开饭介绍
虽于韩国以炸鸡闻名，但这间韩国以外的首间海外分店，芝士肋骨锅比炸鸡更受欢迎。店内更有铁网供情侣挂上情侣锁，绰头十足。
继续阅读
营业时间
今日营业
17:00 - 01:00
星期一至六
17:00 - 01:00
星期日
17:00 - 00:30
*星期一至六最後落单时间: 23:30 星期日最後落单时间: 23:00
有关奖赏计划
食家推介
相关文章
这间餐厅长期都很多人，今天亦不例外!好在有预约位置，如果唔系应该要等很久。餐厅有很多星星的吊饰，灯光柔和，给人有种温馨的感觉。而且这里还有寄信给未来自己的活动，很特别呢！餐牌上有多款不同的食物可以选择。串串鱼糕汤，友人今日竟然想吃有汤的东西，於是拣了这个鱼糕汤。鱼糕汤很大盘，内有多款不同的韩式鱼糕，另外还有乌冬、年糕。汤底非常清甜，而且还有了gas炉热住，唔怕吹冻。芝士王国-辣炒猪肉，之前都有试过这里的芝士猪肋骨和芝士炒鸡，今次就再试试其他!辣炒猪肉如果可以配上饭一齐食就好啦!味道甜甜辣辣，非常有韩国风味!中间位置除了有猪肉，还有海量芽菜!而盘边有粟米芝士、菠萝、紫菜饭，粟米芝士再拌入猪肉中，味道更惹味!Blue Lemon、Ice Peach，前者带淡淡的柠檬味，有解腻的感觉。而後者就像蜜桃茶的味道，淡淡的有气，味道不错!有机会要黎试试这里的炸鸡，黎过咁多次都未曾食过!
继续阅读
第二次去食OUTDARK啦🥰呢一间餐厅真系要支持下，食物好味之余，仲要系黄店，次次去都见到好多人排队，迫到位都冇得企，OUTDARK食物款式好多，今次要叫D新野，希望可以试齐哂所有韩国菜式🤣－－－－－－1. 双拼炸鸡 $192 8.5/10炸鸡一共有六款口味，包括原味、酱油、甜辣、辛辣、蜜糖蒜味和咖喱，我拣左原味拼蜜糖蒜味，除左炸鸡之外，仲有薯条、薯格附上，另外可以加钱配蕃薯条或芝士条，任你选择，同埋仲有四款酱汁可以蘸，味道丰富惹味😋我比较锺意食蜜糖蒜味，原味比较乾身，或者要蘸汁味道先更好，不过炸鸡炸得几好，炸粉唔厚，好香脆，油份又唔算好多，而且肉质嫰滑冇骨，好好食👍🏻2. 芝士肋骨 $338 8/10芝士盘有齐韩国甜辣肋骨、炉边鸡蛋卷、芝士、菠萝、泡菜、米饭，炉加热左一阵，等待芝士慢慢溶化，店员会来帮我地弄芝士同肋骨，用夹将芝士卷住肋骨，非常邪恶🤤半溶芝士好软棉，拉丝效果超劲，而甜辣肋骨熬煮了一段时间，肉质软腍，不过有点辣，但可接受的程度餐厅有一点很赞系佢地会提供一碗腌萝卜，食完油腻或者浓味既野可以清清味蕾，仲可以refill🤤
继续阅读
今日去左尖沙咀食晚餐, 去左食韩国野, 但呢间餐厅唔系系韩国街, 系厚福街H8上面去到餐厅, 就见到人山人海! 星期一都全场爆满! 好彩朋友有BOOK位, 如果唔系应该有排等餐厅环境好有韩国气氛食物选择都几多, 基本上你叫得出既韩国食物都有, 炸鸡, 炒年糕, 饭卷…….而我同朋友就拣左以下三样野食:半份炸鸡 (甜辣): 估唔到半份炸鸡既份量系咁多! 除左炸鸡之外仲有好多炸物配料, 炸薯块, 薯条! 炸鸡食落去真正做到外脆内嫩, 入面仲有肉汁, 鸡上面既甜辣酱汁, 同炸鸡好夹, 真系食唔停口, 佢仲有四款酱汁比你点, 另外个腌萝卜都好好味, 食完炸野, 食佢有一种清新既感觉串串鱼糕汤: 个汤清甜, 又有个炉不停加热, 入面有好多款既食材:鱼糕串, 萝卜, 香菇, 鸡蛋, 仲有乌冬, 相当丰富! 食呢D小食, 真系劲有韩国味道!炸虾饭卷: 呢个又系劲足料既韩式紫菜饭卷, 有10大旧紫菜饭卷, 饭卷既材料有萝卜, 蛋, 炸虾, 青瓜, 整体配搭得好出色, 炸虾咬落去仲系好脆! 食完呢间韩国餐厅, 终於明白点解会人头涌涌, 食物有质数之余, 店员既服务又有礼貌, 真系食得好满足!
继续阅读
韩瘾起，同老友去止止痕，Outdark 之前已去过，味道一向有保证。主打有铁板芝士及炒年糕等，大大盘，足够三至四人分享。另外亦有鱼糕汤、焖猪脚、炒粉丝、煎饼及饭卷等韩食。今日天气好热，食D冇咁热辣辣嘅。韩式猪脚 $ 238好大盘卤猪脚，虽然系 normal size, 两个人基本上系食唔晒架。猪脚炆得好淋滑，连皮食好爽口唔肥腻，感觉到满满的骨胶原。生菜包猪脚，再加啲特调的韩式甜辣酱，配上新鲜切椒同蒜片，好味程度不下於南大门猪脚，飞唔到都可以止吓痕。一边猪脚一边啤酒，正到一个点东莱海鲜煎饼 $118肉肉以外想食点淀粉质，点个海鲜煎饼系不错的选择。大大只鲜虾，原只八爪鱼，加上无限韮菜、椒丝、菜丝，上枱时仲系热腾腾出晒烟，香到呢！有照为证够足料，口感是外脆内烟韧，点埋辣味酱汁真心无得输。Hite 生啤 $68做紧 promotion, 买二送一，大杯够冻的韩国 hite 啤，淡淡地但风味一流。温提- 想食记得订枱，因为平日都会爆场架。
继续阅读
去唔到韩国🇰🇷，就唯有食个韩国菜当去左啦！😅 上次去过旺角嘅「Outdark」， 觉得几好食， 而且仲系黄店，唔怪得咁多人支持啦！ 所以最好都系book位先～ 呢到嘅装潢同旺角一样， 都有一道挂满色彩缤纷情侣锁嘅铁闸， 尤如韩国首尔塔嘅打卡位一样， 发光嘅星星月亮🌙灯饰在昏暗嘅环境中好有情调 ～ 可能系因为春季嘅关系， 而家仲多左啲樱花🌸摆设呢～ 芝士条（$40） $40有四条，都算合理， 而且即叫即炸，热辣辣， 未食芝士已经多到要爆出黎， 一咬开便可拉丝， 作为小食或佐酒都一流！ 上次食过泡菜煎饼，觉得好出色。 所以今次就试下海鲜煎饼啦！ 东莱海鲜煎饼（$118） 一睇咁色彩缤纷就知道材料有几丰富啦！ 全个煎饼都系韮菜同大葱， 仲有好多菜蔬如洋葱、红萝卜等， 更增添色彩和口感， 当然唔少得海鲜啦！ 韩国海鲜煎饼嘅海鲜通常都系八爪鱼🐙仔， 味道几鲜香，份量仲好多， 煎饼切开左9件，件件都有！👍🏻😏 🌟推荐❗️ 🌟推荐❗️猪肉炒粉丝（$88） 猪肉份量十足，好足料！ 粉丝炒得惹味。 冇食过鱼糕，都唔算去过韩国～ 所以今次就叫个串串鱼糕汤（$198）望梅止渴下～ 自家熬煮嘅高汤，味道好清甜， 配上韩国鱼糕，有8串之多， 仲有多款菇菌、菜蔬和乌冬， 两个人食就啱啱好！
继续阅读