Outdark (H8)

营业中

休息中

最近約咗幾個好耐冇見嘅中學同學食晚飯，我哋三個都好鍾意食韓國菜，但唔想食燒肉因為會成身油煙味，所以就揀咗 Outdark。愛情鎖牆就好似係 Outdark 嘅象徵，無論係影相打卡定係做間隔擺設都一流。炸蝦飯卷 ($88) : 炸蝦卷超脆口，而且配料份量都幾多，一啲都唔孤寒。海鮮煎餅 ($138) : 性價比超級高嘅海鮮煎餅，暫時無一間韓國餐廳可以無匹敵，無論係海鮮定係蔬菜都勁多。香蒜蜜糖炸雞 (半份 $138) : 有五款味道選擇，半份其實都好大兜，有炸雞、炸薯條、炸薯格，非常適合大班人聚會菜式。海鮮炒年糕 ($328) : 主角終於出場，賣相非常吸引見到都流晒口水，海鮮底下就係炒年糕同非常惹味嘅醬汁，而旁邊就係超正嘅芝士粟米同其他配料。

超人氣韓國炸雞，每次去都一定爆場！限時90分鐘，但又真係好鬼抵食又好食🤭😂勁鍾意個芝士鍋😆😆.🍴Cheese Chicken 芝士炒雞 $328幾鍾意呢個芝士雞，雞上碟時要烤一陣之後有職員幫手撈芝士🧀️！雞件本身皮脆肉嫩，加上芝士嘅濃郁味道，仲可以拉絲，味道非常豐富，份量同滿足感十足。.🍴烤豬梅頭肉$198本身可以擇韓式調味醬/鹽味醬，豬肉烤得剛剛好，梅頭肉好淋身，口感香脆，韓式調味醬味道獨特，增添左菜式嘅風味。.🍴原味炸雞 $188炸雞係呢度既皇牌！炸雞鮮嫩多汁，外皮酥脆，味道清新，仲有好多炸薯，超飽肚又大碟，性價比極高。

太耐冇食 outdark 有啲掛住，所以今日就捉咗個朋友同我一齊去食 😌 揀咗晏晝時間食，所以唔算太太多人。炸蝦飯卷 ($88) : 飯卷除咗有炸蝦之外，仲有勁多配料，炸蝦口感爽脆，配料亦相當新鮮。海鮮煎餅 ($138) : 呢個海鮮煎餅每次嚟都一定會叫，因為實在太高質，煎餅無用太多粉漿去整，取而代之係用蔬菜同海鮮整成，所以口感同味道都有別於其他韓國餐廳嘅海鮮煎餅，呢個煎餅連朋友都讚好。海鮮炒年糕 ($328) : 呢個海鮮炒年糕無得輸，炸魷魚又大隻又香口，仲有蝦、蜆等海鮮，辣到方面叫咗個小辣啱啱好。叫咗兩杯味道唔錯嘅芒果梳打同士多啤梨乳酪牛奶。

最鍾意黎食outdark😍個人覺得好正宗既韓國菜！連啲staff都識講韓文🙈👍🏼👍🏼。🥢芝士炒雞 $328呢道芝士炒雞真係口感好出色！雞肉肉質鮮嫩多汁，炒得香糯而不會過乾，而且上面覆蓋咗濃郁嘅芝士，咬落味道更加豐富。。🥢烤豬梅頭肉 （韓式調味醬）$198烤豬梅頭肉夠晒香口！外面烤得略帶黑炭焦香，內裡肉質鮮嫩多汁。加上韓式調味醬，帶出獨特而辛香嘅味道。。🥢原味炸雞 $188呢款原味炸雞係韓國餐廳必試嘅經典！雞肉炸得金黃酥脆，內裡肉質鮮嫩多汁。味道上簡單純正，可以品味到雞肉嘅原汁原味。。加配芝士條 3條 $28芝士條炸得脆口，伴隨著濃郁嘅芝士味道，非常增添風味。。

約咗中學同學食飯，食炸雞韓國菜就夠晒熱鬧，我哋就揀咗尖沙咀呢間Outdark，浪漫星星環境坐得都幾舒服。甜辣炸雞$198嚟呢度一定要食炸雞，呢度嘅炸雞冇骨之餘，真正皮脆肉嫩，而且唔會油膩👍🏻甜辣味一如以往好食😍甜甜辣辣，好開胃。佢嘅配菜仲有薯格，薯角、薯條，全部都炸得金黃，外脆內軟，先茄汁食一流😋炸醬麵$108呢個麵係類似烏冬咁樣，超級煙韌😋好有口感，加上勁多醬汁，韓式炸醬甜甜咸咸😍配埋五花腩肉片、洋蔥粒、粟米粒，味道好好。烤牛肉炒粉絲$103粉絲炒得勁香，保持濕潤得來又煙靭。烤牛肉幾嫩牛味香龍，配料有好多種蔬菜，青紅黃椒，加上爽甜洋蔥、冬菇，勁有鑊氣好香。柚子梳打$38我仲飲咗杯凍飲，食炸雞配凍汽水一流，呢個仲大大杯，感覺勁爽。

一間價格偏貴既韓國餐廳，主要食環境同氣氛，服務一般上咗個芝士炒雞之後，有個女鯊魚夾女店員過整攪芝士，全程沒有互動溝通，攬完就行開咗。另外就係芝士炒雞既配菜好少，幾粒仔泡菜，蛋熟咗系薄薄一層⋯芝士同雞系唔錯既，但格貴偏貴試一次就夠了。

去過尖沙嘴好多韓國餐廳，唯一百吃不厭嘅就係outdark🌟每次同朋友去食韓國菜都會諗起呢到！仲要係點咩食都唔會中伏～🐷烤豬梅頭肉$198- 除左大大盤豬肉可以點外，呢款烤肉都係唔錯選擇- 豬梅肉彈口軟嫩，上面嘅韓國醬料烤到好香口，配埋金菇、洋蔥配菜，好滋味🍜海鮮辣炒麵$118- 係我幾鍾意嘅菜式，拉麵好彈口，仲好足料，多青口、魷魚之餘，仲有菜類如蘿蔔絲- 湯底少辣得來夠惹味🌟炸蝦飯卷$88- 炸蝦幾有肉同脆口，match得唔錯🍹青蘋果梳打$38- 甜度適中，夏天飲夠refreshing下次約多d朋友來食多幾款食物😆❤️

最近公司出業績好忙，沒有假去旅行，唯有先去呢間來自韓國釜山的人氣韓國餐廳嘆住美食解解心癮先。店舖裝潢浪漫，牆身掛滿情侶卡和情侶鎖，影selfie打卡一流。點了以下：芝士豬肋骨熱熱的爐盛滿好多美食！有水牛車打芝士，、有韓式辣醬豬肋骨、有泡菜、有紫菜飯，有肉有餸又有飯，好味不錯！店員主動幫忙將煮溶的芝士混合在豬肋骨，非常芝味。豬肋骨質腍滑，好惹味！煎蛋海鮮炒飯有好多海鮮。蝦好爽口、魷魚仔好彈牙。炒飯底好夠味，配上流心蛋滿分。藍莓乳酪酸酸甜甜，解渴又有益，好適合夏天飲。

炎炎夏日同朋友喺尖沙咀行街前去吃一吃韓國菜。今日嚟到呢間outdark….之前都嚟食過幾次，因為這裏的韓國餐種類很多，有韓式炸雞、韓式鍋物、飯卷、小吃等等，非常多元化。而且味道很好，還有韓國侍應生，感覺好像來到韓國旅遊一樣。餐廳環境也十分舒適，很適合與朋友相聚。我跟朋友點了兩杯鮮果味乳酪，一杯是士多啤梨味乳酪，另一杯是藍莓味乳酪。鮮果乳酪十分好味，而且果味很重很鮮甜很開胃。另外主食方面點了一款串串魚糕湯和海鮮煎餅。串串魚糕湯入邊有很多唔同配料，分別有多款不同的魚糕串，有圓柱狀的、扁狀的、竹輪狀的，每款口感十分不同，所以吃起來十分特別，而且充滿彈牙口感，我跟朋友也很喜愛這款魚糕湯。除了魚糕串串外，鍋內還有韓式粉絲、韓式年糕、鵪鶉蛋、金菇、菜等等十分多不同配料。除了配料多，湯也十分鮮甜好味。另一款海鮮煎餅，也做得相當出色，海鮮煎餅上鋪滿了不同的蔬菜，還有很多不同的海鮮配料，吃起來口感豐富，而且很健康很開胃。蔬菜有一些韭菜、椒類。而海鮮有爽口彈牙的蝦。十分豐富，真是大滿足。海鮮煎餅沾上了獨有醬汁很鮮甜很好味。能夠在香港吃到出色的韓國美食，真是十分方便又抵吃。

今朝起身開煲韓劇睇到主角食韓國嘢, 突然間想食韓國嘢，老公鍾意食香口嘢，於是去咗尖沙咀食韓國炸雞。呢間餐廳好耐之前都有嚟過，重臨舊地先點返個炸雞雙拼，甜辣+香蒜蜜糖炸雞，一樣大大碟，好多件炸雞，配埋薯條、薯角同薯格，啱晒老公食。炸雞都依然出色，皮脆肉嫩，甜辣炸雞，調味啱啱好，唔會太甜太辣，仲有d花生碎。而香蒜蜜糖味，蒜香味足蜜糖甜滋滋。整體上呢碟最正既係d雞同薯物咬入口冇咩油，感覺心理上比較少罪惡感。另外，都點了碟烤牛肉飯卷，每卷都好多料，烤牛肉好香，幾惹味。我老公口大d，可以一口一個，食到原汁原味，唔會食到散晒。我哋大食，仲點了個海鮮炒飯，海鮮主要係蝦同八爪魚仔，數量都唔少，配同青紅黃椒一齊濕炒，加多隻太陽蛋係面。賣相吸晴，食落味道好香，色香味俱全。我哋點了一杯青蘋果梳打同一罐桃汁,，食完炸嘢，飲落好清爽，唔錯。

I recently had the pleasure of dining at Outdark and trying their Cheese Ribs dish. The dish was a unique and delicious combination of Korean egg rolls, mozzarella and cheddar cheese, stir-fried kimchi, pineapple, and seasoned rice.🐷The star of the dish was undoubtedly the ribs. They were cooked to perfection, with a juicy and tender texture that was bursting with flavor. 🧀️The cheese added a creamy and indulgent element that perfectly complemented the savory taste of the meat. 🥬🍍The combination

海鮮煎餅，味道真係好香🤤而且煎餅上面嘅海鮮材料，非常之豐富，同埋非常之多，海鮮夾埋煎餅一齊，味道非常之新鮮😍而且佢嘅炸雞亦都非常好食，雞嘅外皮脆卜卜，雞肉質地非常好食

紀念日會揀嘅慶祝地點就係尖沙咀嘅outdark. 每次去到餐廳，都好鍾意佢哋嘅環境，燈光柔和昏暗，高木枱同寬闊，坐得好舒服之前黎都係食炸雞，今次決心要試一試佢哋嘅芝士鍋😎芝士炒雞中間位置放咗一半芝士，另一半就係雞+年糕上菜之後，店員會將芝士翻炒攪勻，再舖喺雞肉上面，咁就可以開始食啦外圍都幾豐富，有韓式雞蛋捲、泡菜、菠蘿、紫菜飯👍🏼融化咗嘅水牛車打芝士份量好多，可以容易咁樣包裹住雞同埋年糕，輕易做到拉絲效果，口感軟綿綿，令到所有食物都增添一份鹹香味，芝士控必食食到覺得有啲鹹，又可以食吓雞蛋或者飯，中和一下，個紫菜飯配芝士，超正！餐廳做緊啤酒優惠幾吸引，邊食邊飲，爽😊唔太肚餓，食個芝士鍋，飲下啤酒，開心舒暢~~

有唔少過江龍嘅餐廳，挾住韓流人氣，而大受歡迎。但人氣過後，仍然深受大家追棒嘅，嗰啲就係叫實力！嚟自韓國過江龍嘅Outdark，以韓式炸雞成名，喺尖沙咀厚福街嘅H8多年，仍然屹立不倒，佢嘅炸雞真係又脆又Juicy㗎！甜辣炸雞嚟到Outdark又點可以唔試吓佢哋最出名嘅炸雞呢！估唔到半份嘅甜辣炸雞，份量都唔少。炸雞嘅炸粉厚薄適中，即叫即炸，所以夠晒脆卜卜，一啖咬開之後，入面勁多肉汁！加上甜辣嘅醬汁，夠晒惹味，亦可以中和油膩感。配菜方面就有薯角、薯條同薯塊，夠晒豐富飽肚！炸醬麵韓式嘅炸醬麵，絕對係韓國嘅國民美食之一！以黑豆為基礎嘅韓式炸醬麵非常甜，麵條、豬肉同洋蔥都掛港香濃嘅炸醬醬汁，又甜又惹味。韓式烤牛肉韓式烤牛肉出場嘅方式係用上熱辣辣嘅燒肉盤，絕對係今餐最驚艷期待嘅畫面。牛肉用咗蜜糖、醬油、芝麻碎同多種醬料嚟醃製，肉味份外突出，配料嘅酸瓜同年糕就全面吸收曬牛肉嘅肉汁，送飯真係一流呀！

這間人氣韓國餐廳來自韓國釜山，位於尖沙咀厚福街，主打正宗的韓式料理。店內環境相當有氣氛，掛上不少星星吊燈及情侶鎖牆，充滿打卡感。食物及飲品均即叫即製，部份食材更使用韓國直送的，盡量保留當地風味。半份炸雞(香蒜蜜糖炸雞) - $138除了原味，還有四款口味。金黃酥脆的炸雞肥美飽滿，特別使用韓國雞肉，咬開雪白的雞肉嫩滑多汁且毫不油膩，均勻染上香甜的香蒜蜜糖汁，更有外脆內軟的薯角、薯格及薯條，非常豐富。Grilled Rice Cake(6pcs) +$20煙煙韌韌的年糕，彈牙而不黏牙，有一半帶有韓式辣醬的香氣。Sweet Potato Cheese Stirck(3pcs) +$28酥脆的炸芝士條，加入香甜的蕃薯蓉很軟糯，帶微微拉芝效果。豬肉炒粉絲 - $93韓國豬肉片鬆軟且鮮美，晶瑩剔透的粉絲滲透肉汁及香濃的麻油，清爽又充滿彈性，更有三色椒、洋蔥、香菇及木耳等野菜。烤牛肉飯捲 - $88傳統韓式飯卷，韓國米飯質感更黏身，帶有麻油及芝麻香氣，鹹香味較濃郁，包裹著滿滿的牛肉、蛋卷、青瓜、醃蘿蔔、紅蘿蔔等等，再撒上黑白芝麻粒和淋上沙律醬。Blueberry Outdark Yogurt - $