Pizza Piazza (已結業)

同屋企人慶祝自己生日，揀左荔枝角哩間小店。店面唔起眼，入面以白色為主調，但店面細，枱同枱之間好近，出入唔便，而且聽到哂隔離講乜。加左50蚊轉個餐，有湯加甜品/飲品，但個人認為並唔抵，南瓜湯普通，好細碗。炸魚薯條，新鮮炸起，份量足，魚塊有口感，無雪藏味，薯條香脆，不過茄汁好怪，又唔酸，無乜茄汁味。pizza出色，自選左辣肉腸火腿，pizza厚薄適中，有好多芝士，好juicy,辣肉腸焗到焦香，原以為會食唔哂，但係一個唔覺意就清哂！原本仲叫左個黑松露意粉，但手殘影唔到相。意粉較乾身，但夠味，夠香！甜品以焦糖燉蛋作結，不過都幾難食，蛋唔滑，焦糖面唔夠厚唔夠脆，唯一優點係唔會太甜！Openrice 有優惠卷有折，可惜腦殘唔記得print,唯有下次！

同男友去食晚餐，叫左個黑松露菌意粉同埋自選3樣料既pizza - 銀魚柳，芝士，辣肉腸。意粉真係好難食。意粉好乾身，無汁無味！同黑松露好似陌生人咁，完全唔入味！幾經辛苦先食晒碟野。pizza 就算係唔難食既，但個銀魚柳真係好咸，咸到挑晒出泥一舊都唔食！總之，食到一肚火。咁就當然無影到相！

無意間發現呢件位於工廠地下的小鋪，裝修簡潔，食物方面以pizza為主，決定試下。點左一個黑松露野菌pizza, 有12吋大，份量很足。材料很足，野菌鋪滿整個pizza, pizza有烤得香脆，上枱時熱呼呼的！面粉的香味同黑松露味濔漫所有味蕾，很回味呢

荔枝角工廠區這幾年多了許多不同的餐廳進駐, 有台灣, 西班牙, 墨西哥等等的餐廳. 由以前的工廠大廈活化成為美食的集中地.早前友人介紹在附近有家意大利菜不錯的. 今日剛好在附近, 特意Openrice其位置前往.餐廳距離荔枝角地鐵站約3分鐘腳程. 可能是閒日及時間比較晚的關係, 餐廳的人流不算多, 可能夜一點吃晚餐的好處就是大部分餐廳都可以不用等位能立即入去.看看餐牌上的食品有不少選擇, 主要分為開胃前菜, 意式小食, 主菜(意粉為主)及意式薄餅. 意式薄餅亦可以自行選擇材料, 做一個自己風格的意式薄餅. 朋友再三叮囑, 一定要試試這裡的意式薄餅.好吧, 就點一個比較少見的-銀魚柳+火腿, 材料相當簡單. 餐廳燈光以暖白光為主, 挺喜歡他們播的歌曲- pop, acustic, 感覺放鬆悠閒. 枱與枱之間的間隔足夠, 也不會讓人有擠迫的感覺, 那些吊著的小盆栽, 點綴了餐廳的樓底, 整體的布置簡潔.是日餐湯是粟米湯, 色澤金黃, 口感奶滑而帶有一點點的粟米質感, 麵包粒的焦香亦增加了味道的層次, 而口感亦更豐富.香草雞翼-香氣及引, 而且賣相亦不錯. 表面焗得乾身帶點焦香. 皮雖未至於

今日心血來潮到附近覓食,間餐廳係D2 place 附近。店好細，容納到既人唔多，所以我地8點半去到，都等左好一陣先有位，但店員既服務態度是好的,幾次同我地講，好快有位，等等我地叫左個4色pizza 即叫即整，好熱，等左幾分鐘先拎到上手，好好味呀！ 入面有4款芝士，薄批！另外呢個係千層麵，感覺酸酸地，幾好味，反而係份量唔多，貴精不貴多

去左長沙灣新商場行街，正是晚餐時份，去左呢間小西餐食晚餐。入到去，都坐滿了人客心知應該會好好食，環境較暗，幾有情調，我地嗌左個意粉同pizza。香煎帶子香草扁意粉，幾香幾好食，帶子好大粒，有四五粒都幾多，意粉店員好細心問因為扁意粉洗吾洗煮林身少少，因為一般會較硬，我覺得好好丫，我正是喜歡食淋少少，所以呢個岩岩好，好食。pizza 嗌左蕃茄芝士，好食，好香，餅底好薄，好大份，兩人食食到好飽，芝士好多，另可以自己加芝士粉。整體都幾滿意，價錢都合理嘅，環境服務都吾錯。

上星期一路經荔枝角，係馬路邊見到有間意大利餐廳，格調不錯，於是入去試下。點左個 main cours, 帶子香草炒意粉，配餐跟餐湯及甜品。個南瓜湯好香，將南瓜打蓉再加忌廉，食落有啖啖的南瓜香同忌廉香，不錯。講返個 main course，講單時服務員會問食客喜歡食意大利粉偏硬(意式傳統) 或偏軟，好細心。本人一心想試下正宗意大利菜，意粉選了偏硬，結果當然無失望，意粉食落有咬口，加入橄欖油及香草炒香，好食。當然要講下主角啦，就係帶子。大大粒，岩岩熟唔會老，啖啖肉又 juice，抵讚。最係加會Banana cake, 滿足晒！

娘子星期六下午會在荔枝角地鐵站附近返教會，Step會和娘子在附近食午餐，但始終星期六日是Step和娘子可以真正相處的時間，享用午餐大都不會選擇快餐店或茶餐廳，反而會選擇一些得坐得舒服又可以彼此一起談天的地方用膳；其中一間是Step和娘子時常會去的餐廳 – Pizza Piazza，以食傳統意大利美食的小店。這家食店經營手法可說是非常認真，無論食材或調味料，甚至是薄餅爐都在意大利訂造回香港，可說不惜工本；不過這間食店位置有點偏離中心位置，導致就算是美味的食物都未能吸引到食客來享用美食… 等Step和娘子今次帶大家去享用一個Saturday Lunch!!由荔枝角地鐵站A出口，沿著長沙灣道向美孚方向行大約5分鐘；當過了長荔街街口之後，再行前多10米左右就到了Pizza Piazza的餐廳門口；這個門口稍為低調，沒有大大的招牌，也沒有五光十色的燈光，也沒有侍應在門口派傳單或將客人招徠…只用啡色木條做大門裝橫，廚窗玻璃窗貼了『Pizza Piazza』的字樣，真的低調得令人稍不留神就會行過了；入內餐廳給人的第一個感覺是簡樸整潔，天花懸吊著一籃籃綠色小盆栽，令整間餐廳更有大自然的感覺；牆身上半部

到荔枝角上完堂,已經到晚餐既時候喇,經過見到有間好似好有氣氛既餐廳,一於就試下啦時間尚早,人不算多,餐廳感覺舒服,簡簡單單既佈置配上柔和燈光,很喜歡呢餐牌有沙律,小食,意粉及薄餅,加$48 可有餐湯，飲品或甜品水牛芝士蕃茄沙律($78) 新鮮沙律菜配上清甜蕃茄及淡淡水牛芝士,非常清新健康。香煎帶子香草意粉($108) 意粉軟硬度適中,入口淡淡香草味,配上微酸的蕃茄乾及香口既松子粒,以及大粒帶子,十分美味呢!Pizza-煙豬肉及洋蔥Pizza一到已經香味十足,嘗一口,餅底十分脆口又不會太乾,滿滿既芝士香配上甜甜洋蔥及煙豬肉,令人忍不住一件又一件。

 荔枝角長沙灣道883號億利工業中心地下1A室去了拿迎新會員禮物包, 豐富的美容產品令我心花恕放,平日很少機會出荔枝角, 來前已SEARCH了有什麼特式小店了。Pizza Piazza食材調味全由外國進口,外出已習慣一定要食沙律, 沙律 $68 有沙律菜,更有CHERRY TOMATO, 同少量芝士碎淋上甜酸的黑醋, 清新又宜人, 用來打底避免吃太多。一個人當然吃不下一個完整PIZZA,這裡可以ORDER一件, 不論是想多試口味或者一個人都沒問題。款式多但稱不上有特別, Calzone 88元，其實就是把9吋的薄餅對指一半，成半月型再入爐焗。材料有morzrlla cheese,紅黃甜椒及火腿片。表而焗成香口脆身，有點印度的nann，因中間身材沒有接觸到爐火，食下是維持了濕潤的，邊再加上蕃茄香草醬，其實似超市買到現成肉醬意粉那醬汁的味道。38香蕉pie 是多重混合體，上層由提拉米蘇佔據，有cheese cream同朱古力粉，中間夾了香蕉蓉，但蕉味並不突出因比杏仁味蓋過了，同時間又混了很似廿土焦糖蠻甜的cream。餅底是厚厚的消化餅碎壓成，口感略濕，吃完有種亂是很複雜的呢。在工廈相對是有

舊時的大學好友約我一聚，很久沒見了，難得這天放假，便到荔枝角等候好友放工一起晚餐聚聚舊吧！ 這一帶我真的不太熟悉，就隨好友的主意。他說有家很好吃的意大利薄餅小店，小經理很久沒吃意大利菜，今晚就和好友試試。 我倆不太餓，看過餐牌後選擇叫一個pizza一起吃，另外再加一個小食。因為看到旁邊一桌的pizza很大個，怕吃不完。 叫了一個水牛芝士加巴馬火腿的12吋薄批。 薄批十分大個，分成八份。熱辣辣的即制薄餅香味濃郁，水牛芝士和巴馬火腿均勻的放在批上，每一口都能吃到兩者在薄餅上。 巴馬火腿薄薄的，但味道十分濃郁，和水牛芝士十分夾。薄餅是薄脆底，不會吃到太過飽濟的感覺。脆脆的餅底配上蕃茄醬和芝士，十分美味，酸酸甜甜的有種很開胃的感覺。薄餅一人分了四件，光是這個就已經吃得得飽肚了！我們另外叫了一個魷魚圈。 魷魚圈炸得金黃，口感脆脆的很香口。魷魚不會很韌咬不開，味道正正常常。叫了兩件甜品一起分享香蕉批和tiramisu 香蕉批很推介！長條形的伴上朱古力百力支，批面是濃濃的可可粉。中間的香蕉溶很多很香。味道不會太甜，卻又吃到香蕉肉。餅底不會太濕，牛油味亦很香，

今日約左位好朋友相聚食飯, 地點我楝左荔枝角, 因為都比較方便我地兩位回家!其實荔枝角除左億利大廈有好多餐廳之外, 而家 D2 Place 都有好多野食, 但係我今次就楝左一間唔多起眼的餐廳, 我唸唔係我搭巴士經過都唔為以佢既存在! 我見 openrice 有 coupon download, 叫 set dinner 有88 折, set dinner: 餐湯/沙律+意粉+pizza+飲品+甜品!因為 daily soup 係南瓜湯, 所以我地楝左湯, 好creamy, 一定唔係罐頭湯, 飲到有南瓜蓉意粉我地楝左白酒鮮蜆意粉絲(+$10), 意粉軟硬度適中, 蜆肉都好新鮮, 隻隻都有少少連住個殼, 唔會飛晒出黎, 帶有少少辣! pizza 我地唸緊叫四式芝士 or 銀魚柳火腿, 落單時決定係四式芝士, 但係侍應小姐話原來可以楝兩款味道都可以喎, 咁我地梗係要埋另一款銀魚柳火腿啦...哈....又可以滿足晒我啦..正! 個pizza 都唔細架, 每款味道有四片, 即係總共都有八片架! 不過好在佢係薄脆底, 唔會好似其他咁, 食左兩塊已經覺得好濟, 四式之士味道唔錯, 銀魚柳試過係其他地

有日係荔枝角做完野，走時已經天黑，就係附近食個獨自晚餐先番屋企。朝早行過嘅時候，記得地鐵附近有間食意粉pizza嘅，一於試一試啦。喂食仔一向就大食咖啦，仲要做完野好攰，唔理咁多食多啲喇今餐！睇完個餐牌，見到有二人set又有四人set，可惜無人陪我食，咁就散叫啦。要咗一個卡邦尼意粉加一個廚師精選沙律同一杯latte。先上嘅係廚師精選沙律沙律用上平嘅木盤盛住，沙律有蕃茄仔，沙律雜菜，沙樂美腸同芝士碎，配上黑醋。黑醋酸酸甜甜，同沙律菜好夾好開胃。蕃茄仔清甜，芝士同沙樂美腸增加咗沙律嘅層次同口感。分量都幾多，但都係菜，健康清新就唔怕啦！接落嚟就係卡邦尼意粉點餐時侍應有個貼心小提示，佢話因為佢地嘅意粉係正宗嘅意大利煮法，口感會偏硬，就建議煮淋啲，怕我會食唔慣。咁既然佢提議到，小妹就跟佢意見啦！上到枱一試，意粉真係比平時食開嘅偏硬小小，不過有小小咬口都幾特別。卡邦尼嘅汁好香，小妹中意落好多嘅芝士粉，提升意粉嘅香味。最後用一杯Latte做結尾Latte好香，奶味不太重，咖啡味偏濃。拉花很用心，而且質感幾滑。餐廳細細地，以白色作為主調，每一枱都點有蠟燭，環境幾有格調其實！

趁放假的休閒時間，到餐廳吃餐好，補充力量，平衡一下忙碌的工作。 是日餐湯-湯底濃稠，西蘭花味重，喝完湯後，都幾飽肚。 賣相吸引，黑松露香味撲鼻。醬汁較少，但足以拌匀意粉。而份量算多，但美中不足之處是意粉較硬身。 即炸的粗薯條脆卜卜，所配的蕃茄汁帶有果蓉，味道偏酸，但可減低薯條帶來的油膩感。 咖啡師拉出心形圖案，精緻又有心思！泡沫算綿滑，而Mocha的甜度適中，毋需再額外加糖了。侍應服務很好，整體的氣氛令人坐得舒服。

在荔枝角附近返教會的我, 先在附近的餐廳覓食, 來到億利工業中心地方的Pizza Piazza, 簡潔的小店中午時已經有其他客人用餐.叫了Lunch Set, 先來個南瓜湯, 用南瓜肉打出來的湯, 有陣陣南瓜香味之餘都有啖啖南瓜容, 不錯.同時單叫了水牛芝士蕃茄沙律(HKD78), 沙律菜及大大塊蕃茄片清甜,加上淡淡的水牛芝士, 非常清新健康另外也叫了個香草雞翼 (HKD58), 遠處已經聞到陣陣的香草味, 輕烤的雞翼, 加上香草味, 不太鹹之餘也保留了肉汁, Yummy~Lunch Set 加HKD15 可以有粗薯條, 我最喜愛的粗炸薯條啊~ 比M 記的薯條口感更充實, 熱辣辣, 正!我的Lunch Set – 白酒鮮蜆意粉 (HKD118) 來了~ 淡淡的白酒香味, 加上點點香草, 鮮味帶鹹的蜆肉, 而較硬身爽身的意粉, 非常Fresh 之餘味道都剛好, 綠色健康之選.跟餐附送的咖啡, 我就叫了Mocha, 非常濃郁的咖啡味道, 不太甜,與平時飲的甜到漏的Mocha 有不同呢~Lunch Set 加HKD25就有個是日甜品, 今日的是綠荼味奶凍, 奶凍幼滑, 但味道不算太綠荼.這裏