Proton

营业中

休息中

樣樣都 好好味，唔太鹹！有特色，冇諗過餐碟咁型、朋友好驚喜，好開心，收到呢份生日禮物🎁蠟燭同餐具都好型！店員都好好人！幫我地影靚相、服務好周到！雖然遲左到，但係都留返個靚位比我地影相！好滿足、飽肚離開，朋友仲同狗狗影可愛合照！好完滿的飯聚！ 會推介比朋友！

元朗教育路見到新開餐廳，門口有梳化和吧枱，裝修同桌椅都走奢華格調。今日同老公拍拖去食，除左環境靚、服務好，菜式製法都係有用心思考，有點驚喜呢！餐湯及沙律$68烤美國安格斯鵝肝牛柳$328睇圖應該見到半成熟肉質嘅鮮嫩多汁🤤兩大塊牛柳份量真不少。仲加埋肥美鵝肝，感覺更滿足😍 另外仲有大啡菇同焗薯，吃膩了薯角，這裡的焗薯是切片再加入薯蓉壓成焗製，味道同口感更有層次。烤大啡菇羽衣甘藍香草汁意大利飯$138羽衣甘籃拖左油，入口酥脆而且瞬間融化開來，口感特別。似香料味道，又帶有油香，十分香口。配上香味濃郁嘅大啡菇同creamy香草汁，無得輸！羽衣甘藍加分太多👍🏻火辣BB粟米芯 日本芥辣醬$60粟米芯爽甜，辛辣味粉不算很出味。反而裹粉炸得脆薄甘香，一口一口停不下。醬料調味後好，由沙律醬、蛋黃醬混和芥辣醬，香甜之中，芥辣唔攻鼻，好能帶出食材味道，一試難忘✨西柚薄荷梳打$50清新酸甜果味，解膩又解渴，𝙛𝙧𝙚𝙨𝙝 ✨

上次行過見到開左間新既cafe店，所以就同朋友約左黎食晏就呢度既感覺係比較工業風既cafe店，裝修比較簡約，無太多多餘既裝飾。開放式廚房，可以清楚咁睇到員工處理緊我叫既食物。呢度既抽風系統做得唔錯，一啲味道同煙都無飄到出黎👍🏻虎蝦、阿拉斯加蟹肉、粉紅汁手打意大利麵 🦐🦀$108虎蝦有三大隻，食落爽口，蕃茄味酸酸地既汁，而係醬汁度會隱約見到啲蟹肉絲呢款比較多醬汁，但好味到想當肉醬咁食埋去😂意大利黑松露野菌卡邦尼手打意大利麵 $98幾鍾意呢到既卡邦尼汁，因為唔會太重忌廉味，唔會令到好膩。第一次食手工意大利麵，麵質比較粗身有咬口，唔容易斷👍🏻，有驚喜比想像中好食😋鮮奶培茶（凍）$42濃濃既培茶味，唔會太苦澀，有甜味，支飲管係用糖做，可以食（嘗試咬左啖，係無味既🤣）污糟（一定係凍）$32見到個名好特別所以先叫😹，其實即係一層咖啡加杯鮮奶，比較苦（可能係我平時唔飲咖啡）P.s係個開放式廚房到見個員工好用心咁整個一層咖啡既效果🥰整體來講，食物味道同質素都好好，好耐無食過咁好味既意粉🥲🥲，員工態度好，環境潔淨整齊，值得回吃👍🏻👍🏻👍🏻🔸建議提早訂位🔸有室外座位

行過見到環境唔錯就入咗去食dinner 食物同飲品質素都好有驚喜🤩黑松露野菌忌廉湯 羽衣甘藍香草醬麵包 $58羽衣甘藍香草醬非常特別🥬加埋烘得好香脆嘅多士 真係好正 野菌忌廉湯好香好濃 食到粒粒打碎咗嘅蘑菇 非常足料👍🏻烤美國prime牛肉眼 (10安士) $348我哋叫咗5成熟 肉質好淋好重牛味🥩不過比較多筋位 伴碟嘅烤原個蒜頭同大啡菇燒得好香🧄另外亦都配咗芝士焗薯蓉 非常豐富💯黑松露野菌忌廉 香脆羽衣甘藍 手工菠菜麵 $138手工菠菜麵食落比較淋 但係好香蛋味亦都好掛汁🤤上面加咗好多炸得好香脆好乾身嘅羽衣甘藍 份量亦都幾多幾抵食👍🏻氮氣黑咖啡 $45咖啡味好香濃☕️打咗氮氣令到咖啡更creamy更滑 多咗層奶泡喺面好似啤酒咁🍺凍鮮奶焙茶 $42焙茶味好重 飲到最尾都仲係好濃 仲有少少回甘🍵原來佢哋仲有lunch set 會再抵食啲 門口嘅位置睇落亦都好舒服 淨係嚟飲杯咖啡都唔錯 仲係pet friendly 下次再嚟食先😍

元朗飲食多樣，款式多多，今日就俾我找到一間有品味，又風格別樹一格的西餐廳。設計走工業風格調，以灰色為主色，門外有沙化襯茶幾，有bar枱櫈，好有外國feel及令人relax的餐廳。後來才知道Proton這裏是寵物友善的，即刻印象分大增。食物方面照顧得幾全面all day breakfast， brunch ，snack ，all day sweet， pasta soup，茶、啡、果汁，連素都有，可見老板是有心的人，讚呀！食物方面真的不賴，色、香、味俱全。蘋果木煙三文魚班尼迪，蛋時間掌控得宜心是流心的，三文魚不是死咸無味那種配埋風乾火腿都咸味剛好，最特別是上面那綠色醬，我覺得是牛油果醬，有它起了畫龍點晴之效。薯條好酥脆不油膩，炸得剛好，伴碟沙律菜配的醋，真令我有衝動去請教廚師討他所用的牌子，因特別好味。Pasta更是滋味至極，粉紅汁該是以蝦頭慢煮出羔油後，加調料及阿拉斯蟹肉煮成色澤誘人垂涎的粉紅色，聞到香味已食指大動。入口滿滿蟹的鮮甜，加上虎蝦的爽口彈牙，意粉煙韌有咬口，好出色美味的一碟pasta。伴餐的飲品都好我意，尤其有美麗拉花的Matcha latte。今天又為我可回頭的食店li

元朗國真係好多cafe ，今日發現到呢間小泥牆裝修嘅小cafe ，一望入去充滿格調，餐廳以灰色為主，每張枱都放有一瓶乾花，型格中又帶點小清新，環境好舒適❤️— — — — — — — — — — — — — — — — — — — 【M7和牛吐司】$128吐司有M7和牛、俄羅斯酸菜、芝士、黑蒜，好欣賞和牛雖然係一片片，但牛味好濃，食落好足料的！薯條嘅炸得好脆好脆，放耐左都重係好脆，伴碟沙津菜都幾多，呢個吐司真係性價比好高😋😋— — — — — — — — — — — — — — — — — — — 【蜜糖芥末雞翼】$60每隻雞翼外層好香脆，重點係雞肉好嫩滑，本身醃過，咬落好juicy，蜜糖芥末醬係甜甜地果種，唔會好辣，唯一美中不足就係炸粉略有油份，不過邪惡得黎又好好食🤪— — — — — — — — — — — — — — — — — — — 【鮮奶焙茶(熱)】$38第一次飲焙茶，呢杯茶味香濃，幾中意☺️【京都鮮奶抹茶(熱)】$40好滑，有抺茶嘅甘香，唔會死甜，真材實料！

前排路過元朗見到有間新開既餐廳，裝修得好靚，但一直無時間去。今日終於約到朋友去試下！室內設計到比人感覺好高雅，係馬路邊見到格外引人注目睇下menu，呢到主打西餐，比想像中貴左少少，不過如果最緊要都係野食質數阿拉斯加蟹肉、虎蝦、櫻花蝦手打意大利麵。見到醬汁咁稠密即刻好興奮一定好入汁，好怕人食意粉食啲汁稀到好似食緊湯麵咁。手打意大利麵好彈牙，最令我impress既係入面細細粒蟹肉，配埋個勁入味、勁鮮味既汁，勁高質烤葡萄牙伊比利橡果豬鞍，一上枱已經聞到好大陣燒烤味，有啲似漢堡扒嘅味道，勁中意！豬鞍亦十分嫩滑多汁，好易切，亦唔會有啲位咬唔斷，豬鞍調味得非常好，連隔離嗰醬汁我都唔想點，覺得嘥咗朱安陣味隔離個薯蓉亦非常之好味呢間proton全部野食都勁好食，如果唔係開係馬路邊，一定可以吸引更多人黎，以佢食物質素絕對可以再high class啲！

今日晚餐去咗元朗教育路一間輕工業風Cafe 食晚飯，可以喺豐年路輕鐵站或者朗屏站西鐵站行過嚟。我點左兩個主菜，再加$108升級套餐，包括法國法國乾邑龍蝦湯配麵包和巴馬火腿沙律，龍蝦湯鮮味濃郁，比起出邊嘅龍蝦湯減少左忌廉嘅份量，更能食得出龍蝦嘅鮮味同甘筍嘅甜味，麵包軟熟，加牛油焗到外脆內軟，用嚟點龍蝦湯食非常夾；巴馬火腿沙律用嘅油醋醬比較甜，酸酸甜甜非常開胃香煎鵝肝安格斯牛肉漢堡包薯條：漢堡包非常厚，廚師刻意冇夾著個包，令上碟時除咗可以睇清楚裏面嘅配料有幾豐富，仲保持左上層包嘅鬆軟同香脆，加上表面焗過嘅芝麻更香更脆；煎香的鵝肝油香充斥成個口腔，入口即溶，芝士同沙律醬嘅份量都刻意減少，加上洋蔥同蕃茄減低油膩感，安格斯牛肉非常厚肉，火候啱啱好可以鎖住肉汁，配菜亦都唔馬虎，薯條炸到香脆可口唔會太乾烤龍蝦海鮮意大利飯:龍蝦肉和大蝦肉爽口彈牙，肉質紮實，睇得出食材用了新鮮，意大利飯軟熟，入口就好似飲緊龍蝦湯咁，淡淡飯都好香濃，而且見到廚師落咗一絲絲新鮮蟹肉，仲有青口等豐富配料，值得推薦京都鮮奶抹茶：抹茶味香濃又唔會苦澀又唔會太甜，鮮奶味同抹茶嘅平衡做得唔錯羽衣甘藍青蘋果青瓜鮮果汁：味道清新，酸酸甜

自從有咗西鐵站之後，去邊都好方便，教育路全條街八成都係食肆，今日呢間都唔例外，新開冇幾耐，見到門口好吸引，好似一間好特別嘅Cafe，裝修又好有格調見到餐廳入面係走工業風嘅設計格調悠閒，座位闊落又舒適，加上燈光柔和環境舒適空間感十足，可以嘆一個寧靜嘅午餐意大利黑松露野菌卡邦尼手打意大利粉$98，鐘意黑松露既朋友仔就一定要試，意粉彈牙爽口同平時食開嘅粗身d , 醬汁有好濃郁嘅黑松露味,每條意粉都掛滿醬汁，野菌同煙肉碎作為配菜，亦都充滿着黑松露嘅香味虎蝦，阿拉斯加蟹肉粉紅汁手打意大利麵$108,虎蝦非常大隻又夠爽口味道調較到剛剛好意粉嘅質地較為粗身口感好特別食物嘅質素非常好廚師有一定嘅水準蟹肉亦都非常鮮甜個飯好濃嘅蟹味分量上面都非常足夠意粉有濕濕地嘅效果容易入口凍朱古力鮮奶咖啡$42，嘩，好香濃既咖啡味又夠曬凍，不過冰就多左少少，飲到尾就開始淡，但朱古力既香味依然存在檸檬柚子羅勒梳打lemon proton $60，好濃嘅檸檬味道柚子味不太重味道好清新又好解膩

因為平時好少嚟元朗，今日有啲事要入去，就問住元朗嘅朋友有咩好介紹，竟然有兩個朋友都不約而同咁介紹呢間餐廳，咁就一於嚟試吓啦。一嚟到已經見到門口有兩台客都帶咗狗仔嚟，因為呢度有外面嘅位置，所以可以帶寵物嚟食嘢，方便晒有養寵物嘅人。呢度嘅裝修比較工業風，燈光偏暗，坐得好舒服而且有情調。我哋就叫咗個蜜糖芥末雞翼做小食，估唔到咁好食，佢嘅芥末辣辣地非常開胃，而且雞翼炸得夠香夠脆，而且大大隻咁啖啖肉好好食。呢個黑松露忌廉野菌，香脆羽衣甘藍，手工波菜麵都係一流，佢除咗賣相好睇之外，估唔到佢嘅羽衣甘藍竟然咁好食。我平時好抗拒蔬菜類嘅嘢，但係佢整得好脆好似薯片咁，令我都忍唔住食咗幾塊啊。而且佢嘅手工麵食落口感好好，同平時出面嘅意粉唔同，好香好特別。我想重點推介呢個龍蝦，石斑魚法式海龍王，一上枱真係哇咗一聲，估唔到咁豐富。之後食食吓發現原來佢嘅汁同龍蝦湯係冇分別，非常濃味同好飲。而且佢嘅份量非常多，龍蝦同石斑魚都有好多舊，而且價錢又唔貴，真係好足料啊。你間餐廳又靚又抵食，唔怪得咁多朋友介紹啦。遲啲我都要將呢間餐廳介紹俾其他朋友呀。

Proton地址: 元朗教育路83號地舖電話: 94131131===================== 山旮旯架元朗，從前我住九龍，不懂以為是美食沙漠，其實人口稠密，亦都吸引左食肆。呢間是高質西餐,有可以放上ig 打卡龍蝦 虎蝦 蝦頭油 蝦子手打意大利麵 $168，手工意大利麵較食開架粗身，索左蝦頭油，那股鮮甘仲有龍蝦同虎蝦肉 日本刺身帶子 野菌黑松露意大利飯 $148黑松露好香，飯creamy 留了quota 比甜品鮮雜莓 藍莓醬焦糖班㦸 $80,pancake 好鬆軟，莓酸香多汁。焗法式蘋果撻雲尼拿雪糕 $72，一片片蘋果芳香，一冷一熱，vanilla ice cream 真係必食食甜食要襯coffee 泡沫咖啡 $35 及黑糖鮮奶咖啡 $38，拉花花紋好靚，吸like 甜品coffee 都非常推薦，holiday mood

><又係時候去cafe打下卡估唔到食物都幾高質烤澳洲bb羊架 / Grilled Australia BB lamb rack($278) 澆上燒汁時 已經聞到香草味好出羊架烤焗後油花香溢 增添焦香肉質緊緻嫩滑 不禁連骨都吮埋焗千層馬鈴薯 綿密香滑creamy比起整成薯蓉保留點咬口烤原顆蒜頭 軟糯香甜整體main & side dish都好出色!!阿拉斯加蟹肉 虎蝦 櫻花蝦 手打意大利麵/Alaska crab meat prawn sakura shrimp($148)首先櫻花蝦入饌令意粉變得香氣四溢而手打意大利粉粗度與烏冬相似食落幾彈牙亦掛汁 辣椒絲紅蓼平衡返忌廉膩感比利時窩夫 榛子醬 鮮雜莓 / Belgium waffle hazelnut mixed berries icecream($72)窩夫鹹香鬆軟 食得出雲呢拿雪糕係用中上牌子仲有脆片nuts碎碎豐富口感鮮奶焙茶/ Hojicha latte($38)焙茶醇厚味濃 牛奶比例恰到好處偏好熱飲 既有拉花 亦唔會被稀釋><>&#

今日去咗一間位於元朗《PROTON》裝修設計好有格調，當然要一試！烤龍蝦海鮮意大利飯 ＄168半隻開邊既龍蝦，新鮮又爽口，輕輕烤焗過加點黑椒，已經好好味！而意大利飯，每一啖都充滿海鮮食材，青口和大蝦更是原隻放上，十分足料，超滿足😌！烤美國安格斯鵝肝牛柳 ＄328牛柳點了五成熟，粉粉嫩嫩帶點焦香味，配上嫩滑的鵝肝，一切開油脂滲出，入口濃郁鮮美！檸檬,柚子，羅勒,蘇打 ＄60天然果酸，淡淡的甜度和柚子香氣！

百年難得一次走入元朗，竟然俾我發掘到呢間性價比高汁餐廳！餐廳走工業風設計燈光柔和座位闊落舒適格調悠閒龍蝦汁唔會假，蝦肉爽口！調味剛好好中意佢用合桃包做底，係誠意的表現！薯條自家製，脆卜卜，味濃！炸左的羽衣甘藍好特別，似紫菜口感！個汁好清新，食落的感覺好新鮮Egg Benedict 同樣用會桃包！有2夥流心蛋！食得出係日本靚蛋！同時味道少少酸~刺激味蕾甜品waffle 有麻糬做內餡！擺盤十分講究絕對係誠意之作PS: 最後一提！服務好，味道好，性價比高推動我寫食評鼓勵下👏👏👏

今日放工之後同朋友嚟到元朗呢間叫proton嘅Cafe食晚飯，餐廳行工業風，以水泥灰色為主，俾人感覺好乾淨舒服。餐牌選擇都唔少，感覺到係有心思設計嘅菜式。我同朋友就叫咗鵝肝安格斯牛肉漢堡配薯條、慢烤黑松露法國黃油雞、雜莓藍莓焦糖班cake、手工啤酒、乾雜果冷萃咖啡。乾雜果冷萃咖啡一上到嚟，外型非常討好，好似cocktail咁，入口甜甜地，無咖啡本身嘅苦澀味，但就集咖啡香同果香於一身，味道相當唔錯，就連唔特別鍾意咖啡嘅朋友都覺得好好飲。跟住上嘅就係呢個鵝肝牛肉漢堡配薯條，薯條炸得香脆，味道都係想像中嘅好食。但個漢堡就相當有驚喜，牛肉厚身但非常Juicy夠味。我同朋友本身都唔特別鍾意食鵝肝，但佢嘅鵝肝油令到成個漢堡變得更香。黑松露黃油雞一入口，黑松露嗰種香味就喺口腔裏面爆發，雞皮脆卜卜，底下嘅薯仔都有用忌廉等調味料調味，好食！建議個雞唔點醬更好食。最後食埋個雜莓藍莓班戟就完結咗今日咁豐富美味嘅一餐，下次一定會再嚟試佢其他嘅食物。