Pizza Piazza (已結業)

今日去開d2place 行市集，行完想搵附近有咩tea好食，搵左下見到呢間食pizza小店，價錢好親民，一試無坊。個陣三點左右，店都坐滿，睇嚟呢間喺荔枝角真係幾岀名。佢個牛餐meun幾抵食，有個餐湯跟，要左個芝士四重奏手工即焗薄餅再加配小食水牛雞翼，連凍朱古力都只係200蚊左右，性價比超高！個pizza由於係即叫即整，所以耐心等候，一上碟，聞到濃濃芝士香味，主要係做四種芝士，mozzarella,t taleggio, Gorgonzola, Parmesan, 可以一次過滿足晒芝士控，個pizza皮仲好香脆，有麵粉個種煙un感覺，絕對唔會失望，個小食雞翼都好夠辣，最緊要加28蚊就有四隻，連埋杯凍朱，好滿足既tea！

今日去咗荔枝角做嘢，隨便食埋個午市先走😊經過見到呢間裝修得幾靚嘅小店就入咗嚟試吓啦分別叫咗西班牙黑毛豬同埋白酒煮硯😘味道都唔錯，另外仲叫咗一杯咖啡添，佢係即磨嘅🥸🥸西班牙黑毛豬扒嘅肉好口，啱啱好煮得唔會生唔會太熟😋仲有好香嘅豬肉味添，另外配菜方面有少少嘅沙律菜同埋炸薯條🍟仲係用咗番薯肉添，唔知係咪自己整嘅呢，味道幾好食。個賣相都幾好同埋份量都幾大份嘅。另外仲叫多咗一個小食就係蜆肉嗱，平時喺屋企都少煮白酒煮顯，但係呢度住得都幾唔錯，見附近啲人都叫Pizza為主，因為聽聞佢哋係手打嘅Pizza，不過今次就冇試 可能下次會試吓啦😌可能因為疫情，小店嘅人數都唔太多，都keep住有人買下外賣咁，下次都會繼續支持下

位於長沙灣道近荔枝角站有一座美食林立嘅億利工業中心，今日天寒地凍懶得上樓，所以就幫襯位於地下嘅呢間Pizza Piazza。餐廳內嘅裝修非常簡潔，通道亦夠寬敞。等咗一陣，職員送上三個餐牌，分別係主餐牌、飲品餐牌同午餐餐牌。因為正值午餐時間，所以就決定點一個午餐食。點餐後，職員先送上餐湯，是日餐湯係南瓜湯。跟住就到主餐，我點咗龍蝦意大利飯，餐牌上已經註名咗呢一個意大利飯係帶辣味，果然辣味係主要嘅味道。呢個龍蝦意大利飯有好多隻小龍蝦，因為size比較細，我冇特別數，但應該大概有20粒，非常抵食！另外餐飲我要熱朱古力，呢度嘅熱朱古力會加cream，店員好用心咁為我呢杯熱朱古力唧cream，再灑上朱古力粉，所以製作需時。攪勻忌廉之後，就見到呢杯濃濃嘅朱古力，為嚴寒嘅天氣加添一點暖意。

今日難得放假同母親大人去食飯，所以就揀咗一間喺附近嘅餐廳食下啦，今日呢去行完街咁有啲肚餓所以我想試吓呢一間啦。可能時間同埋平日嘅關係，所以人唔算太多，不過而家疫情可能多人叫外賣啦咁我哋就叫咗兩樣嘅嘢食，包括一個黑毛豬豬扒配蕃薯條同埋白酒煮硯肉😊另外仲叫咗杯齋啡添其實都仲有好多選擇，都想試吓佢嘅手打Pizza但係因為今日唔係食正餐，所以就唔要咁多其他嘢食啦。咁都等咗一陣嘅時間，啲嘢食就上咗嚟，自己幾鍾意食番薯薯條但係唔係好多間餐廳都有，所以覺得呢間餐廳又係非常之好，另外個黑毛豬豬扒，非常非常之厚身，覺得物有所值🥸另外就係佢嗰個白酒煮顯啦，因為自己都好少係屋企煮呢樣餸，所以就叫咗覺得都幾唔錯😚如果一杯齋啡到幾好飲，隻杯仲好靚添

見到呢間餐廳嘅食評好壞參半，見openrice有折扣就嚟試下。最出名食pizza，其實平時經過都見到好多人嗌外賣。今日lunch我嗌咗一個signature的辣肉醬至尊 pizza。我覺得好好食，因為餅底夠鬆軟，有啲似鬆餅嘅感覺，所以佢嘅餅底係一定要趁熱食，如果凍咗就會好快硬，所以咁嘅天氣，如果公司地點或住嘅地方比較遠，我就唔建議嗌呢間外賣，好似嘥咗呢個手工餅底。pizza夠足料又多辣肉。另外嗌咗一個蒜香扁意粉，味道都唔錯，原本想揀有蟹肉嘅，但係有蟹肉要加多40蚊好似唔係好抵。另外加左個水牛城雞翼，但覺得一般，只係似炸雞翼加左少少汁。最後嗌咗一個tiramisu, 好似其他食評家咁講，估唔到幾好食，我覺得特別之處係個餅底做得好，lunch加都幾蚊就有一件，可以試下。

上網見人話好食，諗住無咁悶又連鎖店pizza就試下佢。用外賣平台叫，餐牌寫名有豬仔骨，送到黎無左，睇佢張單都無，打去外賣平台聯絡店家話送漏左後補返黎，咁算啦。Pizza打開啲野食，一個煙三文魚pizza，餅底幾好，但係一塊Pizza唔夠分一塊三文魚。另一個pizza都好普通。小食-雞翼骨瘦如柴，仲細隻過麥記，味道還可以意粉淨係得黑椒味，濕唔夠濕，鹹唔夠鹹。失敗豬仔骨寫係寫ribs，諗住係好多條骨果啲，點只係得一條大骨咁，份量少度share唔到。一條骨，六人餐，我都唔知可以點切⋯條骨一邊全肥肉一邊全瘦肉，瘦果邊「鞋」到一個點，肥果邊食咗一啖就食濟左，得個鹹字，都唔知咩味總結-垃圾唔好食甚至乎係難食，小朋友都唔願食。分量少，六人餐六人分仲要其中一老人一小童都唔夠食，要臨時再買其他食物。無下次

今日黎到荔枝角食晏，搵到呢間Pizza Piazza。餐廳就主打西餐同手工pizza，我地揀左兩樣主食，分別係龍蝦龍大利飯同埋辣肉醬至尊pizza，另外加配左水牛城雞翼。先上枱既係餐湯，磨菇湯好creamy好濃味，好鍾意，之後就係水牛城雞翼，炸雞翼外配上水牛城醬，唔係其他既成隻雞翼都比醬汁封實果款，食落就冇咁油膩，亦都食到雞翼既既香脆。再黎就係龍蝦意大利飯，濃濃既龍蝦味已經撲入鼻，食落每一啖都有龍蝦味，加埋配料真係冇得彈。辣肉醬至尊pizza，作為主打即焗手工pizza，一上枱重係熱辣辣，pizza邊十分脆，濃味既辣肉醬加埋腸，欖，同一眾香料，真係食得出意大利pizza既感覺。最後飲品我就叫左凍朱古力，香濃既朱古力上面重要加埋cream，真係飽住走。

難得有個空閒既星期四🤣黎荔枝角行陣街同朋友仔嘆下邪惡Pizza先啦☺️🍕雙層芝士煙肉牛肉Pizza眼花撩亂之下🤩我倆揀左人氣既雙層芝士煙肉牛肉薄餅😋而且12吋Size大大個PIZZA雖然抵食🙉🍕但我覺得搵多個朋友仔一齊食會好啲🙉🤪PIZZA散發濃郁既芝士香之餘😋🧀食落有多重肉香亦係幾特別😋🍕牛肉煙肉經烤焗後肉質滑嫩依然亦要一讚的😋🐮薄餅底唔算厚身做到薄脆既效果😆好有Crispy脆皮口感☺️🍕多配爽脆夠Fresh既薄荷葉🌱☺️亦為薄餅增添香氣消消滯🤪🌱

聖誕節晚上打算外賣個pizza 同意粉，食到一肚氣。今次叫了個2人餐，火腿磨菇pizza 同蟹肉磨菇意粉。pick up 嘅時候啲單已經亂晒，話你知6:45pm ready, 去到再等多半個鐘先有。心想聖誕夜，你哋多單可能亂啲，可以理解。但一打間盒意粉，份量少不用講，啲急凍蟹肉份量應該不夠一湯匙，磨菇幾乎見唔到。意粉就好似就咁用水煲熟一樣，無汁又無味。其實我自己煮可能好食！個pizza 啲topping 少到不得了。本來打算唔叫連鎖店，聖誕對自己好啲，而家真係覺得被搵笨！

冬至同聖誕節就到同事們都諗住買啲野食返公司食個lunch慶祝下團團圓打開openrice睇下附近有咩抵食見倒呢間餐廳幾多好評喔🤗Pizza都係唔錯既選擇😝容易分佢都有提供唔同人數套餐，價錢都幾親民我地就揀左個四至六人餐$318套餐可以揀兩個12' pizza，兩個主食，一個小食，同六罐汽水我地係Openrice 落order，預返下晏2點拎薄餅1：12''辣肉醬至尊（辣味）薄餅薄餅2：12"煙三文魚瑞可達 薄餅小食：堅水牛城雞翼（辣）主食1：意式肉醬千層麵主食2：野菌蒜油扁意粉至於汽水我地揀左三罐可樂同三罐雪碧總數$318, 整體來說四個人食剛剛好～薄餅是薄底但稍為焗得有啲脆身，有啲啲難咬，但可能係放凍左嘅關係🤔味道方面係幾好食☺️ 如果有 Party係唔錯既選擇

我真係好唔明白點解會有咁多好評 ， 定係我真係太黑仔 。就算要寫200字先至可以畀到評分,我都願意寫呢二百字,做冬諗住叫pizza,超級失望228蚊,買咗一個餐,有一個pizza、有慢煮豬骨、同埋有兩罐嘢飲。 明明係2至3人餐，睇相嗰個豬骨都有幾條嘅，點知嚟到見到淨係得一條，又肥又冇咩肉，打去問下佢到底係咪畀錯咗，又話係咁， 如果話呢個一人餐嘅咁一條我都覺得可以接受，但呢個二至三人單係點樣可以共用一條 冇肉嘅一豬骨呢？ 同埋openrice訂嗰陣嗰個相，同實物真係完全唔同。個pizza凍冰冰，好似整咗好耐擺喺度咁，凍到根本食唔到，要放去微波爐叮完先可以食得到。超級失望早知就叫pizza hut或者phd仲好過又有送貨, 真係未試過叫外賣叫到咁，灰到我呢

放工交收完行經過順便搵食，呢間舖喺工廈地下，無大招牌，真係要探一探頭望先見到。舖仔細細，20個座位，裝修白色主調配以暗燈，播埋輕音樂，環境舒服。因為細場地嘅關係，只能輕聲談話，大聲講就會好嘈。侍應熱情招待，亦細心講解點餐，似乎係一家人去營運間店，兩三個人包辦落單、執枱、送餐，唔好期待集團式嘅服務。無一人套餐，只能單點叫。單點披薩只提供12吋大，幻想唔到一個人點食。店姨姨貼心介紹可以兩款味混合一個批，就點咗夏威夷風情同紅魔鬼，忍唔住口點多一客水牛城雞翼。即叫即整嘅關係所以等咗十分鐘左右先上雞翼。一客8隻，幾個人分食適合啲。端到上枱，有陣香香地炸物味，色澤還好，希望擺盤落多少少功夫。每隻雞翼都焗炸到深金黃色，配埋個水牛城醬，咬落去第一啖係脆炸口感，再咬嫩嫩雞肉，尚有保存肉汁，水牛城汁醬係偏酸帶輕微辣及甜，辣味又唔會蓋過晒，只係小小哋開胃感，似辣椒仔醬嗰種。另一啖點埋跟盤嘅沙律醬，又唔同風味，個酸酸感覺又再醒神咗！不過要留肚食披薩，否則會食半碟。隔多十分鐘左右，送上期待嘅雙併披薩！望到個12吋批，真係呆一呆，但食指已經按挎不住，芝士味十分香。先試咗夏威夷風情，批底好薄，厚度似厚切薯片左右，上

去到荔枝角，想食程班長，但人山人海，無奈之下搵下其他野食。估唔到發現左呢間手工pizza，試試佢又竟然有意想不到既驚喜。臨近聖誕，餐廳都佈置好晒，坐落感觀環境都唔錯👍🏻。仲有晚市套餐嫁！不過本來只想食小小野，所以今日都係唔好咁貪心，haha。話明手工pizza，呢個就一定要試啦，叫左個夏威夷pizza，有菠蘿、紅黃椒、火腿、芝士、配料都算足夠。特別一題一定係佢個餅底，餅底果然有驚喜，同平時大型連鎖店唔同，佢呢個餅底就煙un d有咬口d，個人都幾鐘意。此外，佢地亦明顯用上欖油，食落都比較健康。然後就叫左個忌廉煙肉手工意粉。呢度除左pizza係手工，意粉都係手工嫁！意粉同樣地，比較有咬口，配上餐廳特制既忌廉汁，個人就好鐘意個汁，夠晒香又夠濃郁，唔錯。飲品上就試左佢地既奶昔，花生醬香蕉奶昔，我睇住佢地即叫即製，香蕉仲好新鮮，仲有細細粒既花生碎同花生醬味，鐘意花生醬既你，一定要試試佢。最後埋單都係合理範圍，食得出每一樣都係手工製作，支持小店。整體而言，環境、服務、食品都算唔錯。

趕喺晚市堂食冚檔之前再食多餐，揀咗荔枝角工廈地舖既pizza店。欣賞舖頭有擺定濕紙巾俾顧客再抹多次啲餐具，疫情咁鬼勁始終自己抹多次就安心啲既黎得pizza店冇理由唔嗌佢既手工pizza既，遺憾既係佢好正宗，冇男友最鍾意既千島醬base，咁唔緊要啦照試佢既夏威夷風情。pizza一上枱好香，批底幾脆，餡料有火腿有菠蘿有甜椒，味道都對辦；批邊一上枱熱辣辣嗰陣好鬆軟，但真係要把握時間盡快食晒。除咗pizza仲嗌咗個意粉，通常去啲未去過既舖頭都會穩穩陣陣叫個忌廉意粉，今次呢個忌廉意式煙肉手打麵真心有驚喜，個忌廉醬味道微酸，冇咁「溜」；手打麵真係有手製感覺，煙煙韌韌既～飲品方面我地share咗杯花生醬香蕉奶昔，佢個質感冇five guys嗰啲咁杰既，你可以話相對健康啲、冇咁飽肚，味道就不過不失啦

Weekend去左D2 place行 睇下市集行到咁上下肚餓 即刻搵野食 D2 place就無咩嘢食架啦 緊係去工廈搵下有咩好西食啦🤩行過見到間西餐 專門食pizza好似好正咁一於試下佢既set lunch la🤤Order完既送上磨菇忌廉湯味道正正常常大愛pizza既我緊係要叫pizza la🥰辣肉醬至尊係一定無死既餡料 lolPizza底唔會好似食緊麵包咁 係帶有咬口 唔會係連鎖店既厚實型手工pizza幾好食 番茄醬底酸酸甜甜好開胃加上面層既cheese好夠香❤️再加左一碟小食 堅水牛城雞翼🌶🌶4隻大大隻 炸完淋汁唔會整淋晒好怕食個皮唔脆既雞翼個汁調教得好好 唔會太辣 好開胃 最後飲埋杯熱咖啡為我既午餐劃上完美既句號