Outdark (H8)

营业中

休息中

最近睇韓劇睇得多，都好中意食韓國菜，今日放假一於同朋友一齊食。原味炸雞炸雞炸到外皮香脆可口，肉質嫩滑多汁，一點都唔鞋，仲有薯條同薯角，新鮮熱辣辣。炸醬麵炸醬味道咸香鮮甜，唔會過咸，麵質爽口有彈性。海鮮煎餅煎餅粉漿薄身，煎到外面焦香脆口，材料好多，海鮮有八爪魚和蝦鮮甜爽口。芝士炒雞芝士份量多，creamy濃郁，炒雞嫩滑，味道香辣可口，年糕煙煙韌韌，雞蛋蛋香濃郁。西柚梳打味道清新，酸酸甜甜，份量大杯，配埋炸雞好爽。

星期六來到尖沙咀的厚福街，本想排下街角間打卡店，突然雨越落越大，便同朋友轉場，搵間餐廳坐下先。朋友愛食韓國菜，便醒起H8裏的Outdark，食過幾次都覺得佢幾好，就食佢先。店內還是一如以往的黑😆仲多左唔少萬聖裝飾，揀左張排位坐，店員提醒用餐時間90分鐘。點了一份炒年糕的海鮮口味，再加野飲，記得呢間餐廳嘅餐點好大份，食落唔夠先再加單好了。等左一陣就上菜，中間是炒年糕，旁邊有紫菜飯、芝士、泡菜同菠蘿🤤店員會幫手將炸魷魚剪細，剪完仲排返靚㗎👍魷魚炸得香脆，年糕煙韌，中間仲有魚糕、蝦仁、小元貝，甜甜辣辣幾好味。紫菜飯烘得香脆有飯焦口感，芝士瀜完再硬返，似食芝士片咁好正，菠蘿甜甜的正好中和下，唯泡菜略微偏鹹，唔太適合空口食。飲品叫了柚子疏打同士多啤梨奶昔，微甜夠冰涼，同呢份炒年糕盤好夾👍食品果然好大份，一盤就飽左。人均消費二百幾，都幾抵食吖，張單價錢出多三個零😆第一眼真係嚇一跳㗎。

自從上個禮拜食咗一次伏味炸雞之後，呢幾日真係好想食好味又有水準嘅炸雞🌟即刻諗起一段時間冇嚟過嘅Outdark❗️所以今個Weekend特登同老公出來尖沙咀 outdark 食lunch 🥳一到達餐廳樓層就見到壯觀嘅彩色鎖牆❤️微暗嘅燈光同埋星星燈吊飾🌟營造出浪漫/camping嘅氣氛，好適合情侶拍拖傾偈/朋友聚會❣️雙拼炸雞 全份 $208我哋今次叫咗➡️ 甜辣炸雞➕香蒜蜜糖炸雞❗️新鮮即製嘅無骨香脆雞塊沾上香濃嘅甜辣醬/香蒜蜜糖醬，咬落啖啖肉，點食都得，唔怕食起上嚟冇晒儀態🤭我個人就鍾意香蒜蜜糖醬汁多啲🥰配埋大量以芝士粉調味嘅熱脆薯條/薯塊，成碟炸雞真係既邪惡又滿足❣️🥢烤牛肉飯卷 $88好清楚可以睇到晒所有配料🤓各樣餡料的份量也控制得宜💯除咗牛肉之外，仲有雞蛋、青瓜、黃蘿蔔、紅蘿蔔絲、醃牛蒡，一客有十件飯捲❗️一個飯卷一口，味道討好，口感非常豐富🥰🥢豬肉炒粉絲 $93眼見配料都唔少🤩洋蔥、青椒、蘿蔔絲、香菇、黑木耳都有，非常足料❗️而且炒得唔油膩👍🏻 Mango Ade $38Ice Peach Ade $38

Outdark (厚福街) (尖沙咀)尖沙咀厚福街8號H8 17樓。Outdark相信好多人都食過，佢開左咁耐都係人氣高企～ 連我自己都食過好幾次啦 ☺️。每次入黎都見到滿天星星都有情調 ❤️ 門口仲有鎖牆寫左滿滿心意。炭豚kimbap ($88)Kimbap基本上我黎親都會食，一口就食到曬唔同材料🤭 有飯有菜有肉，唔小心食多左兩件都幾飽肚架 😯。韓式烤牛肉（$98）建議另外叫一碗白飯一齊食，勁match! 🫡 鐵板熱辣辣彈住油咁上，夠曬鑊氣，入面除左牛肉仲有年糕、金菇、酸青瓜，好好味 😋。海鮮炒粉絲（$103）海鮮份量同粉絲係1:1，每啖都食到滿滿海鮮，海鮮控必食 🦐 。Blueberry Milkshake ($48)好足料嘅一杯milkshake，唔甜味道香濃 。

之前已經嚟咗幾次，一直都好鍾意佢哋嘅炸雞💕尤其是香蒜蜜糖炸雞🍯佢想啲除咗有炸雞之外，亦都配有薯條同薯格，全部都炸到脆卜卜另外今次亦都叫咗佢哋嘅蟹籽紫菜拌飯，係自己戴上手套，再將拌飯搓成波波好玩之餘又好味，小朋友亦都好鍾意食

今次難得同朋友一齊放假，決定去咗一間我哋平時都好鍾意嘅韓國過江龍餐廳食午餐。呢間餐廳就係位於尖沙咀嘅outdark 啦。今次一樣會食得好盡興！番薯芝士條小食方面，就叫咗最鍾意嘅番薯芝士條。邪惡嘅拉絲效果，再加埋香濃嘅番薯味，真係令人欲罷不能。韓式烤牛肉餐廳嘅烤牛肉真係份量好多，而且調味十足，牛肉嘅味道一樣咁濃。放喺烤盤上面嘅關係，令到牛肉幾時都係最佳狀態。就算慢慢食都唔怕。泡菜煎餅你的韓國餐廳就當然唔可以錯過咁經典嘅煎餅。煎餅煎得夠晒酥脆，口感方面好令人滿意。另外泡菜嘅份量都好多，同煎餅嘅口感相輔相成。炸醬麵炸醬麵真係嚟韓國餐廳必叫嘅食物。佢嘅效果真係太開胃啦。豬肉片夠晒新鮮，另外用黑豆製成嘅醬汁都好開胃。真係話咁快就食完一碗。如果大家都鍾意韓國餐廳嘅話，真係要跟住我今次嘅推介啊。

今次同朋友係尖沙咀突然想食韓國嘢🇰🇷就黎左厚福街食Outdark✿ 半半炸雞(甜辣+醬油) $208 ✿除左炸雞之外 上面仲有好多薯條同薯格🍟唔會淨係食炸雞咁dry✿ 芝士蕃薯條 $38/4條 ✿上枱嗰陣仲係熱辣辣😍芝士仲可以拉絲🧀推薦大家order✿ 蜂蜜米酒 $128 ✿呢個就唔建議大家叫🥲想飲酒可以叫燒酒或者rita呢個米酒 上到黎係室温 好難飲🫠🫠Overall都係好食嘅 不過佢就比較多人建議大家book左枱先 咁就唔洗等咁耐😌

今次係第三次食呢間餐廳，一如既往餐廳都好多人好熱鬧。今次終於逼到男朋友陪我試韓國野！貪心嘅我想試多幾樣唔同嘅野，兩個人食唔到好多野就叫左半分甜辣炸雞，無骨得黎唔會好肥，咬落去仲有肉汁。配菜薯格都薯條都正， 可能因為佢灑左d甜甜地嘅粉。海鮮煎餅 煎得幾脆，唔會食到一口都係粉，蔥嘅比例多過粉，抵讚！見到隔離枱叫左個鐵板勁香，又忍唔住叫個韓式烤牛肉， 牛肉係甜甜地係鐵板上好香，連墊底嘅金菇都好香，年糕係用純米年糕特別煙韌。柚子梳打 叫佢係為左打卡，d星星同個裝修好夾！

呢間好受歡迎嘅韓國餐廳喺韓國釜山嘅分店，位於尖沙咀嘅厚福街，主打正宗嘅韓式美食。呢度嘅環境好有特色，裝潢有好多星星吊燈同埋情侶鎖牆，好啱影相打卡。佢哋嘅食物同飲品係即叫即製，而且有啲食材仲係由韓國運嚟，睇嚟想保留住鮮味同風味。佢嘅炸雞有半份- 我地叫左原味嘅炸雞外脆內嫩，用咗韓國嘅雞肉，每啖都飽滿多汁，仲有薯角同薯條，份量唔少。仲有海鮮煎餅🦐🫑，上面鋪滿鮮嫩嘅海鮮，有蝦仁、魷魚等等，煎餅本身金黃香脆，食落去既有嚼勁，同埋鮮甜嘅海鮮味道，形成一個好美妙嘅對比。佢哋嘅辣豆腐湯烏冬都好受歡迎，湯底帶啲辣味，配料有青口、蝦仁、魷魚仔、椰菜、洋蔥、辣椒同埋木耳，令湯更加豐富，令人回味無窮。總括黎講，係令人滿足嘅一餐！

聽人介紹呢間韓國菜好正宗，得香港有分店，好多人都讚不絕口，就帶b🐷去試下先，7點鐘小編係gulu個到㩒左飛，上到去啱啱過左一張，即刻同店員講聲，佢哋話下張比翻😼😼。但我地都等左20分鐘先有位，等既過程我望到入面有幅鎖頭牆，有情侶留喺度既印記同回憶，又有食客即影即有既裝飾。我哋嗌左一份炸雞同辣豆腐烏冬仲有野飲😃。醬油同甜辣無骨炸雞🍗 $208 3.5/5除咗炸雞仲有大量薯條薯角薯格伴碟，呢個一份既份量係無gxxbxx既一份炸雞量🤭，入面得7件大少少既雞肉，有啲炸粉過厚，咁多伴菜係咪想塞飽個胃。但味道黎講幾好，好開胃既甜辣汁，肉汁鮮甜，仲幾嫩滑🤓。伴菜係落咗甜甜地既粉所以食落有甜絲絲既味道☺️。辣豆腐湯烏冬🍲 $198 3.5/5滿滿既紅油以為會好辣，但飲落又唔係😜，仲幾鮮甜喎，又唔會好鹹。入面有5塊厚切豆腐、蝦仁、魷魚、蜆肉、豬肉片、金菇、菇類、烏冬。不過每樣都好少，韓式辣醬湯既味道我諗可以餸飯食😂。地點:位於尖沙咀搵食位厚福街尾餐廳大廈H8既17樓，繁忙時間預等lift有排等。環境:入面燈光昏暗，但有吊燈黃燈裝飾，加上飲下酒幾chill既感覺。坐位之間距離足夠，保持私隱度。價錢:$250

呢間位於厚福街既Outdark地理位置方便，室內裝修都幾有情調，又有愛情鎖既牆，photo wall 同埋暗暗地吊滿星星。佢本menu都整得好靚，成本雜誌咁，有齊中英韓文menu。呢度仲係免切餅費，今日都見到兩枱客喺度慶生，都幾啱大班人黎食。我地今日兩個人lunch叫左以下既items:🔶️ 辣炒豬肉鍋 ($288，8.8/10)呢度最signature 既鐵鍋肉，中間係泡菜芽菜豬肉，旁邊有菠蘿，有泡菜，有紫菜飯，有芝士蛋。中間既泡菜豬肉超級惹味，唔算太辣！豬肉肉質好好，芽菜亦都好多，超入味超好味！同埋嗰個拉絲蛋芝士燒到微焦先食，超級正！😋🔶️蝦飯卷 ($88，8.2/10)一碟有12舊，幾抵食！材料幾豐富，炸蝦又脆又香口。🍹士多啤梨乳酪（$48， 8.8／10）呢杯好飲！好rich又有乳酸味，士多啤梨味好飲，唔會太甜。🍹芒果梳打 ($38， 8.6／10) 幾清新解渴，唔會太甜，正常！注意：入座起90分鐘交枱

原本約咗週末放工同朋友嚟食，因為打風，餐廳都即刻通知我哋要取消，怕我地白行一逛，主動幫我哋改期👍🏻炒年糕多款炒年糕，我地揀咗炒豬肉，經典韓式搭配～色彩鮮艷，年糕帶有微微彈性，口感豐富又吸汁，豬肉鮮嫩，兩者好夾。旁邊配料有粟米水牛車打芝士，啖啖拉絲，好得意，仲有紫菜飯、菠蘿粒和泡菜，三款都可以refill一次添！韓式海鮮炒粉絲 海鮮鮮味，入口甜甜地，有好香嘅麻油味，和粗條粉絲嘅軟滑感好夾，充滿韓式風味！

好耐冇食過韓國嘢，今日就去左都幾出名嘅outdark食韓國炸雞。今日選擇咗喺尖沙咀H8分店，非常方便。記得好耐之前都食過一次，但已經太耐冇嚟，但依稀記得佢嘅甜辣炸雞幾好食。裝修非常別緻，一入門口見到一片鎖牆，幾特別。燈光比較昏暗，有些少吊燈點綴，幾有格調。我哋一行兩個人點兩個主菜已經非常夠食。甜辣炸雞$198 炸雞炸得非常香脆，外面裹上甜辣醬，味道比較甜，不會太辣。雞肉非常嫩滑，內有雞汁，好好食。一盤炸雞會配上香脆薯格和粗薯，薯格上面應該灑了一些芝士奶酪粉，多了一陣香氣。我們更加了$28多了三條甜薯芝士條，有很強勁的拉絲效果，芝士味道唔算濃郁，但加上甜薯，有清新香甜效果。辣豆腐湯烏冬$198店主會用一個爐一直預熱住，所以熱辣辣好正，配料非常多，有魷魚仔，海蜆，豆腐，冬菇，豬肉，金菇，蝦等等。湯底小辣好惹味。一鍋份量都有好多，兩個人都夠食。西柚梳打$38好多氣，西柚味道好出，非常清新。最後兩個人食，大約$500埋單，耐唔中食一餐都唔錯！

今天帶係香港住既韓國朋友試下我最鍾意既outdark😆☑️半份炸雞（香蒜蜜糖炸雞）$138炸雞係outdark既招牌，又點可以唔試，除左炸雞佢地仲好多唔同種類既炸薯條🍟配埋我最鍾意既茄汁🥫即炸即食好香脆😆雖然係半份，但份量都有好多，兩個人都食唔晒。炸雞我最鍾意食蜜糖味，甜甜嘅表皮，加埋啲蒜味，食到停唔到口👍🏻☑️海鮮煎餅 $138海鮮煎餅切成岩岩好一口既size， 煎餅外脆內軟， 配料方面都好足， 有大大件魷魚🦑 蝦🦐韭菜， 點埋佢地個秘製醬汁👍🏻☑️炸醬麵 $108哩到既炸醬麵同平時食開既有少少唔同，炸醬好香濃，麵既軟硬程度適中， 每一條麵都裏滿左炸醬， 除左有好多五花肉之外🐷仲有我最鍾意既鵪鶉蛋🥚☑️蜜桃梳打 $38大熱天時叫返杯ice既野飲，濃烈既桃味，用黎refresh一流🍑

🌕Hello我係Moon🌕又來到我最鍾意嘅韓國餐廳啦！😍間唔中都會好想食韓國嘢食，🤩可能係聽得行團歌太多，教導成日都心思思想食韓國嘢！🤭今次嚟到尖沙咀呢間Outdark，😌講真每次想食韓國嘢都會過嚟呢度食！😶因為依度嘅嘢食性價比幾高，🤩而且佢嘅食物質素都好穩定！🤭一坐低就嗌咗一個忌廉海鮮鍋，😆依個忌廉海鮮鍋等候嘅時間會耐啲，😌但係佢嘅水準真係好高！😚忌廉嘅味道好香海鮮嘅部份都唔少！😋佢仲有我最鍾意嘅炸魷魚，😎咬落好香脆加埋小小嘅忌廉醬一齊食，😏奶香嘅味道真係令人感到滿足！😝如果想食麵嘅話，🥰可以揀炸醬麵又或者係海鮮辣炒麵！😋我揀咗海鮮辣炒麵，😛其實佢嘅辣度，😌我都接受到，😝夏天食返啲辣嘢真係夠晒過癮！🤓依個海鮮辣炒麵嘅份量都幾足夠分享，😳麵條比較有韌性！😎所以都有一定嘅口感！🥸海鮮嘅部份有蝦有青口等等，🤩確實唔錯！😤🌕最後MoonMoon都幾滿意依間韓國餐廳，餐廳佈置好有氣氛，食物水準依然都係咁穩定，咁高質，下次再嚟過！🌕