Poking

有返過中環嘅朋友仔都知道其實中環係好多嘢食，對於餐廳來講競爭好激烈，平時喺度返工其實行去上環亦都有好多唔同類型嘅餐廳。今日經過呢間新嘅食poke，好似幾唔同，裏面裝修有啲日式得來又有少少工業風，幾休閒。咁坐低見到Menu其實都簡單易睇，就叫咗個應該係招牌嘅有三文魚牛油果魚子豆腐等等，個底係壽司飯配沙律。另外仲有杯ginger ale，平時冇機會叫今次一定要飲吓。上菜都幾快，見到份量好大，即刻試吓。食落味道唔錯，好豐富嘅口感同埋味道，特別鍾意個三文魚，推薦大家。價錢喺中環黎講食得過，位置介乎中環同上環之間

Poke在夏威夷當地有「切塊」的意思，也是指一種料理生魚片的方法，醃生魚蓋飯就係叫做Poke Bowl。香港唔係好多地方有高質poke bowl，估唔到上環蘇杭街就有一間高質嘅。地方細細但係乾淨企理，採用日式風格裝修，都不愧為輕鬆嘅食飯好地方。今日就揀咗signature bowl 中嘅creamy baby.Creamy baby 有三文魚魚生，三文魚子，雞蛋絲，青瓜，牛油果，木魚絲，沙律菜，糙米飯，豆腐，沙律醬。食材都新鮮好味，成碗poke bowl啱啱好一人份量。當然啦，如果你覺得唔夠可以再加食材。開頭以為糙米飯加沙律菜會好奇怪，但係其實夾落個味道，清新可口。成碗飯都包含咗成年人，一日必須要吸收嘅營養，包括奧米加3，蛋白質，膳食纖維⋯⋯低油、低鹽、低熱量，營養也相當均衡，減肥嘅OL必食之選。

呢間餐廳主打poke bowl 除咗有固定款式可供選擇之外亦都可以自由配搭㗎！午餐最食清減啲但又想食好西嘅話不妨可以嚟試吓喔👍🏻-🥣Creamy Baby ($118)配料色彩繽紛好味又啱相機食先📸包括有三文魚、牛油果、雞蛋絲、豆腐、青瓜、蟹籽每款都好足料三文魚切得大大粒 入口有咬口，魚脂非常豐腴喔😋特別欣賞加咗豆腐同脆炸蒜粒口感有層次得嚟，配搭幾有驚喜呀💕除咗可配搭壽司飯同糙米飯之外仲可以選擇沙律菜🥗（+$3）份量好多，飽肚又低卡呢！dressing 係芥末乳酪沙律醬不過唔係好食到有芥末味

係有得坐既港島Poke Bowl店🥰‼️作為沙律人，每次出去吃飯都想搵低卡light meal🥗，好多地方Poke Bowl都係外賣多😖呢次比我發現到上環呢間可以慢慢食既堂食Poke店🤤 #kurin沙律地圖 *─────────────*🥙Thai Good Day $88 熱食Bowl顏色好豐富，上檯立即心心眼😍🌈 雞扒同大蝦都好足料😝蝦肉尤其彈牙🦐我選擇左【半糙米飯半沙律🥗+少飯】糙米有咬口帶稍微調味 我鍾意🤭💜（都有全沙律option!)走左醬😛配料唔會太鹹而且配搭得好 中華沙律好味🥰迷你菠蘿粒正好滿足埋我個甜品胃😙🥗Creamy Baby $118朋友叫左少飯，都覺得分量好多🤣‼️三文魚塊份量新鮮足料 牛油果又有豐富蛋白質🥑叫左少醬份量剛好🍴同樣有齊澱粉 蛋白質同纖維🤭總結呢2款Bowl性價比都好高✨️* ─────────────*近地鐵站之餘平日夜晚人唔多，更加可以有自選Bowl/add on甜品乳酪同飲品等（有椰子水🥥）😚👍🏻QR code落單可以自己mix & match🌸P.s.小店用有紋理既白色陶瓷碗(◍•ᴗ•◍)kurin個人感覺比起木碗同紙碗，滿足感高好多～☆* ─

Salmon The Classic 三文魚 $108材料好豐富，有牛油果🥑、青瓜、自製醬油😚三文魚份量都幾多，仲幾新鮮添！牛油果亦都一樣，又熟又甜，成個感覺好鮮甜😋而佢有得俾你揀唔同嘅飯，我就揀咗壽司飯，其他仲有得壽司飯再加沙律，或者糙米等等唔同嘅選擇😋Creamy Baby $118而呢一款就豐富少少🤏🏻都係有三文魚同牛油果，不過就多咗雞蛋絲、豆腐、青瓜同蟹籽🙆🏻‍♀️我自己就好鍾意加咗豆腐嘅口感，鮮甜之餘，層次更加豐富！！呢一款嘅醬汁就更加多加左，芥未沙律醬味蕾更加豐富，成個味道更有層次😍嗰日去店員都解釋得好清晰，亦都好細心～同埋聽佢哋講餐單其實都更改左，所以款式更加多，就算係素食者嘅菜單都有！

上環嘅Poking係啱啱開嘅小店，佢嘅魚生飯好出名，今次試咗佢嘅Spicy Ahi Tuna魚生飯。呢款飯好辣好豐富，用咗新鮮嘅吞拿魚、青瓜、枝豆、芒果、青辣椒、芝麻碎、紫菜絲同頂煉醬油拌埋一齊，好好食。吞拿魚好新鮮，切咗成啲正方體，好鮮美好嫩滑，同辣椒一齊食，味道獨特。除咗吞拿魚，Spicy Ahi Tuna魚生飯仲有青瓜、枝豆、芒果等蔬果，清脆口感同甜香味道令味道更豐富。青辣椒令味道微辣，芝麻碎同紫菜絲增添咗食材嘅口感同美感。頂煉醬油味道好鮮美，口感濃郁，令整道料理更加豐富。期待下次再黎，想再試其他款色嘅魚生飯。

近排有唔同嘅慶祝活動，食咗太多油膩嘢🙈 所以要發掘下一啲健康嘅食物😏😎 約咗朋友特登放工去上環，試吓一間新開嘅小店🤩 呢度主打新鮮既魚生飯/沙律😋 餐廳設計簡約，感覺舒適。QR code落單亦都好方便。餐牌上每款嘅主菜都各有特色，食材都配搭好，心大心細嘅我都好容易選擇。🤭 當然你亦可以自選配料，一樣咁健康美味🤩Creamy Baby🥢呢款係三文魚+牛油果，配上芥末乳酪沙律醬😍 Base係糙米mix沙律菜！睇圖都知豐富😛😛 樣樣材料都好新鮮呢Spicy Tuna🥢另一份既主角係吞拿魚，朋友話有少少辣，整體感覺惹味😋 我地互相交換左d配菜呢😛 yummy👍🏻 一齊健康地分享美食真係好開心呢🥰

有時想食得清啲嘅時候，都會即刻諗起poke。自從前幾年帶入香港市場之後，好似都幾受歡迎。上環都開咗幾間，應該都幾有market。雖然佢一大賣點係可以自己揀配料，但係今日都係試咗呢兩個preset:spicy ahi tuna($108): 吞拿魚，枝豆，青瓜，芒果，青辣椒，芝麻碎，紫菜絲配辣醬油。辣豉油都真係有返一定嘅辣度，而且配上青辣椒，食到辣椒籽嘅時候都真係會幾辣嘅。但係巧妙地配上芒果，可以清一清味蕾。同行有人揀咗壽司飯，適中，但係可以喺自助落單嘅時候揀多飯定係少飯嘅，配合返唔同人嘅需要。Creamy baby($118):三文魚，牛油果，雞蛋絲，青瓜，豆腐，蟹籽，木魚絲，脆炸蒜粒配芥末乳酪沙律醬。自己係衝着呢個醬嚟嘅，食落去好奇妙，有微微嘅Wasabi味，配上三文魚同牛油果又係另一番滋味，出邊應該冇乜食過呢個醬，感覺幾新鮮。自己揀咗一半糙米飯一半沙律菜，所以感覺上份量會大少少。而且醬汁份量都可以揀，個人覺得下次可以叫多醬($+$3)，食到下面嗰層飯嘅時候都可以撈到多啲Wasabi味。總結：QR code可以落單，等候時間大概幾分鐘就做好。分量同其他舖頭相比自己嘅都覺得差唔多，但係

店舖細細地可以坐15個人內，相信餐廳主要以外賣為主，因為我見到好多外賣app紙袋放咗係舖面！😆 裝修簡約，清新！同poke bowl 都好夾！同大部分店一樣，有自選亦有配搭好嘅！Creamy baby (三文魚、牛油果、蟹籽、雞蛋絲、青瓜、豆腐、脆炸蒜粒、木魚絲配芥辣沙律醬) -$118揀咗壽司飯無揀沙律菜，因為我始終魚生配醋飯係最夾！三文魚都算肥，有脆炸蒜粒令到整體再香啲！芥辣沙律醬嘅份量真係岩岩好，夠哂整個飯得黎又唔會唔夠撈, 加埋青瓜爽脆清新, 絕對係唔錯！Spicy Ahi Tuna(吞拿魚、枝豆、青瓜、芒果、青辣椒、芝麻碎、紫菜絲配辣豉油) - $108呑拿魚味道都平時poke bowl 嘅都差唔多，枝豆平時要自己去殼，而家粒粒連飯食幾爽😆芒果超級甜呀！本身有辣鼓油都辣，有超甜芒果可以少少地中和返😁同埋呢個bowl 五顏六色好靚！不論味道配搭或顏色都幾好啊❤️

今日過開嚟上環街市買茶粿孝敬媽咪，本身都想喺上環街市度食埋嘢，點知好多一係冇開一係就唔啱食🥲唯有去附近睇吓有咩啱食轉入去蘇杭街就見到間小店招牌粒橙色波波好搶眼，環境簡單舒服，店主好Friendly招呼，咁就坐低睇下有咩食無獨有偶，店內既吊燈同我屋企既一模一樣😛Deluxe同lite各有五款可供選擇，額外仲可以加配料，或者自選，由base到toppings都可以自己揀最後情歸Thai good day，有雞又有蝦，base可以揀壽司飯糙米飯或者沙律菜，兩溝都得😳咁我就揀咗糙米飯mix沙律菜我本身以為泰式沙律醬係某連鎖快餐店既泰式辣醬，點知嚟到係橙黃色既，而且有一陣令人好開胃既酸辣香味，感覺似係辣既千島醬而且個poke既碗，又同我屋企食飯個碗一樣🙈份量好足夠，一整塊雞扒配搭晶透既蝦仁，望到都好吸引雞扒煎得好乾身，唔會柴皮鞋口，雞皮好薄好脆，一啲雞肥油脂都冇，點埋個醬好夾，有種呃緊自己食炸雞既感覺🙉菠蘿好甜，好似食緊金鑽鳳梨咁甜🤩蝦仁彈牙冇雪味，全部配料都好新鮮處理得好好食完意猶未盡，個沙律醬真係令到成個poke昇華咗，而家諗起都好想再食😛

上個禮拜六冇抖過咁繼續進修同工作，喺上環上堂之後，已經有d攰，趕去兩場工作之前，就想去一去食d refreshing既野食，poke bowl係不二之選，好彩而家poke專門店越黎越多，想食個陣都唔難搵到，我個日就幫襯左新開既𝗣𝗼𝗸𝗶𝗻𝗴 💁🏽‍♀️ Menu上有幾個已經配搭好既Poke，我同朋友就想自己配搭多d，就一人一碗自選！➿ 𝑪𝒓𝒆𝒂𝒕𝒆 𝒚𝒐𝒖𝒓 𝒐𝒘𝒏 𝑩𝒐𝒘𝒍 ($98)[ 吞拿魚‧枝豆‧雜錦香菇‧豆腐‧木魚絲‧紫菜絲‧芥末乳酪醬‧糙米飯配沙律菜 ]唔覺意揀左個充滿蛋白質既配搭，吞拿魚新鮮，冇筋，同芥末乳酪醬幾夾，雖然有係芥辣，但唔會攻鼻，幾惹味添😋➿ 𝑪𝒓𝒆𝒂𝒕𝒆 𝒚𝒐𝒖𝒓 𝒐𝒘𝒏 𝑩𝒐𝒘𝒍 ($96)[ 慢煮雞胸(無激素)‧西蘭花‧雜錦香菇‧甜粟米‧豆腐‧花生碎‧紫菜絲‧胡麻醬‧壽司飯 ]朋友就揀左慢煮雞胸，肉質唔乾柴，仲有揀左少見poke餐廳有既花生碎🥜 成餐飯就聽住佢咬唔同菜同配料既聲，冇食都知道口感有幾豐富🤭飯量可以揀多飯/ 正常飯/少飯，我揀左正常飯，但都覺得飯量都唔少💁🏽‍♀️ 醬汁都可以揀多/ 少，個人認為揀糙米飯可以揀多醬汁！➿ 蜜糖藍莓椰子脆片 ($23)

呢排同老友一齊減肥做gym,咁收工後就睇下有咩健康野食可以試下啦😛咁岩老友係上環呢頭翻工話有間食健康野又夠protein，仲有得自由選擇咁就一於去試下佢位置係上環地鐵站附近都非常方便，咁同老友都肚餓就入去快手叫野食啦，咁發現佢都好多選擇，有一部份係幫你配搭好嘅deluxe bowl 同lite bowl，岩曬唔想煩嘅朋友，我同老友就心細細想自己揀佢都有自己揀配料嘅，夠曬彈性create your own bowl ($133)三文魚，吞拿魚壽司飯我個個就係可以自由選擇揀咩配菜，我就揀三文魚，吞拿魚，豆腐，雞蛋絲，蟹柳絲，原辣醬汁，香口脆脆，壽司飯，相當之豐富，三文魚吞拿魚質素相當高，新鮮得黎肉質鮮嫩，同埋份糧相當多！岩曬平時食唔夠protein嘅你地，加埋配菜口感相當豐富，基本上一啖飯一啖餸，大滿足，我同老友都食到相當滿足都諗住每一，兩星期都黎食一次，推薦大家係上環翻工或者去開附近都可以試下

上環蘇杭街係覓食好地方🫢今日就試吓呢間健康午餐 Poke Bowl 👍🏽餐廳大約有十幾個位，我哋入座後過左一陣都全店滿座，就知呢間店有質素保證啦😆餐牌有兩種選擇分別係standardised 左既deluxe 同lite同埋可以自由配搭既 自選系列想試真啲呢間嘢嘅招牌菜式，所以就揀咗Deluxe 既其中兩個bowl 啦！第一個係Spicy Ahi Tuna 
材料有吞拿魚，枝豆，青瓜，芒果，青辣椒，芝麻碎，紫菜絲，辣醬油
想健康啲，所以要左糙米飯配沙律吞拿魚同其他菜都好夾再加芒果，口感更加豐富，好滋味😋第二個係Creamy Baby
有三文魚，牛油果，雞蛋絲，豆腐，青瓜，蟹籽，木魚絲，脆炸蒜粒，芥末沙律醬
配壽司飯配沙律菜三文魚都幾新鮮，有蒜粒令成碗更香口呢 總括嚟講，兩個都幾好食亦都非常之豐富，如果個碗大少少就容易啲撈來撈去啦😆推介俾鍾意健康同高蛋白質食物嘅朋友💓

今日同朋友嚟咗上環呢間一人負責嘅poke bowl店幫襯，之前見到呢間賣壽司飯嘅舖頭已經好想試吓。餐廳座位唔多，估計佢平時都係做開中午時段比附近返工人士買嘅外賣餐廳。晚上雖然都有幾枱食客，但係人流唔算好多。唔同嘅自選組合，任君選擇。選擇困難嘅話都可以揀佢已經組合好嘅配搭。見佢好似轉左Menu，之前見openrice寫佢有signature bowls, 而家就轉左deluxe 同lite version. 其實deluxe 嘅都幾大碗同飽，而家有埋輕食選擇應該有更多人啱食。Creamy Baby ($118)入面有三文魚、牛油果、豆腐、蟹籽、雞蛋絲、青瓜、木魚絲同少少脆炸蒜粒，配芥末沙律醬。明知自己唔係好食得晒，叫咗半飯半沙律菜，仲可以揀少飯。成個組合都係自己鍾意食嘅嘢，賣相亦都唔錯，好滿。三文魚、青瓜同沙律菜新鮮，牛油果嫩滑。唯比較少沙律醬，唔係幾夠撈飯同菜，可能佢走健康路線吧。好彩d食材都算有d moisture, 配埋飯同沙律食嘅話其實還好。朋友點咗thai good day ($88)，有香煎雞扒、鮮蝦、菠蘿、甘筍、中華沙律、花生碎配泰式沙律醬。原來個醬有少少辣，加上有鮮甜嘅菠

日日要諗食咩都諗到頭爆，不過有得揀好過冇得揀，有時自己一個食飯就係好，唔使就其他人。係上環呢頭，見到有poke飯，啱晒我孤獨食。好，坐低睇下有咩好食先。Thai Good Day，個飯好精美，煎雞，但唔油膩，雞肉滑，雞皮少脆，咬落啖啖肉。蝦蝦好新鮮，配埋個醬係甜、酸、辣，上面仲有芝麻碎、花生碎，真係好Thai。叫左糙米飯，個種穀物嘅咬勁，纖維嘅　豐富感，好健康。配菜仲有菠蘿、甘筍絲、seaweed，唔同顏色蔬菜都有，睇得又食得。