影片
更多
2020-12-17
371 浏览
放工交收完行經過順便搵食，呢間舖喺工廈地下，無大招牌，真係要探一探頭望先見到。舖仔細細，20個座位，裝修白色主調配以暗燈，播埋輕音樂，環境舒服。因為細場地嘅關係，只能輕聲談話，大聲講就會好嘈。侍應熱情招待，亦細心講解點餐，似乎係一家人去營運間店，兩三個人包辦落單、執枱、送餐，唔好期待集團式嘅服務。無一人套餐，只能單點叫。單點披薩只提供12吋大，幻想唔到一個人點食。店姨姨貼心介紹可以兩款味混合一個批，就點咗夏威夷風情同紅魔鬼，忍唔住口點多一客水牛城雞翼。即叫即整嘅關係所以等咗十分鐘左右先上雞翼。一客8隻，幾個人分食適合啲。端到上枱，有陣香香地炸物味，色澤還好，希望擺盤落多少少功夫。每隻雞翼都焗炸到深金黃色，配埋個水牛城醬，咬落去第一啖係脆炸口感，再咬嫩嫩雞肉，尚有保存肉汁，水牛城汁醬係偏酸帶輕微辣及甜，辣味又唔會蓋過晒，只係小小哋開胃感，似辣椒仔醬嗰種。另一啖點埋跟盤嘅沙律醬，又唔同風味，個酸酸感覺又再醒神咗！不過要留肚食披薩，否則會食半碟。隔多十分鐘左右，送上期待嘅雙併披薩！望到個12吋批，真係呆一呆，但食指已經按挎不住，芝士味十分香。先試咗夏威夷風情，批底好薄，厚度似厚切薯片左右，上
無一人套餐，只能單點叫。單點披薩只提供12吋大，幻想唔到一個人點食。店姨姨貼心介紹可以兩款味混合一個批，就點咗夏威夷風情同紅魔鬼，忍唔住口點多一客水牛城雞翼。
即叫即整嘅關係所以等咗十分鐘左右先上雞翼。一客8隻，幾個人分食適合啲。端到上枱，有陣香香地炸物味，色澤還好，希望擺盤落多少少功夫。每隻雞翼都焗炸到深金黃色，配埋個水牛城醬，咬落去第一啖係脆炸口感，再咬嫩嫩雞肉，尚有保存肉汁，水牛城汁醬係偏酸帶輕微辣及甜，辣味又唔會蓋過晒，只係小小哋開胃感，似辣椒仔醬嗰種。另一啖點埋跟盤嘅沙律醬，又唔同風味，個酸酸感覺又再醒神咗！不過要留肚食披薩，否則會食半碟。
隔多十分鐘左右，送上期待嘅雙併披薩！望到個12吋批，真係呆一呆，但食指已經按挎不住，芝士味十分香。先試咗夏威夷風情，批底好薄，厚度似厚切薯片左右，上手暖暖的。咬落去，批底係脆、有咬勁，唔係一團腍糍糍麵粉，加埋茄醬、流流哋芝士同酸甜菠蘿，好食！咬完一啖又一啖，既有菠蘿又有火腿及甜椒，足料無呃人。咬到批邊，本身仲猶豫食唔食好，怕太乾身又太飽，忍唔住咬埋去，發覺個面仲係脆，口感有啲似英式鬆餅嘅煙韌。唔知師父用咗幾多種面粉同時間發酵？
食完一隻味試埋另一隻紅魔鬼，見到有辣椒，好驚會噴火式嘅辣度。焗到半脆口嘅辣肉腸配埋茄醬、芝士，未入口口水流。一咬三重口感，既有小小過口癮辣味，又有茄醬嘅酸甜味，後勁嘅奶香暖綿芝士，讚啊！
一個人點食都食唔到一個12吋批，所以惟有打包返屋企。除咗提供餐盒，店員超級好提示翻熱食唔使翻入焗爐，避免太乾身，著我用煎Pam 烘一烘翻熱就可以啦。希望下次可以再試其他美食呢。
整體嚟講，呢個價錢有呢個喜出望外嘅味道，相對返個份量係超值嘅！雀仔胃嘅女仔，同雀仔胃姐妹嚟，一個批加小食應該夠；如果同正常食量朋友，就可能搭多個飯/粉。
张贴
