，成日都有員工入黎執野同落單。嘢食款雖然不多，但勝再好食，又有海鮮，帶子，魷魚，多春魚，蠔。但野飲就得番幾款係雪櫃冇乜選擇，冇人refill。地方都叫寬。坐得舒服。員工好主動幫忙，又會詳細講解。其實係out of my expectations.用openrice仲有7折。抵到爛。一定會再帶朋友再黎食。

有別於傳統港式任食韓燒，Running 燒舖面比較細，食物亦非一盤盤放在指定取食物區任揀任攞。餐廳是用點餐紙落單， 有生食熟食，飲品可以到雪櫃自取，有可樂，芬達，雪碧，烏龍茶，解茶，C+ lemon。酒精飲品就要另外收費。用餐時間110分鐘，雖然比其他韓燒少了10分鐘，但因為它舖位細，侍應反應都快，所以食物都好快上枱。另外，凳蓋可以打開放隨身物品。食物種類應有都有，大蝦，帶子，扇貝，蠔當然是必食回本菜啦！肉類選擇都唔少，而且切得薄好快熟。5花腩好好味 泡菜味道都好好，唔會太辣太酸推介水冷麵 水冷麵的湯汁是半冰半水，大熱天時食最啱。湯汁酸酸地勁開胃，麵條Q彈煙韌，正。甜品每人一客，4選一。結帳前30分鐘，侍應會給order紙。

友人的生日，星期四晚上8點三個人入座慶祝。一出lift就好勁韓燒味，場內唔算好大，大概十幾張枱，但都全場幾乎爆滿。因為係任食關係，所以幾張點菜紙都各點少少試吓。為免浪費，餐廳一樣有標示食剩太多食物係需要收費。食物種類算多種，而且除酒類外，其他飲品都可以自取任飲。任食時限係2個鐘，其中食完會想再點的係雞腎。其他的食物質素都係中規中矩，不驚喜，亦無失望。去到尾聲時可以點一次甜品，幾款韓國雪條同糯米露。作為任食韓燒，食物同環境質素算合格，唯一意見係女廁的門鎖不太滑順先可以鎖上。

我地一行三人book左21:30入坐，因為9:30打後有7折，3個人食都係五百幾蚊咋，仲要係任飲全食（酒水另計）;平日去唔係點洗等位，即時可以入，一坐底就睇有咩食先啦~厚切五花腩真係我至愛，好好食，佢既豬皮都唔錯。食得辣既人一定要試下佢既小食《噴火炸雞（噴火辣）》真係辣到癲，但又好刺激，不過建議食得飽飽食到咁上下先好試呢個噴火雞因爲朋友一開始食，辣到佢成餐食唔落。我自己食得好辣，但都食到心跳加速流哂鼻水，我諗都要5分鐘先冷靜到落黎一落單食物好快上到，好快成台食物，海鮮都幾好。如果個版燒到黑黑地既話，佢會俾個白蘿蔔你捽個版，好快就可以乾淨哂圖中中間紅卜卜既就係噴火辣既噴火炸雞啦！真係要好食得辣既人先好試呀⋯⋯唔食辣既真係會頂唔順架，好在佢係任飲，朋友唔食得辣，佢唔小心食左辣到一口氣飲左5罐飲品服務同環境都唔錯，食完門口仲有除味水俾你噴下，雖然作用唔係好大，但都算有心。

心情不爽好想大吃一番, 搵左呢間任食韓燒滿足下自己.Order紙有四張, 豬牛羊雞, 海鮮都有, 仲有熟食既麵, 飯, 湯, 小食, 連炸雞都有. 酒類飲品就另付幾十蚊, 唔飲酒的話, 汽水果汁就任飲.韓燒當然狂燒肉, 第一轉樣樣點D, 2人份量適中, 可以食多幾轉.雞腎唔會太厚, 易燒熟, 所以食落無韌, 仲好爽口.牛柳粒好彈牙, 燒耐D都唔會太乾.羊仔片有濃郁既羊味, 薄薄地易熟唔錯.肥牛半肥半肉, 食落夠晒滑溜.牛舌都好爽口, 豬腩片嫩口唔韌, 燒完好香口, 油脂豐富.咖哩魷魚入味, 魷魚唔韌易咬.燒埋菇類同茄子, 補記下蔬菜類感覺良好.雖然鋪內唔大, 但都好多侍應, 勤力收碟, 收order紙, 無漏單.

見到做優惠五點半食到7：20可以有七折，於是就約朋友嚟試 ，平日嚟計大人算抵食， 因為正價都係$218 ，普遍食韓燒都二百幾蚊一個人頭， 而家仲有7折 ，不過加一係以正價計所以係七折之後加返$21.8， 食物嘅種類都算多 豬肉牛肉雞肉都有好多選擇 ，海鮮比起出邊一般嘅燒肉舖 仲要多選擇 ，小食亦都可以有好多嘢可以叫 ，有炸餃子 、冷麵 之類，不過炸雞 同小部分小食 就淨係晚事先可以叫 ，選擇雖然多，不過食物質素就一般 ，所有牛肉豬肉都係麻麻哋好食 ，豪同埋帶子由於連殼上，所以要燒好耐先熟 ，我哋燒咗20分鐘，隻 豪都只係個殼熱熱地 ，豪肉完全燒唔熟， 總括大家覺得最好食嘅 居然係雞翼 ，佢哋嘅雞翼 會好細心咁 將中間切開一半，但係塊皮係連住咗一隻雞翼 ，所以唔會好似平時咁，要成隻燒，燒到啲皮燶曬啲肉都未熟 ，差唔多夠鐘佢哋就派甜品字畀我哋，每人只可以叫一樣 ，係食韓國幾出名嘅韓國雪條， 但係由於我唔鍾意食凍嘢，所以叫咗個西米露 ，點知出嚟好有驚喜 ，原來佢係紅豆沙 黑糯米西米露 ，啲西米係大大粒小小煙韌 ，紅豆煮到好淋， 又唔會太甜， 成晚令我最回味就係雞翼同埋西米露 ，雖然食物嘅質素

平時去旺角食飯都比較少行去依個位，只係一街之隔就可以遠離大媽!一開𨋢門就係大poster 同節奏明快既K POP - 放題110分鐘，$248，有開門見山感覺肉類，海鮮，蔬菜小食各有一張點菜紙豬牛的種類同部位係最多選擇，特別既係有羊肉同豬皮燒海鮮類我就揀左有蝦，蠔，帶子同扇貝幾款海鮮都不錯，蝦點了3輪都是爽口鮮甜的蠔味濃厚，帶子非縮水既貨色水冷麵好有驚喜，大熱之選對住熊熊烈火食冷麵真係會有冰火既感覺最後將近時間到，店員提醒last order同攞張甜品紙俾我揀。