Project B (已結業)

之前和朋友食生日飯，今日再食2人餐，飲花茶，食物品質依然高，環境依然保持乾淨企理，職員服務依然不錯。今日試的二人餐有黑松露湯，黑松露又香又好味，讚！鴨胸釀鵝肝，鵝肝入口就化，味道濃郁但不油膩，配士多啤梨燴出來的汁，好開胃！軟穀蟹南瓜意粉，軟殼蟹好好食，軟中帶脆，某些部位就少少鹹，但還可接受，不算太大影響。另加錢配玫瑰玄米花茶，清雅中散發陣陣玫瑰清香，幫助消化又去油膩，飲落好舒服，令人飲著都放鬆下來。

呢日約左男朋友食飯，我地搵左一間喺太子既西餐廳食dinner，餐廳既環境既好，感覺好chill。打開餐牌，見到有好多選擇，包括有burger, pasta同唔同既主食，好吸引。我地點左滋味雙層藍芝士牛肉漢堡，平時好少見到出面有blue cheese burger，見到呢間西餐廳有，當然就要試下啦。呢個blue cheese夠哂重口味，有勁濃既芝士味，個Burger 仲夾住兩層既漢堡扒，勁邪惡啊。另外仲點左法國鵝肝手打牛肉漢堡，烤到好香既漢堡包入面夾住漢堡扒、肥美既鵝肝、番茄同埋芝士，層次豐富，超惹味。食埋個心太軟做甜品就perfect。仲可以以優惠價飲手工啤。

Project B 位於太子深水埗交界，位置開揚，門面整潔光鮮。得知餐廳開業數個月，喜歡試新事物新餐廳當然唔可以錯過。餐廳裝修以灰色在主調，配上木製餐桌座位，配上自然柔和燈光，氣氛高尚優雅。隔邊設計一幅特色牆櫃，植物獨特優美，狗仔擺設可愛有趣。餐廳設有2人及4人餐，以較優惠價錢享用主餐牌食物。▪️　餐湯粟米蓉配上火腿粒，味道剛好唔會咸，入口舒服。▪️　嘉璐連州燒美國豬背骨豬背骨香氣四溢，醬汁酸酸甜甜帶有一絲燒烤味，肉質入口煙韌，味道唔錯。▪️　軟殼蟹雜菌忌廉意大利飯原隻軟殼蟹呈上，軟殼蟹炸到乾身無油膩感，入口鬆脆。忌廉醬汁質感比較杰身，忌廉味道唔算出眾，個人認為味道重番少少更佳。▪️　黑松露蜜糖焗煙鴨胸煙鴨胸外皮煙韌，肉質細嫩。蜜糖醬汁甜而不膩，配上黑松露醬調味，無懈可擊。▪️　PROJECT B 小食拼盤小食拼盤絕對適合有選擇困難人士選擇，每樣都有可以樣樣試下。小食拼盤分別有雞翼、炸蝦、紐倫堡腸、黑松露炒蛋多士。個人認為黑松露炒蛋多士好值得一提，多士香脆，炒蛋滑身，配上黑松露醬非常滋味。

今日過黎太子買野，行過界限街既分叉位，見到間新開既西餐廳，叫做project B🤪那麼Project A 和C呢？見新開好想入去試下呀😍晚餐既前菜點了豬寸骨，其實係豬後腿上既一根細小骨頭，醃好豬寸骨後，甜甜的燒烤味，放入焗爐慢烤，非常好吃，脾肉也很嫩，表面黏著微甜的醬汁😍嗌左嗰豬鞍，估唔到係厚煎豬鞍扒，勁大份，好有驚喜😋配蜜糖芥末醬呢好好食，中和左豬鞍扒的肥膩感，而且質感非常之嫩滑，食落豬鞍多汁嫩滑，看一下碟上的是肉汁😍一切開即流出呢🥰最好配蔬菜來吃啊❤️哩度既係羽衣甘藍呢😍法式燒焗乳豬件配黑松露多士，一份有八件，乳豬皮食落脆得咔嚓碎開，廚師好細心切件上枱，好讓我吃得有點儀態，食落乳豬件仍然嫩滑有肉汁，皮脆肉嫩😍再配埋烘得相當脆口的黑松露多士，一口一啖，滿足呢👍👍

Project B開左幾個月，我食過幾次Lunch 同Tea，覺得好好坐👍。今日路過又飲左杯咖啡☕😆星期五4點幾，得一枱客，年輕店員好落力響門口招徠客人😆叫左Waffle + Cappuccino ($68)賣相仲非常ok❤️，仲可以選要朱古力醬定糖漿，yummy🤤四件 Waffle 灑上玫瑰花瓣+糖粉+熱情果雪糕，吾食得都睇得🤣，可惜waffle有d 硬吾夠鬆軟，希望可以有改進Cappuccino咖啡味夠，個拉花亦好靚❤️天氣熱行得累入黎坐下，靜靜地又吾趕客👍仲要下午茶時間無加一，無言😜

同朋友喺SSP睇完展覧後，諗住揾間 cafe 飲杯嘢坐吓，點知行到近太子都揾唔到，突然朋友回頭一望見到呢度，見到menu啱喎，又唔洗等位，就入去囉。揀食物之際，侍應送嚟2杯水，哈，估唔到杯上有個簡單圖案，平凡中見不平凡，開心指數即時提升!我哋各自點了下午茶餐，我份芝士蛋糕有朱古力醬同玫瑰花瓣，花瓣係我偏好，加分。最加分係侍應巧晒衫(好細心)，不時refill 水不特止，喺加水時，留意到我的動作就好關心問「係咪凍，要閂細D冷氣嗎？」通常係我主動叫閂細，今次係有記憶第一次，好窩心呀!另外，呢度有D望街景bar枱位，配埋吊燈，都好有feel!

今日大約13:00 同屋企人去食午餐 2個人入座 坐咗5分鐘臨時想加多1位 有侍應同我講出面多人等 轉頭安排比我哋 等咗20分鐘 隔離2人枱有人走 再同佢講要求加位 點知黑面回應唔得 我等期間望過幾次門口 都有人入座 再同佢講嘅時候 出面都已經淨返1對男士未入座 唔明點解唔會安排 而且其中一個男侍應態度奇差 我話之後唔再嚟食 暗中話我咁串 仲要講咗幾次 真係態度差得十分離譜！我只係要求加位 仲要等咗20分鐘都無辦法安排到 仲要黑面咁嘅態度 真係嬲到震！

最近想試新野,睇下openrice新餐廳榜見到呢間幾得意叫project B,大致上好評就同朋友轉場呢間試下。店員一早幫我地留左位,同埋見我地伸手試風,就問我地係咪覺得風口位,我地話係就立即調左第2張台比我地,好貼心要加分到野食,選擇多不在話下黎到叫左壺花茶 花茶清香而且加左黑糖,岩晒養生的女士墨西哥牛肉卷唔知有芫荽,唔記得走茜成台都唔食,蕃茄帶點辣,係濃味,皮有脆感蜜糖黑椒雞翼睇落好似好普通,但食落口又唔錯雞翼焗得岩岩好,唔乾身,蜜糖味同黑椒都配合得岩岩好,唔會互搶見到上一家食評寫要試乳豬多士我地都叫左,乳豬就咁食無咩特別一定要夾埋佢上面黑色粒粒應該係意大利黑醋食就好正整體服務超細心 友善雖然最後我係因為有蚊所以急急腳走但值得再黎

朋友住太子，說想試試附近新開的餐廳，於是陪他來吃。餐廳樓底頗高，完全沒有壓迫感，很是舒適。我們點了主食、小食和甜品各一，還有餐湯和橙汁。餐湯材料豐富，味道濃郁。先來的是Project B 小食拼盤，有芝士焗薯殼、雞中翼、紐倫堡腸和黑松露炒蛋多士。多士呈八角形，烘得香脆，配合黑松露和嫩滑炒蛋，口感豐富。沒想到數款小食中最叫人難忘的是紐倫堡腸，咬下去肉汁豐腴，而且豬肉味濃郁，很不錯！再來是法式燒焗乳豬件配黑松露多士，初時以為乳豬上的是魚子醬，但味道卻酸酸甜甜，一問之下才知道那是黑珍珠醋，又長知識了😆 這件多士精緻又有新意，乳豬和多士之間的是黑松露醬，配上黑珍珠醋，各種食材混在一起卻毫無違和感，值得一試！最後是自家製窩夫拼鮮果雪糕，賣相已叫人賞心悅目。初時以為雪糕是vanilla味，但原來是cookie n cream，滿足！

第一次來這間餐廳，原本沒有訂座，幸好店家給我1小時在餐廳內用甜品，我們點了一個窩夫加雪糕好食到不得了！原來廚師以前是在酒店做的，但我覺得酒店的Waffle沒有這個好吃。

男朋友同我講話新開左間cafe仲話帶我去試下，咁無理由拒絕啦😛地址其實近太子多啲，今日公眾假期，cafe都坐滿左人，冷氣超夠！好舒服👏🏻·🍗煎雞柳藍芝士汁扁意粉 首先想讚下餐湯幾開胃，係蕃茄蘑菇湯，幾新鮮！意粉嘅雞柳略嫌有點鞋口，但意粉嘅芝士味就好濃郁，而且仲有點好似孜然粉嘅味道，都幾香！·🍖蕃茄龍脷柳配薯菜 菜名唔係好記得😂大約係咁。龍脷柳金黃色，朋友話食落都幾香脆而且肉質都唔算鬆散，龍脷柳嘅size仲大過塊面😂呢度都有bar枱可以望住街外風景，都幾超chill架！而且試業期間都有好多店員，服務唔錯～-

放假除了到郊區、離島外，市區一樣有休閑寫意的地方 - Project B便時其中之一！這裡在太子/深水埗交界，繁忙中又帶點寧靜，跟老友相聚就最好不過了！他們有Tea Set 可供選擇，都咪話唔抵食！我同老友咁耐無見，就算tea set時間一樣食豪D，叫番個Main Course先！Mocha / Caramel Latte咖啡賣相可愛，未飲都已心心眼了！入口咖啡味香濃，有咩好過跟老友聊天之餘，歎番杯咖啡。蜜糖黑椒雞中翼香甜蜜糖包圍著雞中翼，輕輕一咬充滿著蜜糖、黑椒的味道，而雞翼仍保持肉質嫩滑，口感彈牙。燒焗豬寸骨一來到已聞到燒焗的香味，燒焗時間剛剛好，豬寸骨非常嫩身，配上旁邊醬汁，微微香辣，更添惹味！燒焗紐西蘭羊架以整個紐西蘭羊架進行燒焗，味道香氣四溢，外層香口，內層則保持粉嫩軟腍，羊味濃郁，肉汁豐厚，正。其實市區都仲有不少高質隱蔽餐廳，Project B便是其中之一，真係要一到嚐嚐。

My wife told me that there is a newly opened cafe and from the decor outside, it looked cosy and nice, thus we decided to have our dinner there tonight. Project B was located at Cheung Sha Wan Road, several minutes walk from Prince Edward MTR.Their menu was comprehensive, offering tapas, pizza, main course, pasta or risotto, drinks or desserts etc. Black truffle french fries - Fries was of thick texture and was fried till soft and crispy. Black truffle sauce was flavourful, with strong truffle t

話說，我經常都會路過太子，見證它由裝修到開店，但一直都未試過。今日終於在午餐時間幫襯一下呢間Project B。餐湯：忌廉磨菇湯忌廉湯味道濃郁，但偏膩及咸味較重。泰式甜酸大蝦沙律大蝦配泰式酸辣醬，沙律菜新鮮爽脆。味道新鮮有驚喜。龍脷柳配牛油果木瓜蕃茄莎莎醬炸龍脷柳不會炸過頭，份量大而且肉質較嫩。配上牛油果木瓜蕃茄莎莎醬味道酸甜更突出，但意粉略為偏硬應該是煮的時間短引致。蘑菇汁肉眼扒配薯菜肉眼扒份量大，塊扒煎至8成熟，肉質較嫩沒有雪藏味。配的薯菜炸得剛好，十分香脆。2個餐點的配菜都有用上較貴的黃茄子及羽衣甘藍誠意十足。整體來說味道恰到好處，食物水準中上，服務生的收拾餐具的速度及反應較快，在同區算是其中一間優質餐廳。唯獨餐廳衛生方面有待改善，因為附近有公園及草叢。所以我們由入座到離座一直都有烏蠅及小昆蟲在餐廳內飛來飛去，雖然見柱及門口下方有放置藥餌但成效不大。

早幾日放工心情超麻麻，要同謙謙食返d 自己鍾意嘅食物平衡返心情先得，果然美食係會帶比人歡樂。來到新開的 Project B 侍應姐姐超 nice ，因為我問佢有冇好介紹岩小朋友食，佢即提議炸魚薯條，謙謙聽到有炸魚薯條即心心眼要order ♥️。⚛ 炸魚薯條配沙律 ～ 炸魚份量幾大，入口冇雪味的， 魚都幾滑，呢到附上3款醬汁，最驚喜竟然有黑醋可以點，小朋友就喜歡食薯條點茄汁夠哂香口。🍔 法國鵝肝手打漢堡 ～ 鵝肝味濃配上手打的漢堡入口juice 謙謙都爭住一人一半 share 食。🍳 All day breakfast ~ 又係我地喜愛的食物，有煎的香脆的🥓煙肉，焗過的🍅番茄，好香的黑松露炒蛋🥚多士🍞，紐倫堡腸，茄汁豆，沙律🍫🍦 迷你心太軟拼雪糕 ～ 幾特別有3粒迷你心太軟，香濃的朱古力味但沒有流心效果，不過配上曲奇雪糕和下層係 cream 都幾好旁邊仲有士多啤梨和藍莓。🍹Class Punch ~ 橙汁做底加左菠蘿汁和石榴汁糖漿溝雪碧， 味道甜甜易入口，係姐姐介紹比我的，因佢知我和 謙謙share 飲，話小朋友會好喜歡 ❤。整體感覺唔錯可以再來 😋