Ocio (積存街) (已結業)

距離大圍火車站大約10分鐘路程,大約2年前食過一次,現在水準沒有改變,而且價錢不算貴,仍是滿座。叫左兩個SET, 每個SET都包湯(忌廉粟米湯)、香草面包、33元以下的飲品,如果要特飲就加15元。煙三文魚炒意大利飯配櫻花蝦($88),所有材料配合得好好,不會搶左大家本身的味,個飯炒得好香,仲用花形碟放住,好靚。另外叫左個豬仔骨伴蟹肉芝士大啡茹薯條($128),個蟹肉芝士大啡茹好味,啖啖蟹肉,豬仔骨有5條,好易咬開,好入味。加一後一共$265。

之前係旺角店食過佢既厚班戟甜品幾好味，以為佢出名只是甜品就錯了，今日係大圍店就試左佢既weekend brunch, 性價比亦相當錯!Weekend brunch選擇好多，包埋餐湯同飲品最貴都係百多元。今日就叫左牛扒餐同意大利飯。店員會細心問你牛扒要幾成熟，而牛扒雖然比較薄，但肉質吾錯，無過份醃製，牛味幾濃。軟殼蟹意大利飯的飯用了很多蔬菜如露筍及蘑菇去煮，感覺無一般意大利飯咁漏餐飲仲可以叫cappuccino，賣相幾好不過比較淡，如果可以用濃啲既咖啡豆就好!

醬燒柚子蜜豬仔骨伴蟹肉芝士大啡菇及茨菜 💲128奧斯芝士和牛漢堡 💲108小食拼盤 💲49（跟餐）木糠芝士蛋糕 💲19（跟餐）OREO曲奇雲呢拿奶昔 💲22（跟餐）蜜桃沙冰 💲15（跟餐）✅ 豬仔骨切開有5大條🦴 醬汁酸甜開胃🌟 大啡菇鋪上蟹肉芝士好邪惡😈✅ 漢堡塊肉用左和牛 食得出柔嫩既油香同和牛獨有既甜味😉 而且底同面既包都塗上牛油烘過🏺🔥 嗯～真香☺️✅ 小食拼盤有齊春卷咖哩角麥樂雞炸蝦同薯條🎨 大🈵足～✅ Oreo奶昔感覺就好似曲奇麥旋風融化再濃縮一樣⚗️ 係飲得既雪糕🍦🥛👅Taste：3.5/5💰CP值：3.5/5🙋🏻‍♀Service：3.5/5👁‍🗨Stylishness：3.5/5

很多人說大圍有美食， 但居住於大圍區的我， 總覺得大圍沒什麼好吃， 也許是吃得太多所以也厭倦了 ，不過對於不是住大圍的人來說可能覺得種類繁多。我朋友跟我說最近大圍開了一間餐廳，她曾經在那裏吃過晚餐，覺得很好吃， 所以就推薦我去試試。當日下午我決定去試試看， 因為我本身是熟悉大圍，所以也容易找得到，但如果不太熟悉大圍的話也算挺難找到的，可算頗隱藏！晚餐餐包是日餐湯，今日是南瓜湯，質感較流質，散發淡淡的南瓜味。點了一個香草羊架 先試羊架，兩個字 好味！羊架油脂煎得超香，羊肉厚實但一點都不乾不硬，非常juicy再加上秘製醬汁，錦上添花。醬汁柚子蜜豬仔骨: 整個擺設已相當細緻及有畫面感，窩夫用作吸醬燒汁，切開豬仔骨，醬汁幾乎飛彈到對面毛哥的碟內，Unbelievable ! 焗得何其香，猜仔肉又香又嫩，嚼勁十足，肉感四射，之後的三天要吃純素補回，以彌補罪孽了！

最近發生太多複雜的事，好多人都因此心情沈重，疲憊抑鬱，真是需要好好調劑一下，再走更遠的路。奇女子P女剛浪遊遙遠的北半球回來，過多幾日又要岀發探索國內西部高原地區，難得同時在香港小島，所以就找個好地方，希望可以靜靜地互訴近況。餐廳位於大圍火車站附近五分鐘路程，遠離最繁忙人多的地段，這一帶有好多特色本地小店，每次行過都覺得身在外地。Ocio就是第一間我們在這裡試的食店。晚餐價錢90至150左右包一飲料，P女點了羊架，我就因天氣太熱點了一個炒意粉。餐湯有粟米湯和自家製餐包，個包好香好軟，而且有紅苺。呢個係香草鮮露荀花蚌炒意粉$88,份量足夠，炒得好香，而且好多花蚌，味道很好。香烤紐西蘭羊架配薯菜$148，有三件羊架，七成熟剛剛好，好入味而且好林，唔會有太大羶味，薯條新鮮炸起非常香口而且有質感，唔係空氣薯條~!飲料我地都選了特飲，加$15就有既巨蜂提子梳打，消暑之選。在餐牌見有好吸引既甜點，我地都食左一款$68的雜莓雪糕窩夫，好治愈的甜品。呢到寧靜既環境真係好O岩傾計，同P女的共渡了一個美好的晚上，希望大家都重新得力，無論在任何地方、時間、面對什麼的難關，都不忘初心，堅守良知信念，堅定前行。

一行三人黎個大圍小聚，當然想搵個地方坐得舒服😌食下好野，大圍依家真係多左好小店，依間都唔例外！.🍝香草鮮露笋花蚌炒扁意粉 $88 (4/5)材料非常新鮮，特別係花蚌，食落口啖啖肉，比起好多連鎖西餐廳用心！加上香草🌿炒意粉，食落口乾身又唔油膩！. 🦐南瓜汁鮮什菌燴鮮海蝦意大利飯 $88 (4.5/5)夏天好襯食依個飯！南瓜🎃汁酸酸甜甜，特別開胃，意大利飯軟硬度適中，加埋大大隻彈牙海蝦六隻，好抵食！.🥓黑松露燴意大利飯配煙肉帶子卷 $108 (4/5)煎香嘅煙肉包住啖啖肉嘅帶子！仲有六舊咁多，大件夾抵食！🤪黑松露嘅香氣，佈滿每啖飯，夾住爽口嘅蔬菜🥬，即刻無咁膩！.🍌香蕉朱古力奶昔 加$22 (4/5)曲奇🍪雲呢拿奶昔 加$22 (5/5)🍒什果賓治 加$15 (4/5)香蕉朱古力唔太甜，蕉氣砵砵，曲奇味奶昔的好濃！十個正! 什果賓治比起用罐頭🥫雜果，用左新鮮藍莓！💕加分.蜜糖蒜香炸雞翼 加$39 (5/5)炸粉唔會好厚，加入蒜香同蜜糖，大家一致認為好好好好食！😍.🗻鑊仔伯爵雪山 $79 (4.5/5)依個甜品好好味！一個雪糕🍦球，配上軟熟嘅蛋糕，最特別係個伯爵茶流心！唔太膩，好香茶味🍵為成

大圍一向多嘢食，如果想舒舒服服食個晚餐，呢間餐廳係一個唔錯嘅選擇。餐廳陰暗有情調，適合情侶同一班朋友。是日餐湯係南瓜湯，飲到真係有南瓜蓉喺入面，仲有個蕃茄乾麵包，好有誠意。南瓜汁鮮雜菌燴海蝦意大利飯($88)麻麻地 。意大利飯喺香港人口味，好淋。南瓜汁都算夠味，配埋冬菇同露筍。啲蝦細隻無鮮味，連殼上食落好唔方便。醬燒柚子蜜豬仔骨伴蟹肉芝士焗大啡菇及薯菜($128)呢味就做得幾好。薯條夠脆夠味，豬仔骨醬汁惹味，肉質嫩滑。大啡菇入面有好多蟹肉，冇欺場。

今日去探朋友仔，他們極力推薦這間西餐廳。地點優越，鄰近大圍火車站，地方易找。坐下，看下餐牌，晚市套餐百幾，兩百元，十分抵食。我叫了帶子配意大利飯，朋友叫了豬肋條套餐。先來雜菜湯配熱騰騰麵包，湯的茄味濃郁，麵包點湯吃好正。先來帶子意大利飯，帶子外層包上煙肉，好有特色，意大利飯充滿黑松露味道，令人食指大動。跟着再來朱肋條，看見滿滿的BBQ燒烤醬，遠遠都聞到其香氣。送來後，一切開又估不到期十分之冧身，回想其他薯菜，十分好吃。這個晚上朋友無介紹錯，真是一個好地方又平，十分抵食。

其實OCIO我食左好多次，但係佢真係好高質地令我回頭幫襯今次我點左佢個ＯＣＩＯ芝士焗龍蝦WAFFLE早餐。其實本身我就為左哩個幫襯～果然冇令我失望，芝士竟然同糖漿好夾，龍蝦同薯條又可以點個CHEESE SAUCE.好好味呀真係，同埋一個既SIZE其實真係令到一個女仔飽哂嫁～建議同朋友SHARE ～佢仲可以加錢配ＳＥＴ，非常抵食～之後我地仲叫左個雜梅拿破崘～真係高度推介～真係即製～～塊酥好脆口，加埋ｄ吉士cream真係好夾最後我同個ＦＲＥＩＮＤ叫多左個～HAHAHA太誇張，但真係一人一個先夠喉～

大圍積存街都有唔少餐廳, 今日行到街尾發現呢間位置唔太起眼, 但又幾有人氣嘅西餐廳, 星期六2點左右嚟到幾乎滿座。假日午餐有十幾款, 我同朋友分別揀左羊架同牛扒。套餐跟忌廉湯, 湯質偏薄, 飲晒都唔會太飽肚。香煎紐西蘭羊架伴燒汁 $89 羊架厚度適中, 接近全熟, 但肉質唔會韌, 配有薯條同沙律菜, 沙律清爽解膩。美國安格西冷牛扒伴燒汁 $89牛扒相對唔算太厚, 本身調味偏重, 可以唔需要加燒汁。熱蜜桃紅茶$29 (餐飲$33以下唔需要加錢)

放工同朋友諗住食嗰dinner傾吓計,咁岩大家都住喺大圍，想搵間西餐可以傾到计食下飯，朋友最後揀咗呢間餐廳。餐廳門口裝修得好靚，好有小品cafe feel, 而且價錢又吾貴, 見到門面很吸引便入去試下。是日晚餐Menu餐廳內燈飾柔和十分適合閑聊或談心！ 是日餐湯係羅宋湯，有新鮮蘿蔔及甘筍感覺很清新健康。主菜：奧斯芝士和牛漢堡$108和牛好Juicy，有芝士在溶化，配合清新沙律及鮮炸薯條感覺一流。不得不讚薯條新鮮炸很有薯條味仲脆卜卜的黑松露燴意大利飯配煙肉帶子串$108煙肉配帶子卷食落口感沒有違和感, 黑松露及鮮蘆筍燴入意大利飯感覺10分清新, 如果喜歡creamy 的朋友，這款意大利飯必定啱你。甜品 $65 我哋沒有太多quota了，但女孩子總是喜歡吃甜，我同朋友最後點了朱古力心太軟。很喜歡它濃濃的朱古力流心配合呍呢嗱雪糕簡直是Perfect match。希望我哋下次可以係weekend 留定個肚試多啲甜品再update大家😋Dinner set 包 餐湯+主菜+飲品， 價錢大眾化

住喺大圍嘅我又出嚟搵食啦！其實大圍真係收藏左好多美食店舖～今次呢間坐得舒適、好悠閒～得閒同小朋友來食午餐、下午茶都唔錯～今日老公放假！梗係出街食啦！哈哈～呢度係用舊式吊扇㗎，仲有塊黑板牆幾得意～我哋今日嚟食午餐，先來餐湯！南瓜忌廉湯黃芥末臘肉腸意粉$45個醬汁幾好食喎！黃芥末味～酸酸地幾開胃！意粉彈牙！英式炸魚薯條$62粗薯條我最愛！炸得好香脆！一大塊魚柳炸㗎！好足料～魚柳新鮮好味！豬仔骨窩夫早餐$68醬燒豬仔骨，好惹未有少少辣，肉淋好食！沙律菜好新鮮，加咗少少麻油好香仲有煎蛋同窩夫！同埋粗薯條，非常滿足呀小朋友最愛啦～跟餐嘅凍檸茶同埋熱蜜桃茶午餐款式好多選擇！仲有好多甜品賣相都好吸引！下次要試吓先

OCIO小店西餐大圍好多好野食,特別係大圍村一帶 。好密集既餐廳入面又見到呢間門面好靚。係藍綠色既招牌，唔係太多座位，但dinner時間都算多人,舒服0岩傾計既小地方。
..想食D輕食既我就叫左雞翼，香脆大隻，漫漫蜜糖香！我朋友就食左豬肋骨加大啡菇，啡菇多汁有芝味。豬肋醬香微辣，個醬好特別啊！都有湯同野飲跟。甜點好特別！一人叫左一個。伯爵茶雪山熱香餅，只係賣相都嘩一聲！好飽好滿足。心太軟流心濃郁，完全冇吝嗇呀！打卡必推！對面有車返新城市/火車站,隱世野食真係要花心機搵~哈哈

繼續考試後的快樂時光，今日同心心去大圍，順便食個靚飯，呢間西餐廳門口好靚，價錢又唔貴喎！入到去都覺得有點情調，如果和情人撐枱腳應該不錯！午餐menu中，揀左龍蝦汁炸軟殼蟹會意大利飯（$58）、美國安格斯西冷牛扒拌燒汁跟意粉（$89）配草莓沙冰（跟餐轉特飲加$15），另外個餐揀左熱泡沫咖啡（跟餐飲品$33以內就不用加錢，其實都好多選擇，平時cappuccino 通常都要加錢，但呢度都唔洗！）仲加$19要左個甜品，是日甜品都有五款可選！午餐包是日餐湯，今日是南瓜湯，質感較流質，散發淡淡的南瓜味。而意大利飯，上枱時好熱，有一大舊軟殼蟹，配有蘆薈、洋蔥和日本黃瓜，蟹肉鬆脆。牛扒可選五成或七成熟，今次選擇五成，肉質嫩腍，雖則比較薄身但都好大塊，連阿女呢d平時咬唔到肉既「無牙妹」都話好味。除了沙律配菜，意粉份量都幾多。甜品揀左new York cheese cake,賣相靚亦都幾大件，而且幾好味，唔會太甜。見佢menu都有不少甜品揀，應該都唔差呢！

天氣越嚟越熱最啱就係搵一個有冷氣嘅地方食下好野同朋友坐下大圍近美林附近有好多小店所以今日就選擇左一間食all day breakfast 好出名既cafe chill 下我同朋友各自叫左一個早午餐因見大大份又多唔類型既野食先黎既係南瓜湯南瓜打爛融係湯令湯夠濃身Ocio全日窩夫早餐滑蛋 大大份粗略估算要3-4個蛋先做到而且整得好滑十分喜愛肉類一d都唔少金黃色既雞扒兩條調味岩岩好既豬肉腸仲有煙三文魚配菜仲有薯條沙律同笳汁豆真係好豐富窩夫真係不得了食個陣咩糖漿唔洗加因為窩夫本身都好香牛油同甜度適中雖然好飽但一食個窩夫就唔想停飽都想食埋佢加埋個黑糖牛奶牛奶用上鮮奶味道就好似出面手搖飲品店咁好飲推薦朋友叫左醬燒柚子豬仔骨窩夫早餐因為個豬仔骨個樣好吸引加上好大朋友cut左一半比我醬汁令豬仔骨好惹味但柚子既酸甜又中和一下可以嘆住冷氣同朋友好好食全日早餐仲有埋窩夫滿滿幸福滋味