Poking

今日去上環食健康夏威夷蓋飯，Poking。餐廳裝修夠簡潔光猛，餐牌選擇又夠多，有自選，亦有店家推介預設的組合。-CREAMY BABY材料有三文魚，牛油果，雞蛋絲，豆腐，青瓜，蟹籽，木魚絲，蒜粒，一看食材配搭，有青瓜，已經感覺到係一種清新的味道。三文魚夠新鮮，牛油果帶有豐富厚實的口感，雞蛋絲，豆腐，蟹籽，不用多講，為此蓋飯帶來更多口感層次。-SPICY AHI TUNA材料有呑拿魚，枝豆，青瓜，芒果，青辣椒，芝麻碎，紫菜絲。枝豆，青瓜帶來爽脆清甜口感，呑拿魚味道濃厚，唔錯的一個平衡。青辣椒帶出一點兒的辣味，有效提升整個蓋飯的鮮味。-評分 : 6/10

呢日睇演唱會之前喺上環搵食朋友喺呢區返工 話知道有間新開poke bowl好正去到見到店面雖小 但白色牆同木枱木凳好靚清新簡約嘅設計完全係我嘅心水仲要不斷播住廣東歌感覺好chill好舒服餐牌有2張Signature bowl幫你搭配好晒 有deluxe同lite 2個categories 想食得滿足定係輕盈都可以自己選擇手機QR code落單 仲可以揀多飯/少飯、多汁/少汁好貼心咁滿足唔同人嘅需要我試咗Creamy Baby $118有三文魚、牛油果、日式豆腐、青瓜、蟹籽、木魚絲、雞蛋絲要咗正常飯量同正常嘅汁一上枱發現超級豐富五顏六色非常吸睛開胃份量原來真係好大 食餸都食飽女仔建議可以揀少飯每款都好好食三文魚好新鮮 色澤非常之靚日式豆腐好嫩好滑 牛油果creamy蟹籽晶瑩通透 咬落去好彈牙青瓜爽脆 加埋木魚絲同雞蛋絲 口感超級豐富加埋芥末沙律醬感覺好開胃好fresh朋友試咗自選bowl先揀主食 壽司飯+沙律菜再揀主食同mix-in 三文魚、粟米、蟹柳絲、牛油果、木魚絲雖然同creamy baby嘅mix-in差不多但佢個牛油果大份好多 食完佢話超級飽xd

Poking上環蘇杭街121號地舖G/F, 121 Jervois Street, Sheung Wan香港女生愛美又嚮往瘦, 夏天悄悄來到, 滿身FAT的我痛定思痛, 趕緊加急ON DIET, 瘦得1磅得1 磅。HAWAI BOWL 呢幾年好流行, 低卡多菜又健康, 且比SALALD 沒那麼悶, 組合食材好看多顏色用QR 落咬, 可選 飯/SALAD、餸料和醬汁Thai good day 有雞胸，蝦，沙律菜及糙米飯各半，雞胸肉加熱過所以是暖的，連同菠蘿，中。華沙律，甘筍絲，吃足3色蔬菜，個泰式沙律醬是酸甜開胃三文魚，牛油果青瓜組合，超健康，檸檬同自製醬汁很清新。低碳可以有助瘦身, 要了有蛋白質架雞肉, 不要飯要SALALD, 另外好油脂牛油果。醬汁都盡量要沒糖的, 安全的可以要

襯閒日時間嚟到食個late tea，呢度隔離過馬路就係上環市政大樓，地點方便易搵。室內淺木系裝修有舒適感。電子落單方便快捷，店員仲拎左實體餐牌比我睇圖片添！Creamy Baby 💲118( Salmon, Avocado, Shredded Egg, Tofu, Cucumber, Tobiko, Bonito Flakes, Crispy Garlic w/ Wasabi Yogurt Sauce )一大碗好多料，塞到滿滿的！材料多，有三文魚、牛油果、雞蛋絲、豆腐、青瓜、蟹籽、木魚絲、脆炸蒜粒 再配 芥末乳酪沙律醬好惹味！三文魚大粒鮮甜、牛油果香滑、青瓜清新、蟹籽鮮美有口感，仲有原來加上豆腐幾好食！我揀咗少飯（壽司飯），所以底部用菜托起，多菜更健康！

最近進食得太多油膩食物🍤經常需要做運動來保持身材💃🏼這家上環的小店 主打poke bowl 🥣 十分適🈴️注重健康的都市人裝潢設計清新 以木系及白色為主營造簡潔舒適的用餐氛圍客人可以自由及混合選擇壽司飯、糙米飯🍚或沙律菜🥗十分貼心 可以輕易控制卡路里及份量😆CREAMY BABY這款是signature bowl 牛油果生熟程度剛好🥑配搭新鮮三文魚🍣、飛魚籽🐟、豆腐、雞蛋絲🥚及木魚絲等材料份量相當豐富 滿滿的蛋白質🍳加上餐廳採用芥末乳酪醬使整體口感更細膩軟滑 十分飽肚滿足SALMON THE CLASSIC這款deluxe classic bowl 材料包括三文魚🍣、牛油果🥑、青瓜🥒、青蔥、檸檬🍋及芝麻碎配搭自家製醬油口感相對地輕盈清新 沒有太大負擔感

如果想食啲健康得嚟又好味嘅嘢，嚟Poking就啱晒，Poking喺蘇杭街，位置方便，店面以白色配木材為主，俾人簡約、舒服同清新嘅感覺座位舒適，枱面有啲小擺設，店面又有盆栽，吊燈又靚，店員亦好有禮貌餐牌提供嘅選擇好多，除咗店家提供嘅配搭，客人仲可以自由選擇組合，除咗基本嘅飯同沙律，仲有好多唔同嘅乳酪飲品俾客人揀，店內用QR code落單，非常方便，想多飯少飯/多汁少汁/加咩配料都可以自己睇同揀Creamy Baby($118) - 有三文魚、牛油果、雞蛋絲、豆腐、蟹籽、木魚絲、脆炸蒜粒配芥末乳酪沙律醬Spicy Ahi Tuna($108) - 有吞拿魚、枝豆、青瓜、芒果、青辣椒、芝麻碎、紫菜絲配辣醬油大家可按自己嘅喜好揀壽司飯、糙米飯、沙律菜、藜麥粟米沙律等配搭，啲食材好新鮮，所以簡單嘅配搭已經好清新好好食，而且款式同份量又多，每一啖都食到唔同嘅配料，口感同味道都好豐富，愈食就愈開胃，壽司飯粒粒分明，汁同飯嘅比例剛剛好，一大碗都食得晒環境舒適，食物質素高，位置又方便，值得推介俾大家

好鍾意呢種夏威夷蓋飯，之前食過深水埗同銅鑼灣類似既餐廳，都覺得好好，見到又有食夏威夷蓋飯既餐廳，緊係要去試試啦。上環地鐵站行過去大概5分鐘，都好方便。平日晚上7點半，沿路行過去大部分舖頭都關左門，係得食肆有開，夜晚多數都係做街坊生意。入到餐廳坐低，scan QR code自己落單。好可惜吞拿魚賣曬呀，刺身既話就得返三文魚，所以同朋友都揀曬三文魚，不過就兩款唔同既飯。Creamy Baby有三文魚，牛油果，雞蛋絲，木魚碎，豆腐個醬就係沙律醬，個d揀左壽司飯+沙律菜。呢個上黎都好大碗，賣相極好，味道就正常發揮啦，三文魚都好大舊。Salmon the Classic有三文魚，牛油果，青瓜，豆腐，同蔥，sauce會係自製醬汁，個底揀左壽司飯+沙律菜。（不過落左單後店員話壽司飯唔夠，就轉左糙米飯+沙律菜）賣相冇creamy baby咁吸引，但係我反而覺得呢個有驚喜，好味d，因為有蔥，另到個飯好香，同埋個醬汁幾好味。不過呢間醬汁係冇之前食個d餐廳咁多，健康好多，因為醬汁永遠係最肥既。

最近想食得健康啲，但係又想識得飽肚，諗起上環有好多地方都食到poke，今次就見到有一間網絡裝修好簡約，但係款式有好多嘅店舖，一於同朋友入去試吓，餐廳採用電話表單咁就可以喺電話入邊睇到自己想食啲乜嘢啦。我就叫咗個Spicy Ahi Tuna，見到上菜嘅擺盤好豐富，有好多吞拿魚青瓜，芒果，芝麻青椒同埋有豆。揀咗沙律菜，同埋壽司飯兩溝，份量都唔少，而且又可以食到多啲菜，菜都非常之爽口。吞拿魚咬落去無筋，一咬就食到，口感嫩滑，雖然唔會話好似拖羅咁咁重油脂，但係咬落去都有嗰種油脂嘅感覺，豆就非常之脆口，為壽司飯帶嚟別有一番嘅口感。佢配上嘅豉油唔會好咸，唔會覺得有負擔，雖然少少辣，但係又可以吊起吞拿魚同其他配菜嘅鮮味。紫菜亦都十分之脆口，食落去其實同平時嘅日式飯冇乜分別，但係就更加健康，最令我覺得驚喜嘅係嗰啲青椒仔，細細粒，咬落去本身都仲係覺得甜甜地，然後佢辣嘅後勁慢慢湧出來。去到食完碗飯嘅最後都仲有嗰種辣味，依個真係好驚喜。分量一般但係食落去其實好飽，所以食魚生都可以食得好健康！朋友叫咗Salmon The Classic材料有三文魚、牛油果、生菜、青瓜等，三文魚就切成粒狀，上面亦灑上芝麻碎同蔥

勁鍾意啲木系小清新食店，呢間仲要係食hawaii bowl, 好味健康又岩feel呀😎餐廳有d signature bowl, 或者自由配搭都得。我地就揀左一款signature(Creamy Baby) 同一個自選。Creamy Baby有三文魚，牛油果，雞蛋絲，豆腐，青瓜，蟹籽，木魚絲，脆炸蒜粒，base揀左半壽司飯同半沙律菜，醬汁係wasabi yogurt sauce自選款都係揀左三文魚，特別少少嘅係揀左車厘茄做配料，個汁揀左好清新健康嘅柚子醬，base係藜麥粟米沙律食完兩款諗落最抵食都係signature款～兩款嘅醬汁我覺得都幾特別都幾值得試，wasabi yogurt sauce食落會開胃d,而柚子醬感覺低糖零負擔d~食材比我感覺都好新鮮，由其三文魚切到大大粒架！

最近食左太多肉啦~想清下腸胃食綠色食物但係香港實在係好難搵到又係素食又好食既食物~所以今日遇到喱間餐廳一定要推介一下新開喱間餐廳叫做POKING, 係上環蘇坑街~一眼望落去雖然地方唔大, 但係係好舒服既大地色裝修~餐廳內有幾張木台今次同朋友兩個都叫左綠色食物--EAT YOUR GREEN同埋THIS IS RAINBOWEAT YOUR GREEN喱到主打係食BOWL既, 而每一個BOWL都可以自由選擇想要壽司飯/沙律菜/半飯半沙律菜我就簡左半飯半沙律菜,咁樣食既好處係既唔會因為成肚菜而好快飽, 又唔會因為食太多飯而有罪惡感~加上壽司飯半身自帶醋味，冇太大既膩感講返正題先, EAT YOUR GREEN 入面有豆腐, 雜錦香菇，青瓜，牛油果，芝麻碎等等食素菜最怕就係好單調，食黎食去都係同一樣食物, 但係喱到係每一個BOWL上面都有非常多種類配菜，而且係比較淡味既食物上面加上芝麻同醬汁，配搭得超級好, 好似食緊壽司咁, 唔覺唔覺咁就食哂成個BOWL, 食材新鮮亦係賣點之一, 單獨去試會食得出食材本來既原味, 係好清新又冇罪惡感既一餐~鐘意食生蛋既朋友亦可以好似我咁加隻蘭王蘭王既蛋香令成

這天中午到上環處理一些事務，完成後便周圍逛逛找餐廳吃午餐，剛巧路經一間小店被它吸引著，它主打健康碗飯或沙律，於是我便提議入去試試。餐廳位置不多，只有數張座枱位置和旁邊靠牆座位，簡單佈置，店員也很細心會提供籃擺放個人物品。食物方面可以自行Mix and match, 我選擇了Salmon Classic，飯底可自行選擇糙米或者沙律，我卻選擇了糙米及沙律兩樣做底，醬汁方面也可以選擇多與少，這個bowl材料種類很多，有三文魚、牛油果、青瓜、青蔥、檸檬及芝麻碎，光是視覺效果已非常吸引，感覺是清新健康之選。三文魚是切粒的，吃起來感覺肥美，是厚實的啖啖肉；牛油果清新又不膩，青瓜很爽脆；至於飯底糙米不會太硬，配合爽脆的沙律菜，選擇醬汁時可選擇多一點，味道會更佳。

同屋企人咁啱到上環處理啲嘢， 想揀一間清淡少少嘅餐廳。見到有呢一間食沙律嘅小店。餐廳嘅感覺好清新， 店舖面積唔算好大， 大概可以坐到10幾人左右。餐牌最大嘅特色係 除咗可以揀 定好咗嘅沙律外， 仲可以用自選嘅方式去組合自己嘅沙律。沙律嘅賣相非常吸引， 亦都非常colorful。我點咗呢個Creamy Baby， 入面三文魚嘅份量都非常多， 配合埋青瓜，牛油果，沙律菜， 雞蛋絲同蟹籽， 成個感覺都好Fresh。至於屋企人就點咗一個自選嘅雞扒沙律配壽司飯。入面所有嘅配菜同醬汁都可以自由選擇。除咗一個好大嘅自由度之外， 個雞扒亦做得非常出色。我哋揀咗青瓜， 椰菜花， 花生碎，紫菜絲配芝麻醬。 除咗好食之餘，成個感覺都好健康， 好適合做想食得清淡啲朋友。

有返過中環嘅朋友仔都知道其實中環係好多嘢食，對於餐廳來講競爭好激烈，平時喺度返工其實行去上環亦都有好多唔同類型嘅餐廳。今日經過呢間新嘅食poke，好似幾唔同，裏面裝修有啲日式得來又有少少工業風，幾休閒。咁坐低見到Menu其實都簡單易睇，就叫咗個應該係招牌嘅有三文魚牛油果魚子豆腐等等，個底係壽司飯配沙律。另外仲有杯ginger ale，平時冇機會叫今次一定要飲吓。上菜都幾快，見到份量好大，即刻試吓。食落味道唔錯，好豐富嘅口感同埋味道，特別鍾意個三文魚，推薦大家。價錢喺中環黎講食得過，位置介乎中環同上環之間

Poke在夏威夷當地有「切塊」的意思，也是指一種料理生魚片的方法，醃生魚蓋飯就係叫做Poke Bowl。香港唔係好多地方有高質poke bowl，估唔到上環蘇杭街就有一間高質嘅。地方細細但係乾淨企理，採用日式風格裝修，都不愧為輕鬆嘅食飯好地方。今日就揀咗signature bowl 中嘅creamy baby.Creamy baby 有三文魚魚生，三文魚子，雞蛋絲，青瓜，牛油果，木魚絲，沙律菜，糙米飯，豆腐，沙律醬。食材都新鮮好味，成碗poke bowl啱啱好一人份量。當然啦，如果你覺得唔夠可以再加食材。開頭以為糙米飯加沙律菜會好奇怪，但係其實夾落個味道，清新可口。成碗飯都包含咗成年人，一日必須要吸收嘅營養，包括奧米加3，蛋白質，膳食纖維⋯⋯低油、低鹽、低熱量，營養也相當均衡，減肥嘅OL必食之選。

呢間餐廳主打poke bowl 除咗有固定款式可供選擇之外亦都可以自由配搭㗎！午餐最食清減啲但又想食好西嘅話不妨可以嚟試吓喔👍🏻-🥣Creamy Baby ($118)配料色彩繽紛好味又啱相機食先📸包括有三文魚、牛油果、雞蛋絲、豆腐、青瓜、蟹籽每款都好足料三文魚切得大大粒 入口有咬口，魚脂非常豐腴喔😋特別欣賞加咗豆腐同脆炸蒜粒口感有層次得嚟，配搭幾有驚喜呀💕除咗可配搭壽司飯同糙米飯之外仲可以選擇沙律菜🥗（+$3）份量好多，飽肚又低卡呢！dressing 係芥末乳酪沙律醬不過唔係好食到有芥末味