Pizza Piazza (已結業)

去到荔枝角，想食程班長，但人山人海，無奈之下搵下其他野食。估唔到發現左呢間手工pizza，試試佢又竟然有意想不到既驚喜。臨近聖誕，餐廳都佈置好晒，坐落感觀環境都唔錯👍🏻。仲有晚市套餐嫁！不過本來只想食小小野，所以今日都係唔好咁貪心，haha。話明手工pizza，呢個就一定要試啦，叫左個夏威夷pizza，有菠蘿、紅黃椒、火腿、芝士、配料都算足夠。特別一題一定係佢個餅底，餅底果然有驚喜，同平時大型連鎖店唔同，佢呢個餅底就煙un d有咬口d，個人都幾鐘意。此外，佢地亦明顯用上欖油，食落都比較健康。然後就叫左個忌廉煙肉手工意粉。呢度除左pizza係手工，意粉都係手工嫁！意粉同樣地，比較有咬口，配上餐廳特制既忌廉汁，個人就好鐘意個汁，夠晒香又夠濃郁，唔錯。飲品上就試左佢地既奶昔，花生醬香蕉奶昔，我睇住佢地即叫即製，香蕉仲好新鮮，仲有細細粒既花生碎同花生醬味，鐘意花生醬既你，一定要試試佢。最後埋單都係合理範圍，食得出每一樣都係手工製作，支持小店。整體而言，環境、服務、食品都算唔錯。