Ocio (積存街) (已結業)

今日收工朋友話一齊去試新嘢！食得中餐多要又要食返西餐😅😅一人叫一個set dinner...仲加咗個甜品😆😆生🐛🐛我哋叫咗個黑松露帶子飯好好味，濃濃黑松露味好香🤤啲飯又唔會太硬，仲有煙肉...卷住帶子串上真係未見過，老闆好有心思！露荀花蚌炒意粉，花蚌好鮮甜新鮮，意粉炒得好入味，吸晒三色椒同露荀味（西餐廳準備食材通常都得蝦帶子龍蝦...貝殼🐚類又係好少見👍🏼）我哋Share食已經好飽，但又忍唔住仲叫咗個期間限定嘅甜品😍法式蜂蜜吐司加雲呢拿雪糕🍦超正！入邊軟綿綿，出面脆卜卜！原來秘方係先將麵包🍞浸鮮牛奶🥛再去焗脆💯話飽但係都對晒... 甜品係用另外一個胃裝係無錯嘅😆😆好滿足嘅一餐，下次要再嚟試埋其他嘢先得😋😋