No Money So Lonely

营业中

休息中

玩味十足嘅風格 坐低已經聯想起mamaday😆search下原來真係佢嘅姊妹店 係食泰國菜嘅 好啱打卡 仲係試業階段 所以選擇唔算多⁣⁣. 啖啖蟹肉擔擔飯 . $136⁣呢個幾特別幾好食 食落真係擔擔麵咁嘅味 少少辣得黎幾香 又醒胃 蟹肉都算多 個飯幾大碟可以share⁣⁣. 青檸凍的蜆 . $88⁣份量都幾多 蜆都幾有肉 不過食落有d沙😂 青檸味唔算好重 不過個汁都ok⁣⁣. 咖央窩夫. $68⁣個樣好似好簡單但味道唔錯 點個咖央汁有淡淡椰子味但唔會好甜 配埋抹茶雪糕幾正 窩夫幾鬆軟 可以脆d就更好⁣⁣. 蕃石榴檸檬熱情果沙冰 . $48⁣小清新又幾夠凍 唔會太甜 不過蕃石榴味唔太出 偏重熱情果⁣⁣. 笨拿拿肉桂 . $44⁣黎到已經聞到好香肉桂味啊 飲落都好重 有d蓋過香蕉😂 熱情果個杯會好飲d⁣⁣

玩味十足的主題餐廳，光是店名，雖然本身與餐廳沒有什麼關係，已經叫人會心一笑。餐廳裝潢別出心裁，餐牌的食物名稱也很特別。過了午飯繁忙時間，沒有那麼多人了，可以慢慢享受一頓午餐。柚子陳皮咖啡先呷一口，陳皮味最突出，淡淡的柚子香，然後就是特濃的黑咖啡。沒有添加任何糖，所以會偏苦澀，之後漸漸被咖啡味掩蓋。青檸凍的蜆冷盤小吃也相當吸引，來個海鮮吧。大大隻蜆肉，混上泰式的酸甜醬汁，開胃非常，惟蜆較多沙粒，有點掃興。啖啖蟹肉擔擔飯如其名，啖啖真的蟹肉，撕成條狀，毫不欺場。飯及蟹肉的比例可以說是6比4。飯以擔擔麵的醬汁烹煮調味，帶點麻辣，十分香口且惹味。

呢度餐廳裝修好特別，影相好靚。而且有玩味風味，鍾意佢啲餐具紙巾都有心思。估唔到佢食物質素相當唔錯，我哋叫咗兩個午餐都有水準。▶️日本雲丹醬油海鮮黃金炒飯$128呢個飯上檯相當之香，而且賣相都唔錯。入邊材料都好豐富，有蟹肉、八爪魚粒🐙蜆肉、雞蛋 🥚、西芹、洋蔥🧅飯炒得夠乾爽，而且調味啱啱好，味道好食！▶️牛肝菌黑松露pizza 🍕 $128Pizza亦都新鮮整起，佢係薄脆Pizza。雖然餡料簡單，但係已經好夠味，黑松露味幾香，而且仲配有牛肝菌唔會太濟。跟餐揀咗蜂蜜紅茶☕️另加$18有原味炸薯條🍟呢度嘅薯條我覺得好好食，炸得金黃又脆😋

一去到，叫我哋安心出行先👌之後就冇再招呼我哋啦！要自己搵位！午飯時間，想食個A餐炒飯，客人唔係多，但係A餐個炒飯話冇炒飯醬，所以我哋要叫其他餐，叫咗個意粉，成40分鐘都唔嚟，應該係漏咗單，前後吹差3次，要等多10幾分鐘先來到😡而且完全無交代點解咁遲！服務態度也很差，D人其實喺度行行企企，叫佢都要叫幾次先聽到，因為傾緊計！食物質素一般啦！唔可以話差！但最奇怪叫杯凍咖啡，無奶無糖漿，問佢點解，佢話係冇嘅🤪但一早唔講！

今日同朋友到TOP行商場，人流唔少，有服裝店同精品店之餘，亦有唔少餐廳選擇。.呢間餐廳個名好特別，叫No Money So Lonely😌，内裡嘅裝飾亦頗特別，菜式配搭亦新穎，於是就吸引咗我哋入內坐低進餐。.🔺口水牛面珠配麻辣八爪魚花生碎 $108大大碟前菜，上面有沙律菜、蕃茄、洋蔥同辣椒，色彩鮮艷；下面有牛面珠同麻辣八爪魚，前者超腍，而且醬油入味，後者爽口唔腥，少辣而後期好麻，要多飲水解渴。.🔺青檸凍的蜆 $88腰果形碟上放滿蜆隻，上面有芫荽、洋蔥、蒜蓉、雞醬、酸醋等製成嘅特色醬汁，酸甜開胃，蜆肉數量唔少，配上特色醬汁係個新鮮口味。.🔺夏威夷·洛神花·玫瑰·果粒茶 $42清潤飲品解渴，無糖，用料天然，味道清新，而洛神花酸味味，係適合推薦畀大家嘅選擇。

旺角開咗間專食海鮮fusion菜嘅餐廳。菜式好特別，裝修亦好有玩味。🍠話梅粉地瓜條 $58香甜嘅番薯條加上酸酸甜甜嘅話梅粉，充滿台灣風味。番薯條切得比較幼身，油炸後口感香脆。話梅粉質地幼細，同番薯條經過充分攪拌，酸甜嘅口味變得均勻。🍚啖啖蟹肉擔擔飯 $136珍珠米加入醬油、花椒粉等調味料炒勻，米飯粒粒分明之餘亦變得帶有光澤。佐以大量蟹肉，頓時變得鮮味十足。🧇咖央窩夫 $68窩夫充滿蛋香，口感亦好鬆軟。咖央味道來自窩夫旁邊嘅咖央醬。🍎蘋果桂花雪梨茶 $42口味天然，清新怡人。份量大概有三大杯。

No Money So Lonely係Mamaday嘅姊妹店💛裝潢都係極具特色，貫徹一貫嘅搞笑風格，玩味十足😆仲有好多影相位添📸️ 呢間餐廳主打泰式fusion菜🤤就連菜式名都好搞笑🤪啖啖蟹肉擔擔飯 ($136)蘋果咖哩飯配香煎鴨肝 ($138)鴨肝外層煎到好香，食落近乎入口即融🥰好重油香 👍🏽每啖飯咖哩味都好重，飯嘅質感幾煙韌，有啲似risotto！小編食晒先發現到旁邊嘅蘋果蓉🥲我諗撈埋一齊食應該會更加開胃！番石榴熱情果沙冰 （$48）飲品飲落好清新🥰甜味適中，食完啲咁重口味嘅嘢飲呢杯就最啱🥳

餐廳只Sell Gimmick本來以為是Mamaday的Extension，會唔差得去邊但實在令人太失望餐廳裝修係幾靚但食物一般而且定價較貴，食物份量較少性價比太低服務非常一般，當天等位時，服務員答應了在有枱時致電我們，但最後不了了之友人後來致電餐廳才知道有位了，服務態度真的不是太好食物方面冬蔭功意粉的份量過少且食落太淡，甚至是無味但回到家卻感到非常口渴。。。莫明其妙唯獨咖央窩夫份量較多但完全不是正統的咖央似是以煉奶加啲椰奶代替之完全不值他的價錢未試的不用一試有不少同等價錢的餐廳能提供更好質素的食物相反Mamaday中各樣嘢都出色好多，大家可以食翻Mamaday

感覺上旺角嘅食店一般環境都係爭啲，因為主要都係啲舊嘅大廈，之前得朗豪坊一個新啲嘅商場，依家喺T.O.P.呢個商場除咗行街都多咗餐廳，呢間餐廳係食泰國fusion菜👀 青檸凍的蜆 $88 加上青檸，清新香辣嘅前菜😛蘋果咖喱飯配香煎鴨肝 $138🍏蘋果味同咖喱味都唔係好覺，好彩有個鴨肝令到成個飯都提升番，唔知係咪特登👀薯條配他他醬 $58🍟 炸得幾夠香脆，配埋他他醬幾好食嘅，就唔算有特色牛油果芒果芫荽沙冰 $48🥑🥭 叫黎試吓會唔會中伏，點知又OK喎冇乜問題😂蘋果雪梨桂花茶 $42🍐 個茶壺同杯set好可愛，飲落比較淡味，都算OK總括嚟講，野食賣相同味道都唔錯，同埋始終算係商場，環境感覺乾淨、舒服啲，如果預訂坐卡位應該仲好👍🏻 同埋個logo名好好笑就試吓🤣

今次去開旺角T.O.P.商場附近知道有間餐廳幾特別叫No Money So Lonely就走入去試，今次order咗啖啖蟹肉擔擔飯及蘋果咖哩飯配香煎鴨肝。個蟹肉擔擔飯炒得好香，係用咗擔擔麵嘅汁炒個飯底，所以每一啖飯都好有擔擔麵嘅味道，而且內裏有超多蟹肉又帶出另一種鮮味層次，真係好好味。 而蘋果咖哩飯就好有泰式風味，旁邊嘅青蘋果蓉點埋又有生果嗰種清新感覺，塊鴨肝煎得恰到好處，依個完全係fusion菜嘅代表菜式。旺角咁方便，下次我一定會再嚟試埋其他fusion菜。

🔥喇沙掛天使麵配石斑大蝦🦐 $126 (7/10)⁣依個超presentable 😎可以自己根據喜好倒入湯嘅份量！⁣喇沙湯同我想像中有出入🦫，係只係有少少辣嘅海鮮湯咁，味道都唔算好濃。⁣天使麵煮得好淋，食啲時候有點一Patpat 🥺⁣大蝦係入面最好味嘅，好彈牙但冇咩調味，主要食嘅天然的鮮甜味😗。⁣⁣🍕冬蔭公大蝦比薩 $136 (7.5/10)⁣不得不讚有好多隻蝦😗但係失敗位係完全食落冇冬蔭公味🥲🥲‼️少少辣或者酸嘅味都冇。薄批好脆，以鹹鹹芝士味為主🧀。⁣⁣🍝欖菜香煎帶子扁意粉 $128 (7.5/10)⁣意粉有青椒🫑，整體炒得幾香口～每一條都比欖菜包裹住。味道唔算濃，不過不失😉。⁣⁣🥥椰子香茅咖啡☕️ $46 (7/10)⁣第一次飲咁特別嘅咖啡😗入口有淡淡椰絲嘅椰子味。咖啡味唔算濃，有淡淡地嘅苦味。飲到底少少會有一陣陣香茅嘅味道滲出黎，幾得意😎。但我個人飲慣冇糖嘅咖啡就覺得成杯野甜左少少🤓。⁣

難得今日放假，約朋友到呢間餐廳食個下午茶先。之前聽朋友講過呢間餐間好岩打卡，食物名稱好特別，食物質素又唔錯，甘就要試要試啦。蘋果雪梨桂花茶：唔係普通茶包既花茶，茶壺內有蘋果似和雪梨肉，仲有淡淡既桂花香味，好飲。地瓜條：炸得非常香脆，外脆內軟。地瓜好香甜，忍唔住食左好多。記得抹嘴墨汁卡邦尼配巴馬火腿烏冬和欖菜香煎帶子扁意粉：墨汁烏冬食完真係要記得抹嘴，個名真係好貼切。欖菜意粉都係第一次食，估唔到好夾，好食。NMSL比薩：隨機的比薩，等呢個比薩時係有期待既，因為唔知佢會出咩比薩。餅底好薄多脆，而且唔油膩。甜品：窩夫好脆。

見到呢間玩味十足既餐廳 原來係MAMADAY創辦人之一開設既餐廳 主打泰國西式fusion菜😆店內裝飾都好靚🥳但就坐得唔係太舒服 佢係幾個open area咁樣😶而且店員態度好cool...可以friendly少少就好🥺🙈🍕冬陰公大蝦比薩 $136酸酸地😍唔算辣 薄既餅底食落似脆餅😆大蝦係新鮮蝦 每塊都有一大隻🤤🦀啖啖蟹肉擔擔飯 $136Omg完全係譚仔3哥胡麻既味 but in炒飯形態😍好惹味 炒得乾身 蟹肉都好多🤤🍛蘋果咖喱飯配香煎鴨肝 $138佢係好香咖喱薑黃味既 但就好似唔夠鹹香 醬汁都唔多🥺同埋覺得呢個既蘋果蓉同咖喱唔太夾🤭鴨肝就不嬲都愛🤤🍹木瓜蜂蜜花椒𝐦𝐢𝐥𝐤𝐬𝐡𝐚𝐤𝐞 $46勁特別既味 我幾中意🤣又係3哥胡麻味 加上甜甜既蜂蜜~ 不過milkshake黎講佢稀左d🥺似果汁....(?)如果再厚身d會更好🙈

< No Money So Lonely >📍旺角今日同朋友行完旺角就同佢試下呢間玩味十足嘅fusion餐廳🤣🦀啖啖蟹肉擔擔飯 $136呢個好有驚喜 首先蟹肉份量非常多 而且唔係細細條 有誠意🥰 擔擔飯好香 入面有花生粒🥜 飯粒煙韌有咬口 唔錯👍🏻 麻香味濃 唔會太辣 層次好豐富👍🏻🐣孜然味香茅雞翼 半份 $68半份都有10隻單骨雞翼🐣 雞翼炸得好香脆 灑上孜然粉非常惹味😋🍫辣的心太軟 $68第一次食辣嘅心太軟 朱古力味香濃 蛋糕體都做得唔錯😆 辣味係黎自辣椒油 係接受到嘅辣度😛 估唔到同朱古力都幾夾😋🍊橙·檸檬片·香桃木·太陽花瓣·薑綠茶🍵 $42個茶壺好似阿拉丁神燈 好靚🥰 好香橙同檸檬味 飲完成個人都放鬆晒😛

旺角t.o.p係潮流集中地，嚟得呢度嘅都係買衫買鞋買玩具，但唔講唔知呢度都有一啲非常具特色嘅餐廳。就咁睇門面估唔到呢間餐廳係一間泰國餐廳，玩味十足嘅格調配搭別樹一格嘅菜式名非常吸睛。青咖哩石斑魚pizza，$128。個人認為係一款唔錯嘅菜式，無論係嗅覺同味覺上都充斥住泰式香料嘅味道，以青咖哩做主題配搭pizza撞出嚟嘅效果幾唔錯，唯獨係作為配料嘅石斑魚口感太軟。另外點咗份孜然味香茅雞翼，一上臺孜然味好爆炸性，咬落口感幾香脆，不過味道就偏淡，唔似食緊香茅雞翼。