No Money So Lonely

营业中

休息中

一開始係比餐廳名吸引住，地點方便，裝修食物有好似幾有特色，就同朋友嚟試下🤑蘋果咖哩飯配香煎鴨肝🥘飯面嘅鴨肝非常引人注目，非常大塊，目測有近2cm厚，碟邊嘅蘋果蓉酸酸甜甜，可以減輕鴨肝嘅油膩感，所以唔覺漏，咖哩飯係微辣，容易入口👍蒜片鹹魚茄子鮑魚炒意大利麵🍝依個菜式名令我聯想起茶餐廳嘅鹹魚雞粒炒飯，而依款就係有鮑魚嘅豪華版，味道方面幾惹味，不過鹹魚味就唔太出🐟辣的心太軟🍫賣相合格，切開後朱古力漿緩緩流出，朱古力漿唔太甜，第一啖食落去以為同普通嘅心太軟差唔多，點知辣味會慢慢滲出嚟，幾特別！

Mamaday既姐妹店試業中，迫不及待同朋友黎嚐鮮😛兩個人食左好多野，樣樣都唔錯👌🏼🥇記得抹咀墨汁卡邦尼配巴馬火腿烏冬個名好長🤣一上碟熱辣辣黑蚊蚊，係好濃厚嘅風味，間唔中會食到煙肉碎同菇類，烏冬好煙韌好掛汁。朋友試咗幾啖都話好食。🥈欖菜香煎帶子扁意粉偷食咗朋友幾啖，我覺得佢呢個都幾好食喎。係香口嘅炒意粉，每條意粉都掛上欖菜，非常惹味。🥉地瓜條配蜜糖芥末醬甜甜嘅蕃薯條炸得好香脆，而且份量十分之多。如果係厚切就更好、份量我唔介意減少少，想食到多啲口感。🎖NMSL PIZZA呢款係隨機配料嘅Pizza，嚟到原來係蕃茄芝士煙肉薯蓉餡料，雖然唔特別但係食材配搭得幾好，而且餅底都幾香脆。🎖咖央窩夫呢款甜品等候時間較長，因為係即整。窩夫整得好香脆，入面好似有少少麻薯嘅口感，點埋甜度適中嘅咖央醬食，非常滿足。🎖番薯愛話梅、蘋果山楂茶飲品方面番薯奶昔唔太食得出番薯或者話梅味，而且唔太夠甜；蘋果山楂茶幾好飲，係鋪頭自家製。

聽友人介紹No Money So Lonely啲裝修同食物都一流，口味特別，今日就去嘗鮮。叫左一份主食一份甜品。冬陰功大蝦披薩：呢款披薩有點特別，冬陰功味淡淡哋，唔會辣，但芝士味好濃厚，面頭還可以食到薯蓉，披薩餅夠薄夠脆，被切成6小塊，每小塊都有一隻全鬚啲大蝦🍤。而且俾啲料好足，可以吃到好多層次嘅口感，真係每一啖都好滿足。而且披薩面頭放粒青檸檬，滴幾滴味道好清新。辣的心太軟：好少聽到有辣啲甜品吃。今日特登嘗試一下，味道竟然很好，辣中帶甜，中和朱古力啲甜膩感。絕對值得一試。

今日行至彌敦道T.O.P發現佐一間好有特色啲餐廳No Money So Lonely佢哋餐牌都幾古怪，貧窮是寂寞的拼盤：係小食拼盤，好大一盤，秋葵蝦用秋葵包住蝦炸啲軟脆，外焦內鮮好有特色。冬蔭功炸飯波，飯被包住炸好特別，酸酸辣辣冬蔭功味重，腐皮扎肉外脆內嫩好好食，薯條好多！辣的心太軟：黑色系朱古力，白色系雪糕，第一次食到甜品係辣嘅，切開外皮，朱古力漿緩緩流出來好吸引人，甜中帶辣，減少朱古力啲甜度，好大驚喜味道唔錯。冬蔭功大蝦披薩：薄餅餅身好薄，咬落去脆卜卜，每片餅身都有一隻爽口彈牙啲大蝦，加埋冬蔭功酸酸辣辣啲滋味，既特別又好味。鍾意食東南亞菜式可以來試下。

NMSLxNo money so loney😫冇錢就窿💸💸💸無錢呻吟，有錢身痕記得抹咀墨汁卡邦尼配巴馬火腿 $118有得揀意粉或者烏冬意粉平時食得多，試吓墨魚汁嘅烏冬除咗個名得意，味道都好好食開頭第一下見到嘅時候諗，分量咁少然後食下食下唔覺原來都幾飽最緊要食完記得抹咀🤣🤣🤣話梅蜂蜜咖啡 $46見到賣相有少少唔開心，因為覺得個拉花醜樣左，但係話梅加蜂蜜既咖啡從來都未飲過。咁特別嘅咖啡，第一啖飲落去唔覺話梅味，但飲到酸酸地，再飲落去就飲到蜂蜜味甜甜地，最後飲到真係話梅嘅味道，特別得來又唔會蓋過咗咖啡，10分推介👍👍椰子香茅咖啡 $46佢呢個得凍飲，嚟到嘅時候見到好多椰絲，飲落去係酸酸地嘅咖啡，但佢嘅酸味唔係話梅咖啡嗰啲酸，而真係咖啡酸味嘅酸，但飲咗好多啖都飲唔到佢有椰子嘅味道，香茅感覺都唔多覺，但個賣相都算正常咖啡種類太多，下次要試埋其他味道。甜品係我好大期望嘅一樣嘢叫嘅時候店員話琴日太好賣，賣晒😔得返cake, 我同佢講話我黎bookmark咗一定要食,過咗一陣佢同我講話有窩夫，再過多一陣又同我講話有心太軟，睇得到佢好努力幫我爭取😍😍呢個店員唔係呢間鋪，佢都話想試吓心太軟，佢同我講話佢哋

呢間係喺T.O.P 商場好受歡迎嘅餐廳😍想去好耐 所以終於約好時間同朋友去食返個tea😆蘋果咖哩飯配香煎鴨肝 $138呢個咖哩飯一嚟到就已經好香 上面仲有一大塊既鴨肝 望落去都好吸引🙉呢個飯薯仔味比較濃 有少少似薯片咖哩 因為呢個特點我哋都不停咁食🤣個飯有少少辣 所以令到我哋好開胃🤓 上面既鴨肝都好香好淋 入口即溶既感覺 呢個配搭都幾好食😋咖央窩夫 $68平時好少見呢一個組合 所以就揀咗呢一個做我哋嘅甜品😆 原來佢有四大片窩夫🧇 每件都好香牛油同蛋味 都幾大份咖😗 咖央醬比較甜 略為過甜 重椰奶味 所以撈返球藍色海鹽雪糕 又甜又鹹 撈埋一齊食幾得意☺️蘋果雪梨桂花茶 $42呢杯茶都比較大杯 仲好熱 佢倒出嚟個陣仲有啲桂花 所以好香🤤不過蘋果雪梨味就比較淡 如果佢濃啲應該更加好飲 但食咗咁多嘢飲番杯茶都唔錯🤤👍🏻

今日去旺角行街，係T.O.P.個到行咗陣後就同朋友去食個午餐🥣呢間餐飯好大好靚，入面既裝飾都好特別，又有啲東南亞風味，好有氣氛😆口水牛面珠配麻辣八爪魚花生碎 $108唔好睇佢好少嘢，呢碟口水牛面珠配麻辣八爪魚花生碎係’寶物沉歸底’🙉因為佢最好食既口水牛面珠好嫩口，仲好淋，而且佢仲有好濃既麻辣香味 另外佢仲有麻辣八爪魚，好爽、好有咬口。側面仲有啲菜同花生碎，幾樣嘢配埋一齊食真係唔錯。啖啖蟹肉擔擔飯 $136呢個飯真係啖啖蟹肉，無論係炒飯入邊定係外邊嘅裝飾全部都係蟹肉，又多又好味。炒飯叫擔擔飯，自己都幾好奇會係點。原來佢有好多花生碎係表面，炒飯味道帶有胡辣味，都幾辣咖🤓另外，仲有好多蟹籽，撈埋蟹肉額外多份脆卜卜口感😋牛油果芒果芫茜沙冰 $48我雖然唔稱得上超級芫茜愛好者，但都幾鍾意同想挑戰芫茜😂呢杯沙冰幾得意，第一啖飲落去嘅時候係好重芫荽味，好似淨係得芫荽加奶。之後會慢慢滲出芒果味，甜甜哋。每飲一啖都會係一個循環🤓 牛油果本身已經唔算重味，不過相信牛油果造就咗沙冰creamy嘅效果😋

Before I talk about the food, I have to emphasise how hard it was to book this restaurant. The booking is only through Whatsapp, however they only respond if you are lucky. I was not lucky, and they never responded anything to me at all, even after I followed up to ask. My friend Whatsapped them for booking, and they responded at first, but then stopped responding. My third friend Whatsapped them and was finally successful in booking, which is completely absurd, because it took three people to f

除左個名已經搞吸睛，同mamaday cafe一樣係色彩鮮艷嘅搞鬼風格，餐廳地方唔係好大，但聰明地用唔同嘅角落，用裝潢創造出唔同feel的場景，Jenny直頭係覺得可以租嚟拍MV📽𝙁𝙤𝙤𝙙一睇個餐單，就知道係特色fusion 菜，介紹返：🌶青紅尖椒肥牛意粉 $108尖椒、肥牛、水煮牛，意粉，隻隻字都聽過啦，但擺埋一齊就想像唔到隻味。結果佢冇川菜想像中的辣，呢樣嘢就真係有少少失色啦～始終係做fusion，真係要將啲特色位做得夠似，如果唔係只能靠腦補先知fu左咩位就冇咩意思啦🥲🍤羅望子虎蝦意粉 $112如果你有食開泰式金邊粉，你就知道羅望子係其中一款好重要嘅香料，亦即係泰式金邊粉嘅靈魂。今次金邊粉轉左做意粉，口感唔同左，但個味都keep到同泰式金邊粉一樣既～雖然轉做意粉係有新鮮感，亦好食嘅，但我都係prefer 金邊粉嘅質地多啲🤔感覺金邊粉會更粗更入味～𝘿𝙧𝙞𝙣𝙠𝙨🥒薄荷青瓜檸檬沙冰 $28青瓜帶出左啲檸檬嘅酸味，薄荷味反而冇乜，飲到底都幾淡，唔算勁好飲，但大熱天時飲一杯都幾解渴既～☕️柚子陳皮咖啡 $26呢杯一開頭飲覺得不外如是，但係慢慢越飲到甜越好飲，尤其飲到底甜甜地嘅柚子蜜中和返齋啡嘅

晚巿開返之後有可以收工約朋友食飯😆今次試左MAMADAY另一新品牌店，店內主打新派嘅泰菜，而佢豬手真喺值得一讚🤤.青檸凍的蜆 ($88) +1凍蜆比較少有，凍凍酸酸嘅幾開胃，蜆肉size正正常常，作爲前菜之一開下胃喺幾好嘅😌.啖啖蟹肉擔擔飯 ($136) +1蟹肉一啲都唔孤寒再加埋蟹籽同埋個辣辣地嘅飯，夠惹味💁🏻‍♂️.泰式肉碎豬頸肉Pizza ($126) +1薄批足料~食極都唔會話太膩👍🏻.泰式沙律配滷水辣味豬手 ($198) +1豬手喺淋身嘅滷水味，佢D Collagen真喺多，而且好咬口🤤🤤🤤再點埋佢泰式酸酸辣辣嘅醬汁真喺一流😍.喇沙掛配天使麵配石班大蝦 ($126) +1魚肉幾大舊&嫩，天使麵煮得幾淋身，再加埋個壺裝住嘅喇沙湯汁，幾有玩味性打卡一流🤣.Taste: 8/10

早前係Openrice新餐廳list見到呢間餐廳個名好棧鬼，所以決定同同事lunch去試下！ 未多夠一點去到餐廳，一去到嚇左一嚇，成間餐廳一台客都冇，堅係so lonely喎~ 餐廳嘅佈置好特別，玩味十足！ 我地叫左三個lunch set share，分別係日本雲丹醬油海鮮炒飯、柚子豚肉墩飯、牛肝菌黑松露pizza。餐飲同餐湯方面，蜂蜜紅茶茶底太濃，有D苦澀，同事們要問侍應拎多D蜂蜜去中和杯茶😂忌廉蘑菇湯就睇得出用左好多蘑菇煮成。牛肝菌黑松露pizza用脆皮批底，非常crispy ! 鋪滿芝士，好邪惡但食得好開心。柚子豚肉墩飯嘅芡汁比較濃味，但㗳到最尾就會發現有柚子清香，豚肉嘅份量都唔少，share幾抵食！日本雲丹醬油海鮮炒飯嘅味道相對較淡，有d似平時嘅炒飯。餐廳嘅裝修係賣點，食物就一般般。上菜速度略為慢咗D ，lunchtime冇乜人都要等成20分鐘先上到蘑菇湯。Lunch時間唔係好充足嘅晚市嚟可能會好d ！

朋友知道我鍾意試新野，於是約左我黎呢間位於旺角地段top 4/F嘅舖頭。餐廳名都很過癮，#No Money so lonely , 餐廳裝修別具一格，夠晒新鮮感。菜式名同配搭都零舍特別過人, 我地各點了一份菜式一齊食， 分別是青咖喱石斑魚Pizza&蘋果咖喱飯配香煎鵝肝。#青咖喱石斑魚Pizza其實我比較喜歡吃厚身pizza, 但呢度薄身都夠脆邊，芝士都鋪滿成個pizza有拉絲效果，石班魚感覺輕盈啲，中和番肥膩感，有淡淡的青咖喱味慢慢滲出，都唔錯啊🥳！#蘋果咖喱飯配香煎鵝肝伴碟係微酸蘋果蓉，鵝肝煎得好香，入口即化感，滿口油香，咖喱汁與日本珍珠飯混合一齊，真係令人一口接一口👍🥳。果然冇介紹錯，真係唔試唔知佢好味道啊😋。

呢間餐廳齋睇個名已經知佢夠貼地訴盡打工仔之苦🤧🤧🤧餐廳好闊落 裝潢幾特別 唔少打卡位而餐牌上面啲嘢食名 真係好過癮當冬蔭遇上肉骨茶 ($58)見佢個名改到咁浪漫 即管試試佢一上枱見倒咁足料 已經好開心🤣有兩大舊骨同一大堆蟲草花自己喺茶壺倒啲湯出嚟 味道好有新鮮感飲到冬蔭公嘅酸味再加肉骨茶嘅藥材味 NMSL比薩 ($112)呢度幾款Pizza配料都好吸引 🤤🤤有選擇困難症嘅我最後揀咗隨機味道 Try my luck侍應送到黎嘅時候 見倒賣相咁普通 確實有啲失望 點知一食就有發現驚喜 芝士下收埋咗秘密食材 至於係咩 呢度唔開估 有興趣自己去發掘啦喇沙掛天使麵配石斑大蝦 ($126)呢碟意粉相對上冇咁驚喜兩款海鮮雖然比想像中普通但喇沙湯底好惹味 天使麵好掛湯 而且賣相霸氣盡現😂😂打卡一流🤤

旺角TOP真係一個非常之方便的地方，上面都有好幾家既新又未食過的餐廳，今次朋友生日，一於去試下呢家好搞笑又FUNNY的餐廳先~餐廳既環境企理，入面好多裝潢都行HUMOR 路線，令人意會到由心一笑。呢個RELAX的環境，都幾好笑又開心。午市2PM之前會有SET LUNCH，價錢$100左右，包沙律/湯及飲品一杯。泰式沙律酸甜味好開胃，非常之精緻又FRESH的沙律，味道調得好味，顏色都好靚呢~青紅尖椒辣辣少辣肥牛意粉$108有些少麻辣味的炒意粉，味道夠刺激但又唔會太辣，肥牛夠多, 又唔會太油~讚~!!!柚子豚肉燉飯$106柚子同豚肉原來都幾夾，燉飯好有味夠入味. 豚肉都好滑又稔，燉飯味甜甜的，唔錯~又好獨特的DISH原味炸薯條$18好抵食~係我至愛的粗薯條，好有口感超正。避風塘炸單骨雞翼 $38炸蒜好正，同雞翼好夾，係非常之正的餐前小食~熱情果金桔SODA $42椰子香茅咖啡 $46無奶的咖啡，好香椰味，咖啡唔澀，好特別的飲料，唔會好飽，呢個咖啡令人非常之驚喜~

呢間餐廳嘅佈置好得意，每幅牆都唔同，有好多地方可以打卡！ 餐牌上面嘅食物名好搞鬼！ 我同朋友都用咗好耐嘅時間揀食咩，因為有好多唔同種類，我哋樣樣都想食😂 青咖哩石斑pizza $128.Green curry grouper pizza青咖哩，石斑魚，泰國小茄子，紅尖椒，車厘茄 Green curry grouper, thai eggplant, red pepper, cherry tomato呢個薄pizza好好味,皮薄鬆脆, 青咖哩味非常濃郁有點辣， 仲配有很多topping, 第一次食pizza上面有魚，非常特別！ 喇沙掛天使、面配石斑大蝦  $126Grouper & XL Prawn Laksa Angel Hair 好鍾意個喇沙湯係另上一壺，咁就可以自由選擇自己想要幾濃味嘅喇沙! 同埋因為汁係分開嘅關係天使麵嘅麵質就唔會變淋👍🏻👍🏻👍🏻