Ocio (積存街) (已結業)

放工又到大圍搵食😂今次又試下大圍西餐廳～尼度雖然唔大 但都設有卡位 2～4個朋友尼都可以坐得幾舒服而且地理位置都幾好 好近火車站而晚餐Meau如下👇🏻 我今次同朋友2個叫咗南瓜什菌海蝦意大利飯同PRIME肉眼扒😋晚餐都有跟餐湯既 今日就系南瓜湯na好鍾意食配湯呢個包 有少少近似英式鬆糕嗰d😋加咗錢錢跟左杯雜果賓治 好大杯丫 呢個南瓜意大利飯一上碟就嗅到勁香南瓜味而且啲蝦都真系好新鮮好大隻丫😂肉眼扒就叫左5成 剛剛好 仲有少少血水😆佢跟咗沙律同薯條🍟 份量都不少2樣share食都食到好飽丫🤣🤣🤣🤣

今日放左工相約小胖女黎返上次食過既呢間向大圍既ocio食晚飯,撐下枱腳,雖然鋪仔細細唔算大,但黎到都非常多人食緊人,黎呢到主要都係想靜靜地過下二人世界,今次叫左兩個set dinner,一份肉眼扒同埋一個all day breakfast,隨餐有包埋餐湯同埋餐包,先黎係小胖女叫既all day breakfast,有炒蛋有腸仔有窩夫,樣樣齊,味道清新唔會怕食濟,份量亦都唔會太細份,岩哂兩個人分黎食,再黎係小弟叫既肉眼扒,叫左5成熟,但可能過左小小火,比較熟左小小,但勝在大份又夠多汁,岩哂食肉獸,最後跟餐+15蚊叫埋杯熱情果梳打同埋,草莓沙冰,岩岩好,埋單每人都係170左右,都算抵食

跟鄰居繼續每月一約 見一見吹一吹水 開開心心又一日 以往差不多每個月都相約係九龍區相聚 今次就來點特別 一於來個新界區聚會 來到大圍搵食 當然要搵間有格調既 鄰居介紹呢間Ocio 室內裝潢帶點格調 不過枱與枱之間空間不算足夠 有點可惜餐牌選擇不少 價錢走平民化  簡簡單單點了全日窩夫早餐來主菜前先來餐湯 是粟米湯 都有淡淡粟米清甜味 不過不算濃郁 主菜上枱 新鮮熱哄哄 用料十足 有煙三文魚、炒蛋、雞扒、腸仔、茄汁豆、沙律菜同薯條製作是用心的  腸仔並不是坊間一般既廚師腸 食落肉汁豐富 沙律菜算新鮮 薯條夠香脆可口 窩夫外脆內軟 蛋香味重 呢個早餐確實不錯 鄰居點了醬燒柚子蜜豬仔骨早餐豬仔骨份量十足 賣相亦頗吸引 豬仔骨配上微辣燒汁 微辣之中帶點甜酸 開胃提鮮  不過略嫌豬仔骨質感有點硬 需要點牙力 套餐附送餐飲 點了伯爵紅茶同洋甘菊茶 其實都只是茶包沖調 沒有什麼特色可言 總括以全日早餐來說 價錢絕對取勝 不過質素就有待改善還可以encore再來試一下其他

大圍都係一個我常去嘅地方，放工過嚟非常方便，其實美食都好多㗎，今日我哋選中依家環境幾舒適，係一個可以慢慢同朋友傾計嘅地方佢又set dinner，我哋每人叫左一個套餐跟餐嘅南瓜湯味道夠濃夠甜，最怕飲啲稀到好似溝水一樣，不錯總共有六隻帶子，大大隻亦都用煙肉包住，每啖都充滿着鹹香，意大利飯住得夠淋唔啱硬，黑松露味好香，分量亦都好大一個女仔實食唔晒羊架就朋友叫嘅，佢話依個唔算騷，肉地亦都夠嫩滑，我試咗少少，怕羊嘅我亦都覺得真係幾唔錯套餐加咗$15叫咗一個熱情果梳打同巨峰提子冰茶，唔太甜清清地好飲

一直住係大圍，之前覺得晚餐價錢貴所以無食。今日朋友話想食西餐，見午餐價錢中中等等，就入黎試下啦。我地三個人，一個嗌左黑松露蟹肉意大利飯，一個嗌左安格斯牛扒，一個嗌左煎雞扒意粉.....最後一致認為好難食。問個服務員牛扒有幾重，答唔到。最後.......意大利飯食唔到蟹肉，個牛扒又薄又乾，七成熟變全熟，雞扒無味，個汁又無味，薯條係粗款薯條，不過淡而無味，亦唔脆。本身仲想嗌個fish & chips, 幸好無嗌。好彩朋友平日都係將啲碟碗食得乾乾淨淨，我地先叫做無浪費野食。

其實我喺大圍真係人生路不熟，但係我好喜歡嗰啲大街小巷特別，係入面啲舖仔。 沿著馬路邊一路行見到呢間餐廳我見雖然內裏面積不大，但裝玩修門面都幾靚，所以猶疑咗一陣都係入去啦。我一個人食嘢通常都冇咩特別，於是拿起個餐牌點咗一份早餐，見到價錢亦都唔算貴 其實都真係冇咩特別要求，但係嚟到嘅時候都幾令我喜出望外☺️ 因為都真係好有心思！先講一講佢哋個湯夠曬入味，唔似得出面一啲好似用水溝稀咗嘅水一樣，呢個湯值得加分。幾次佢哋個窩夫係真嘅窩夫，咬落口嗰種從軟係無法騙印。所以如果本身對西餐有要求又想有一個環境清靜嘅西餐廳呢一度真係值得推介。

嚟大圍搵食，太多餐廳選擇之下，揀咗OCIO, 揀咗兩個Set Dinner, 芝士和牛漢堡 厚切的牛，配熱辣辣脆薯條，另外醬燒柚子蜜豬仔骨伴蟹肉芝士焗大啡菇+薯菜，豬仔骨好Juice好夠肉汁，配埋個醬味道好夾👍🏻晚餐仲可以加錢配芝士薯條．蒜香雞翼．或小食拼盤，跟餐嘅南瓜湯好足料，配脆口嘅麵包，飲完都有點飽肚。好鍾意呢度飲品好多選擇，今次試咗蜜桃沙冰 + Oreo雲呢嗱奶昔😋本身好想再試埋刨冰，但份量太豐富嘅關係，只能留待下次再食，食物質數依然keep到水準，確係Lunch同晚餐嘅好去處👍🏻

今日去咗大圍的ocio食飯哪兒環境很清幽我同朋友都覺得哪裏可以談談天一到了哪兒我們每人都叫了一個餐朋友叫了 香草鮮露筍花蚌扁意粉 而我則叫了黑松露意大利飯配煙肉帶子串兩個餐都非常之特別 因為平日通常都是卡邦尼亞意粉海鮮燴意大利飯但是他們今次反傳統匯入花蚌意粉而花蚌非常之琳好有口味香香辣辣配合得好適宜而黑松露意大利飯配以煙肉帶子帶子非常之亂滑煙肉非常之香口 所以這兒生的是非常之好味

今日收工朋友話一齊去試新嘢！食得中餐多要又要食返西餐😅😅一人叫一個set dinner...仲加咗個甜品😆😆生🐛🐛我哋叫咗個黑松露帶子飯好好味，濃濃黑松露味好香🤤啲飯又唔會太硬，仲有煙肉...卷住帶子串上真係未見過，老闆好有心思！露荀花蚌炒意粉，花蚌好鮮甜新鮮，意粉炒得好入味，吸晒三色椒同露荀味（西餐廳準備食材通常都得蝦帶子龍蝦...貝殼🐚類又係好少見👍🏼）我哋Share食已經好飽，但又忍唔住仲叫咗個期間限定嘅甜品😍法式蜂蜜吐司加雲呢拿雪糕🍦超正！入邊軟綿綿，出面脆卜卜！原來秘方係先將麵包🍞浸鮮牛奶🥛再去焗脆💯話飽但係都對晒... 甜品係用另外一個胃裝係無錯嘅😆😆好滿足嘅一餐，下次要再嚟試埋其他嘢先得😋😋

近期少咗去油尖旺食嘢行街，今次就試吓喺新界大圍搵嘢食😋 大圍其實都出名多Cafe，而呢一間ocio就位置喺積福街油站附近，喺火車站大概行10分鐘就會到達。話到明係Cafe所以佢哋嘅裝修都系比較簡潔，鋪頭骨子但係非常企理係繁忙時間更加係座無虛席👍🏽餐牌美食豐富睇到花多眼亂，雙眼望望隔離枱客人食乜🤪😂 發現樣樣都非常之大碟而且賣相非常之正，就咁睇已經流晒口水。最後就揀咗兩個set dinner 🍽 餐飲方便就叫咗跟餐唔使再加錢的檸檬茶（若果大家再加$15嘅仲可以選擇其他款式嘅特飲）落左單之後侍應就會送上是日餐湯以及包點😜南瓜湯入邊有豐富嘅南瓜蓉👍🏽✅ 香煎挪威鮮三文魚配刁草檸檬汁三文魚煎得十分香脆，火候啱啱好。✅ 香烤美國prime肉眼配薯菜肉眼扒係五成熟，厚度適中肉質均勻。最後其實我哋已經食到好飽所以冇特別加錢叫甜品🍮 不過見到餐牌其實有好多款式嘅甜品都搞到心郁郁！所以下次會再嚟試埋佢嘅甜品😊埋單每人大概$160，呢個價錢配這質素我覺得非常之合理😜—————————— 食物質素：7/10 環境衛生：7/10 舒適度：7/10 服務：8/10 性價比：8/10 總評分：7.4/10 ———

Ocio 今日係大圍附近做野，做到9點已經成日成身散晒，即刻上OpenRice 搵間好野醫下肚先 。搵到間個個都話抵食夾大件既平價西餐廳，坐低睇到餐牌果然係好平，我地叫左一個香煎挪威燒三文魚配习草檸檬汁（$108）睇相都睇到真係好大份，煎得夠香脆，個檸檬汁好配，仲配埋份量唔少既沙律加薯條。香烤紐西蘭羊架配茨菜（$148）叫左7成熟，真係煮得岩岩好，岩落去有紅肉色，又唔會有血水，仲有3件大大件。仲有可以問staff拎芥辣醬。餐飲就擇左一杯凍檸檬茶（凍熱飲品同價）同Hazelnut Latte (跟餐加$15） ，hazelnut Latte 非常香加奶味夠香，飲得出唔係用奶精溝既咖啡！埋單差不多300蚊，真係OpenRice 無介意錯既抵食又好食餐廳！

有空當然要跟好朋友聚聚，這天下班去了大圍ocio, 跟朋友談心，吃午餐。餐廳氣氛不錯，店內的樓底很高，空間感不俗，枱也不算很多，所以很寬敞。.人愈大，相聚時間時間短，有機會出來，當然要食盡佢！首先就由湯開始，我同朋友是愛金荀之人，所以金荀忌廉湯就最適合不過，金荀很鮮甜，粒粒漲卜卜，湯頭口感濃郁綿密。.點了一個和牛漢堡包，牛肉煎得很香，厚切，外脆內軟，肉質鮮嫩，漢堡包也是看過的，因此麵包有香脆的底部，同時也吃到頂部的軟熟。美式漢堡包，精髓就是要夠厚，最好一口也咬不盡，這才算是豐富！這裡的漢堡，就正正做到這一點，比起那家大型美式連鎖快餐店，可說是完全不一樣呢！.芥末臘肉腸意粉意大利粉這種菜式很有趣，面要有口感，所以一定程度的黏度不能缺少，要有Al dente的質感。但在這個Al dente的狀態下，廚師也要確保味道不致於太膩，由其在加入醬汁後，很多餐廳的出品往往都造成失控。這裡的廚子，在煮面時，上述的character 都平衡得不錯，忌廉味香濃Creamy，配上芥末醬的配搭，還有香辣的辣肉腸的味道點綴，味道層次十分豐富。.接下來也點了芒果沙冰及荔枝沙冰❗️砂冰質感夠綿密，不會咬到一粒粒碎冰，

TGIF🥳終於到星期五 要食返餐好嘅慰勞下努力左一星期嘅自己😈今晚揀左黎呢間餐廳距離大圍站都一段距離係油站附近🤨個晚都幾多人 差唔多full 曬建議大家穩陣啲都係book定位🤓叫左香煎挪威鮮三文魚配刁草檸檬汁($108)一上菜 我呆左 因為冇諗過咁大份🙀大部分餐廳都係比三文魚柳但係佢地係serve三文魚扒😍塊魚扒煎得岩岩好 唔會太乾 又好脆口🤤加上佢仲有啲脆卜卜嘅薯條(唔係淋左架！)同埋沙律菜 令成個dish冇咁heavy🤤

與好友二人到大圍來個小小的遠足，那是向望夫石的方向，遠足前當然來個午餐。進入這餐廳，曾是多位好友介紹的，今天來到大圍的分店。餐廳雖不太大，約可坐十五人左右，牆上掛不錯的燈飾，以及美食介紹。店員送上餐牌，選擇也很多，選擇了兩份午餐。是日餐湯，是橙色的南瓜湯，香香的南瓜味，卻沒有南瓜的草青味，不太喜歡南瓜的草青味的我，很滿意這個南瓜湯。忌廉菠菜蟹肉意大利飯，送上時已陣陣菠菜香氣，朋友說是濃厚的菠菜味，忌廉汁令菠菜不會太乾，令軟軟的意大利飯沾滿菠菜香味，愛吃蔬菜的好友雖不常吃菠菜，也被吸引了。刁草汁煎挪威三文魚扒配意粉，送上時魚油香十足，雖不知什麼是刁草汁，吃著厚厚的三文魚扒沒半點腥味，而且還帶出三文魚的魚肉香，令魚扒味道更為豐富。意粉較粗的一種，口感軟硬適中，很有咀嚼感，非常喜愛這個口感。熱咖啡，烘焙度較低，還帶點天然甜味。檸檬薑茶，雖是英式茶包，配搭上也不錯。雖只是午餐，可是味道卻不馬虎了事，有著自己的風格及美味，可見好友的介紹不錯。

呢排成日去大圍搵食，今晚都唔例外！之前去過旺角分店，覺得食物唔錯，所以今次黎到大圍呢間試下！餐廳座位唔算好多，好在早到，如果唔係就會冇位，估唔到都有好多人黎食！Set dinner價錢唔算好貴，所以同朋友叫了一人一份！餐湯甘筍湯，湯都幾creamy，有甘筍蓉，唔會太濃味！餐飽，香草包而且有蕃茄乾，好香，包亦好軟熟！黑松露燴意大利飯配煙肉帶子串($108)，意大利飯有淡淡的黑松露味，拌有蘑菇、洋蔥同黃椒，幾香口！煙肉帶子串冇諗過原來幾好食！帶子有稍稍煎過，外層煎香，內裡軟熟，半生熟令帶子味更出，煙肉亦能帶起帶子的鮮味！香烤美國prime 肉眼配薯菜($178)，冇諗過咁大塊，牛肉味都幾濃，而且幾juicy！仲有粗薯條同埋沙律，薯條外脆內軟，口感豐富！食物質素無論下午或晚上都唔錯，值得再來！