Running 燒 (已結業)

好耐冇行過旺角喇 今日同朋友行完街之後再約埋好耐冇見嘅小學同學一齊食晚飯 我哋揀咗係鬧市中嘅韓燒店朋友帶咗囡囡過嚟 麵食湯烏冬啱晒佢喇 烏冬彈牙唔會太諗 佢不知食得幾滋味 另外再叫埋韓式炸餃子 分別有韭菜同泡菜味 非常之脆口 肉類方面選擇比較多 有牛 有豬 有腸仔 牛柳粒必點啦 叫咗幾轉 牛肉燒到唔會好um 再燒多幾條芝士腸比朋友個女食 佢一路食我哋就可以輕輕鬆鬆咁傾吓計 甜品方面唔算太多因為食完烤肉都比較飽 我哋淨係叫咗雪條同埋西米露咋 雪條仲要係我最愛嘅韓國melona 雪條 好正啊！