OM Tapas (已結業)

今日準備去食聖誕大餐，雖然早咗少少，但係就黎到聖誕節，被免個人超級多人，咁就同朋友早咗去食啦。朋友介紹我哋食呢間西班牙菜，就Book兩個人聖誕餐。聖誕餐有前菜，主菜，甜品，飲品，每位$488。前菜我最中意嘅係凍蝦，一客有四隻，每隻仲好肥美大隻，估唔到凍左之後肉質更結實，而且味道更加鮮，好好食。湯方面原來係龍蝦湯，係我最鍾意嘅龍蝦！不過入面就冇龍蝦肉。個湯就真係好大碗，飲到好耐都未飲完，膏味都好重。主菜就叫西班牙乳豬脾，廚師已經預先切好幾件，咁就好方便進食，不過賣相就冇成隻乳豬咁呈上咁靚啦。配左唔少嘅青蘋果，感覺唔好無咁膩。因為乳豬下面有好多嘅脂肪，食完之後都幾膩，有蘋果咁樣就好很多了。