Project B (已結業)

放假除了到郊區、離島外，市區一樣有休閑寫意的地方 - Project B便時其中之一！這裡在太子/深水埗交界，繁忙中又帶點寧靜，跟老友相聚就最好不過了！他們有Tea Set 可供選擇，都咪話唔抵食！我同老友咁耐無見，就算tea set時間一樣食豪D，叫番個Main Course先！Mocha / Caramel Latte咖啡賣相可愛，未飲都已心心眼了！入口咖啡味香濃，有咩好過跟老友聊天之餘，歎番杯咖啡。蜜糖黑椒雞中翼香甜蜜糖包圍著雞中翼，輕輕一咬充滿著蜜糖、黑椒的味道，而雞翼仍保持肉質嫩滑，口感彈牙。燒焗豬寸骨一來到已聞到燒焗的香味，燒焗時間剛剛好，豬寸骨非常嫩身，配上旁邊醬汁，微微香辣，更添惹味！燒焗紐西蘭羊架以整個紐西蘭羊架進行燒焗，味道香氣四溢，外層香口，內層則保持粉嫩軟腍，羊味濃郁，肉汁豐厚，正。其實市區都仲有不少高質隱蔽餐廳，Project B便是其中之一，真係要一到嚐嚐。