OM Tapas (已結業)

年尾年頭，好遠又好近～年尾小機生日飯聚後，年頭又再聚了(小的生日飯)，相約到尖沙咀行街食飯，在K11不遠處的棉登徑，到了一間頗有特色的店子－OM Tapas，是西班牙菜餐廳。 餐廳以現代工業風格為主，裝潢型格時尚，半開放式設計，高樓底，增加了空間感，環境寬闊，有舒適之感。 中英對照的餐牌。 Menu，好奇看簡介，餐廳除了傳統的西班牙菜外，還有融合了亞洲風味的菜式，亦有無肉餐單，適合素食者。 VIRGIN CAIPIRINHA，薑啤青檸，幾清新呀。 FRUIT PUNDH，小機的。 西班牙海膽北海道帶子脆包，＄188，有海膽及帶子，感覺名貴，甚少食到西班牙海膽﹐據聞西班牙海膽食法，經典方式配搭白麵包一起進食，來到必一試了，西班牙海膽，味道濃烈，咸香味濃，帶子鮮香，配上脆包口感有層次，幾好味呀。 香脆豬耳‧蒜味蛋黃醬，＄58，豬耳，平時食粤菜時常出現的佐酒小食﹐今次係西班牙菜出現﹐仲要係炸﹐好想試下﹐豬耳比想像中大件，外層香脆，內裡口感爽脆有層次，有少許黏口，味道不濃，配上蒜味蛋黃醬幾好味，值得試下的佐酒小食。 炸大蝦，鹹蛋黃醬，$89，出名的fusion菜，蝦同

朋友話想食西班牙菜，去附近見到呢一間評價唔錯，就入咗去。唔係好肚餓，只係點咗兩道小菜同一杯啤酒。1）伊比利亞豬肩肉, 燒茄子有驚喜，豬要整得好食比較考功夫，肉汁鎖得好，香得嚟又多汁。茄子燒得夠淋同香。講起都流口水🤤2）西班牙鱈魚, 墨汁小米朋友食咗舊鱈話好鹹，我再試試，鱈魚係鹹但而D飯好淡，但兩樣夾埋一齊食嘅話味道竟然意外地夾，點埋cream的話味道層次會再豐富D。3）環境比較relaxing，我哋去到嗰陣已經冇晒卡位，唯有坐吧檯。佢哋係open kitchen，坐吧檯你可以睇到晒佢哋點樣處理食物同埋煮每一道菜，廚房衛生都唔錯。兩道菜嘅份量唔多，但貴精不貴多，都係高質素嘅。好多道菜都想試，下次會call多啲朋友一齊嚟食！

朋友去完旅行買了一些手信給我，於是便約了出來吃午餐順便拿東西，朋友在尖沙咀工作便看看有什麼好吃的，經過K11 附近看見有一間吃西班牙菜酒吧餐廳感覺不錯，門面環境寬闊，午餐有前菜小食，主菜，甜品及餐飲。我們選了炸菠菜丸子，外型有點似炸薯波，外層炸得很鬆脆，內裡滿是菠菜茸，咬落去外脆內軟綿，感覺不油膩。另外小食有香煎西班牙芝士表層炸得脆卜卜，裏面包著炸到半溶芝士，芝士味道香濃，配上士多啤梨醬又甜又鹹很特別。主菜西班牙海鮮飯上枱時看見很大份，西班牙海鮮飯是即叫即煮的，舖了滿滿的海鮮在面層，有青口，蝦，蜆及墨魚，口感海鮮味道鮮甜，意大利飯煙韌有咬口，濃濃的海鮮汁令人吃得開胃。甜品奶凍，味道creamy。無啡不歡的我，一定要飲番杯咖啡，餐廳的咖啡都有一定水準噢！香濃甘香，不錯！

Om tapas 星期三吃了一頓西班牙菜，海鮮飯外，我們還品嚐了小食。Paella是品嚐西班牙菜不可或缺的。當日品嚐了最經典的西班牙海鮮飯。大大一鍋的海鮮飯十分適合與朋友分享，份量多，抵食又好味！這裡的大鍋飯是即點即做的，所以要需要耐心等候。等待間，我們品嚐了櫻花蝦玉米餅，這是我當晚最喜歡的一道菜！最後，傳統焦糖奶凍作為甜品，正正是一餐完美的終結，涼浸浸，凍冰冰，入口舒服，味美。再加上上面可口的焦糖，令整個奶凍味道更加昇華，層次更加豐富。

適逢聖誕節，同班好姊妹去慶祝一下。呢間餐廳地理位置優越，就喺K11商場對面馬路，超級易搵。Pink lychee ($78有rose, 冇想像中咁甜，反而有啲dry) , mango squash, Sangria ($98勁大杯，都幾好飲）鹽烤青椒仔（鹹咗少少，但係陣燒烤味幾特別）焗蛋餅配洋蔥source (唔算特別）Chilli 蝦（份量好少得六隻，味道有啲似XO醬炒蝦）白酒煮蜆（好似得果10隻🤦🏻‍♀️，個汁酒味太重）西班牙海鮮炒飯（呢個飯M size，份量稍為正常少少啦，都幾多料）一口牛肉（冇overcook, 都幾嫰滑）

今次餐廳係朋友揀的 慶祝生日對西班牙小食無乜太多認識都無食過純正既西班牙菜餐廳係K11附近 門面都幾靚 位置闊絡 見到正門好似仲有bar枱位望街景食 叫好野食 待應先送上的骰既凍湯係蕃茄味 酸酸甜甜幾開胃 入面有d蔥少少蛋絲偏油不過幾啖仔就無乜所謂首先上碟既係有好多好評既炸豬肉薯球果然係名符其實啊 薯球外面炸至乾身入面就薯仔仲係軟身 咬落去入面仲係濕潤 配少量豬肉 外面既辣汁同沙律醬又好襯讚！之後係流心蛋馬鈴薯配Bellota ham 流心蛋係偏熟果種 薯仔就片上放係底48個月既Bellota ham 咸香味同豬肉味溶合 不算好肥膩無乜油脂 係我杯茶 XD慢煮紅酒牛尾🤤🤤🤤 牛尾十分入味同煮得好稔入口就咬開 紅酒味唔係好重 配既南瓜蓉鮮甜鐘意！除左野食我地叫左兩杯Sangria 一杯classic 同 一杯荔枝 酒精唔係太濃飲耐左冰太多溶左就令味有d淡呢個就係豬面頰煮梨子🤤 初頭無乜睇menu 完全估唔到味兩舊黑蚊蚊既係梨 我地都以為係羅白lol 又係好稔好入味 一切就開 梨既配搭幾清新💕至於呢個菜就相對失色 炒得比較硬身 有d太油可以唔試 哈哈 純粹食太多肉要叫個菜食下最後仲有呢個焦

行行下K11見肚餓，唔想係K11食野，諗住行出去搵食，一出門就見到間食西餐幾好情調，見方便就扑搥入去試下。坐低見佢地好窩心，有Name tag 放係已預約嘅枱上。仲有咁啱有客人生日，侍應係甜品度用朱古力寫左祝福字句，仲插埋candle ！侍應仲會帶頭唱生日歌，好好氣氛。好喇 講返野食，我叫左個沙津，好大份，個汁好特別，我唔識形容，好似有d乳酸味，係同d沙津菜好夾！食落好清新，呢個平平無奇嘅沙津好有驚喜。之後叫左個牛尾，肉質好稔，好入味。仲叫左個chocolate churros ,上面有肉桂粉，又香又甜，churros 炸得剛剛好呀！另外我叫左杯啤酒，杯啤酒又意外地幾好飲，易入口！

琴晚行開TST,經過呢間餐廳，見佢幾好氣氛，就入去食晚餐。餐廳環境好舒服，好RELAX，好適合同朋友傾下計。侍應推介我地試聖誕套餐，望落都幾吸引，我同朋友就叫左個聖誕套餐試下。頭盤有凍蝦同HAM，凍蝦又大隻又新鮮，肉質結實。個HAM我朋友好LIKE，好香，配埋面包係一絕!我揀左龍蝦湯，賣相好靚，龍蝦味都幾濃。主菜我揀左豬手，佢係配青萍果。食豬手或腳，我好重視塊皮，塊皮處理得好好，軟糯多汁，配合埋青萍果中和返肥膩嘅感覺。仲有個甜品，揀左西班牙油炸鬼，不過掛住食，食完先記得未影相。西班牙油炸鬼肉桂粉同朱古力好夾，食落令人好開心。

今日準備去食聖誕大餐，雖然早咗少少，但係就黎到聖誕節，被免個人超級多人，咁就同朋友早咗去食啦。朋友介紹我哋食呢間西班牙菜，就Book兩個人聖誕餐。聖誕餐有前菜，主菜，甜品，飲品，每位$488。前菜我最中意嘅係凍蝦，一客有四隻，每隻仲好肥美大隻，估唔到凍左之後肉質更結實，而且味道更加鮮，好好食。湯方面原來係龍蝦湯，係我最鍾意嘅龍蝦！不過入面就冇龍蝦肉。個湯就真係好大碗，飲到好耐都未飲完，膏味都好重。主菜就叫西班牙乳豬脾，廚師已經預先切好幾件，咁就好方便進食，不過賣相就冇成隻乳豬咁呈上咁靚啦。配左唔少嘅青蘋果，感覺唔好無咁膩。因為乳豬下面有好多嘅脂肪，食完之後都幾膩，有蘋果咁樣就好很多了。

位於尖沙咀的Om tapas，是一間高質西班牙餐廳。曾經跟媽媽品嚐過，當中的米布丁令我難以忘懷。聖誕節快將來臨，便跟朋友預約吃聖誕大餐啦。Xmas Dinner $488/位套餐包括: 兩個前菜，沙律或湯，主食，甜品，飲品。36 Handcut Bellota Ham with Bread前菜有西班牙黑毛豬火腿多士，風乾火腿色澤深紅，油份充足豐盈，入囗甘香，但多士過乾，有點難入囗。Lobster Soup龍蝦湯超大一碗，基本上喝光以後也飽一半啦。湯品的龍蝦膏味重，質感幼滑，若果有龍蝦肉就更滿足啦。Suckling Pig曾吃過這裡的西班牙乳豬脾，覺得非常美味，所以是次又柯打一份啦。乳豬脾的大小每碟有點不一，幸好我的乳豬很厚肉阿。乳豬皮烤至香脆，皮下的脂肪很多，油膏膩囗，重囗味人士會較喜歡啦。是次豬肉有點調味不足，沾醬汁較好

平時同同事食飯，離不開都是中式粉麵飯、西式意粉及扒，又或是日本菜，今次就去試新野，這間在棉登徑的OM Tapas，一聽個名就知道是西班牙餐廳啦！我們一人點了一個午餐，有前菜、主菜、甜品及餐飲，每位都是百多元。炸薯球本來是豬肉餡，但因缺貨，轉了這個有些香料及忌廉香味的炸薯球，外層香脆裏面薯蓉幼滑。香煎西班牙芝士表面炸得香脆，裏面包著半溶之士，芝士不會太咸反而有點奶香，配上士多啤梨醬中和油膩感。西班牙海鮮飯超級大份，每人可以食到兩大碗，即叫即做，所以等了差不多廿分鐘，表面舖滿青口、蝦肉及蜆，海鮮新鮮味道鮮甜，意大利飯煙韌有咬口，吸收海鮮鮮味。最後還有甜品奶凍，味道都偏甜且creamy，一定要飲返杯茶去膩感。

呢日星期三 六點幾無book行入去 好好彩唔駛等位 我哋就坐咗係近門口嘅高枱 一路招呼都好好但係見佢樓面人手好似唔係好夠有啲應接不暇 侍應話一個Paella 已經夠兩個人食所以我哋淨係嗌左兩道菜Broken Egg, 48-month Bellota ham $98攪碎佢先食 好簡單嘅一味菜但係就顯得個ham好好味 Pork ribs Paella $288由於今日唔係特別好海鮮 就試咗呢個豬肋骨飯 啖啖肉 唔錯見佢lunch Menu幾抵 下次應該會再嚟

第一次吃西班牙菜，素有所聞是一碟碟小份特色菜餚，今晚女朋友帶我來到棉登徑的OM Tapas，開揚設計，有單邊座位給一人用餐的，普通座位都幾寬敞舒適，枱就偏小。炸菠菜丸子有四粒，外表像炸芝士波，新鮮炸起，很燙口，中間是由薯仔粒和菠菜混在一起再炸，是不錯的佐酒香口小食。伊比利亞豬肩肉配燒茄子份量都不多，有5件豬肩肉，有點過熟，質地偏韌，不過很香燒烤味，調味出色。茄子就真的很惹味，又不至於完全淋哂，仍然挺身。試了廚師推薦的焦糖大米布丁，想不到真是有一粒粒的大米在裡頭，布丁是稠身的，甜度適中，口感新奇，又幾過癮。今晚真是大開眼界，對西班牙菜大大加分！

上年和朋友在這裡慶祝生日，記得西班牙炒飯好味道，今晚心血來潮就訂了枱和男朋友在這裡晚餐。寫意歐陸風情，枱與枱之間有適當空間，可以暢談都不會被騷擾。Tapas的原意就是給無暇正式用餐的人輕鬆解決一頓飯，常是一碟菜配塊麵包，現在不僅適合忙碌的現代人，更適合像我的怕胖女生，Tapas分量少正好。蛋黃紅燒香菇，除了燒得很香的香菇粒還有西班牙臘肉粒，香濃惹味，而加了蛋黃，口感更黏更滑，喜歡漿在口中的感覺。西班牙墨魚飯要耐心等候，非常大盤的炒飯熱辣辣端出來，味道很重墨魚汁味，黑漆漆的墨魚汁飯夾雜著墨魚粒，香味俱全！點了一杯精選sangria OM，紅酒味濃郁，面頭的sangria泡沫很特別，完全不配合外表，有果香味道，口感有微微奶油感覺，值得一試。很滿意的一頓西班牙晚餐，不枉專呈來encore。

今日在尖沙咀棉登徑完成要做的事時已接近下午二時。 還未吃午餐, 想起朋友在附近開設了公司, 急急與他聯絡, 希望找他作伴。 幸好他還未吃午飯, 着我先到ㄧ間名為"OM Tapas"等他。看看餐牌, 原來此店提供西班牙菜式的食品。 朋友來得正好, 讓他下單, 免得我傷腦筋, 最重要是我從未試過西班牙菜店員知道我們會分享食物, 下單後即遞上兩小碟給我們, 夠細心。 朋友亦向我介紹今天所點的食物。前菜 : 炸豬肉薯球 : 這是西班牙傳統小食。 頂部是沙律醬和紅色辣醬(微辣)。 炸球面脆脆的, 內裏卻是熱哄哄的薯蓉和碎豬肉。 賣相和味道也不錯。 香煎西班牙芝士 : 這也是西班牙流行的小食。 有點像炸薯餅, 但內裏有芝士, 咬下去有拉絲效果, 配以微酸的莓醬。 主菜 : 香煎鱸魚藏紅花汁香草飯 : 鱸魚一大片, 以黑椒和香草煎香, 魚肉質感結實, 好處在於完全無骨, 那就吃得放心。 藏紅花被譽為最名貴的香料, 煮好淋上魚塊上面, 頓感名貴了不少。 配上蔬菜片(翠玉瓜丶茄瓜和荷蘭豆), 還有香草汁飯一起吃, 口感豐富。 烤牛柳配薯泥蔬菜 : 牛柳厚切, 切開後也是我們