Pizza Piazza (已結業)

放工同老公經過附近， 見到有呢間cafe， 望落去好似都幾舒服， 一於入去食個lunch😋一入到去環境都真係幾舒服， 牆壁上的掛畫都幾特別， 我哋叫咗香草鮮蜆白酒扁意粉， 同埋招牌至尊pizza套餐， 一落完柯打冇幾耐， 店員就奉上前菜:湯同埋麵包， 喺咁凍嘅天氣呀下去飲到啲暖湯，令到成個人都暖晒😂 碟香草鮮蜆白酒扁意粉都幾好食， 蜆肉好新鮮， 啲汁幾濃味， 配埋意粉一齊食都幾正😍之後上招牌至尊pizza套餐， 個pizza皮香脆可口， 裏面好足料， 有火腿，蘑菇，黑橄欖，朝鮮薊，好好食😍😍我哋另外仲叫咗杯熱朱古力，同埋榛子咖啡， 兩杯都拉花拉得好靚😍😍，好好飲😍整體上都幾滿意呢間餐廳， 同埋店員態度都幾nice👍👍

唔知係咪工廠區星期六無咩人的關係呢，呢個西餐做65拆，咁就好扺食啦😋😋！但都只不過係地鐵站一出行兩三分鐘，咁其實都好方便😃門面唔係好突出，有d難認得。我叫左個午餐，加配左是日甜品🍮。.是日餐湯 (推薦指數:😋😋😋)呢個應該係有d龍蝦湯的feel，都幾creamy ge..餐包 (推薦指數:😋😋😋😋)佢做到內脆內軟，入面都夠熱可以融到d牛油，呢個係好食！.水牛🐃城雞翼 (推薦指數:😋😋😋😋)呢個係額外叫，唔包65折入面個蕃茄🍅同少少辣味🌶️，食得多雲南雞翼，呢個係好食的。.辣大蝦🍤日本🇯🇵香菇扁意粉 (推薦指數:😋😋😋😋😋)呢個睇落平平無奇，但個汁係好好食，同個大蝦好配合。必叫！.羅勒白酒煮活蜆 (推薦指數:😋😋😋😋)呢個都係我額外叫，唔包65拆入面。幾好食！小食的首選。.

老公在附近番工，佢同佢的同事都推介呢間餐廳話好食！所以聖誕節🎄就黎試下佢的午餐！經OpenRice 訂座仲有積分送添！我地準時12:30pm到達餐廳。餐廳門面👇🏻👇🏻👇🏻荔枝角都比較多工廠🏭/工廈...住宅反而比較少，所以紅色假期人流非常少。我地亦係餐廳的第一枱客人。餐廳內的裝飾都帶出點點聖誕氣氛☃️🎄🎅🏻午餐餐牌Menu👩🏻‍🍳👨🏻‍🍳我們點了「香蒜羅勒蕃茄盧荀意粉配大啡菇」以及「北海道大帶子配野菌黑松忌廉汁意大利飯」。是日餐湯是南瓜湯🎃南瓜湯味道香濃，加入少許忌廉，令個湯更滑溜。另外配有餐包，餐包是熱的，有誠意👍🏻但味道一般。主菜到😋😋😋大啡菇真係一隻幾大的啡菇（廢話哈哈）這一份是我老公分比我的哈哈😄要留個記錄！整體黎講呢個意粉我覺得值四粒⭐️，意粉雖然未算係非常有口感，但醬汁美味，配上盧荀野菌蕃茄等素菜真係幾健康👍🏻啡菇比較乾身，應該有焗過..幾香菇味🍄呢個意大利飯我就會比3粒⭐️了。雖然粒帶子真係好大粒，但整體來說意大利飯淡味左少少，忌廉汁如果可再突出一點更香一點就更好了👍🏻這個Flat White就真係要加加分了！聖誕佳節🎄店員特意拉花拉了一個☃️雪人出來！見到呢杯飲品真係感到好窩心

逢星期六荔枝角就會有市集，今次見到佢門口寫住有六五折咁抵就試下，好似唔係日日有Lunch menu全單65折真係好平😍套餐包括餐湯同餐包餐廳佈置有聖誕氣氛，坐多一陣就full 咗加28蚊有堅水牛城雞翼再65折，雞翼惹味，佈滿濃濃蕃茄醬🤤juicy 本身叫咗北海道帶子配黑松露忌廉意大利粉，但冇曬帶子，所以餐廳轉咗軟殼蟹俾我地足料軟殼蟹大大隻，又炸得唔會太油，意大利飯creamy 有口感，黑松露味唔算太重，配上菇，配搭不錯另一樣小食叫咗羅勒白酒煮活蜆，配上小蕃茄，酸酸甜甜幾開胃，鮮味十足套餐包括特色咖啡☕️，我揀咗hazelnut coffee，上面配上畫花加$18，仲可以加配甜品🍮，以上係香蕉🍌拖肥批同焦糖布朗尼新地，相當足料😋午餐見到有唔少人叫牛扒，138再65折真係抵💯又大碟又好食，值得又嚟

小妹星期六約左朋友係荔枝角, 經過呢間餐廳就比呢張牌吸引左入去因為有65折優惠 呢間小店係工業大廈既地下, 行過都唔係好起眼 入面有應節既裝飾, 但由於係小店, 枱都排得比較密叫得Pizza Piazza, 梗係有Pizza la早午餐既選擇有以下: 因為早午餐有65折, 小妹都冇睇其他MENU 小妹同朋友揀左兩個share食是日餐湯+餐包: 係跟餐既, 餐湯係蕃茄湯, 蕃茄湯入面有蕃茄蓉, 感覺好新鮮! 酸甜又開胃 8" 紅魔鬼($118): 呢個PIZZA真係好好美呀! 個薄餅又熱騰騰又脆,上面鋪左辣肉腸同水牛芝士,  配搭得岩岩好 8oz 澳洲A級肉眼扒($138):肉眼扒叫左五成熟, 煎得岩岩好, 肉味濃郁, 配埋佢既配菜: 炸甜蕃薯條, 紫薯, 火箭菜,  蘆筍, 尤其係個炸甜蕃薯條真係好出色, 外脆之餘, 裡面蕃薯既甜味都可以KEEP到 餐飲揀左COKE&朱古力, 朱古力都值得一試 

臨近聖誕，係約朋友聚會嘅好時候。每日放工搭車經過間餐廳都好想入去試下，環境望落乾淨舒適，於是今次約埋幾個朋友仔黎食Dinner～我地點咗個二人set再加小食。間餐廳名叫得pizza piazza，當然要試下呢度嘅pizza! 落單嘅時候，嗰staff主動同我地講可以order合併兩嗰款式，呢點真係好好，可以一次過試唔同口味。我地嗌咗Parma Ham同黑松露各一半。Parma Ham嗰款咸味啱啱好，同塊薄餅好夾，火箭菜食落感覺清新。黑松露嗰款都好香好特別。另外叫嘅Fish & Chips小食都好好味，熱烘烘，外皮香脆，但又唔會炸得太油膩，仲有好多沙律菜。呢間餐廳整體環境、食物質素、舒適度都唔錯，物有所值。而且位置又方便，一出就有好多巴士站，好近地鐵站，唔洗下下去旺區同人迫都食到好味pizza!

好耐冇食Pizza，但又唔想食來食去都係連鎖店嗰啲，搵搵下就決定黎呢間餐廳試下。啲星星佈置好靚。雖然間餐廳唔係好多位，但少啲人就冇咁迫冇咁嘈，傾計傾得好舒服。餐前麵包唔會太大個，唔會太硬，配黑醋橄欖油同熱餐湯好好味。嗌set有得試多啲野，所以叫咗個2人dinner set。上菜速度好快。頭盤揀咗Platter，有cheese有三文魚有ham，我中意脆脆嘅Biscuit Sticks同薄薄的風乾火腿，咸得黎好香。主菜Pizza係薄脆底，上面好足料，食嘅時候又唔會跌晒落黎。帶子松露Risotto醬汁濃稠度啱啱好，好大碗。但放左一段時間之後再食就會開始膩膩地，食食下覺得有D飽滯。不過如果趁熱食係好食嘅，有啲酒味，都幾特別。 餐飲呢個朱古力唔會太甜，朱古力味好香濃! 天氣凍凍地飲超正。有咁多野食，食到好飽，令人滿足的一餐!

今日同同事慶祝生日，所以早兩日已經用電話訂定枱，而且佢前一日亦有打黎confirm 。但係今日去到嘅時候，居然搵唔到我嘅Booking。好彩咁岩有張四人枱，我哋先有位坐咋。我哋四個人，order咗蕃茄水牛芝士沙律🥗、帶子黑松露雜菌意大利飯、🐷肋骨配薯菜、芝士辣肉腸pizza（8’)同水牛城雞翼（4隻）雖然今日比較多人，但係佢真係太多甩漏喇。首先四隻碟入面有三隻都係污糟嘅，得兩個人有水飲另外果兩個冇比水我哋，rib 燒得有啲燶、落錯單無左個salad,結果最後先黎，最過分係個Pizza，我未見過Pizza嘅形狀係不規則，應該系pizza邊位燒得太燶，所以佢用刀切走左部分，都幾過份😒蕃茄水牛芝士沙律🥗-不過不失帶子黑松露雜菌意大利飯 - 黑松露味道都算突出，帶子唔算好大粒，飯之中夾雜左雜菇，咬落去會有口感， 但酒味比較重。🐷肋骨配薯菜 - 分量都算足夠，味道OK，肉質唔夠嫰，而且有啲位燒得比較燶。芝士辣肉腸pizza（8’) - 餅底幾好食，算足料，餅面脆得黎有咬口。水牛城雞翼（4隻）- 唔算好正宗，唔夠spicy Hot chocolate - 以前好飲D,香濃D.

D2 place附近有呢一間幾好嘅餐廳，環境幾舒適，而且有好多種類嘅食物可以叫。今次就同朋友黎，三個人叫左一個二人餐同埋加咗一啲甜品。磨菇湯水牛城雞翼 雞翼整得好好食，個汁辣辣地，甜甜地，好夠味。另外可以配上沙律醬中和一下，如果唔太食得辣嘅朋友，可能覺得幾辣㗎！雞翼皮脆脆哋，係非常之好嘅開胃小食。😉😉主菜order左帶子忌廉意大利飯😗份量適中，男仔食可能唔係好飽🙊但係女仔食就啱啱好😛帶子鮮甜rissotto亦都煮得軟硬適中，而且好香白酒味，唔錯👍🤤pizza!🤗🤗🤗呢間野名符其實，pizza做得好好TT。三個人食12 吋pizza好抵食，超大份，仲原來可以mix，岩晒為食嘅人xd 今次我地就half mozzarrella and half parma ham。因為人手即整（見到半開放式廚房架xd)，所以餅底薄而脆，即使係餅邊都唔會好多面粉搞到太硬，再配上好滑嘅水牛芝士（圖白色），食落去罪惡感都冇晒😂面頭既羅勒葉再增添左另一層嘅味道🤗Brownie我哋加左錢食呢一個甜品，就算唔加都會有雪糕同泡芙。賣相好靚，brownie亦都有好濃嘅朱古力味，令人滿意既甜品，好食既甜品為今日既晚餐放下完

上星期是朋友生日和她逛完街後找個地方吃東西😋朋友看到這家不起眼的小店說不如就試一下看看如何我們點了2杯飲品和一個特級拼盤大概200元左右點好餐後侍應送上餐包再配橄欖油和意大利黑醋挺好吃 黑醋酸酸的令人很開胃我就是喜歡這種意大利餐的餐前小食。飲品點了白桃雜莓茶和青檸荔枝大滿足2杯飲品都是茶底 不會太甜 正合口味雜莓味和青檸味會搶咗fo我鍾意酸酸嘅飲品 青檸就啱晒我了朋友嗰杯仲有好多雜莓可以食下。大拼盤來了！是有粗薯條 蕃茄味雞翼 德國燒腸同埋炸原隻軟殼蟹呢個真心好surprise 係因為4款嘢食都好正尤其呢款粗薯條 超好食成盤我哋係全部食晒 一件不留雞翼入味 德國腸會有少少油 但好香濃原隻軟殼蟹我地切半share 都好唔錯呢個下午茶 食得好滿足！

放工約朋友去， 沒有訂位，walk-in 進， 裡面只有三、四枱客， 入到去其中一個女待應招呼我地坐低， 俾水同食具我地， 跟住問我地有冇訂位， 我地話冇， 佢冇出聲， 我地費是唸，所以選左2人set, 覺得都算抵食，所以order 左， 有湯，包餐包，有頭盤， 有主菜有飯或意粉，有pizza ，有甜品， 上菜時全部食品都是熱的， 味道也不錯呢間招呼都ok 而且中途都有幫你換碟、加水 ，原本心入邊諗住，呢間幾好味有下次， 2人餐加一都是$416 尚算合理， 因為點完餐已收了餐牌， 所以到走時才知店名是pizza pizza, 上網一看原來OpenRice 訂位套餐有八折， 老實說， 心中即時大打折扣， 我都明白，我們是walk in， 就算這次沒折扣， 沒關係， 如果真的想客人推薦給朋友或再幫襯， 其實係咪可以同客人講聲有呢個優惠，下次再來可以先在open 訂位？ 並不是要求即時比折，但講聲，推介下， 應該都不會很難吧？ 說真的，這種待客方式， 應該沒興趣再去幫襯或推介給他人。

朋友係深水埗返工琴日拎完嘢之後我地就搵間小餐廳食飯~今次就食pizza, 加個甜品咁.好彩無叫太多咋個pizza超大個 係想像中大好多如果有叫其他嘢食真係suggest 3-4人先好叫.坐低無耐點好餐就會有麵包食係自己加橄欖油同黑醋食的yummy !.我地揀左夏威夷pizza主打係菠蘿 芝士 紅椒等等略嫌佢芝士唔夠多是關我係一個芝士控呀~不過熱辣辣食都好正 酸酸甜甜好開胃。.Brownie甜品朋友都大叫好食布朗尼係熱的 加上雪糕既凍 又甜甜地就算冬天食都無問題！.呢間真係大推俾愛pizza既朋友呀一定會滿足！

呢間餐廳主打意大利Pizza，可以揀相同價錢嘅兩種做鴛鴦pizza，一次過可以食兩種味道，唔使成個都食同一隻味咁悶，重點係唔使額外加錢，唔似出邊啲餐廳咁。同埋個Pizza係即叫即焗，雖然等嘅時間有少少長，但係非常之新鮮，熱辣辣。由於我屋企人唔識得咁生嘅肉，所以叫咗全熟嘅牛扒🙈唔知係咪因為叫咗全熟，所以有有dd硬，不個味都幾好，個汁都幾濃味幾濃郁。好鍾意餐廳嘅裝修，佈置得好靚，掛咗幾盞星星嘅燈，牆上面都掛咗好多佈置，好有屋企嘅感覺，打開天花板上面嘅冷氣槽同風扇就有少少扣分啦。整體來講環境都幾舒適，坐得好舒服，餐前有餐包送俾客人，食物嘅味道都唔錯，但係嘢食嘅份量就比較少，如果男仔食一碟意粉嘅話就可能唔夠飽啦。

位於荔枝角寫字樓附近嘅一間意大利餐廳，鋪頭面積好細，應該只有六七張枱，不過裝修都幾精緻同溫馨。好鍾意佢呢個裝橄欖油同醋嘅樽，佢係俾你點餐包用嘅。卡邦尼溫泉蛋意大利粉味道都唔錯，整破隻溫泉蛋之後，將啲打磨撈埋落啲意粉度，就啱啱好，夠晒濕潤。佢本身嘅醬汁就略嫌唔夠多。帶子白酒燴意大利飯白酒味好濃郁，如果唔鍾意酒味嘅朋友就唔建議叫呢個啦。同埋做法都係偏意大利，因為啲飯粒嘅質感比較硬。肉眼扒塊扒比想像中簿，味道唔算好特別，好出眾。反而配菜更加有特色，佢有車厘茄，細蘆筍，番薯條，最特別嘅係有紫薯薯蓉，味道都唔錯。呢間鋪頭主打pizza，今次叫咗夏威夷pizza，餅底幾簿， 所以好脆，係我鍾意嘅厚度。Pizza上面嘅餡料都幾豐富，但對於一個芝士控來講，芝士可以再多啲， 同埋overcook左d。整體黎講，食物份量比較細，叫pizza抵食啲😂

今日經開荔枝角呢頭做嘢，順便試下呢度啲餐廳。行行下見到呢間星期六有65折，而男朋友又想食西餐，一於就試試佢。呢度嘅裝修都幾靚，適合打卡。張枱係雲石紋，影食物相都幾呃like。餐廳入面播緊英文歌，環境舒適。旁邊仲有個角落仔擺咗啲書，比人拎嚟睇。一坐低，staff就即刻攞咗兩杯水同埋畀咗個餐牌我地。lunch set包埋湯同餐包。餐湯嚟咗之後，staff都好主動咁問我哋要唔要胡椒。湯加左蒜蓉包粒，增加口感。餐包係熱既，入面好鬆軟。芝士四重奏（$138）餐廳名叫pizza piazza，咁梗係要試下佢既pizza啦。芝士四重奏入面有四隻芝士：水牛芝士、塔勒奧芝士、藍芝士同巴馬臣。芝士味好濃郁，加埋蕃茄中和咗冇咁溜。 而且佢個pizza皮唔會話好厚，啱曬我呢啲鍾意食料多過食皮嘅人。北海道大帶子配野菌黑松忌廉汁意大利飯（$138）個risotto都幾多料。'堅' 水牛城雞翼（$28）我哋另外再加多咗個雞翼，係煎香咗嘅雞翼，上面鋪咗層好濃嘅番茄醬。Earl grey tea係mighty leaf的earl greyCappuccino咖啡師整咗個心形比我地。