Pizza Piazza (已結業)

從此網站找到了此間餐廳，找到了一間位置交通方便的餐廳。朋友相聚來自不同區域，我們抱著試驗的心態。結果相當滿意。點了4人套餐：食物：多選擇，選了4人套餐，食會分開時間上枱，不會一次過送到，令食物變涼。食物可彈性選配。服務：店員相當有禮貌，適當時候會幫忙加添清水。環境：大家認為店需不大，但都坐得舒服。地點：近地鐵，門外多條路線之巴士站。- 甜品🍰 如能改為用小叉享用，就更能完美。- 如選擇套餐，記得列印優惠券！因我們忘記了呢！

趁這裡早上開店時打電話來訂檯，還好有即日有位！之前經過附近時有留意到店門位置，否則要花點時間找（真的很不明顯）。剛入座的時候客人不多，原本被安排坐到角度的我們想轉到較光猛的位置，店員都很友善的隨我們意思。我們3個人，點了3個lunch set share，十分夠飽！↑跟餐的薑甘筍湯：吃不出薑味，還好不會很咸↑鮮蘆筍黑松露野菌忌廉意大利飯配香煎帶子（超級長的菜名！）：飯質較硬，要嘴嚼很久。蘆筍是很幼那種，和野菌一樣份量不多。黑松露味道不太足夠，而且忌廉汁頗咸。有點失望 ↑澳洲和牛烤菠蘿芝士漢堡配粗薯條：漢堡是烤到全熟的，牛肉味不是很重。配菠蘿和芝士其實很好吃，但同樣有配料不足的問題。反而粗薯條炸很得好，夠熱夠脆！↑自選方形薄餅：味道和賣相都可以，薄餅鬆厚，如果底部再烤久一點，帶點香脆應該會更好吃！↑跟餐的cappuccino：同行的朋友都覺得不錯！p.s. 午餐時間只有2位店員在樓面，落單埋單都要等一下，還好他們很友善很有禮貌！值得一讚！

又一間充滿驚喜的餐廳，位於荔枝角工廠區，想不到也有令人食過番尋味的餐廳，我們幾個人，order了幾樣食物，款款都有驚喜，食物賣相高雅，味道也一流。千層麵，口感非常豐富，很有口感，層次分明。蕃茄汁很濃郁，伴碟也很有藝術感，很美觀，很吸引。甜品也很正，口感鬆軟，加上脆口的餅底，好食到難以用文字形容。必食推介，一定唔會令你失望。 火腿沙律，用料稍為遜色，生菜好像有點不新鮮，火腿味淡，所以這前菜一般般。不太推介。

今日同同事一齊食過聖誕飯，聖誕當然要食西餐啦，近來都試左幾間，今日再試新野，見到openrice d 相都幾吸引，所以都幾期待我習慣性去到啲餐廳會望下同場既人叫咩食，因為如果大部份人都叫嗰樣野，證明中伏機會會細好多，同埋即使係伏都大把人陪今次呢間，因為座位唔多，所以啲客叫既野真係咩都有，咁唯有我叫牛扒啦，同事叫all day同埋意大利飯再加多份薯條首先,餐包同湯，相片可見，竟然係茶餐廳餐包，再飲個湯....冇材料之餘亦飲唔出咩特別既湯味，staff話係椰菜花湯...到主菜，牛扒係Ok, 同事既都ok, 但就每樣野只係合格呢到啲價錢係同區真係可以食到好多更好既西餐但值得一讚係呢到飲咩咖啡都唔需要額外加錢，所以我地叫左caramel latte 同hazelnut latte, 咖啡的確係成餐既重點，有拉花之餘，味道都好香濃題外話，同事叫all day 既時候，staff都冇特別講啲咩，但突然上牛扒同意大利飯時，就同我地講個all day冇哂薯餅會用薯條代替，跟住就走左去....但當時我地額外叫左兜薯條亦到埋，咁啫冇得比人選擇

餓了，竄進這店。冇人， 準備離開。 店員探頭，我問: “休息嗎？” “不，只有下午茶。” 坐下，挑了 "mini pizza"。口味任擇，有些口味有附加費。要了四色芝士(這個加$5)。 下午茶包飲品。要了iced cappuccino (+$8)Pizza到了，呆咗半秒。又話mini嘅~？ 成個pizza x 嘅細批咁大？！好香~~芝士味呀~~~切開， 是我最愛嘅薄批~！( 幸好是薄批)平時食pizza是愛吃它滿滿的芝士。這次同時愛上它的pizza底。 軟軟Q Q新鮮嘅pizza底。 離開時忍不住問是否手拉的。“是，由麵粉造起的”。怪不得~這柸咖啡也滿足呢~

A small restaurant with friendly staff. No alcohol in menu. Soup if the day obviously is made of powder, pasta was fine.

荔枝角活化咗之後，除左D2 place，仲多左好多野食，雖然呢間意大利餐廳d服務態度非常一般，但食物真係好，值得再去！我地5個人叫左3個餐1個pizza，分別係fish and chips，大硯意粉，辣味茄醬肉丸意粉！兩個的味道好好，意粉軟硬適中，不過肉丸個個比較辣，食到辣椒機會超級大！唔食得辣就唔好挑戰！但個大硯意粉真係好食，大硯多，意粉入味，加少少黑椒調味更開心！fish and trip炸得唔錯，粉唔多，不過醬就唔夠，要點茄汁！個pizza我覺得可以更好，皮好薄好脆，ham好食，但點解d cheese唔焗下先呢？凍冰冰！焗下超好！

長沙灣不難找到好東西食，尤其是在荔枝角工廠區更加有多種美食任君挑選，今日又經過荔枝角，附近這間 Pizza Piazza Cafe便是一間主打Pizza,意大利粉的餐廳，  估不到這裏的Set lunch價錢大眾化，啱哂我Budget。店內裝修簡約，座位擺設寬敞舒適, 進入店門面雖細，但店內空間大， 每張檯都以雪白的雲石物料打造，感覺嘢環境乾淨整潔，進食時好relax的感覺，啱哂我慢慢品嚐美食。我翻看個餐牌，考慮了一會兒，最後點了意式羅勒香草醬配孖寶虎蝦$128，連湯和飲品。熱辣辣的餐湯是蕃茄濃湯，好濃郁蕃茄的湯底，配上餐包一齊食，特別美味。 飲完碗餐湯，味道酸酸咪咪的卻特別開胃。之後主菜意式羅勒香草醬配孖寶虎蝦，咪看佢細細碟，其實因碟底深，份量勁多的，足夠一個大人飽肚的份量。 意大利粉好幼滑，加上用芥欖油的缘故，令意粉特別香口。 另有蒜蓉粒，食起來好有香蒜味，令口感更煙韌，味道美味爽滑， 質地滑溜。另加18元有粗薯條食， 薯條用新鮮薯仔炸成，脆口而不膩。😘😋😋最後飲品只要加8元，仲可試價值40元的 Iced Fruit Tea，特別超值，飲品中加了粒新鮮士多啤梨，飲落清新怡人。

今日到長沙灣倉點貨，食飯時間勁多人，惟有等到差不多2:00才去食個lunch,剛好公司倉樓下有間西式餐廳--Pizza Piazza Cafe,精選午餐也不過一百幾十，單看餐單已極吸引。😘😘😘我點了自家制龍蝦汁扁意粉配軟殼蟹$138，先來餐湯和餐包，軟綿綿又熱熱地的餐包，塗上牛油，肚餓時特別好食。至於餐湯是蕃茄濃湯，用蕃茄磨成蓉，所以蕃茄味道勁香濃，湯底好濃不稀，少少酸特別開胃。😋😋😋主菜自家制龍蝦汁扁意粉配軟殼蟹，份量勁多，待應問需否添加黑胡椒粒，勁窩心。 扁扁意粉軟硬適中,食落帶有煙韌口感， 配上龍蝦汁味勁鲜。而軟殻蟹外皮鬆脆，入口軟腍，食完口腔伴徊那蟹的味道，好正。飲品我叫了杯 Cappuccino,拉埋花添，不用加錢，香濃。

一直都喜歡在工廠大廈區找特別的西餐最近才來這邊返新工，一下子就發現這家在地鐵站附近的西餐廳，裝修很特別，而且也很方便就在大街上不用上樓。可能是平日的關係，人沒有很多，餐廳安排了一個角落位置給我們，可以盡情聊天。先來餐湯還有餐包，湯是特別的南瓜湯，味道很甜～而且包很軟熟，吃了一個還想再吃一個呢！我們叫了一個Piazza Platter一起share吃，這個Platter很豐富，有薯條，水牛城雞翅，法蘭克福腸，炸魚柳。還有一個特配的黑松露沙律醬，魚柳配這個黑松露沙律醬真的很搭！我連薯條也佔這個醬吃了！主菜我們叫了Pumpkin Mushroom Risotto with Scallop，份量不是很多，但是每一口都是很特別的濃烈芝士意大利飯！帶子的味道洽到好處，不會太硬而且可口。就算份量不多，也有飽肚的感覺。好喜歡這裡的雲石設計，下次再試試其他的菜式。

工作忙,下午時段才吃午飯,選擇左呢間餐廳餐廳雖在工廈之內,但環境都算幾relax,看完餐牌後,好快就選擇左all day breakfast,貪佢夠晒大份份量都幾大,炒旦半生熟,夠旦味,格格薯炸得很脆口,味道比一般連鎖快餐吃的好味得多,牛角包夠屬軟,德國腸皮脆味道可以,沙律菜同哈蜜瓜就一般水準。因為仍要返公司繼續搏殺,所以餐飲我點左black coffee,咖啡奉上桌時很熱,味道很濃郁,略帶一點酸味,但都不失為醒神之選。

朋友在這邊上班，一收工就約左佢過黎呢邊覓食啦～見到呢間餐廳格調唔錯，就入左黎試試！裝修果然好特別，簡約得黎有少少浪漫，如果同另一半黎都幾好feel～我地叫左一個set，有餐包同餐湯送～餐包熱辣辣好軟熟，一上就食曬～叫左招牌既Pizzza Platter，哇真係好大盤～有水牛城雞翅，法蘭克福腸，同炸魚柳，仲有好多沙律菜伴碟。最好味既係水牛城雞翅，辣得黎好夠味。佢個醬都好特別，應該係黑松露沙律醬，帶出既味道真係好好食原來仲有一碟薯條跟呢個拼盤，真係好大分量，繼續dim黑松露沙律醬黎到主菜：南瓜野菌意大利飯配北海道刺身帶子，聽個名已經覺得好好食咁意大利飯煮得好入味，而且好少食到帶子咁鮮甜，食到停唔到口呀最後兩個人埋單都係一人$138,呢個質素既西餐，真係幾抵食！而且環境好好。

相信很多人對Pizza都深入民心，大家對Pizza的認識都是從一間Pizza連鎖店而來，但其實香港有很多餐廳都有Pizza供應。其實供應Pizza的餐廳，不止限於Pizza是唯一之選，還有其他美食可以選擇。Pizza Piazza以Pizza為名，但其實其他食物都一樣吸引。Pizza Piazza位於荔枝角的工廠區之內，眾所周知工廠區內都有很多餐廳的，Pizza Piazza地方雖然不大，但食物吸引之外，份量也十足，所以才和朋友前來吃慶生飯，這裏確實是一個和朋友前來一起分享美食的好選擇。******************************來到以Pizza為名的餐廳，看著餐牌當然有PIzza供應。除此之外，還有其他食物供應，如意粉飯小食等。飲品以咖啡為主，此外還有些茶或朱古力飲品提供。Pizza Piazza還有甜品選擇，感覺也不錯。選了一份意粉，加HKD48改為set dinner，可以選上湯餐，飲品或甜品。所以便來了一份是一餐湯和餐包。是日餐湯是南瓜忌廉湯。餐包都幾軟綿，南瓜忌廉餐湯味道都幾濃郁，而且還有些南瓜蓉，確實真材實料。Piazza拼盤 HKD138，不能加錢轉為se

呢間位於荔枝角嘅西餐廳，裝飾獨特，雖然門面細，但係裡面空間勁大，吃嘢環境超級乾淨整潔，每張台上面都有小燭台，擺係白瓷光滑嘅檯面上，氣氛浪漫，服務態度良好，感覺非常舒心。我啲選擇嚐試夏威夷風情Pizza,野菌義大利飯配北海道刺身帶子同埋水牛城雞翼。作為西餐中最經典嘅呢幾道菜，製作嘅幾專業，特別推薦其中嘅水牛城雞翼，係雞翼外層包住嘅蒜香意醬，味道好正同埋個北海道刺身帶子味道幾鮮美，義大利飯鹹淡適中，味道可口。

工廠區意大利口味星期六都要全日開工，放咗工，就自己來呢間pizza piazza食番餐啦叫咗個肉醬千層麵，配餐湯同甜品，西蘭花忌廉湯，甜品叫咗香蕉拖肥批，再叫一個簡簡單單嘅蕃茄芝士pizza。先來個餐湯，西蘭花配搭忌廉湯好特別，好香，味好清甜。肉醬千層麵，肉醬味好濃，千層麵做得好有層次，一個又重又豐富口味嘅選擇。蕃茄芝士pizza，雖然簡簡單單，但pizza好薄好脆，蕃茄味好濃，配搭Tabasco 味道一絕。香蕉拖肥批，拖肥做批底，香脆，忌廉香蕉加焦糖嘅配搭，超香濃香蕉味，相當軟滑。