PURADAK CHICKEN (金巴利街)

营业中

休息中

一直聽聞左E間韓國過江龍好耐, 外界稱佢為炸雞界嘅Prada, 不過將軍澳太遠所以無去到, 最近係尖沙咀開左分店, 即刻狗衝去試下! 餐廳環境走型格路線, 以黑白色為主調, 餐牌上除左多款口味嘅炸雞(有d口味都未食過)仲有其他韓國小食同主食好似飯卷年糕粉絲等等!⭐菠蘿梳打⭐梨肉汁食下炸雞再食下醃蘿蔔, 開胃又解膩⭐半半炸雞（無骨）半半炸雞可以話係選擇困難症嘅恩物, 車車揀左青陽辣椒MAYO同CORN-SO AMAZING口味, 兩款都非常好食! 熱辣辣嘅炸雞上面淋上豐富惹味嘅醬汁, 食落啖啖肉又唔膩, CORN-SO AMAZING甜甜地粟米味好香, 青陽辣椒MAYO食落嘅辣味係漸進式的, 幾特別! ⭐炒年糕（秘製黑醬）非常驚喜地份量超多, 入口煙煙韌韌, 每粒都沾滿醬汁, 好滿足!⭐烤牛肉紫菜飯卷食韓國菜點少得食飯卷! 一份有好多件, 件件都好足料, 食落口感好豐富!

尖沙咀咀韓式食肆林立，今次呢間韓式炸雞店係朋友介紹，佢話食過tko分店，大推～店員都以韓國人居多，感覺十分正宗~ 餐廳而家做緊推廣點羅勒派對會送兩杯ade✨一落咗order就會送上醃蘿蔔，酸甜又爽脆👍🏼🐣半半炸雞 $198up炸雞可以選擇有骨/無骨，滿足到唔同朋友嘅喜好💕我始終都覺得有骨會滋味啲，所以揀咗有骨😆醬汁方面選擇咗瘋狂🧄蒜香+$25& 韓式甜醬+$25；前者蒜香十足，🍯蜜糖味較重，後者酸酸甜甜都幾開胃😋炒年糕（秘製黑醬）$78份量十足，年糕軟軟糯糯，秘製黑醬甜甜地，香口又惹味，係炸雞嘅好拍檔😚🐮烤牛肉紫菜飯卷 $65用上烤牛肉、🥕蘿蔔絲、🥒青瓜、酸菜、🥚蛋等制成，十分足料。最值得一讚係上面嘅芝麻，加咗之後令飯卷嘅香氣都得以提升✨🍹西柚梳打$25最受歡迎嘅梳打口味之一😆味道清新唔假，叫咗店員減少糖漿嘅份量，我覺得甜度適中😙🍺藍妹生啤 $58啤酒毫無疑問係炸雞嘅好朋友😌

突然好掛住韓國炸雞🥺呢日來到尖沙咀韓國街見到新開過江龍炸雞😍即入去試下😎餐廳白色格調，梳化位坐得舒服😌.炸雞雙拼 （瘋狂蒜香炸雞 /惡魔炸雞 ）$248烤牛肉紫菜飯卷 $65芝士大棒（爆粟口味）$60海鮮煎餅 $128梅子梳打 $25菠蘿梳打 $25.炸雞份量十足大大件炸得脆口，咬落去爆汁juicy勁正，惡魔勁辣超正辣得過癮👍🏻 芝士大棒要特別推介超有驚喜，面頭好多芝士粉，大大條中間滿滿芝士勁拉絲😍入口芝士香濃煙韌又脆口，粟米味道甜甜地，好好食😋另一推介海鮮煎餅大大塊又足料，滿滿蘿蔔、蝦、魷魚、蔥、紅椒，煙煙韌韌點酸汁正👍🏻兩杯梳打酸酸甜甜滿清新不錯☺️.愛食韓國菜的可以一試👍🏻

🚩 Puradak Chicken實不相瞞我系9bothew嘅Fans，嗰陣時仲見佢介紹緊將軍澳店🥹事隔半年原來已經開到嚟尖沙咀啦‼️話明炸雞界嘅Prada，睇嚇系咪真系咁有料先～〰️〰️〰️〰️〰️〰️〰️〰️〰️〰️〰️〰️〰️〰️〰️🌈有骨半半炸雞 $198✨青陽辣椒 $30呢個系佢哋嘅招牌口味，一開始我哋都驚好辣但放心一啲都唔會，佢個辣反而更加挑起你想食嘅癮醬汁偏甜口，佢嘅辣椒就好似我哋嘅泡椒咁酸酸辣辣✨瘋狂蒜香 $25蒜香味十足，外圍都裹滿咗蜜糖甜甜地一件接一件🌈 半份無骨炸雞 $98呢度嘅炸雞用咗先焗後炸方式減少炸雞嘅油膩感同時保存肉汁不過都系建議大家叫返有醬汁個啲原味炸雞食到最後會有少少dry🌈爆粟口味黑芝芝波 $40黑芝麻皮包住滿滿嘅芝士我哋仲叫咗粟米口味，超多粟米粉🤤食落口咸咸甜甜咁 輕鬆清一碟🌈烤牛肉紫菜飯卷 $65餐廳來講飯卷都算幾平牛肉份量都俾得好多整體爽爽脆脆仲有麻油香

🤩嘩！香港都有得食韓國名牌炸雞「Puradak Chicken」啦！仲開左兩間分店，佢哋用先烤後炸嘅方法煮雞，真係鎖住肉汁，個皮外脆內嫩，仲唔會太油膩，真係好好味啊！👏🏻我地叫咗半半炸雞（$198+$30+$30）揀咗青陽辣椒MAYO同埋瘋狂蒜香炸雞兩款口味。食落去，辣椒MAYO比較辣，但配上沙律醬中和返，變左甜甜辣辣，都幾過癮！👅我個人比較鐘意瘋狂蒜香味，香甜既蜜糖加埋濃郁既蒜味，根本係Perfect match！🔥另外，半半炸雞仲可以半價食到黑芝波波，我揀咗原味（$35），個外皮酥脆，咬落去有種煙煙靭靭嘅口感，仲有芝士軟心拉絲，好推介哦！✨最後，我地仲叫咗人蔘雞湯（$128），味道好正常，雞肉燉得軟腍，飲落去好舒服，令人覺得好滋補！🎉原來仲有優惠呀！點羅勒派對送兩杯ade，真係好抵食呀！下次有機會一定要再試埋其他口味啦！

作為韓國忠粉，有韓國過江龍新餐廳梗係要試！有著炸雞界貴族美譽嘅Puradak Chicken！地點位於尖沙咀韓國街（即係金巴利街）；餐牌主打傳統及Fusion炸雞，炸雞以先焗後炸，外脆內嫩保留肉汁！我地揀左半半炸雞，先揀有骨定冇⻣，仲有少見嘅雞翼槌可揀～然後揀味道，仲可額外配秘製醬汁！🖤🍗秘製黑炸雞 招牌黑炸雞，醬汁睇落好咸好重口味，但食落味道香濃郁又唔會過咸！面層有香脆蒜片，令醬油香味更特出！加上外皮炸得香口酥脆，雞肉軟嫩；口感豐富又惹味！好食到停唔倒口！🫑🍗青陽辣椒MAYO炸雞一向鐘意食辣椒就必定要試呢款！滑溜嘅 MAYO醬配上微辣嘅青陽辣椒，椒氣滿滿，又唔算勁辣到冇哂雞味！食落口感濕潤，雞肉滑滑食出鮮味！我地揀有骨，大約半隻雞嘅份量！🍳海鮮煎餅：厚實嘅海鮮煎餅，煎到金黃色香脆可口！外脆內軟餡料滿滿，相當好食！🥤飲品點了柚子梳打及芒果梳打，唔算太甜，感覺可解解膩！Puradak Chicken地址 📍：尖沙咀金巴利街7號地下

Puradak Chicken 的讀音與Prada相似，加上高級的包裝及獨特的炸雞味道，所以有炸雞界Prada之稱🤣餐廳於韓國🇰🇷一直排名五大必食炸雞店之一🍗香港分店由韓國人主理，部份廚師更專程到韓國總公司學習炸雞醃製及烹調秘技。🔸Corn-So Amazing 炸鷄 ($228)先焗後炸的方式烹煮，能鎖住肉汁，並減少油膩感😆烤焗完後，會再油炸至酥脆。外脆內嫩，每口都嘗到韓國炸雞的味道🐓粟米濃湯調味粉十分特別，再加幾件粟米🌽令口感更豐富。🔸海鮮煎餅 ($128)大大份海鮮煎餅粉漿很薄，邊位亦炸至香脆。加上魷魚🦑蝦🦐大葱🧅蘿蔔絲🥕等材料，食落香口惹味。🔸烤牛肉紫菜飯卷 ($65)紫菜飯卷餡料都是慣用的醃黃瓜、青瓜🥒蘿蔔絲🥕蛋條🍳加了烤牛肉🐮口感豐富，清爽健康又美味🔸Green Apple Soju ($118)食炸鷄又點可以唔飲燒酒😝淡淡酒香中泛著清香的蘋果味🍏口感柔和，清甜爽口。

食過最好味的炸雞同炒粉絲！終於試到有炸雞界Prada之稱的Puradak😍 喺將軍澳有另一間分店提供好多獨特口味的炸雞及多款韓國菜式，應有盡有，絕對值得一試☺️ 餐廳裝潢高級感滿滿，環境闊落，乾淨企理，氣氛很好。食物質素高 有驚喜，價格合理 份量多，性價比高，店員服務態度好👍🏻 依家點羅勒派對會送兩杯梳打~💖💖💖食評💖💖💖前菜($Free)✨Corn-so Amazing炸雞 ($228/份)✨推薦！必點之選，一份份量超澎湃，兩人食絕對飽肚！面頭灑上大量粟米粉及脆脆，超香甜又惹味😋 口感同其他炸雞唔同，原來係因為採用先焗後炸方式製作，以210度高溫焗製以減少油膩感，難怪特別好味🤤👍🏻 即叫即製，需要稍等韓式炒粉絲 ($98)✨推薦！好好味又飽肚😚 看似普通嘅炒粉絲，其實口感味道好有驚喜！粉絲Q彈有韌度，好入味，熱騰騰 十分香濃惹味，好滿足🤤烤牛肉紫菜飯卷 ($65)✨飯卷有好多口味選擇，牛肉份量多，餡料豐富 有蘿蔔、青瓜、蛋等等，口感軟腍又爽口，好味道😋西柚梳打 ($25)✨芒果梳打 ($25)✨飲品都好高質，有新鮮果肉，好解膩，不會太甜

朋友推薦下去咗食呢間新嘅炸雞店。嗰日星期五我大約6:30左右到，可能未放晒工都仲有好多位 (⚠️大約七點半開始出面就排長龍所以大家要留意下)。環境上都幾乾淨企理。入面大部份都係韓國店員嚟，用英文溝通就可以。用餐時間大約70分鐘。🔸半半炸雞🍗 $198+$30+$30(青陽辣椒MAYO炸雞🌶️+ CORN-SO AMAZING炸雞🌽)我哋叫咗最好賣嘅兩款炸雞試。佢哋嘅炸雞其實比較似係我鍾意嗰種烤焗雞，外層香口之餘，重keep到入面雞肉質感好嫩滑。🌶️如果食得辣嘅朋友絕對要試青陽辣椒MAYO醬汁口味。本身青陽辣椒特別辣而且有帶一陣獨特清新嘅辣椒味，配上偏甜嘅沙律醬，甜辣得黎比一般嘅紅醬甜辣炸雞香同清爽，冇咁易膩。🌽CORN-SO AMAZING炸雞係喺炸雞上面落大量嘅粟米湯味嘅shake shake粉咁好香，旁邊嘅燒粟米都好有牛油香。🔸芝士雞蛋卷🧀🥚 $128芝士蛋卷份量好大，一夾起蛋卷就有拉絲芝士效果，本來係相當吸引，但蛋捲太老，好明顯食到一層層嘅蛋，唔夠軟熟，同柔軟嘅芝士口感太衝突，唔推薦。🔸墨魚圈🦑(爆粟口味) $70本來想像呢個墨魚圈會有一粒粒墨魚喺入邊煙煙韌韌嘅口感，原來餐廳係將d墨魚

有炸雞界 ᴘʀᴀᴅᴀ 美譽的韓國過江龍 ᴘᴜʀᴀᴅᴀᴋ早前原來在尖沙咀韓國街金巴利街開了店提供超過九款口味的炸雞  當然也有半半炸雞 還有一些地道韓式主食 人蔘雞 魚糕湯等等都有𓋪 雞翼雞搥 ᴄᴏᴍʙᴏ (韓式甜醬)友人愛吃雞翼 我則愛雞搥 點雞翼雞搥 ᴄᴏᴍʙᴏ 就最好不過每件雞都裹了甜甜的韓式甜醬 裡面的肉質仍嫩滑 ᴊᴜɪᴄʏ配上前菜的醃蘿蔔一起享用 酸甜清新不會覺得膩不過份量真的很大 大夥兒分享會較適合𓋪 嫩豆腐湯既然炸雞點了不辣 那就點一個辣湯嫩豆腐軟嫩爽滑 加上微辣的湯頭 咕嚕咕嚕的很易入口超下飯的豆腐湯當然還會配白飯𓎺 檸檬梳打𓎺 菠蘿燒酒我點了清新解膩檸檬梳打 但相比起友人點的菠蘿燒酒簡直是小巫見大巫燒酒類是以 ᴊᴀʀ 作單位 方便幾個朋友聚餐暢飲有微微菠蘿果香 燒酒不太嗆口很恰好好像好久沒有吃到這般地道的炸雞了有種回到韓國旅遊的即視感 有機會也想要嘗一下他們的雞蛋卷跟魚糕湯 ~

呢間餐廳係尖沙咀位置夠方便，裝修好簡約又有韓國feel，好適合情侶或者小型聚會，係韓國既炸雞專門店，咁勁開到黎香港當然要支持下～CORN-SO AMAZING CHICKEN ($228) 真係一個炸雞山，份量夠哂多，啲雞炸得好香脆，肉質又實淨。最特別係佢個粟米粉調味，濃濃粟米味真係無得彈，加咗幾件粟米令到口感好豐富，真係好正啊！魚糕湯 ($150)湯底鮮甜，啲魚糕好有彈性，剩係魚糕魚蛋都有5-6款，仲有啲菇類同菜類，夠哂豐富，食炸雞配啲清清地既湯啱哂～烤牛肉紫菜飯卷 ($65)啲牛肉烤得啱啱好，肉質鮮嫩，紫菜飯捲外層加埋啲麻油好香，食落又飽肚又好味。-Puradak Chicken (尖沙咀)📍尖沙咀金巴利街7號地下抵食指數：😚😚😚😚😚😚😚/10舔舔脷指數：😚😚😚😚😚😚😚😚/10

見到好多好評，講到係炸雞界既Prada，所以走去同fd試下。但食物差，兼體驗差，搞到我忍唔住要寫第一篇食評。先講炸雞，個味係Ok，但炸到肉實實地，無咩汁，KFC仲好過佢。半半炸雞份量唔多，比其他韓國炸雞店少。牛肉紫菜包飯，牛肉係牛肉碎🫢炸墨魚圈食唔到墨魚。呢個價錢真係對唔住呢個質素😑呢度水都要$10杯最後，我地係透過OpenRice訂位，認衰仔係遲左10分鐘到，但都叫within留座時間。餐廳寫左我地缺席，我地影埋張單比餐廳，餐廳繼續維持原判。感覺真係唔良好🫥實在無下次

這間韓國炸雞餐廳比譽為是炸雞界的Prada ，當然要試下啦！今次來到尖沙咀韓國街的分店試試！Wings Combo，他們的炸雞有多款口味可以選擇，而我們揀選了韓式甜醬口味！而雞亦揀選了新出的雞翼雞槌系列！韓式甜醬口味有微辣，醬汁甜甜的，雞上面灑滿花生碎，雞肉嫩滑juicy，口感十足！吞拿魚紫菜飯卷，飯卷夾有吞拿魚沙律醬、青瓜條、紅蘿蔔條、醃蘿蔔、蛋等，材料非常豐富，而且味道同口感都不錯！蔘雞湯，這裡的人蔘雞湯都是用上鍋上，熱辣辣，雞有一隻的份量，內裡有糯米！湯的味道清清地，帶有淡淡的人蔘味，兩個人開心share都可以每人飲到2小碗！檸檬梳打，有淡淡的檸檬酸味，清新解渴！梅子梳打，顏色有點似梅酒，飲落有淡淡的梅子味道，幾特別！

呢間韓國人氣炸雞第一間分店喺將軍澳，而家尖沙咀都開咗，鍾意食韓國嘢嘅我就走咗去試🤤店舖唔太大，今日下午lunch時間唔需要等位。試咗青陽辣椒mayo炸雞無骨$208，個名好特別，平時其他店舖冇，辣辣地又有mayo中和返🌶️雞肉juicy唔老🍗黑芝芝波(爆粟口味)$80芝士可以拉絲🧀外皮有少少似麻糬波波煙煙韌韌，加埋爆粟粉好邪惡🫣牛肉紫菜飯卷$65就普通。留意返水要收錢💦為咗個雞同埋芝士波會再回頭🤣靚景指數：💛💛💛好食指數：💛💛💛💛💛抵食指數：💛💛💛💛@puradakhk_official

韓國過江龍炸雞界Prada😄 試吓係咪真係咁出色？被譽為炸雞界嘅貴族! 採用獨特嘅先焗後炸方式炮製，將油份逼出，減少油膩感並鎖住肉汁。其後再油炸至酥脆，炸雞外脆內嫩🍗🍗半半炸雞 $178🌽 Corn So Amazing +$30: 炸雞上灑上甜甜嘅粟米粉，再配上炸粟米，清甜香口!🫑 青陽辣椒Mayo +$30: 第一次試依款口味嘅炸雞😋辛辣刺激，而且幾特別🍗海鮮煎餅 $128 : 大大件煎餅，邊位好脆☺️ 配上八爪魚、魷魚、香蔥、紅蘿蔔絲等，夠曬飽肚💪🏼烤牛肉飯捲 $65: 烤牛肉幾香口，飯卷包住青瓜、蛋、蘿蔔及醃蘿蔔，再灑上白芝麻粒，足料又好食🥹Lemonade $25