Ocio (積存街) (已結業)

聽講大圍附近有唔少幾好味嘅小店，我好少嚟呢頭，原來呢度都有Ocio餐廳位置都算方便，由火車站行出去6分鐘左右 唔知點解間店有隱世小店嘅感覺哈哈喺出邊同行入去個氣氛感覺好唔同Set有湯 包同餐飲南瓜湯幾好飲黎親ocio都係食啲飯同意粉，今次就試吓食佢啲羊架一上到菜都幾驚喜，估唔到都幾大份仲勁香羊味肉質好嫩滑羊味好香 唔會太過蘇好高質！！好推薦 ， 口感味道都超好喜出望外蜜糖蒜香雞翼 呢個真係超級好味龍龍嘅蜜糖，食落甜甜地又有蒜蓉嘅香味，真係勁正，口感又夠脆，入邊嘅肉又夠滑，真係勁高質我真係一食就爭住食落去之後我哋仲叫多個甜品，我估唔到咁飽肚，因為真係好大件，宇治金時有淡淡既綠茶香紅豆好甜幾好味今晚嘅嘢食真係超高質啊

朋友聚會真心堆介！我哋一行有五個大人2個BB，雖然餐廳冇BB櫈提供。但員工特別安排一個角落梳化位置，所以坐得好舒服！openRice訂枱仲有八折！加上本身餐牌食物已經唔貴！所以性價比很高！特別一提佢嘅蒜香雞翼同黑松露意大利飯好好食！另外仲有叫咗一個燒排骨大啡菇配薯條，燒春雞配薯條同一個芝士和牛漢堡配薯條！四個餐加兩份雞翼已經好夠我哋五個大人食！因為個份量都幾大！最終隻燒春雞都食唔晒添！另外一提佢有好多特飲可以選擇！又有奶昔同梳打！仲有好多甜品可以單叫大圍又可以多一個新聚會地點！

小怪放假又想悠閑傾計食好嘢今日就去咗大圍一間cafe 大圍車站行大約七至8分鐘係油站轉右直行到尾就會到環境雖然細細間但係溫馨同埋舒適係Cafe 晚餐當然一貫作風唔使諗試吓佢哋嘅set dinner 🥘 套餐方面就係麵包🥯同埋餐湯，野飲同主菜餐湯方面就係南瓜湯同時伴有麵包麵包係食得出係自家焗就咁食感覺上會有少少偏乾身但係香口但當用麵包點落去南瓜湯包吸左個南瓜湯之後非常香濃好食😋證明店主一早諗好麵包同埋南瓜湯係一個好好嘅配搭主菜方面嗌左黑松露繪意大利飯配煙肉帶子呢度嘅意大利飯更符合港人嘅味道唔會太硬身而且黑松露啱啱融入飯加咗好多忌廉非常香濃幼滑煙肉包住帶子煙肉香同帶子嘅鮮甜融和一體非常好食另一個主菜就係醬燒柚子蜜豬仔骨伴蟹肉芝士焗大啡菇及茨菜豬仔骨雖然係醬燒但加咗柚子蜜落去之後中和左變返唔會太油膩而保留惹味大啡菇加埋芝士蟹肉、鮮甜有菇味另外加咗$19要咗個朱古力草莓蛋糕士多啤梨酸酸甜甜中和左朱古力再加一個硬嘅朱古力餅底有三同唔同層面成個感覺好圓滿呢度無論環境.食物質素.都有一定嘅水準.絕對係誠意之作

一直都想去試ocio 呢間cafe, 佢有3間分店，分別位於旺角，葵芳和大圍。今日就約了朋友到大圍的分店一試。到達的時候，已經有數名顧客排隊等候，但等了一會兒便可安排就座，店鋪不大，只能容納大約25人左右。我和友人分別點了牛柳粒意大利飯和all day breakfast 及一杯latte 和 cappuccino. 點餐後，侍應很快就送上餐湯 - 粟米忌廉湯然後十分鐘左右，主菜也上了all day breakfast - 份量充足，好吃，唯一挑剔的是那塊窩夫，太乾。牛柳粒意大利飯 - 牛肉汁的味融入到意大利飯裡，但如果飯可以硬一點會更好。最後點了份coffee cheese cake 作甜品，不過不失。

煙三文魚🍣卡邦尼意粉煙三文魚🍣難得地唔喊，好多時煙三文魚都喊過頭，三文魚份量都幾多，有三大塊， 鋪在意粉面差唔多遮埋啲意粉意粉卡邦尼醬唔會太heavy, 個人覺得唔錯，至少食落罪惡感無咁重煙肉帶子意大利飯用煙肉包住帶子煎，用煙肉既喊味帶埋帶子鮮味，遠望似魚蛋，一碟有六粒帶子，都算很足料，至於下面既意大利飯，煮得幾好，好夠淋，唔會生，味道剛剛好法式多士呢個浄睇餐牌已好吸引，所以冒住食唔哂風險都要點，果然不負所望，樣靚味道正，超厚法包浸夠奶，切開好juicy, 唔乾，外面又脆

我女友是住在大圍。所以搵食係大圍街坊最容易不過的。傳統中菜。美味泰菜。深宵夜茶。糖水更是必備。美味佳餚。應有盡有。但本人偏愛特式西餐。特吃是意大利菜。剛巧行過橋底見到一間餐廳包羅萬有。有主菜有甜品。香草燒春雞。一款燒春雞。好多人說有幾難做。係家中都做到啦。其實這個觀念是錯的。本人在這裡食到不俗的香草燒春雞。雞不算太大。頗合適的size。廚師好細心地在雞胸內。每寸每寸的位置都填滿香草。同一些不同的調味料。入口肉質鮮美。肉味濃郁。可口滿足肚腹。

呢間大圍精緻小店，在市中心的角落，幾個月前來過覺得好好食，所以今次再同朋友嚟，喺舒適安靜嘅氣氛之下，享受食嘢同傾計。我地點左兩間名車，都包括餐湯，主食和飲品的，價錢$100左右，現在+1服務費。黑松露意大利飯配煙肉帶子串108元有淡淡的黑松露味道，也有一點芥末香，飯質好好吃，而且軟硬適中。帶子串有兩串，幸好有朋友分享，否則真是食唔囇，好大粒既帶子呢！醬汁柚子蜜豬骨伴蟹肉芝士大啡姑配薯菜128元，都是好正，豬仔骨夠味又林，大啡姑咬落好有質感，真是好滿足！餐飲包33元內的飲品，意大利🇮🇹泡沫咖啡都包括呢

My family lives in Tai Wai so I have chosen this place to have dinner with my dad yesterday. We ordered the set dinner which includes pumpkin soup as a starter and a drink. For the main course I chose the lamb racks and he chose the roasted chicken. The portion was decent and food were very tasty. Shout out to the lamb rack which was perfectly seasoned and grilled. The cafe has an European furnished and a relaxing atmosphere. My dad and I really enjoyed the food and there were no room for desser

服務不錯，抵食大碟，很多著條，味道不錯，性價比高。晚餐套餐有8折，和朋友聚會一起分享食物，可以試到不同食物。食物賣相很好。最喜歡燒春雞，要連埋醬汁試，要趁熱食。7成熟牛排剛好，薄片，不會太熟。湯也大碗，好味。

今晚約左朋友到大圍食晚飯，揀左Ocio依間人氣指數甚高的西餐廳。餐廳內裝潢唔錯，在微弱的黃燈泡點綴下幾有格調，兩旁座位都是梳化坐得舒適，唯獨二人餐枱比一般細，空間感有限擺放餸菜要將就下。餐牌菜式選擇多，淨看一頁晚餐餐牌比較簡單清晰，是日晚餐有十二款，價錢由$88起非常貼地加埋美味度，感覺相當抵食。難怪八點鐘餐廳外仍有不少食客前來等位。南瓜忌廉湯配餐包湯味濃郁飲落細緻綿滑，仲食到南瓜蓉好有誠意，配埋鬆軟的餐包伴食味道唔錯。蜜糖蒜香炸雞翼(+$39）加錢多5件大大隻雞翼算抵食。雞翼外皮炸粉唔厚十分香脆，表層蒜茸碎香味四溢非常突出，雞翼肉質嫩滑有肉汁，塗滿蜜糖份外甜美，必食之選。黑松露燴意大利飯配煙肉帶子串($108)主角煙肉帶子兩串共6粒，串起來賣相不俗，味道與期望一致好食。外層由微微煎香嘅煙肉捲住口感彈牙軟熟嘅帶子相當美味，燴飯好creamy有淡淡的黑松露味，配料甚多有洋蔥、蘑菇、蘆筍、黃椒、脆肉瓜碎等，口感豐富相當好味。香煎挪威鮮三文魚配刁草檸檬汁($108)厚厚的三文魚扒，有手掌咁上下大小好有份量，魚皮煎得香口，魚肉軟身無過熟味道唔錯，肉裡充滿魚油香，放得耐涼左亦唔腥，份量多二人分半

初初見到呢間鋪頭，諗住滿心期待啦。一入到去坐低比好幾隻蚊咬到腫晒，門面又多塵衛生唔得。我哋叫咗一個牛扒同埋羊架賣相係幾好睇嘅。侍應唔單止冇問成數，啲肥肉多個啲肉咁濟，原本杯曲奇奶昔仲要變咗士多啤梨奶昔。落完單要截單又唔同我地講last order仲有個牛扒同埋羊架汁兜咁細叫人點樣點汁。一塊5安士都唔知有冇嘅牛扒賣170幾蚊仲要+1真係超唔抵

南瓜湯南瓜味道不算濃 適合一些不太喜歡草青味人士，餐包鬆脆 黑松露意大利飯配煙肉帶子賣相吸引，聞起來已經有陣陣黑松露，份量都很多，飯口感適中，黑松露跟意大利飯是絕配，煙肉帶子有2串一共6粒，一口可以吃得到，每啖都有煙肉既咸味同帶子既既鮮味 黑松露芝士薯條味道超香黑松露味，薯條好夠熱，有拉絲效果。醬燒柚子蜜豬仔骨伴蟹肉芝士焗大啡菇侍應拿出來放到台子上，已經聞到甜酸味道 豬仔骨切起來不難切，吃起來不黏牙，不得不題的說，大啡菇非常好食朱古力奶昔奶味重，朱古力不會太甜，仲好滑曲奇雲呢拿奶昔雲呢拿奶昔不太甜，濃郁雲呢拿味飲落還可以咀嚼到曲奇碎不錯

  兩個大忙人終於約到合體食飯，朋友知我鍾意食西嘢，專登推薦Ocio餐廳比我😏，嚟到門口好鍾意餐廳門面，呢個顏色好有旅遊嘅感覺❤️  因為岩岩過咗lunch hour, 同埋有book位，所以唔洗等位就可以入座啦，餐牌感覺係文清風格，價錢望落幾抵食，我哋叫咗龍蝦汁炸軟殼蟹燴意大利飯、特濃芝士焗龍蝦窩夫早餐、芒果沙冰同雜果賓治。  上菜速度都幾快，餐湯幾好味，屬淡味類；意大利飯首先嚟到，賣相好靚，份量岩岩好，味道有芝士cream味，龍蝦味未算好特出，飯口感幾好，軟殼蟹炸得夠脆身亦無overcook👍 特濃芝士焗龍蝦窩夫早餐都跟住嚟，龍蝦鮮味十足，同芝士超match, 配窩夫食都係第一次，感覺幾清新👍，重有芝士薯條，香脆可口。 最欣賞係杯芒果沙冰打得好碎，好易入口，果味濃而不過甜，期待下次食埋甜品❤️

呢晚我經過大圍這個美食樂園。每條街都有數不清的各款菜式。中式/泰式/甜品/意式/西式。但本人偏偏找了一間不起眼的餐廳。因它係街尾橋底下有個好明亮招牌吸引到我呢晚我經過大圍這個美食樂園。每條街都有數不清的各款菜式。中式/泰式/甜品/意式/西式。但本人偏偏找了一間不起眼的餐廳。因它係街尾橋底下有個好明亮招牌吸引到我甘荀忌廉湯。新鮮打甘荀打出滑喉的忌廉湯。入口甜度適中配合。溫厚順喉的忌廉更出現美味香烤紐西蘭羊架。烤羊架是一門高技巧的美食。有人說煎扒是廚師考牌的寫照！但我個人認為烤羊架是「高級廚師」考牌的必然選擇。羊架烤得過熟就失去了肉汁的美味。乾旱的肉質絕對影響食慾。烤得太生就會令肉質失去咬感。今晚呢個廚師好有大師傅的功夫。烤出半生熟的羊架。入口有咬感之餘。更不失肉汁。食出羊架的「蘇味」再配而滑喉的燒汁。直頭天衣無縫。

不論你係在職定全職媽。。。。其實係香港地係人都好忙。近年信義妹為咗爭取時間，連朋友既lunch hour 都唔放過，去開附近就去捕鑊一齊快聊一番。 今次就到大圍區裝修不錯的餐廳聚一下。One Piece 海賊王corner 仍然係度啊~~~~~枱與枱之間唔會太近。傾計都方便，又唔驚嘈到人。大家都叫咗有龍蝦入饌的菜式。 南瓜湯 細緻綿滑，喜歡辛口的，加點黑椒更惹味。 龍蝦汁炸軟殼蟹燴意大利飯 $58 飯內有菇，粟米粒等。米粒分明煙韌，不會糊口。龍蝦汁唔會過多，浸住啲飯，剛剛好。軟殼蟹唔會太油，有蟹膏的甘香。 特濃芝士焗龍蝦窩夫早餐 $89 午餐食早餐，新食法~哈哈哈~~~ 有一份同半份既價錢，今次食半份，龍蝦有大量蝦膏，甘香豐腴。窩夫外脆內軟，配上薯條，唔駛驚唔夠食。仲有沙律菜帶俾口感清新，減退油膩感。 午餐跟餐可以加15蚊轉特飲。揀咗雜果賓治，士多啤梨，藍莓，配上粉橙色，美感滿分。酸甜剛好，正好為午餐消消膩。下次要試西冷牛扒同羊架先得~~~~地址: 大圍積存街74-76號地下A舖信義藍星札記