Oliva (已結業)

難得去荃灣廣場, 想試試最多人讚既意大利餐不過的確如不少人彈所言, 唔太好... 雖然紅假不過唔多人, 窗口位full晒, 就坐附近既雙人位位置有d窄, 不過總算ok一坐低已經見到水杯有水, 望望附近既空檯, 竟然水杯都有水! 倒定既...真係唔多好...好彩我地12點幾去到, 佢11點半先開門, 希望唔好過份唔衛生吧... waiter見我地坐低即放低menu, 大約10款set lunch可揀價錢唔貴, $37, 包餐湯+主菜+餐茶可惜當我地睇到咁上下, 我放一放低個menu係檯, 諗住伸手去個袋度拎d野個陣突然一個waiter行埋黎, 拎走我個menu!!! 我地O晒嘴, 即時話我地未order架喎, 佢先一面尷尬咁放番低個menu...呢一下, 真係已經feel到佢地既服務絕對無嘜點train... 我地order左燒春雞扒意粉 & 蘑菇紅酒汁肉眼扒薯菜白湯唔算差, 只係無咩味, 我地都落左唔少pepper先得, 幾乎想落埋鹽 最搞笑係個碗係普通size餐湯碗, 但隻匙就係加大碼!!! 仲要俾我地發現2個人隻匙係唔同size既!!!! 超大匙都唔係一個問題, 問題係同隻碗唔

同朋友聚舊，因大家第二朝都番早，所以揀咗間近近哋嘅「本地」（即荃灣）西餐廳。不過真係唔係好掂。開支加洲赤霞珠，開嗰個女經理（？）連基本開酒俾客人試酒嘅步驟都唔曉，喳一聲斟半杯出唻，完全冇西菜嘅manner訓練。講番支酒，唔得，好dry，攤好耐都唔滑，有Ｄ難飲。湯：唔熱兼冇驚喜，完全冇印象。牛扒：冇肉味，唔juicy，快餐店鐵板餐都好過佢。蜆肉寬條麵：冇汁、冇味，唔知食緊乜咁。焗魚柳：唯一一道有Ｄ味道嘅菜色。唔會再幫襯。

朋友堅持午飯去Oliva,這麼不方便的地方,還約在星期六12點,平常早已推了,這次就讓一讓你罷... 沒有想過荃灣廣場有這種裝潢的餐廳. 樓底高高掛滿水晶燈,牆上都是木相架黑白照. 紅色皮椅子,懷舊得來又有點modern. 餐廳地方好大,有一半窗口位,整潔舒服. 只是這麼大的店,怎麼只有兩個服務員?坐低之後,朋友推介了牛同羊,為了讓大家有機會試唔同野,我選了意粉. 五個人要了2個牛扒,2個羊鞍同一個牛油辣汁意粉. $37伩午餐還包括麵包,餐湯同飲品,價錢相宜.先上麵包,用二個大藤籃載着,一人至少有二件,真係食包包食包. 權頭大的麵包,新鮮但不熱. 橄欖油黑醋很薄亦幾酸,正好為這個plain bread帶點色彩. 紅湯同樣比較薄,亦唔夠辣. 白湯反而賣相討好,朋友說味道不錯,還是留待下次來試. 之後上了一個牛,一個羊,一個意粉. 朋友話交換試,於是我好努力將自己的食物分出去. 意粉煮得入味,亦有口感. 雖說是牛油意粉,不算十分油膩,辣汁中和了油性,應記一功. 牛扒有師傅味,冇牛味,勁稔,係疏打粉的傑作... 羊鞍幾好味,雖然有點廋,沒半點油脂,羊味重又唔羶.

今天是美食博覽的第一天，滿載而歸回到荃灣，便立刻到「Olive」醫肚抵達後，由於已是4時多了，店舖顧客不多，侍應忙於為晚市做準備，但服務也算殷勤店鋪的裝潢和燈光亦予人舒適、柔和之感打開menu，以甜品為主，還有兩款意粉：牛油蜆肉意粉優：牛油香味濃郁，帶有蒜香，蜆肉、意粉火喉適中劣：不知何故，食物的溫度只算是「溫暖」，是因為牛油和蒜粒均是易焦之物嗎? 另外，牛油令食物略為油膩，幸好本人好牛油的香濃，所以吃得津津有味， 但不好此道之人要注意了~蕃茄海鮮天使麵優：蕃茄味濃郁，微酸，應以新鮮蕃茄或茄膏所烹調 另外，海鮮的用料也絕不欺場，蝦、魷魚、青口一應俱全——但全部也是迷你版的 至於天使麵，麵質也算爽口，且此道菜的溫度，比牛油蜆肉意粉熱得多劣：配料能再豐富一點就好了下午茶配冷熱飲品盛惠$27，以食物質素而言，價錢實在非常合理

我家大小姐生日, 一家四口帶她去食italian, 因為兩位小姐們喜歡吃墨汁PASTA,.諗住近近地去荃灣廣場OLIVA試下, 見到門口餐牌, 已知唔係太正宗..不過知道係連鎖式, 心裡都預左一分錢一分貨..所以坐下時已沒有太大的期望。但怎樣也估不到真的會是那麼差.....早前已訂位, 但被安排到最入近埋邊位, 反而WALKIN卻可坐窗口位.麵包 - 小件, 既不軟又冷冰冰湯-無論是白湯或紅湯, 都絕對是茶餐廳, 紅湯稀, 白湯「粉」沙律 - 燒牛肉木瓜芒果沙律...礶頭芒果, 木瓜一段 但燒牛肉卻不差, 甚至好過MAIN COURSE的牛柳。海鮮墨魚意粉, 一般...算不上是好, 但又未致於難食.....鵝肝配牛柳- 鵝肝是全晚最OK的一項食物蜜汁豬手 - 份量夠,但太咸餐飲-加左十蚊, 轉左CUPPCINO, 但仲產差過茶餐服務一句到尾..這間食店真是一次就已經很夠.......真的很後悔.....早知如此. 下次情願去意粉屋....質素與之相比, 簡直差了一大截....

今日lunch食哩間, 三点到, 都有好多客, 我已是第四次食(1) 煙三文魚意大利包($40)足料! 勁多煙三文魚, 抵食! 蝦片伴碟, ok(2)紅酒燴羊膝($37)這個是set lunch, 有雜菜湯, bread, and drink, 超抵! 可惜羊膝太so, 不過夠大件Summary: 環境泊得住高級餐廳, 但價錢平民化, 食物有一定水準, 大埔個間我都去過, 都ok

0個日落好大雨, 想搵個地方同老公坐低食飯傾計...老公一直都想帶我去呢間食飯...今次咁0岩有lunch set. 又唔想再周圍搵..就不妨試下....一坐低個侍應就放低一籃麪包, 麪包好硬..唔食都唔可惜...之後我地叫左兩個lunch set...兩個都唔太好食...白汁海鮮焗意粉: 好漏好油...食左一半就食唔落胡椒汁西冷牛扒配薯蓉: 牛扒0黎到只係微暖...肉質仲好硬..食物已經唔好食...d服務都一樣唔好...叫侍應俾隻碟, 叫餐飲, 叫埋單都要叫幾次先serve...唔會有下次!!

完全唔掂個雜菜湯唔香, 好鹹, 稀過飲水個意大利飯一味大碟, 一味多牛油, 唔香, 唔入味d飯仲要過濕, 一pat pat意大利飯整成咁, 唔該叫個廚去再學師先個蝦多士最詭秘, 居然係點甜酸醬完全九唔搭八裏面仲要無餡, 咁有乜資格叫蝦多士餐廳環境, 茶餐廳水準都無無下次仲話The Fine Italian Food呃阿嬸都無資格

對上一次....也應該是吃下午茶餐, 食物環境也可以吧! 今日又做到頭昏腦脹, 想坐得舒服點又吃得好點, 上個月路經這裡, 侍應俾咗一張 85 折 coupon, 滿 $150可用, 相信今晚應該用得著吧!窗邊景觀的確開揚, 部長放下一籃麵包及油醋, 前者只有數小件, 且凍冰冰, 樣子一點也不吸引, 意大利餐廳的麵包....真的有點失望! 從套餐上, 我們選了香草燒豬仔骨套餐, $98, 及煙肉焗龍脷魚, $68! 兩份也是 special dinner...所以價錢特別平, 菜湯香草味濃, 但淡如水, 忌廉湯似港式西湯, 先來豬仔骨, 件骨不小, 肉腍, 但真的好吃就要數以前的 rainforest! 煙肉焗龍脷魚遲遲才上, 碟上圍著四大圈物, 厚厚魚肉被煙肉包裹著, 煙肉肥美, 腍滑, 浸在香濃芝士汁內, 非常美味, 中間的薯仔蓉已吃不下了! 檸水, 奶茶不談也吧, 下次真的要選 dinner set/a la carte !

母親節到...問母親大人想到哪慶祝...佢話想試下意大利菜...姐姐便提議到荃灣這間...去到囉位時...特別要求窗邊位...大約一小時便有人致電來...有位啦...叫了什菌意大利飯....羊肉中東包....仲有果隻ham....仲有pizza...唔記得影..不過都好好食....同埋加$20..就可以轉set...有餐飲...餐湯...total$36x.....d pizza仲食唔哂添....整體黎講都幾好食....同幾抵

昨日同女友去食野...係荃洌行左好耐,終於選左這間本來冇咩特別期望,但係想不到的好吃.....唔記得拍下D食物!! 叫左雞飯...唔記得叫咩...女友叫...我哄係等食...哈仲有個夏威夷風情Pizza 好好食!! 因為我圩細食...要打包回家吃吃

個日因為有個朋友生日,,甘咪諗住約多一個朋友一起去同佢食餐晚飯啦,,,唉,,,,完本就坐d睇景既,,冇,,甘吾坐囉,,,係就係環境好浪漫,,,岩哂d情侶,,,d野食都好似好好食甘,,,冇諗過甘難食又吾低囉,,,個晚只係得d果汁底同好味,,,唉....食左3百幾蚊吾底

星期日晚六點半左右黎到唔太多人, 但窗口位剛剛Full左, 好在waiter安排角落位俾我地, 反而自成一角仲好!環境唔錯 , 座位舒適, 一黎到就會送上一藍麵包, 每人兩件左右, 但麵包好靭, 又唔熱 .所有PASTA/ MAIN COURSE加$20- 就有飲品+湯, 於是係meun內揀了個辣肉腸Pizza同埋specail daily豬仔骨~辣肉腸Pizza---order半份兩個人share食已很足夠, 長方辣肉腸份糧不多, 咸味不足, 芝士拉起時都會有些一絲絲效果, 但不夠香, 勝在夠熱, 不過不失~豬仔骨 ----佢已預先界好一坑坑俾我地咁好易切開D. 但肉質好鞋, 而且D肉會痴住D骨, 另沒有外脆內鬆軟的效果, 跟Ruby tuesday & Pepperonis無得比, 可能將貨就價吧!配菜有薯仔, 豆角, 小棠菜, 但好似隔夜菜...另配兩撮小棠菜都有點兒格格不入呢! 飲品:檸檬茶少甜---已叫少甜, 但都一樣好甜咖啡---OK la~奶味較重總括黎講無乜特別, 應該唔會再黎dinner喇~但因環境尚算舒適. 極其量只會來一試lunch罷了~

以前係荃灣返工時，好鍾意係度食 lunch。第一，價錢合理 ( $37 免加一); 第二，環境舒適; 第三，食物質素頗佳。返香港後，約返舊同事去 oliva 度食。首先，佢枱面上會有碟醋和 olive oil。你一入到黎就會送上麵包。以往預一人一件左右，但今次每人可以食到兩件。麵包鬆軟，但唔夠熱，應該係預先整定的。我地夾埋叫左兩個餐: 白汁芝士菠菜焗沙鯭魚柳、意式豬柳配雜椒蕃茄汁。跟紅湯。雜菜湯都叫左多料，但略嫌多左少少油，應該係落多左少少茄膏.. 但另一方面，佢既味道都係唔夠酸。或者可以落多少少蕃茄？白汁芝士菠菜焗沙鯭魚柳: 魚柳有雪味，但 d 白汁可以蓋返少少。而佢塊魚柳都幾夠份量，同埋配菜都幾多款。意式豬柳配雜椒蕃茄汁: 豬柳整得幾好，夠淋同埋 d 肉質唔錯。而 d 蕃茄汁都好惹味下。整體來說，oliva 是一個不錯的 lunch 選擇。

一向我都覺得情人節餐係又貴又唔好食, 不過估唔到可以難食到咁既地步5日前比晒DEPOSIT BOOK左個情人節餐, $338兩個人都預左唔係特別好食, 不過都唔好咁離譜, 第一道前菜係沙律, 個塊捲住露筍既火腿都幾好食, 不過沙律醬少得可憐, 好似食緊草咁, 之後上湯啦, 龍蝦湯勁腥, 飲左兩啖已經好想放棄, 男朋友個周打魚湯反而就正常好多, 主菜我選左鵝肝牛柳, 鵝肝好肥, 個牛柳"鞋"到...... waiter從來冇問我要幾多成熟, 我諗全部牛柳都係100%熟, 至於男朋友個羊扒同大蝦龍脷卷, 就叫做好少少, 不過隻蝦好霉, 好似腐屍咁, 我從來都未食過咁難食既蝦, 兩個set都跟一個焗薯, 不過隻薯仔係凍冰冰既, 好硬, 我地兩個人成個set食左一半就放棄左, 實在太難食啦, 我唔明其他情侶點解好似唔覺得有問題咁, 最後上個甜品, 兩個人只有一客, 終於有一樣野係正常啦, 呢個雪糕新地唔係特別好味, 只不過之前既野太難食, 所以相對地個新地就好好食, 我地清晒個新地就拿拿聲埋單走人