Parkview (新城市廣場一期)

营业中

休息中

門面比較光鮮，標靶用A1的麵包。餐前麵包我選擇了法式軟包配黑醋初榨橄欖油，這個麵包很普通，也很鬆軟，初榨橄欖油和黑醋就更加普通了友人另外一個餐前麵包選擇了種子麵包和羅勒醬，好欣賞羅勒醬，味道清新；麵包內裡鬆軟，外面有粒粒的不同種子，很健康也很好味道。這個鮮榨橙子還有粒粒橙肉在裡面，味道ok！！溫泉蛋生熟程度剛剛好，配合carbonara芝士，其實我覺得這個意粉很普通，味道、食物各方面都很普通，不過不失，後悔選擇這個意粉。很普通的蔬菜吞拿魚沙拉，加上沙拉醬、。雜菜湯，很普通。海鮮焗飯配番茄汁，用料還算豐富，包括青口、魷魚、帶子，飯粒分明，醬汁夠豐富，給滿分！

自從自由行進駐沙田以黎，價錢同食物質素越黎越成反比，價錢只識不斷咁加，但食物質素就越黎越求其！以前$100有找食個扒餐既日子當然一去不復返，但點都冇諗過可以求其成咁！是日係裝修後第一次幫襯，老實講的確比以前光猛、空間感大左。但同時枱與枱之間亦都相對密左，呢方面喺寸金尺土既香港我絕對明白亦都理解。餐飽︰麵飽可以話係呢度既「鎮店之寶」。同以前好generous咁俾一細籃麵飽相比，現在只可以喺六款麵飽裏面選擇一款。無可否認，喺通脹既情況下作出咁既安排確係情有可原。最特別既係佢「整色整水」，可以有六種唔同既sauce可以選擇，包括最大路既牛油或者其他好似Olive Oil同埋Tomato Sauce，以幾廿蚊個餐黎講有咁既安排都算係比較少見。雖然quantity係少左，但quality方面依然維持到昔日A-1既水平，依然係軟淋淋咁鬆軟，有入口即溶既感覺咁。唔知點解就算喺對面麵包舖買返屋企自己整都做唔到果種感覺，絕對係必試之選！餐湯方面既雜菜湯相對比較失色，毫無特別地方可言。D料少到乜咁只係得幾片細細既蔬菜。雖然係咁，但都勉強飲到少少基本雜菜湯應有既味道，唔似坊間一般將貨就價「from conc

捐血後想到排頭村吃晚飯，事前沒好好準備，原來那餐廳在新春期間休息，我們唯有返回人山人海的新城市廣場。所有餐廳外都有很多人在等候，我們先在七樓等了一會，忽然在廣告板上看到商場提供一個App，可以瀏覽大部分餐廳的等候狀況，於是我們便決定透過手機，輪候數間有興趣光顧的餐廳，結果最快(大概也等了半小時)有位的是Parkview。入坐後侍應說用餐限時九十分鐘，難怪他們比旁邊的Pizza Express快有位喇！看看餐牌，選擇足夠，價錢合理，加錢可以令單點的主菜變成一個餐，我們都加了$35升級加配三項食物。我們吃了～是日餐湯：侍應沒有問要紅湯或白湯，相信是日餐湯只有這款羅宋湯。味道尚可，隱約有些辣味，湯內亦有一些蔬菜。是日沙律：除了爽口的生菜，沙律上還有不少吞拿魚、粟米，感覺足料。麵包：麵包放在一塊木板上，賣相不錯，質素也很好，絕對不會硬邦邦，入口香軟。鐵板芝士蘑菇牛肉漢堡飯伴煎蛋($98)：侍應提醒我們小心鐵板燙手，好奇的我馬上摸一摸，噢，根本不熱呀！把那燒烤汁倒到鐵板內，完全沒有冒煙或發出「滋滋」聲，薯角亦不夠香脆，令我失望。幸好整體味道不過不失，漢堡厚度適中，很適合拌飯；那煎蛋看似普通，但仍

沙田的假日, 真係好多人下午茶時段，約等位30mins麵包由A1-Bakery供貨, 所以試香蕉朱古力雪糕多士，其實係厚多士，牛油味好香！賣相好得，令人好開心！自己比較唔鐘意雪糕直接放在多士上令到麵包淋晒。。。老公選擇burger+薯條，burger有豐富肉汁，薯條係粗薯，大愛餐飲我地選擇橙汁，係果汁先生。不錯

瞥見餐牌上寫著，麵包由A1-Bakery供貨，心想主菜也應該有以前英王的質素吧。而且，此店竟敢大喇喇地開在Pokka Cafe對面，裝潢路線也極為近似，挑機味甚濃。滿以為它的自信，來自於實力。可是不幸地，我們中伏了。餐湯那綠豆湯，像是加了鹽的綠豆沙（還要是煲得未夠火候那種），多士粒已浸得糊糊的，很倒人胃口。明顯，由廚房盛湯到出菜的過程，時間待得太久。估計是一大批地盛湯，再慢慢出菜所致。為免太冒險，點了西冷牛扒，心想要把牛扒煮得難食，也是很困難的事吧。噢～～～原來還真有如此高明的廚師。西冷扒毫無牛味、是成語「味同嚼蠟」的現實版本。虧點菜時那侍應還問我要五成熟、七成熟還是全熟（我點了Medium）。可是，這片薄薄的西冷端到我面前時，卻幾近全熟。薄切的西冷，火候很考工夫啊，不如入些厚切一點的貨，面積少一點的，以避免廚房看火能耐不足的問題吧。太太不怕死，點了燒春雞，結果就是出事了。肉無雞味、死鞋死實，連鎖快餐店的燒春雞水平也未及。而且在用主菜期間，侍應多次想來收碟（是收我們在吃的、那隻主菜的大碟，以及我擱在旁邊，隨餐隨用的麵包碟），是太「檯如輪轉」，要趕客嗎？但空桌明明還有很多啊。點了不知名的

話說路過, 3.3 下午茶好餓要食少少野 茶黎講係比倒茶餐廳茶味, 凍奶茶 is NOT BAD! Carbonara 不要 expect 好好食,  spaghetti 明顯 overcooked, 林晒, no good但勝在料多, 汁 creamy but average呢個真係 ok, 下午茶飲啖茶食件三文治真係 jengs包烘好後脆, 包又軟熟, 料算係咁 有ham cheese lettuce fried egg, 但 lettuce 麻麻, 可以 fresh d 碎 d. 勝在夠平, 夠 casual, 茶好味, 下午茶 very nice 文ey for valueness: 7/10

素菇意粉, 喜出望外@Parkview Restaurant沙田沙田正街18號新城市廣場一期1樓117號舖MAIN MENU叫15-30 號的食身已連一杯飲料(COFFEE/TEA)主菜可以加$18 升級特飲加$1 2就加沙律, 湯,甜品, 薯條 其中一項定價便宜,二人等了15分鐘才拿到位煙三文魚伴南瓜飯有機糙米飯加入了南瓜的原因,嚐到有點南瓜引申出的甜味而顏色也是黃黃橙橙的除了有一塊塊切細了的南瓜粒外更添加了磨菇片哦南瓜粒沒有充分煮透, 略為厚身不夠粉嫩很小氣只有極少價錢貴的三文魚碎南瓜三文魚原來是不合襯的,找不到平衡為配色而勉強加的火箭菜太苦啦牛肝菌磨菇汁意粉全菇類卻不令人覺得悶及單調沒有了磨菇獨有而可怕的草腥意粉陣牙爽口, 在口中間仍有少許硬朗而爽直灑再上面的芝士碎增加了芝香拾當好處, 簡單而有極致的發揮I LOVE IT~

其實睇食評都驚驚地，好彩結果係食完都可以笑住走是日5人共lunch, menu 都好多款選：）and english breakfast新嘢喎~~~首先有甘荀忌廉湯或雞蛋雜菜沙律選！of coz salad! 算新鮮，不過個底有D水水地，應該fing水未夠，令芝麻沙律汁都少少水水的ˊ_>ˋ加埋餐包係小法包：）A1 面包實無死不過油左D，手上會有油。主菜我要了蝦燴飯，味道ok+夠熱!飯料有3色椒，磨菇，好易入口，好開胃：）P.S 見旁邊的客的藍青口意粉都好吸引，下次想試....仲有個portobello burger 都想試，哈哈哈....為食鬼！

Lunch menu都有好多choice，有沙律…漢堡包薯條…意粉…扒類…同事鍾意食蜆，叫左藍青口鮮蜆白草醬意粉.我叫火箭菜牛油果卡邦尼意粉，呢個係廚師推介，見到好多枱客都有叫，應該品質有d保證.餐包係暖嘅.有一款我認得，係AOne嘅奶油軟包，好味另一款包好特別，入口好香紅茶味前菜係三文魚沙律，亦可以轉雜菜湯牛油果卡邦尼意粉汁味好濃，煙肉多，整體對我嚟講稍咸…青口鮮蜆意粉，一上枱就好香，應該係用白酒煮過所以咁香，同事嫌味道較淡，但我又覺得啱啱好；藍青口同蜆都算足料，唔係急凍貨色至於環境服務…繁忙時間都算都okay。都唔少人食烤蝦蕃茄燴飯，睇落幾惹味，下次可以試試

今日同屋企人去下午茶 叫左1號餐 係芝士火腿多士 睇餐牌個圖好吸引 果然黎到都冇令我失望個多士焗得好脆 但又吾乾 內脆外軟 好正 上面d火腿幾厚 食得出吾係超級市場嗰隻同埋係好熱 應該係即刻焗嘅 火腿上面d芝士焗到有少少焦好香 同埋好多好滑 個餐仲包野飲 飲品叫左特飲strawberry lemonade 一般 似利賓立

札根沙田二十多年的Parkview，我細細個由A1年代已經開始食起，特別有情意結！自從自由行進駐新城市廣場以來，更不斷見証Set Lunch價格創新高！雖然係咁，但品質總算仍然維持得到，絕對無欺騙觀眾！餐飽一如以往，仍然係超乎水準之作。麵飽上枱既時候香氣四溢不特止，入口既感覺重十分鬆軟。由於仍然有少少微溫既關係，當飽同牛油混合埋一齊既時候果種感覺真係好正，絕對唔係一般ABC餐之流！就算我食完去對面A1麵飽店買返一模一樣既飽返屋企整返熱都食唔返果種味道！雜菜湯方面略為甜左少少，但蕃茄既味道卻略嫌不足。另外，份量方面亦都比較偏細，大食如我既男士可能有少少「到喉唔到肺」既感覺。雖然係咁，裏面既料亦都算係好足，蔬菜同紅蘿白爽口之餘亦都冇太腍既感覺，算係交足功課。英式早餐非常特別，好少喺西餐廳Set Lunch時段食到。不過老實講，唔計個雜菜沙律其實只有半碟係早餐，但豬肉腸同埋煙肉都總算跟足傳同英式方法去煎。雖然較油，但反而可以因為咁食得出正宗英式既感覺。太陽蛋同蕃茄就一般啦，始終餐廳如果連呢兩樣野都做唔好真係唔可以接受。唯一要批評既係蘑菇稍為過淡，我相信廚師應該係將佢地放落水淥熟到七七八八再落

食慣川菜和茶餐廳，甚少幫襯西餐。今天心血來潮，一個人行街，決定試下西餐 。大概中午十二點多，在沙田parkview門口，見外面擺設的display有牛扒和卡邦尼意粉，賣相不錯！大概還早，尚未有人等位。一個侍應侍招呼我入去，主動話俾我聽，今天的餐湯有二種：蕃茄雜菜湯和甘荀忌廉湯，另外，還可以選三文魚沙律。我睇過午餐牌，選擇雖然不多，只有十個套餐，但也不錯，有粉,有煎三文魚，有漢堡牛油飯等。我要了份卡邦尼意粉和菜湯，加十元可以配埋三文魚沙律。很快，上了面包和湯。面包好軟好香！叫牛油排包。餐包是自制，仲有三款选擇。飲完湯食完包已半飽了。卡邦尼意粉也剛好送到。聞到好香，睇落賣相也不錯！食一啖，嗯，又滑又爽又香！意粉里加了蛋白，因此較滑，里面還有蘑菇.煙肉碎，火腿配忌廉汁。正！呢餐沒有擇錯餐廳和食物！餐廳開放式，中間有一排綠色植物和碎花，睇上去較清悠，舒適。環境唔錯！服務也行,因為冷氣大而涷，要求滾水，侍應也笑笑口幫我換。

3月29日同朋友去了沙田行街,先去食個tea,沙田真係好多人,周圍都要等位,本來我地去了另外一間餐廳的,因為見有下午茶,但係原來假期冇,仕應態度又唔多好,散叫又唔抵,所以我地走左,嚟左呢間,見有幾多人等位,我諗ok卦,問左仕應是否有下午茶先等,等左10分鐘左右就有位,都唔係好耐.其實係問口已經睇左食咩,入到去就叫啦,叫左一個carbonara及一個公司三文治一齊食,我飲奶茶,朋友飲蒸溜咖啡,等左唔係好耐就嚟啦,先嚟意粉,份量ok,唔算細碟,熱辣辣香噴噴呀,都幾好味,雖然意粉唔算好彈牙爽口,但係個醬汁配撘都幾好,好重忌廉味,有些火腿絲,洋蔥粒等.所以都好香.飲品,奶茶係一壼上的,自己沖,茶味唔夠濃,可能我唔識沖. 朋友的咖啡ok.另一個公司三文治,係麥包做的,不過沒有烘底,朋友初初話冇烘底都擔心唔好食,不過食落去味道都幾好,都好足料的,有雞蛋,火腿,芝士,煙肉,青瓜.....有四件的,幾好味及健康的感覺.我覺得食物及服務都ok呀,唔明點解咁多劣評.

星期六中午，與朋友到沙田食飯，商場人滿為患，食肆這一層沒有想象中多人，但每一間也有小人龍(薄餅店除外)。朋友想食西餐，見這間是套餐，價錢可以，拿飛等位。等了約十分鐘，我們就座下，比想象中快。我們點了凱撒沙律，咖喱羊肉配薄餅和墨魚汁意粉。麵包很好,蘑菇湯有水準，但其他食物一般，一般的沙律，一般的意大利粉，很硬的薄餅但跟餐的咖啡超水準

行去搵食，見到呢間好似門面唔錯，我哋帶住小朋友又肚餓，所以貪方便唔再揾其他。但裏面待應人手明顯唔夠，而且服務態度亦真係好一般,見到門外有客，有晒眼神接觸+舉手，但都無人表示要我哋等等，只喺店內行來行去。食物等好耐無到，又分別要揾兩次人嚟，先可跟進到食物！叫咗兩個兒童餐，有意粉，漢堡扒，天婦羅蝦，餐湯，果汁&雪糕，睇落賣相ok, 小朋友都話味道ok。另外點咗兩個set lunch,就真係差啦！海膽蛋包飯&雜扒餐。海膽只有一小份，味道怪怪的，蛋包飯內雖然係炒飯，但味道一D都唔香，差！雜扒餐就仲呃秤，只有一條有骨腸，一件細塊又鞋口嘅豬扒，一件迷你漢堡扒，薯條，咁就收$108，仲未計加一喎！有無過份咗D呢？所以以後都唔會再去，同埋真係光顧前先睇open rice食評 !