Parkview (新城市廣場一期)

营业中

休息中

今日難得可以返晏。。。同男朋友撐下枱腳先。。。因為沙田區返工。。。所以就去左新城市食。。。系門口見到環境同餐牌都覺得可以一試。。。 前菜我地選左一湯一個沙律。。。湯同沙律都唔錯。。A1麵包系出色ge.......不過主食就好唔得啊。。我選左慢烤雞胸南瓜飯 -個南瓜汁都好creamy...啲意式茄子都好新鮮下。。。不過去到主食。。雞胸好（鞋）有騷味，最令我失望系新城市呢啲高檔商場。。估唔到系用罐頭菇。。。呢個本人唔系好接受到 男朋友叫了蜆肉意粉 目測個意粉發脹西，白烚咁。。。賣相已經唔系好得。。。食落第一啖。。。個粉好冧冇味。。啲蜆冇味仲要有沙。。。到底系我要求高。。。定系。。佢質素差呢？

劣食由一開始個湯就好唔店個洋蔥湯 好大陣味精味 又咸 更加唔好提的喳 好梅……飲左兩啖就放棄叫左兩個法式軟包 with sour cream 只可以講普普通通 但包既外邊冇我想像中軟熟 海鮮雜燴飯 飯都唔熱就夠失望喇 連的海鮮都好似像筋咁 咬都咬唔開 的青口同蝦又腥又有我梅 德國 豬手 配薯條外邊就夠脆…可惜入面都唔夠熱 好失望 感覺好似 放左好耐再整熱返 肉又唔係多 不過都夠一個人食既 薯條就夠熱辣辣

假日總會想過得休閒一點，就連夜晚都想慢慢食，同朋友坐低落黎慢慢傾，就好隨意咁揀左呢間餐廳，格調舒適款式選擇都多 點了 海鮮蕃茄意粉，雞胸南瓜飯，另加頭盤沙律面包選擇了法式芝士包配忌廉芝士 一上枱，我嘅面包夾到變型，有dd失望，但味道不錯，表層芝士烘得香香的，配上忌廉芝士，外脆肉軟，雙重芝士香，雙重芝味享受沙律汁調配不錯，清新開胃，加上三文魚更加覺得抵食 海鮮蕃茄意粉意粉煮得不會太腍，海鮮料也挺足，醬汁不會過酸， 食落剛好雞胸肉南瓜飯雞肉烤得有點老身，但挺健康，不會太油膩，幾干身，南瓜飯 幾creamy ，味道不錯，係健康選擇之餘，都好飽肚，好岩女仔餐廳環境舒適寧靜，令人感覺舒服，可以坐底閒聊，服務有禮周到，放工假日好選擇

農曆新年將至，放假心情越來越濃，可惜仍然要做埋手頭上工作。是日來到沙田，就順道食個午後吧。雖然 Parkview 並不是第一次來，但是卻有新的午餐，不如再食過。手上只有午餐牌，飲品餐牌和麵包的餐牌，只可從中選擇其中一款午餐和麵包，以及一款醬料吧。餐湯為洋蔥湯，茶色的湯底，不單有洋基的味道，還有內附有牛肉的味道，使湯頭不會那麼的簡單。整個湯頭，其實味道幾濃的。餐包是意大利香草包，配以羅勒青醬汁。麵包本身已具有香草的味道，再加上羅勒，使麵包的香味更濃厚，入口時，不僅鬆軟，兼且擁有濃烈的香味。吉列豬扒漢堡配薯條。今次漢堡包配上吉列豬扒，可謂是日式做法，不配芝麻包，卻換上麥包，加上生菜在豬扒上。入口麵包鬆軟，但是吉列豬扒外層麵包糠卻炸得較硬略脆，反而豬扒則炸得鬆軟。今次洋蔥及青瓜沒放進漢堡包裡，反而一反常態，當作配菜般放在碟上。每次吃漢堡包，總會配上薯條的，這也不例外。薯條還是炸得外脆內軟吧。一杯熱咖啡，作為今餐的餐飲，也為今餐劃上句號。整體都 OK，不過不失，只是吉列豬扒仍有進步的空間，還望不要做得太硬。

今日天寒地凍…真係唔想出街…奈何朋友爛玩...終於磨爛蓆到11點先出黎開飯…簡簡單單叫左個set lunch...呢度幾特別...連包包都有得自選...皆因呢度係A1-bakery集團cafe...係cafe對面就係麵包舖...食過既人都知質量有保證吧...蘑菇湯都好唔錯...真材實料...另外加左個健康沙律...新鮮夠凍...凍凍地無中式煲仔飯...就選個西式焗飯啦...海鮮飯有得選茄汁或白汁...我選左開胃既茄汁...有汁撈飯就最好味...海鮮量適中...飯唔會太軟...唯唔夠熱辣辣...朋友係食肉獸...例牌叫扒...今次選左香草焗美國有骨豬扒...初初以為豬扒燶左...原來圍繞住豬扒既係黃芥辣醬黎...香口而唔辣...造型靚靚之餘...又可以阻隔焗過火...令到豬扒熟哂又唔會好乾身...餐飲都係普通既檸茶咖啡...特別之處係咖啡奶超香甜...好似我呢d愛奶味之人...忍唔住要添多dd奶呢...齋飲奶仲好味過溝落咖啡度呢...>,<

前兩日見完客去到新城市廣場，見到“Parkview”有我最鍾意嘅松葉蟹爪海膽醬意粉，所以order左一份。松葉蟹肉好鮮甜，富口感，彈牙，而海膽味甚濃，唔腥，配埋意粉簡直完美配塔，不過意粉仲差少少，有D硬，但整體都okay，可以一試

逛過沙田 吃個晚餐時間有點夜 所以沒有人排隊看看餐牌 及環境都ok 就入去嚐嚐味道兩個人食飯唔想諗食咩 就叫左個二人餐啦頭盤 自選包 也蠻吸引今次點了意式軟包和鬆軟餐包還可以自選醬料意式軟包 本身已有味道而鬆軟包真的很鬆軟 配上芝士 好味！ 另外可以要湯或 沙拉沙拉的菜 蠻新鮮 如果多番d沙拉醬就更好主菜黎啦！:鵝肝 牛仔面份量適中 好多牛仔面肉但味道有點騷 而肉的下面有薯蓉配搭肉一併吃 可以趕走一點騷味第二道主菜: 牛肝菌芝士寛條麵份量不錯 多材料多菇 寬條麵軟硬適中 上面兩塊芝士大塊弄碎混入麵中一齊食 好味！餐飲除了咖啡奶茶 仲有d特別茶款我試左 伯爵茶上餐時 被這茶杯吸引住好靚 好似置身於英國high tea咁或許我唔飲慣 覺得香精味很重…最後 指定甜品上場 芝麻 雪糕 (想不到連味道也是指定的）個人不太喜歡吃芝麻味但這雪糕芝麻味不太濃 都算ok今餐 整體黎講 沒有太大要求 也不錯

根據過往的經驗，門口大排長龍的餐廳一般不會難吃，於是乖乖取票等候入座，幸好很多人拿票之後就走了，所以最後等了15分鐘。作為午餐，食物的價錢都算頗高。落單後沒多久，就送上自選餐包 - 法式芝士包，鬆軟餐包，意式軟包。我選的是芝士包，溫度微熱，第一次吃餐包要用韌字去形容，打算用手撕開一小塊點餐湯都顯得十分困難，芝士味很淡，包心也不鬆軟。羅宋湯大量蔬菜熬製而成，味道酸酸辣辣，很開胃。美國安格斯西冷牛扒 - $168火候明顯過老，牛味一般，非常有咬口，因為很韌很韌。蜆肉菠菜意粉 - $82意粉煮至乾身，軟硬適中，菠菜汁的味道不太出眾，同普通的意粉相差無幾，只是一般的水平。松露帶子燴飯 - $92珍珠米口感十足，加入多款蔬菜，顯得很清新很豐富。燴飯的醬汁應該是濃稠，吃下去非常Creamy，這個燴飯卻很水狀，大半部分浸於水中。失敗！橙汁 & 凍檸茶橙汁酸酸甜甜，很開胃。但朋友的凍檸茶淡如凍檸水，沒有茶味可言。這個的價錢換來這樣的質素，不值~加上服務態度奇差，一副嫌你阻住的面口，就算舉手示意埋單，侍應一副啤一啤你的眼神代替了說話的OK，原來現在先進到以眼神作為交流，我實在太Out了....

中秋正日, 一行二人到了沙田準備食個早一點的晚飯, 然後到沙田中央公園賞燈! 於是5點45分就找地方食飯, 看見這家餐廳還有很多空間, 而且有西班牙海鮮飯, 就來試試。不知是否中秋正日的關係, 即使5時多坐下也要個半鐘交枱... 假期正日便算吧...這家餐廳是A1 Bakery的, 對面店就正好是A1 Bakery, 所以點餐都會附有A1 Bakery的麪包。點餐是這樣的：先選一道主菜, 有扒, 有飯, 有意粉 (但我嫌沒有pizza...), 之後可以就每個主菜加$35配兩項side dish或餐飲, 加$45就配三項。點餐時要點餐包 (不用額外加錢的), 要選包款和醬汁。我倆點了：藍青口蘆筍燴飯伴龍蝦忌廉汁 $86 + $35 (配炸薯條 + 餐飲)松葉蟹爪海膽醬意粉 $108 + 35 (是日沙律 + 餐飲)餐包：法包配Basil青汁, 芝士法包配西班牙汁(竟然到點餐才發現沒有西班牙海鮮飯.... )先來餐包, 我點的是最plane的法包, 清清淡淡, 又可以試出麪包的真味。包焗得很脆, 上枱時還是很熱的, 點一些青汁 (就是basil加橄欖油), 清新開胃。(說明一下, 另一個

近期和好友們相聚聊天都喜歡選parkview,喜歡光線充足一點不會越吹水…越眼訓這次點了三個下午茶餐公司三文治配薯條基本這個都是非常安全的選擇不會差到那！這個也一樣…好看也好吃士多啤利厚pancake這個期待越大…失望更大期待是一個鬆軟，綿密，有蛋香的pancake結果是一個像焗壞了…很乾的變凍厚蛋糕片真心失望了香蕉朱古力厚多士可能經歷了剛剛的失望這個好太多太多麵包酥酥的…微暖…配上雪糕正！

難得有家庭聚會，5個人一齊黎PARKVIEW 食LUNCH。呢間餐廳開左廿幾年架啦，我由A1年代食起架啦，20幾年黎見住佢不斷加價，但係仲越來越多人黎幫襯。5個人叫左5個餐，每個餐包一個麵包，湯同餐飲，如果唔揀湯既話可以轉沙律。麵包有好多款式揀，仲可以配唔同既醬汁，包括沙沙醬啦，牛油同埋橄欖油，麵包送到黎仲係有少少微溫架。是日餐湯係南瓜湯，好香好滑。西班牙海鮮飯都算整得好正宗，D料都算落得幾足。卡邦尼意粉味道一殷，無咩特別。英式早餐: 呢個早餐有腸仔，煙肉，蕃茄，蘑菇，蛋，焗豆同沙律。腸仔同煙肉都係用傳統英式方法去煎，雖然較油，但其實咁先至好係正宗。至於茄汁豆，好明顯佢完全無REHEAT 過，英國邊到係凍食架，你唔整熱俾我都至少唔好俾凍冰冰既我食呀，真係有少少失望囉，因為太唔英式啦。蕃茄蟹肉蜆肉意粉: 幾重蕃茄味，不過蜆肉又少又細隻，但OVERALL味道都幾OK。海鮮意粉配龍蝦忌廉汁: 醬汁有點鹹，同埋成碟意粉真係料多過意粉， 海鮮有龍蝦, 蝦, 青口, 等等。咖啡又香又好味，溫度適中。

因為12時許便到達，所以很快便安排坐位給我們了。叫lunch set，有麵包，仲可以自選什麼麵包！我們分別選了香草包，芝士包，種子包。還不只，仲可以選什麼醬塗麵包！ 我們選了牛油，醋。 這樣細心的服務，麵包來的時候，當然也是熱的吧！雖然麵包好味，但我也沒有吃光，因為如果飲完湯，又吃光麵包，相信我是吃不下主菜了。另外餐飲我們三個人都叫了熱奶茶，是西式的那種。首先職員給我們三只杯，一個茶壺，內有兩個茶包。我們心想，吓！不會因為我們三個都叫相同的東西就這樣慳吧？只給一壺茶？原來是未到，後來再給一壺細茶。一大壺代表兩客。也給我們好多花奶。主菜方面, 有帶子黑松露意大利飯. 雖然沒有附近的Simplife 的黑松露意大利飯那麼濃郁的黑松露味, 但帶子也很大, 感覺抵食. 黑松露雜菇麵, 仍然是不太濃郁的黑松露味, 加上所有配料都是植物, 適合素食者. 但大胃王平日大魚大肉者, 就...芝士茄汁長通粉, 樣子不錯, 朋友都吃光了. 感覺味道不錯, 每種味道也很強. 如果可以再選, 下次再來我會選這個. 

今天和妹妹來此吃晚餐，補祝她生日。我們被安排坐半梳化位，和其他食客距離很近，帶來的物品都要放在地上，坐得不太舒服。我點了English Breakfast 配軟包，English Breakfast十分豐富，有腸仔、蔬菜、煎蛋、茄汁豆、菇粒、蕃茄、車厘茄和煙肉等，美味可口！軟包十分軟熟，我選了餐廳自製的羅勒醬蘸來吃，相當好吃！我沒有點飲品，如果此餐包埋飲品就好了。

上星期同朋友行完ＩＫＥＡ，到食飯時間就到沙田新城市中心搵食，由於午餐時間，所以周圍都頗多人。大家都冇咩頭緒想食咩，就去左有許多Citysuper下面好多餐廰果層搵食。行左幾轉，最後就揀左位於Ａ１對面一間西餐廰PARKVIEW，原來佢同Ａ１係同一集團，所以佢Ｄ餐包都係由Ａ１麵包包辦。SET LUNCH價錢吾算貴，由六十幾至百五蚊都有，當然食扒貴Ｄ。前菜：餐湯／沙律＋餐包 普通雜菜沙律，冇咩特別。餐湯南瓜湯，好ＲＩＣＨ南瓜味。餐包可以五款揀一（芝士包／多穀包／牛油軟包／芝麻包），好新鮮，熱辣辣主菜：燒牛柳沙律－牛柳頗ＵＮ，個汁ＯＫ，伴菜好FRESH，好啱女仔食。蕃茄蜆肉意粉－頗重蕃茄味，不過蜆肉好細隻好少，但味道ＯＫ。配上心型法包,好可愛!不過好UN食吾到,純粹裝飾.餐飲：可揀普通咖啡奶茶檸茶，就算揀特色飲品都吾需要加錢。我地揀左一涷一熱Green Tea Latte,我覺得冇咩綠茶味，奶味好重。總體來說，都可以一試，但吾會有驚喜！ 

來到新城市廣場，遇上了午飯時間，但是總是不想四圍走，於是想也不想，就到Parkview取飛等位，今次要等上好幾個籌號。雖然不是第一次在 Parkview 吃飯，但是總會有著新的菜式，打開餐牌，故然是有意粉等西式罎品，但亦有漢堡包及法包呢！餐湯是磨菇忌廉湯，雖然濃稠度適中，稍稍的忌廉味道，但是質感還是幼滑，稍欠粒粒磨菇的口感，如果是磨菇有種粗糙的感覺就更好。意大利香草包是一個頗較腍的麵包，配上自家製蕃茄沙沙醬，是一個不錯的配搭。麵包已有香草的香味，再加上這個醬，吃起來也幾醒胃的。烤美國安格斯牛扒長法包伴芝士汁。有時候會吃一個大麵包作午餐，因此選選擇了這法包。法包夾著安格斯牛扒,，加上生菜和香濃的芝士。但當想用刀分開麵包時，卻不能切開，可見麵包有一定柔靱度。當放棄用刀切開時，就不如來個大啖大啖的咬下去。可是麵包卻不是想像中的脆，反應感到真的靭了很多，加上牛肉也許老了，咬下去又是靱了不少，不易咬下和咀嚼。伴碟譞有沙律菜，這還是脆口的。最後便是凍咖啡，雖不是最好的咖啡，但仍有其咖啡香味和味道。今次用餐相對來說，較為差了一點，如果牛肉不是靱的話，會好一點。