Parkview (新城市廣場一期)

营业中

休息中

是日又踏單車，晚上當然與朋友吃一頓才回家。由大圍乘港鐵到沙田新城市覓食，來到1樓，食肆雖眾多，但人流也高朋滿座。由於肚子十分餓，所以每間食店也拿了飛等位，看看那間最先能入座，就吃什麼啦!最後來了Parkview，餐牌十分精緻，食物圖片也頗吸引，點了明太子帶子粒意粉、海鮮意粉配龍蝦忌廉汁及烤美國安格斯肉眼牛扒(10安士)，另每個跟也加了$45任選3款食物，包括是日2個餐湯、沙律、薯條及2杯橙汁。每個餐送了A1-Bakery 麵包，選了法式芝士麵包、芝士餐包、鬆軟餐包，而醬汁則點了由店員建議的牛油、蕃茄沙沙醬及橄欖油。3款麵包之中，首推的是法式芝士麵包，內裡芝士甚多而且帶點牛油味，值得推介。先來了跟餐的6款食物，小妹最喜歡是沙律，好爽口，而且吞拿魚好足料，混合沙律醬，味道一絕。炸薯條好脆口，來到時亦夠熱，我們也都相爭來吃，很快便吃完。明太子帶子粒意粉，十分惹味，混合了芝士粉，意粉亦彈牙，惟帶子有點細粒，口感一般。另一海鮮意粉配龍蝦忌廉汁味道不及上述意粉好，醬汁有點鹹，蝦微濃。主菜全晚最好的是烤美國安格斯肉眼牛扒，我們點了10安士那份。雖然只點了5成熟，但剛剛好，肉眼扒入口非常軟淋淋，亦甚少

與好友Winnie相約沙田新城市廣場parkview飲下午茶，星期六都擔心人多等位耐，幸好只是稍等，很快就安排入座！原本兩個人的茶聚，真是越約越高興，茶聚前Winnie告訴我乖女JacqueIine、乖孫熙熙都來，我當然開心啦！與後生女茶聚很難得，Winnie乖孫熙熙的照片在FB見得多，可愛到不得了！自然期待可以見面，到茶聚時太婆伯母又來到，所謂家有一老如有一寶，老人家很壯健精靈，與Winnie四代同堂家庭嘆茶，我也沾染幸福快樂。因為未食午餐，Stella點選焗白汁海鮮飯，飯很香、爽口，海鮮美味，有帶子、青口、魚柳、魷魚圈、蜆、椒絲、洋蒽絲加埋可口白汁，配埋橙汁視覺、嗅覺、感覺、口感、都很滿足。再看看太婆伯母的下午茶很豐富，每片法包都盛載滿滿的食材，雖然我沒嘗試，感覺很誘惑。JacqueIine的西多士伴藍苺和士多啤梨、雪糕，賣相又健康喎！！！一熱一凍在舌尖上的感覺一定來個翻天覆地了！Winnie的台式下午茶，厚麵包盛載香蕉、果仁、朱古力醬、棉花糖,,,,,,看得我口水往心裏流！開心時間過得快，好客的Winnie，多謝你！

Dont expect much from the place for afternoon tea, i rather go to a hotel afternoon tea than this. Service is quite ok, but afternoon tea at 200hkd is cheap when u think that at hotels u usually pay 400hkd and above. From the salty side: my avocado sandwich was not ripe so no taste, the salad was ok but not fresh, the quiche was salty so ok. Sweet side: the cones and croissant were hard like rock so u couldnt really bite or actually cut it. The fruits on the side were not fresh. The top sweet pa

走過沙田的Parkview 餐廳，看見Menu 內容都唔錯，以意式風味菜做主打，配合餐廳簡約設計、價格亦走平民路線。餐廳提供了6款又A1 Bakery 提供的麵包給客人選擇，有軟身牛油包、法包及芝士麵包等！還可以選配牛油、欖油及醋一起食用！麵包上枱時還是帶䁔，感覺都幾新鮮。餐湯點了洋蔥濃湯，味道唔係太濃、幸好入口時羊蔥味道足夠。慢烤雞胸南瓜蔬菜意式燴飯，睇見個名就想食。賣相有點亂，配料足夠，有意大利黃、青瓜、南瓜、松子、椰菜花等！可惜入口雞肉粗嚡又乾身，燴飯南瓜味唔夠，幸好燴飯煮得好腍身，整體味道較淡口。餐廳比較嘈雜、人流亦多、出品一般。上菜速度快，由點莱到上主菜約15分鐘，對於趕時間又唔想去食快餐店一族、是唔錯選擇！

同新相識ge朋友食飯!佢地到先,已經拎左位啦!睇左好耐,最後決定食BURGER!因為佢已經係包,所以唔伯有跟餐ge包送啦xd一眼睇晒!呢個係三文魚burger!薯條數量適中,太少唔夠喉又唔會,太多食唔晒又唔會!點唔點茄汁就任君選擇!我鍾意唔點!個包外層好脆,幾好食!但係三文魚就有D失望啦,比較'EN',同有D'鞋'口...塊三文魚好似唔多靚...都係厚切ge,但係咁比較法似乎係普通牛果D BURGER好食D啦...我覺得有好多餐廳會好食D!環境幾靚!但係好嘈...不過呢樣改善唔到ge!係野食進步啦!!

同媽媽兩個人食下午茶當然系揀食英式下午茶tea set 啦最後去左parkview 食tea set呢個tea set不過不失啦 價錢都算ok既 $138兩位 包兩杯野飲 Tea set主要有兩層既 下面果層系咸既 有唔同口味既sandwich 同scone 加埋一個藍莓jam 上層就系甜品有brownie有生果仲有幾粒macarons整體味道唔算太突出 款式亦都唔算太多 但係勝在唔算好貴 都叫左歎到英式tea啦

因某種原因要去又一城，之後去沙田逛逛，隨意選了這間食晚餐。時間尚早，一去到就有位。選主菜可加包括飲品，沙律，湯，等等，選擇幾款有唔同價錢，我們二人選了三款加$35。湯忘記影相，是紅湯，都是一般飲開的味道，只不過多了少少蘑菇。是日沙律是吞拿魚沙律，吞拿魚加了些黑椒粒，加埋雜菜，好食。菠菜薯餅：熱辣辣，表面炸得好脆，入面菠菜薯蓉，正。黑松露雜菌濃牛肉汁扁意粉：汁好濃，好味，但掩蓋了黑松露香味，覺得不需要加黑松露。一般雜菌都是三至四種，但這雜菌有六至七種，好足料，值得推介。明太子粉團意粉：初試粉團意粉，口感實在麻麻，而且越食越“溜”。明太子加白汁味道可以，如果是意粉會好些。餐包：餐包漏上，上了主菜，同待應講才上。不得不說，最特別是餐包有六款選擇，醬亦有五款選擇。選了兩款有芝士的，表面見到有芝士的，好食，芝士味濃些，煙韌。另一款味道普通。

大前日(1-10-2014 Wed)同男友行完鹽田仔回程,諗去邊o度,男友話去沙田市中心行吓食吓,啊,我o地o黎到沙田市中心都好早,大概係6:15pm吧,由於全日都好熱我o地好攰,行完睇完就決定試呢間.o係外面睇menu,見到話會供應A1 o既麵包,唔通呢間又係A1集團o既?我o地入去自己坐低後,即刻有人招呼o勒,睇menu我要$82.00o既烤三文魚漢堡包配青芥末沙律醬伴薯條,男友要$80.00o既慢烤雞胸南瓜蔬菜意式燴飯,加$15.00要是日餐湯.是日餐湯係洋蔥湯,而好似話叫呢啲飯,可以o係A1六種餐包中揀一個同醬,我揀種子麵包,男友就揀唔知咩魚醋橄欖油.冇耐,種子麵包同唔知咩魚醋橄欖油到o黎,個麵包烘返好熱,好鬆軟,個魚醋橄欖油好醋,而且好少,我o地蘸o左一次後就冇晒. 好快,洋蔥湯到o黎,睇見佢好深色,飲落,同樣好熱,味道濃郁,唔錯.7分鐘後,烤三文魚漢堡包配青芥末沙律醬伴薯條到o黎,賣相幾好,男友將佢切開一半,睇見三文魚肉碎內伴o左好多o野,由於我唔用手拎o黎食,所以只好層層食, 漢堡包滲入o左油份,變得冇咁乾,三文魚漢堡味道適中,沙律落得o岩o岩好,不過唔多食得出青芥末味

係呢間餐廳到，每款午餐都會配一客包，餐湯或者沙律，同一客飲品。餐包方面我今次揀左種子麵包，個醬就揀左自家製蕃茄沙沙醬，麵包好鬆軟，而個醬就好特別。至於個雜菜湯就無咩特別，有少少淡，無咩料咁，但都算係飲得咁。主菜我揀左英式早餐，呢個早餐有腸仔，煙肉，蕃茄，蘑菇，蛋，焗豆同沙律，沙律用既汁係麻醬，其實唔係好英式，但腸仔同煙肉都係用傳統英式方法去煎，可惜蘑菇既煮法有少少奇怪，似係白烚完再落鑊炒兩幾，味道比較淡。太陽蛋同蕃茄就無咩特別。至於茄汁豆，好明顯就係開完罐頭直接倒落個兜到，完全無REHEAT過，有少少失望，因為太唔英式啦。最後配左杯熱咖啡，襯到絕。

本來都唔係好想再來食，之前食過兩次麻麻地，但男友話好想食西餐，唯有放棄食日本菜啦。點知食到我一肚火，忍唔住要上嚟分享下。話說今日本人冇乜胃口，就揀個三文魚扒食啦，無記錯係單價$138，配飲品，沙律，湯，甜品另計。咁我落單時加一句“三文魚唔好咁熟”。轉頭有個可能係女經理既人走埋嚟話唔好意思，三文魚唔可以唔熟，呢度唔係食剌身果種三文魚。咁我唯有將就下，咁就改啱啱好熟（即係well done啦），點知佢又話唔得，話唔熟俾客食驚會腸胃不適。（我心諗唔通你d材料唔新鮮既）我真係俾佢吹脹，係佢聽唔明廣東話定係俾百幾蚊入黎，係一定只俾到overcooked既三文魚你食呢？（食蒸魚啱啱好熟同蒸過火都係兩回事啦）佢仲話不如俾本menu我睇下洗唔洗揀過另一樣。我真係俾佢激到我都無晒胃口，同佢講是但，照樣係三文魚算（我就睇下你可以煮到有幾老）。三文魚嚟到一食就知咩事，三文魚無咩味，又冇鹽味，又老仲要腥既。唔怪得唔可以唔熟晒啦，原來係唔新鮮。最諷刺係男友食果個意大利飯，d帶子好鬼生，又話海鮮唔熟唔得既 。真係冇下次，blacklisted

30-05-2014同豬仔響沙田諗住玩冒險樂園 （點知去到先知裝修緊。。。。）午餐我揀左依度食，因為我一眼就睇中左個英式早餐門口有服務員安排入座，我地坐普通方台飲既水係暖既檸檬味既水，有誠意跟住就點單，我揀左英式早餐$68豬仔就揀左 脆烤美國豬扒配香蒜牛油汁$158每款午餐同配一客包，紅湯或者時日沙律任揀一種，一客飲品我揀左法包，豬仔揀鬆軟法包英式早餐入面既沙律用既汁係麻醬，燒蕃茄微酸服務員落單時會問隻蛋要熟定生，我食唔哂，可能我胃細，其實女仔食一定夠食脆烤豬扒我食左一切件，真係好脆口，而且肉幾厚質量好(*´ｪ`*）餐配一杯飲品豬仔飲橙汁而我就飲檸茶檸茶係茶包埋單$224整體味道不錯(￣∇￣)略嫌食食下有時會有d 烏英仔飛過但就咁望環境坐位都算舒適下次試下個英式下午茶先( ´▽` )ﾉ

今晚想食pasta, 睇嚟睇去, 好多餐廳都接近$200, 唔係咁值. 揾到呢間唔太貴又未食過的, 便入內一試.布里歐修 (Brioche) 配 牛油 (跟pasta免費)Sauce可以揀特級初榨橄欖油 / 自家製蕃茄沙沙醬 / 自家製蘿勒青醬 / 牛油. 諗諗吓都係揀個最簡單的牛油. 個包又軟又熱, 牛油遇上它, 即溶.西班牙汽酒 (+$28)還是喜歡西班牙餐廳飲到的sangria. 味道是可以的, 如果可以大杯D就更好 海鮮意粉配龍蝦忌廉汁 ($92)真係妹仔大過主人婆, 成碟pasta真係料多過意粉. 海鮮有龍蝦, 蝦, 魚柳, 青口, 蜆等. 龍蝦雖然唔大隻, 但至少真係有肉食, 意粉份量唔多, 好啱feel.

星期日lunch time要等半個鐘先有入座~ 已經選好兩個set: 黑松露雜菌xx燴飯 (唔記得全名是甚麼) & 漢堡拼薯條, 每個set跟餐湯(雜菌湯, 好濃郁) , 一個熱辣辣的餐包, 我們要了種子包 & 洋蔥包, 都好好味! 仲有咖啡或茶或橙汁~ 加埋一都係$180, 抵! 黑松露好香, 個汁好creamy! 漢堡有塊煙肉, 惹味! 整體好滿意, 可以遲d試埋佢其他lunch set~

是日J先生提意入沙田, 都有個多月沒有到新城市廣場逛逛!新城市廣場地下, 多了數間新食店...PARKVIEW 屬於 A1 BAKERY 集團TEA MENUENGLISH AFTERNOON TEA SET MENUJ先生不想食 ENGLISH AFTERNOON TEA SET,唯有下次才試焗海鮮飯 (蕃茄或忌廉汁) $70送上枱時, 已經聞到陣陣的忌廉汁, 好香!可能是下午茶餐, 飯份量偏少了些!正宗美式牛肉漢堡包伴薯條 $70好有牛肉味漢堡扒, 再配上生菜, 芝士, 煙肉! 好豐富!配飲品: 咖啡/茶/橙汁PARKVIEW 總結: 值得一試!

想食西式，黎左呢度，好多人等位呀！一邊等一邊睇定餐牌先，午市set lunch包餐湯，餐包，沙律同飲品，又唔算好貴喎。是日餐湯南瓜湯，甜甜地又濃度適中，易入口，唯麵包糠只有一粒姑寒左啲喎。沙律，一般雜菜加黑醋，無特別。餐包要左種子同芝士，鬆軟香口。主菜之一，焗海鮮意粉，料唔多，茄汁有點酸，都ok嘅。主菜二，全日早餐，煙肉腸仔都係大眾貨式，蛋有點老，菜只是大量西生菜，而蘑菇只是一顆切粒，味道都幾好，而且呢度收費六十幾，比其他地方嘅早餐便宜一點，都收貨啦。凍檸茶，又係無驚喜之作。