OM Tapas (已結業)

有幾次在尖沙咀都路過這間高格調裝修的西班牙餐廳，今次決定和友人試一試，餐廳頗有情調，不過枱與枱的距離很近。 我們2人點了西班牙海鮮飯($239)和豬肩肉燒茄子($138)西班牙海鮮飯(二人份) $239 海鮮堆得滿滿: 有青口、蝦、魷魚圈、蜆，雖然海鮮不算十分新鮮爽口，但這個價錢有如此多種類和份量的海鮮已經相當驚喜。 米粒飽滿地吸收了湯汁，醬料有點焦香帶點甜的味道。 米飯有些硬，感覺像是吃飯焦一樣，不是所有人能接受這種口感，但這是很正宗西班牙飯的味道👍豬肩肉燒茄子$138本來滿心期待，因為看到餐牌上打了星星，是餐廳推薦菜式，但豬肩肉煮得太耐，非常乾，完全沒有肉汁，要很費勁才咬得開，反而配菜茄子夠入味，比主角豬肩肉好吃。雖然豬肩肉失準，但主打西班牙飯水準高，保留地道風味，而且整體上餐廳環境寧靜舒適，定價不高，值得一試。

興致勃勃happy Friday 坐的士去棉登徑搵嘢食～ 去到見到呢間西班牙餐廳落地玻璃環境唔錯～ 記得上年喺度食過烤豬飲嗰杯嘢都ok嘅… 今次入到去啲人好似唔想招呼我哋咁～同我哋講10點45分last order,當其時先大約十點… 跟住我哋叫咗佢話佢哋嘅招牌西班牙海鮮飯，加一個炸蝦，兩杯嘢飲… 大約十五分鐘後開飯就嚟啦… 啲飯嘅質地好似意大利飯咁但係佢就特別生特別硬然之後個醬汁已經好難食…入面嘅海鮮全部都腥嘅😫 問佢攞辣椒仔同埋茄汁諗住調味冇咁腥～ 嗰啲員工就目無表情咁畀我哋啦～但個茄汁得兩滴～ 再問佢攞茄汁原來佢哋冇曬茄汁… 跟住 好大力地拍啲茄汁出嚟…淨番最後少少畀哂我哋但係啲汁飛到周圍都係…… 個飯食咗一半已經冇食… 個炸蝦就可以接受 埋單五百幾蚊～ 之後再去赫德道 食雞卷飲啤酒😭

想過一個悠悠閒閒的下午，讓心靈可以得到寧靜，當然要到環境不錯的餐廳，一邊享受美食，一邊欣賞街外風景。 這天我就選擇在棉登徑的OM Tapas，與好友過一個無拘無束的下午。 Lunch 的選擇雖然沒有想像中多，因為主菜只得4款，不過，前菜的小食卻非常特別，比一般餐廳只有沙律及餐湯，這個要來得豐富及有特色。 香煎西班牙芝士 這個小食非常好吃，外層香脆，內層則是半融化的芝士，入口時還是熱熱的，有拉絲效果，而芝士的味道挺突出，芝士控必點。 香脆豬耳 外型有點像粗薯條，但其實內裏是原條豬耳，炸香後外層香脆，內裏爽口，有嚼勁。 烤牛柳配薯泥蔬菜 牛柳非常厚身，入口帶有淡淡的燒烤香味，牛肉味香濃，肉質軟淋，配上味道帶點微辣的醬汁，相當惹味。 香煎爐魚藏紅花汁香草飯 爐魚外層微脆，而內層的魚肉挺嫰滑，配上紅花汁，令口感變得油油潤潤，鮮味十足。 午餐除了主菜外，還包括了甜品及飲品，總括來說，非常抵食。

經常形容西班牙的tapas就像中國人的飲茶一樣，每碟都份量不大，好讓我們能嘗試多點食物的種類。男友下班後，想吃西餐但不想太heavy, 所以我便建議西班牙菜。 在西班牙吃過最返尋味的是tortila蛋餅, 香港也不是周圍也能吃到，我們今次點的是鵝肝蛋餅，但中間夾雜着薯蓉及一片片的薯塊，10分有西班牙的味道。火腿也是西班牙的特產，這裏的火腿10分夠味，可是我們沒有點任何配菜，令火腿的配搭有點單調。火腿的油份和鹹度都剛剛好，我們把火腿拼着蛋餅一起吃，Yummy! 另外點了墨魚汁薯蓉八爪魚，墨魚汁薯蓉把嘴都吃到黑了，墨汁10分濃郁，不會被薯蓉本身的香味蓋過。最後都點了豬面頰，十分冧和入味，相信是慢煮的。雖然每碟份量不是很多，但吃到最後也是捧着肚子離開。

中式西式brunch都食過，西班牙brunch都係第一次食，今次可以瘋狂咁食多款西班牙的特色小食，好似去左西班牙。環境唔錯，寧靜舒適。安達魯西亞沙律有酸酸地的醬汁配左紅椒粒，屬開胃的配搭。炸雞肉薯球新鮮炸夠熱，薯蓉都幾滑。36個月伊比利亞火腿炒嫩蛋脆包原先以為係巴馬火腿炒嫩蛋，點知廚司將火腿切粒整熟左，個味道唔錯，蛋又夠嫩，火腿咬耐啲會有少少巴馬火腿的鹹香味。西班牙醬鱈魚鱈魚本身味道唔出，配酸酸甜甜的醬就唔同哂，加上面頭粒蒜片，有好香蒜頭味，呢款麵包仲脆口過上一個。烤香蒜鮮蝦蝦算新鮮，用左橄欖油同蒜片烤香過，仲加左少少辣油，連蒜片食味道唔錯，香得黎帶出蝦鮮味。西班牙海鮮飯味道較淡，加番胡椒同鹽就覺得有味。豬肉芝士卷味道唔錯，切開啲拉絲芝士漏哂出黎，入面包住的肉比較乾身，不過炸得幾香脆。個醬好特別。蟹餅蘑菇茄子泥薯蓉比較多，個醬酸酸地辣辣地，連下面茄子蓉同蘑菇配搭幾得意。豬腩肉烘包豬腩肉烤得幾香，連下面既蕃茄蓉一齊食唔會覺得好膩。肉桂糖西班牙炸油條肉桂糖沾滿哂條油條，味道幾香，啖啖肉桂味，因太脆，如果油條有煙韌的口感會更好。兩個鐘可以任食餐牌的菜式，份量唔會太多，有足夠時間用餐，店員友善

好普通西餐廳, 野食好一般, 故意形做高級感覺, 有D反感.大家都係香港人係都要同我講英文. 我食餐飯都係想輕鬆下姐.個西班牙海洋鮮飯無嘜味, 唔好食. 不過個蝦係新鮮既.

之前見網上評價呢間西班牙菜都唔錯，今晚第一次嚟試吓～雖然地方比較細不過感覺尚算舒服～今晚兩個人食連埋甜品叫咗七樣嘢（因為份量全部細細份唔夠飽😅）當然仲有Sangria ，不過呢度呢杯味道偏甜左少少～🍹橄欖油浸鯷魚配薯片：呢個味道冇乜特別都係正常鯷魚味道咁；48個月Iberico ham配流心蛋馬鈴薯，之前網上見好多人都有叫呢個所以都叫來試吓，上面有幾塊Iberico ham,幾有鹹香，配上淡口味嘅馬鈴薯同埋流心嘅蛋，夾埋一齊食幾好味👍🏻😋；慢煮八爪魚配墨汁薯蓉：八爪魚用slow cook嘅方法整肉嫩唔un,底下配上香滑嘅薯蓉，不過就唔太食出墨汁味道，但整體都唔錯！👍🏻西班牙乳豬：每次試一間西班牙菜必定會叫嘅當然一定係suckling pig😍呢度呢個上枱嘅時候已經味道好香，呢度嘅乳豬唔係脆皮果種，啲肉幾嫩幾juicy,配上下面燒過嘅青蘋果中和返個油膩感，呢個整得幾好食😋不過略嫌份量真係太少只有三小件😅搞到要再追加多一樣嘢食🤭不過我始終都係鍾意脆皮果種suckling pig多啲;火焰西班牙臘腸：呢個之前睇相已經好想叫，估唔到真係有驚喜好好味！😍啲腸燒得好香，裏面充滿油香又juicy，口

今日係尖沙咀約了朋友食午餐，佢主動介紹呢間西班牙餐廳，話午餐唔錯。冇記錯午餐只係百零蚊，已經包左小食或者沙律、主菜、甜品和一杯飲品。小食我哋揀咗炸芝士同埋炸豬肉薯波，豬肉薯波超好食，上面個汁有少少辣，好惹味。主菜本身諗住食西班牙海鮮飯，但覺得份量太多，所以叫咗白酒煮蜆扁意大利粉和烤牛柳配薯泥蔬菜。白酒煮蜆扁意大利粉，啲蜆好大粒，意粉煮得軟硬度適中，不過味道比較單調，要加少許鹽。烤牛柳牛味重，有五成熟，最適合。薯泥同蔬菜份量好多，而且很好味！甜品係Riz au lait , 甜的奶油煮飯，細細杯剛剛好。我覺得服務，環境，食物都高水平，可以下次再黎！

OM tapas2019-01-16，咁啱放工去開尖沙咀，諗住食啲未食過嘅餐廳，就碰下運氣去到呢間西班牙餐廳，雖然餐廳細細，但裝修別緻，吸引左我入去。流心蛋馬鈴薯配48月橡果伊比利亞火腿：個火腿完美咁融入左留心蛋裏面，因為廚師好巧妙咁樣運用左火腿嘅鹹味咁姐。配搭得宜。炸大蝦（咸蛋黃醬）：我都唔記得影低隻蝦，完全無食落去成舊粉嘅感覺，香濃爽脆！慢煮紅酒牛尾：啲牛尾炆得好琳，攞枝差一拮就會可以扯到啲肉出嚟，可惜份量太少西班牙墨魚飯：佢一擺上枱面，嚇左一跳，勁大個鑊仔飯，勁多墨魚，墨魚汁勁香濃。焦糖大米布丁：呢個布甸好得意，有牛奶布丁嘅感覺，啲蒸熟左嘅米粒有一粒一粒估細滑嘅口感！

放工後同老公去尖沙嘴食晚飯，諗住食啲特別菜式式，見到呢間西班牙餐廳幾好評，就去試下。地點都方便，K11後面。我地叫左...🥚流心蛋馬鈴薯配48月橡果伊比利亞火腿：一切開，啲蛋黃真係流出黎架。薯仔淡淡地，配火腿嘅咸。剛剛好！🍤炸大蝦（咸蛋黃醬）：炸粉厚度適中，新鮮造好，所以好夠脆。🐂慢煮紅酒牛尾：有微微紅酒香，牛尾好冧呀！得幾舊咋，仲想再食😋🦑西班牙墨魚飯：向來都鍾意食黑忟忟嘅食物，食完棚牙好好笑。雖然無咩餸，但有種海鮮味。不過兩個人食就太多喇...飽到呢～🍮焦糖大米布丁：幾有趣，有啲似西米布丁，唔太甜！欣賞！

記憶中的西班牙菜在港島有，原來尖沙咀都有一間有情調，食物質素好的西班牙餐廳。佢位於棉登徑，K11行過去都係過條馬路。餐廳門口闊落，仲有一個開窗位係可以坐喺條街食，將自然風吹入親餐廳入面，寫意舒適。一坐低枱面已經有蠟燭點好，餐牌一面係中文一面係英文。值得留意的是佢嘅菜偏向小巧精緻，除了意大利飯外，Main Course 及前菜偏小份，兩個人share剛剛好，四個人來每人只有一口。例如這個炸豬肉薯球，做得相當出息，薯球入面係豬肉碎，柔軟可口，外面仲有兩種顏色醬汁點綴，睇得又食得。伊比利亞豬肩肉+燒茄子，茄子及肉份量一比一，肉腍多汁。環境+服務+菜餚高質，愉快的一個晚上!

由於我去了旅行關係，剛剛返香港，忘記了幫好朋友提早慶祝生日，朋友没有怪我，反而提議去尖沙咀小街小巷，具有西班牙西餐廳。心里十分感恩，朋友並没有怪我。它位於尖沙咀的棉登徑1號，在K 11商場對面。我們一進入了餐廳裡,就點了飲料，叫了一杯菠蘿汁。好啱本人的口味，酸酸甜甜，仲可以解油膩。首先來個頭盤叫baby gem salad almond,呢個沙律好新鮮其中有香口杏仁片，加埋新鮮的生菜，加埋沙律醬汁，真是令人回味呀！伊比利亞豬肩肉配燒茄子豬肩肉入口好多汁而且好淋，加上燒茄子一齊食好特別呀！西班牙乳豬.青蘋果乳猪肉好香而且好多汁添，配埋青甜青蘋果又爽又香，好夾呀!炸豬肉薯球😋😋😋雖然這炸薯球會好熱氣，但係見它的賣相十分吸引，薯仔球炸到金黄色，面頭加上番茄醬汁同沙律汁，令人回味無窮。焦糖大米布丁😎😎😎由於朋友生日的關係，叫了餐廳幫手寫上生日快樂，沒有想到餐廳裡熱情的侍應仲叫唱埋生日歌，真是令人難忘呀！流心蛋薯仔伊比利亞火腿見到流心蛋慢慢地流出來，好治癒呀！叫呢碟流心蛋真是要趁熱食喔，伊比利亞火腿好有咸香味，估唔到加埋薯仔一齊食會咁夾嘅！菠蘿汁同埋紅梅汁餐廳内的環境，富有西班牙特色，里面的廚師

OM TAPAS是一間西班牙tapas bar充滿地道風味，餐廳採取開放式設計，增加採光度及空氣流通，設計上是令港人感受到西班牙人對生活追求的熱情和豪邁奔放。Galician Octopus 慢煮章魚墨汁薯泥，章魚用慢煮烹調，能帶出食材原有味道的鮮味之餘，質感仍能保持滑嫩。配上鮮墨汁味道相當配。Ham Broken Egg Bellota代表豬隻至少有七成以上的時間吃橡果，味道豐富有層次，底下配左厚切薯片同scrambled egg，流心蛋黃濃郁很滋味呢！Churros 西班牙傳統甜品炸油條，金黃色嘅炸油條上面灑上砂糖以及肉桂粉，十分香甜的味道，配上熱朱古力醬，十分香脆美味！Portas de Lisboa Red 紅酒帶甜味，比較fruity，很容易入口👍🏻慢慢享受一番😊

位於尖沙咀的西班牙餐廳是以現代工業風格為主，裝潢型格時尚，半開放式設計，高樓底增加空間感。Piquillo Beef 廚師將牛肉配上紅椒，好有特別的心思，牛肉鮮甜，味道濃郁，再加上紅椒， 口感非常美味。Clams 白酒煮蜆，雖然並非特大海蜆，但每一隻都鮮甜飽滿，入口嫩滑，吃了一口便停不下來，一連吃了十多隻，感覺滿足。Churros churros點cocoa ,上面有肉桂粉，又香又甜，churros 炸得剛剛好呀！另外我叫左杯啤酒，杯啤酒又意外地幾好飲，易入口！Matsu EI Picaro 點左紅酒，味道甜甜的易入口，可以慢慢傾計，配上美食係一種享受。

今天有事和朋友相聚的一天，是星期二的晚上，還有昨天才說今天食飯，在網上找了一下這一間餐廳還可以訂位，加上是我最愛的西班牙菜，所以便決定來這間餐廳！我和朋友一行三人，點了火焰西班牙臘腸，豬肩肉燒茄子和西班牙海鮮炒飯。火焰西班牙臘腸 - 這個小食很特別，口感沒有中式臘腸那麼硬，而且有厚度有口感，亦不會太鹹豬肩肉燒茄子- 豬肩肉很林亦肉汁飽滿！燒茄子比較林身，相信係吸晒豬肉的精華，很入味最後來到西班牙餐廳一定必食的西班牙海鮮炒飯- 海鮮份量比較多而且也很新鮮，炒飯不會很乾身，每一粒飯亦都很有咬口和佈滿醬汁的味道這裏環境很舒服，食物質素也偏高，價錢亦都合理，下次可以再來！