Odelice! (蘭杜街)

灣仔嘅Lunchtime 真係超多人! 差不多每間都要排隊！來到這一家啱啱好有最後一桌，立馬衝入去！🧑🏻‍💼 Service哥哥蠻熱情推薦我們食呢樣飲個樣，叫完發現有啲好吃有啲麻麻，下面再講。🥢 Food餐湯 - Mixed Vegetable Soup 雜菜湯 超鹹, 入面似有啲南瓜，洋蔥。都係叫沙律比較好！油封鴨腿 $185 - 呢個油封鴨腿我睇完法國料理節目之後每一次去法國餐廳一定會叫！做得幾好食，鴨肉好lum好鬆化，不會乾乾的。不過塊皮唔夠脆，如果脆啲會香口啲。佢配菜有羽衣甘藍伴煙肉，啲煙肉係厚切個隻，再有烤細薯仔同用肉桂煮過嘅蘋果，可以消除油膩感，不錯吃。

今日同朋友來呢間度食lunch，但等左9個字凈係得沙律，都未有嘢食。同manager講過幾次追單，但都不獲回覆，凈係話黎緊黎緊。但隔離檯遲入都已經有嘢食了，仲要係同樣的dish，十分奇怪🤔。金鐘返工的人lunch hour 都係得一個鐘多啲，等9個字都無嘢食，好過份。2點鐘終於有嘢食，但steak 竟然係nearly uncooked，退俾佢，再等多10分鐘…..好愕然。有圖有真相，希望大家唔好因為open rice啲正評就俾佢呃左。

之前午餐食過尖沙咀店覺得唔錯今次嚟蘭杜街試埋晚市Ham and Cheese Platter法國風乾肉腸添加榛果乾製唔似豬頸肉火腿較油潤鹹香；勒布洛雄芝士柔軟滑膩相反十八個月康堤法國芝士質感相對乾硬Chateau Puy de Guyrande, Bordeaux AOC, France紅酒混合梅洛以及赤霞珠同埋品麗珠三款葡萄品種釀製色澤深紫並且帶有紅色漿果果香Passion Fruit, Pineapple, Apple Juice鮮榨果汁標榜百份百蔬果體驗保證絕無添加冰塊或者水同糖唔想飲酒嘅話不妨試吓Sous Vide Iberico Pork Tenderloin 低溫慢煮伊比利亞黑毛豬柳肉質粉嫩柔軟同時油花豐腴細密配搭砵酒醬汁濃郁甘香French Duck Confit Galette薄餅餅皮呈深啡色帶蕎麥香同時法國油封鴨腿肉質酥嫩配搭香桃莎莎醬平衡油膩感加埋溫泉蛋黃以及埃文達芝士整體層次豐富Lemon Curd Cake檸檬酪蛋糕質感綿密鬆軟配搭檸檬酪以及雲呢拿雪糕酸甜清新啱哂消膩減滯

之前去尖沙咀已經想試Odelice!啦，但最終試唔到。 難得今日去開灣仔，一定要嚟食個lunch。坐低望住個lunch set menu, 花多眼亂,都未諗到食乜。侍應主動介紹有咩好食，態度親切，咁就一於試下佢嘅心水推介啦。是日餐湯南瓜湯， 南瓜味濃，每啖湯入口都似南瓜蓉。前菜揀咗Tuna Carpiccio， 灑上酸酸甜甜醬汁，特別開胃 。配合埋蕃茄仔同香橙食，口感更佳。主菜係Entrecote Frites， 侍應介紹呢個rib eye steak係明火煮，係其餘3間分店都無嘅味道(因為其他店係商場入面), 果然一上枱，炭火燒味好香， 牛扒嘅坑紋清晰可見， 切開時好嫩滑，牛肉加埋鎖住嘅肉汁，使牛味特別香濃， 可以媲美外面嘅扒房。另一個菜係Mixed Seafood Galettes，我第一次食呢款法式蕎麥薄餅， 口感煙韌，中間係又香又滑嘅garlic cream sauce, 仲有足料嘅海鮮, 包括蝦肉，魷魚等等，整個菜都好出色。另外,要讚下呢度嘅服務。 侍應態度親切，用心招呼。除咗落單時會介紹一啲心水食物外，用餐時都會問下我哋嘅意見，味道如何，閒聊幾句，好有小店嘅親切感。

再次回到這家位於灣仔的法式小店，試一下新的菜式，依舊美味。雜錦海鮮蕎麥薄餅高級海鮮餡料虎蝦，美國帶子，魷魚，蒜香忌廉汁，材料新鮮，口感爽嫩。餅底口感煙煙韌韌，邊皮位香脆，中間的位置則比較軟綿，加上蒜香忌廉汁的咸香十足。法式香煎鴨肝搭配極致羅西尼牛排呢道菜一次可吃到兩種極致奢華的口感。3成熟的牛排呈粉紅色，肉汁豐富，肉質軟嫩，搭上濃郁的醬汁同埋鴨肝的油香，完美的享受。松露蜜法國油封鴨腿烤到酥脆的鴨腿外皮將肉汁鎖著，皮薄而不油膩，鴨肉多汁鮮嫩，每一口都是油香。火焰橙酒可麗餅經典口味的法式甜點，店員仲會即席表演橙酒燃起的過程。可麗餅上舖了一層橙酒，經過燃燒的橙酒香加上焦糖的甜，果香味和酒精配合得天衣無縫。

Happy Friday Night要chill chill，今日就揀左呢間法國小餐館食個nice dinner!一早係openrice book 左8：30pm, 但去到都仲要等一等。佢屬於小店，因為環境真係唔太大，我諗大約得10－15台客到～如果係2人ge話，就要同人share table, 就會坐得逼d，但都好在我地晏去，所以可以坐最出ge 大枱，坐得好舒服！前菜： Chef Platter ($198)佢都有好多唔同款包括Pama Ham, Smoked Salmon, Toasted bread我地鍾意佢咩都有，同埋岩岩好可以share ge 份量，又咩都可以試下。佢仲有d avocado, 放上面包上面好好食～Steak Tartare ($148)好開胃的前菜，牛肉份量好多，撈埋d生蛋個味道好juicy白酒青口（＄148）青口份量多，白酒味濃。佢個slide 係薯條，脆卜卜好食French Duck Confit ($198)最欣賞係呢個油鴨腿。佢d肉好滑，又唔會太油。加上布羽衣甘藍，可以中和味道，唔會太肥利。最後甜品叫左2個Crepes一個salty 一個sweet，試

約咗朋友去睇「大MK日」，見OpenRice呢間野都係排頭幾名就book咗去試啦環境有小小細，不過因為6點前到，基本上得一兩枱外藉人士飲緊咖啡睇緊notebook佢又唔同嘅啤酒選擇，咁當然要飲番杯先啦沙律菜好新鮮，最鍾意食火箭菜，仲要中間舊芝士好好食😋青口配薯條，個汁如果可以再濃少少會正好多最後唔夠飽都係叫多個意粉，不過唔太好蕃茄底所以主要俾朋友食，佢話正常無咩出錯基本上是一間有水準的餐廳，但又不會有太大驚喜，其實有水準而家都唔算係易事。

跟朋友慶生，所以一早就打去同餐廳講聲請他們幫忙寫birthday plate#steak— 點了個medium rare，賣相不錯😌可惜食落有d太生同好多根😩。side dishes 👌🏻#risotto— 這個還好，覺得沒什麼味道😅#peach tea— 超淡🙃#Nutella tiramisu —覺得這個反而是今晚最好吃🤣滿濃郁又濕潤的，而且提早通知的話餐廳可以幫忙寫plate很貼心。但有點無言是我們已經到餐廳了，職員還一直call我說我還沒到。🤷🏻‍♀️後面還沒吃蛋糕已經在催我們交枱……而且一到餐廳就問等一下是不是要蛋糕🙃什麼驚喜都沒了🙃🙃總結：食物ok、環境/時間很逼

竟然錯過了pp的追星活動，在pp3附近覓食，Odelice! set lunch 未過，來一個豐富午餐吧。Daily Soup - Broccoli soup 這天的餐湯是西蘭花🥦湯，西蘭花味特出，湯幾creamy加了少許蔥粒。Tuna Carpaccio | +$78吞拿魚稍微煎封，每一塊吞拿魚都被芝麻粒圍邊，淋了芝麻醬汁，味道酸中帶甜。蕃茄仔及柚子清新酸甜，幾開胃。Mixed Seafood Galette | $148在網上見到蕎麥烤餅，覺得很特別點了一個來試試，烤餅呈現啡色，大大片的鋪在碟上，上面有雜錦海鮮及忌廉醬汁。烤餅的蕎麥味香，醬汁忌廉味濃郁帶有牛油香味，可加少少檸檬汁減輕膩感。Beer Roasted Chicken | $148聞到烤雞幾香，半隻雞斬開了三件，雞脾啖啖肉，雞皮烤得香帶有些甜味，雞肉留有肉汁，不會太乾身。薯條份量也很多，粗身薯條內充滿了薯仔蓉，點一些辣的蛋黃醬， 十分惹味。Rosy Earl Grey Ice Tea | $38冰茶面有些玫瑰花瓣裝飾，冰茶帶點花味，加上伯爵茶清香，整個冰茶味道清而不澀。Beetroot, apple, carrot ju

一諗起法國菜，就諗起個”貴”字！呢間餐廳我之前都食過，食完男朋友一直念念不忘！今日，終於有機會再去食！難得可以輕鬆下，男朋友叫左杯紅酒Cabernet Sauvignon $70我就叫左杯紅菜頭、蘋果、紅蘿蔔汁$38杯果汁好足料，飲落去同自己搾既差不多，好fresh ，好健康，飲完覺得好抗氧化😂Ham & cheese platter $228前菜叫左火腿芝士拼盤拼盤份量好足，足夠三至四人食。芝士同火腿嘅味道好好，配埋旁邊嘅開心果同埋橄欖，令到成個前菜嘅味道有更多層次。可以一邊飲酒食芝士，一邊傾偈！接着下一道菜係法國油封鴨腿蕎麥薄餅。呢款薄食好少起出面嘅餐廳食到。蕎麥薄餅脆得黎，有點煙韌，有陣陣蕎麥味道，鴨肉味道適中，肉質不會太硬，食落無一般薄餅咁油膩低溫慢煮伊利比亞黑毛豬柳$248因為低溫慢煮，所以肉色粉嫩，黑毛豬柳肥瘦均勻，肉質好夠淋，男朋友都讚不絕口！薯蓉好香滑，口感軟綿綿！配菜係雜菇，煮得好入味，最後成碟清曬檸檬酪蛋糕$78最後食個甜品完結這一餐這個蛋糕焗完很香，蛋糕好有厚度，雖然望落平平無奇，但係食落好有驚喜！蛋糕焗到個面同邊都好脆！上面的檸檬酪酸酸的，同蛋糕一齊食可以更開胃

疫情之下冇得去旅行，所以決定去一間小酒館feel嘅餐廳 Odelice! 當去咗法國。朋友想食得健康啲，好彩呢度都cater到。先嚟係飲品，我叫咗House White Wine Chardonnay，相對比較清淡，好適合做餐酒配合唔同嘅食物。朋友就叫咗杯Tropical Passion Ice Tea，酸酸甜甜非常清新開胃。叫咗個新鮮大蜆鍋做前菜，蜆肉好甜，忌廉sauce 有啲似湯，小小甜味好好飲，配合檸檬汁帶出蜆肉鮮味。然後係Omni新膳肉丸，用咗植物肉Omnipork 製造，冇一般肉咁漏，像真度高，地中海醬用咗真蕃茄，分外清新，酸酸地同啲豬肉好夾。然後係煎封大西洋鱈魚，魚肉結實，有啲椒鹽簡單調味令味道好有層次，而且有菠菜同鮮甜嘅露筍做配菜，適合注重健康嘅食客。佢個sauce係青豆蓉同番紅花忌廉汁，食落感覺好清新特別。再嚟係法式風味漢堡配番薯條，薯條用甜薯好特別，食到停唔到。漢堡肉味濃之餘洋蔥都煮到好甜，而且個包好柔軟。甜品我哋就叫咗火焰橙酒可麗餅，睇得又食得！Serve嘅時候侍應會係上面倒滿著緊火嘅橙酒，令到啲火輕輕咁係可麗餅上面燒，燒完都仲食到啲酒味。

lunch time的蘭杜街是個戰場，從來不敢走進這裡食lunch，今天難得朋友先去找位置，終於可以一試法國菜。店面小小的，桌子全部並排，跟旁邊客人很近，只相隔一塊膠板。蔬菜湯看上去很稀，但喝下去意外地有濃郁蔬菜味。Salad也很大碗，很新鮮。〰️Smoked Salmon Galette我們都被galette的份量嚇倒，很大份，喬麥餅本身沒什麼味道，也不是煙韌路線，味道全靠配菜，所以有醬汁很重要。〰️Spinach, mushroom and egg galette這個乾到我差點吃不下，重點是完全沒味道，調味是零。我自己問店員拿鹽和黑椒，但也很難下咽。我看menu說是creamy mushroom，mushroom一粒粒掉出來，菠菜也很乾，整個不知道吃了什麼。白色的是蛋白，不是醬汁。

環境都幾逼，坐低都要攬住個袋咁逼。傾計嚟講場地都因為逼而有啲嘈。聽聞蕎麥薄餅出名就叫咗Parma ham蕎麥薄餅，真係唔識欣賞，一般冇咩特別，放多一陣凍咗變得難食。淨係樣好睇。同埋叫咗牛肉他他，都係幾普通，好似冇咩味，麵包非常硬，邊邊就刮損喉嚨🥴叫埋個聽落最普通嘅雞肉溫泉蛋意粉，竟然係最好味😂雞肉起碼嫩，意粉個汁都OK好味。朋友叫杯sparkling，份量半杯左右。熱情果沙冰就冇咩熱情果味🧐唔知係咪見到好多like期望好大，覺得一般。

我今日又係我 Don Chan來試食。首先呢到D 法國餐個名幾好聽。但食落就不過不失。例如封油鴨腿，鴨腿過份油膩。鴨腿的肉 並非太新鮮有少少燉味比較失望。cocktail都算有幾多選擇 而且價錢唔算貴。有好多款法式甜品， 我比較喜歡法式梳乎厘。最出色算係前菜 ， 佢哋有個法國拼盤。有醃肉 意大利腸 。

好喜歡呢間餐廳，特別喜歡灣仔分店，因為坐落於幽靜的街道，今晚八點幾去，仍座無虛席。法國油封鴨腿配蕎麥薄餅呢間嘅其中一樣主食—-蕎麥餅係其他餐廳冇，但係好正嘅😍。蕎麥餅好香濃，鴨腿入味爽脆，仲配上新鮮的桃子🍑作配料，口感非常豐富。低溫慢煮伊莉俾亞黑毛豬柳$這種慢煮方法令食材的味道和肉質都很好，豬柳爽嫩，調味出色，肉質有咬口，回味。此外，有很多配料，香草、蔬菜、整整一個燒香的蒜頭，出色，有誠意。 蒜香白酒大顯意粉🍝調味出色，酸香加走香令人吃不停口。檸檬🍋酪蛋糕喜歡檸檬的不容錯過，檸檬味忌廉非常濃。Sunshine Ice Tea喜歡飲台式果茶的我，覺得這杯真的好有水果茶的風味，水果款式很多，作為西餐廳沖到這樣的果茶，實屬不易👍🏻👍🏻想起朋友住在將軍澳，快將移民，我想跟他的道別飯應該也在將軍澳的Odelice😬😬