NINETYs (K11購物藝術館) (已結業)

經過K11想飲杯咖啡，尖沙咀簡直選擇非常多，但經過商場裏面見到NINETYS俾佢嘅裝修設計俘虜咗我嘅眼球😎原來餐廳仲曾經係拉花比賽奪得獎項！唔使講一定係睇得又食得。剛剛坐低呢度係用QR code點餐嘅，二話不說我哋今次揀咗lobster pasta,Morocco style spring chicken.飲品方面今次試吓呢度嘅Dirty.龍蝦意粉一送上,龍蝦嘅香味真係不得不讚!意粉份量亦都好夠,回想番茄蓉同埋蕃茄醬非常醒胃！而且龍蝦肉爽口味道新鮮！必試。至於摩洛哥燒春雞比我嘅感覺啖啖肉！加上特別嘅調味料風味十足，口感juice.另外配上糙米飯,非常Organic同埋健康嚟到餐廳一定要試吓佢嘅咖啡!今次揀咗一款fruity豆做既dirty,入口一啲都唔酸，另外仲有Choco style口味同埋可以選擇oat milk等等個人喜好。行到攰入去呢度坐低飲杯咖啡同朋友歡渡時光亦都係一個非常唔錯嘅選擇。

好姐妹今日係工作上遇到煩心事，即興話想出嚟食晚餐聚聚，我地諗住係K11 碰面後先再諗走咩好，行下行上發現原來K11 artmall 都有唔少新食肆進駐，最後揀咗Ninety’s 😆店員服務都唔錯，知道我地第一次嚟會主動推介hot items 👍🏻餐廳環境以綠化為主，中間仲有圍住一顆大樹嘅bar 台，打卡一流📸Lobster pasta 🦞🍝有開邊半隻龍蝦🦞，龍蝦好新鮮，肉實爽口彈牙，龍蝦鉗好貼心都已經夾開，只需輕輕一拉就已經起到肉，意粉係偏粗身，軟硬度適中，好鍾意粗身嘅意粉因為較有咬口，而且每條都掛滿蕃茄醬，蕃茄醬偏酸好開胃Grilled Australian Lamb Chump Cap with melon & mint salsa 🥩首先個擺盤已經💯，平時羊架就食得多但羊冧肉就真係第一次，雖然係全熟但仍然係嫩滑，而且無咩羊膻味，最特別係melon & mint salsa ，melon 嘅甜味同mint 嘅清新可以平衡羊肉嘅油膩感，從來都無諗過蜜瓜同羊肉都可以咁夾😋

今日響尖沙咀K11行街，想簡單搵間餐廳食飯傾偈，見到呢間新開，環境充滿園林景色嘅餐廳，入去食咗個簡單晚餐。唔太肚餓嘅關係，每人點咗個主食，一個要咗龍蝦意粉，另一個點咗消魂飯。未講食物質素前，要介紹下每張枱都有一大支備長炭水。真材實料，真係有支炭放喺入面。龍蝦意粉（$248）- 分量都多，有半隻龍蝦，番茄加埋意粉，賣相好靚。龍蝦肉質爽，配合番茄酸酸甜甜，好味呀。消魂飯（$188）- 未食已經聞到陣陣嘅香味，有叉燒之餘，亦有流心蛋，配上日本米。味道豐富，口感一流。🌳🌳另外要讚下餐廳環境好靚，好適合情侶或閨蜜傾偈食飯飲嘢。上菜速度亦都快，食物方面都好多選擇。聞說呢間嘅咖啡都出名，下次可以再嚟嘆杯咖啡。

藝術商場ᴋ11又有新餐廳進駐。已有多家分店，以文青風格及高質咖啡見稱的澳洲菜餐廳ɴɪɴᴇᴛʏꜱ不久前選址 ᴋ11商場中庭位置開業。ɴɪɴᴇᴛʏꜱ店主以一手咖啡起家，曾在澳洲開設ᴄᴀꜰᴇ也於咖啡拉花比賽奪獎。作為咖啡控，對這家店應該不會陌生，路經發現人不算多，難得地來一個晚啡。.與其他分店路線相約，以橙銅色作主調再配以大量木製餐桌座椅，文青風格上添加幾分型格感。餐廳兩旁巧妙地運用大量鏡裝飾，產生錯覺加強空間感。餐廳正中央以樹木裝潢，滿有渡假風情。.★ ʟᴏʙꜱᴛᴇʀ ᴘᴀꜱᴛᴀ 💲248餐牌以意粉、漢堡包及海鮮主食配咖啡為主，挑選了餐廳精選的ʟᴏʙꜱᴛᴇʀ ᴘᴀꜱᴛᴀ。半隻烤焗波士頓龍蝦，焗得滿乾身。意粉用上ʙᴜᴄᴀᴛɪɴɪ，即中空的長圓條直麵，飲管粉能保留更多醬汁精華，是意大利常見的麵型。配上番茄醬意粉，味道酸甜煙韌彈牙！.★ ᴘɪɢɢʏ ᴘɪɢɢʏ 💲178賣相吸睛的一客招牌漢堡包，餡料爆滿，堆疊得高高。自家製叉燒是厚切版本，面燒得焦糖香脆，肉汁豐富。有大量不同的配菜，例如機羽衣甘藍、經紅糖煮製青蘋果及醃製泡菜提味，層次豐富。面有大量菜苗，好看亦健康。漢堡包用上酸種麵包。.☆ ᴄᴀ

今日放工想行下K11既藝術館，可能真係太耐冇黎，改變左好多，餐廳都是啲唔同。 朋友話可以行下唔同既pop-up store先食野。 然後竟然見到有Nintys。 之前係海運同港島個邊食過，而家竟然K11都有。 因為知道都幾好食，佢既裝修又不靚，就簡左係度食。坐底見佢樽水已好有趣，原來係日本既備長炭淨水法。 好得意，同埋仲用左銅杯，感覺啲水真係會清甜左。Truffle pasta， 仲加左煙三文魚。好香松味，而且長通粉唔太稔，有少少咬口，同啲菇好夾。 做得好有水準。Filled Ocean Trout, 都加左煙三文魚，因為好香，好好味。三文魚扒燒得好香，又唔會好硬身，依舊有半熟感覺，火喉控制得好好。 而原來果醬同三文魚都幾夾，少少甜吊下味，令魚扒更出彩。今晚真係食得好開心。

NINETYS 越開越多分店，開到黎K11！約左7點但塞車黎遲左，黎到好多人等緊位，好彩朋友早到拎定位🤫。黯然銷魂飯$188既叉燒飯，經過慢煮既叉燒口感的確唔同！篤爆飯日本溫泉蛋撈飯食一流！MUST TRY 既Piggy Piggy麵包係Soughsough，好有嚼勁，塊豬勁大塊，夾住既唔係一般出面用既茄汁/BBQ醬，而係泡菜芝士醬同甜甜地既蘋果😋。呢到雖然Open kitchen，可以見到製作過程但油煙味唔算勁，又坐得幾舒服，唔錯。

Happy Friday同朋友行完街諗住簡單食個dinner再血拼🛍最後發現鼎鼎大名嘅NINETY's喺尖沙咀K11開咗分店！我哋嗰日算早，大概六點幾七點就食飯，所以餐廳仲有位好快就坐低咗😛喺出面望入間餐廳嘅時候覺得好大好有空間感，入到去先發現原來佢哋有一面牆用咗鏡嚟做令到成個空間放大咗好多，毫無壓迫感，好舒服🤩我哋兩個人今次試咗兩款main dish龍蝦意粉($248)🦞同蟹肉意粉($228)🦀兩款海鮮都各有千秋，龍蝦肉好結實，唔會over cooked，蟹肉就食落啖啖肉，好滿足。除此之外，最impress我嘅係啲意粉🍝平時出街都鍾意叫意粉多過飯，但好多餐廳都係得普通意粉揀，而NINETY's用嘅係通心意粉，非常特別，食落好有咬口，完全將碟意粉level up🥺另外見到menu有一頁係K11 Exclusive Selection，所以就叫埋個叉燒配焦糖青蘋果小食($78)🍏一次過食晒我心目中嘅must try！本身唔係好鍾意啲菜式又甜又鹹，不過呢個小食竟然會令我有想encore嘅衝動！叉燒嘅焦香配青蘋果嘅焦糖食落好和諧，鹹同甜唔會有一邊好搶😋如果大家嚟K11呢間NINETY's，我

環境方面：４星餐廳處於Ｋ１１購物藝術館範圍內，環境清幽，格調高檔，適合朋友二三小聚，休閒放鬆。點餐方式是掃CＯＤＥ自助下單，快捷方便。食物方面：Salmon Pasta 三文魚意大利面 $198：４星用橄欖油煎香油封的冰島鮭魚,鳳尾魚,中間加了刺山柑,香草,菜苗,配上bucatini吸管面.三文魚的份量挺大份,肉質偏厚,食起來口感層次豐富,橄欖香氣在口里徘徊,但又不會過咸,因為還有新鮮的青草味道中和味道.Crab Meat Pasta 蟹肉意大利面 $198：５星材料包含蟹肉,歐芹,帕爾馬干酪, 辣椒片,大蒜,bucatini吸管面,菜苗. 蟹肉直接鋪滿在上面,肉質鮮美,非常新鮮,有著濃濃的海味香氣,因為加了 辣椒片,食起來有些微辣的滋味,開胃又惹味.Drunken Chicken Drumstick 醉雞脾 $68：３星雞脾聞到有一陣很淡的酒香,雞肉嫩滑有彈性,而且雞肉的肉汁和酒香混合了一起,別有一番風味!

Ninetys越開越多分店🤣繼之前去過尖沙咀星光行同元朗Yoho既分店後，今次就去左K11呢間試試✨每次到訪Ninetys，都被佢既咖啡迷倒了🤭所以今次都唔例外，除左主菜之外，點都要叫杯咖啡嘆下😛好喜歡K11呢間分店既環境，裝修新穎，座位舒適，仲有一棵樹放喺中間🌲增添左大自然既氣息🌿✨一邊用餐一邊感受到悠閒自在既vibe💕可以好好enjoy晚餐☺️❥ Siu Wan Rice $188必試‼️呢碟銷魂飯真係一試難忘😆叉燒份量多，全部都肥瘦均勻，仲有燶邊效果，食落極之香口😚另一精華係個飯中間有2隻日本蛋😍將蛋汁、香甜既蜜汁連飯撈埋一齊，味道超夾，好好味👍❥ Crab Meat Pasta $198意粉加入左蒜香，另外仲有大量蟹肉！味道比想像中辣，好香口惹味🥰推介俾鍾意食辣既朋友🌶❥ Mocha $45賣相超靚😍一開頭唔係好捨得破壞佢既美感🥲呢杯Mocha果然冇令我失望！朱古力味香濃，口感順滑，飲落仲有d朱古力碎👍

同朋友行k11宜家傢俬然後就想食西餐係openrice見啲相幾靚仔就一於試下黎依間餐廳啦原來有7間分店第一次食環境好靚 地方闊落見到附近有啲餐廳座位好逼依間好舒服光鮮亮麗唔單止堂食 仲有其他野賣添店既裝修 燈光襯色都做得好好傾計聚會好地方好搞笑 有把遮 好似係係露天地方食飯咁每枱都有樽備長炭既水好少見餐廳有得飲聽講備長炭既水對身體好好釋放遠紅外線生成負離子出無機鹽等近鏡 飲左成樽 haha$198啖啖蟹肉意粉 成隻蟹放左落去😍出面餐廳通常得好少蟹肉好空虛依到唔會真係超多蟹肉 應該成隻落晒😁蟹肉新鮮$248 龍蝦蟹子意粉依個係朋友叫既新鮮茄汁朋友話好食

打風都要同姐妹食飯嘆☕️，今晚就去咗K11 art mall地下新開嘅餐廳 — NINETYs，裝修比較雅致，因為樓底夠高，空間感大。Lobster Pasta（$248）大大隻嘅烤波士頓龍蝦，個龍蝦鉗已預先剪好，輕輕一拉就可以拆到肉，肉質鮮甜結實，而pomodori姐係意大利文嘅蕃茄，入口比較輕盈，意粉就係用咗特別嘅bucatini飲管粉，口感煙韌彈牙！Burrata Cheese Burger（$188）呢款係特別嘅甜漢堡，一上枱就見到繽紛配色同金箔，勁吸引眼球，係圓滾滾嘅意大利水牛芝士上面鋪左羽衣甘藍同其他菜，加上自家製雜莓醬同雜莓，整體口感超清新又開胃，IGable又好味！Red Velvet Cookie（$48）NINETYs同好多小店合作，之前已經食過sugarism.hk嘅鮮製厚曲奇，而家係餐廳食仲可以reheat，配埋咖啡，絕對係完美飯後甜品！LATTE、FLAT WHITE（$45）原本想試match brew menu但sold out，所以揀左兩杯white coffee，咖啡豆可以揀choco or fruity blended，拉花靚，入口順滑。

成日都會心思思想食下ninetys, 今次同朋友一人一個4-sides brunch board～Grilled cod in african styleTorched hamachi w/ avocado pureeTorched avocado, Chilli crab fat scrambled egg每次嚟依度食brunch board都必定要點炒蛋，炒蛋夠滑夠多，而且每一款炒蛋都好惹味，依款蟹膏味濃，蟹味融入炒蛋之中，似XO醬嘅辣度所以唔會好辣🍳之前食另一間分店係類似火炙油甘魚，只有四邊係燒過中間係生嘅，今次就轉咗做法，比較似煮嘅，中間近乎熟透🐟Grilled lobster w/ passion fruit mustard dressingDrunken chicken drumstick, Poached egg w/ orange yogurtSweet corn w/ feta cheese第一次食波士頓龍蝦加熱情果依個配搭，熱情果通常出現喺甜品或者飲品，加到熟食中幾新奇，不過半隻要加$88🦞雞髀好容易起肉，酒味唔算重，嗒真啲會有淡淡而且帶少少甜嘅酒香🍗粟米面頭有微微

今日早左放工，行行下k11 artmall見到呢到新開左一間餐廳，原來呢間ninety有幾間分店，之前都食過佢元朗嘅分店，而新店望落都幾闊落坐得好舒服，所以就入左去😆角落位置仲有一個開放式廚房，一邊等住野食，一邊聞住廚房嘅香味😙😙中間嘅位置有一張圓枱擺放住一棵大樹，好有氣氛😋🍔Burrata Cheese Burger $188第一次食呢burrata嘅burger😌最高嘅流心水牛芝士好吸睛😜😜上面仲有金箔係上面🥰🥰望落勁高級☺️即刻忍唔住影返張相擺上社交平台🤩🤩口感食落好似乳酪咁軟綿，又圓又滑😗入面仲有藍莓、士多啤梨、桑子等等，沾上果醬真係好開胃又有營養，一啲都唔邪惡😜減梗肥嘅朋友都可以試下🤓🍝Crab Meat Pasta $198未食就先聞到香濃嘅蟹肉香味🤭 聞到好肚餓 呀～～真係未食都先興奮😝😝 意粉上面灑滿咗一大堆蟹肉，意粉嘅蒜香加上蟹肉，十分之惹味🤪 而且仲有少少辛辣口味，令到成個意粉口味昇華咗😙😙 真係好食到停唔到口！！！

諗緊食咩好嘅時候，見到有人排隊，而朋友又未到，所以唔理咁多照排原來係成日見到嘅NINETY'S，之前都一直想試，呢日去食仲係試業中，但見裝修幾精緻，所以繼續排隊。佢有Day Menu提供，但我哋見佢果BRUNCH BOARD幾得意，所以就點了兩個，加一枝自家品牌啤酒，加一杯cold brewNinety's Coffee Bear (Choco) - 無乜氣，無乜泡，酒味唔濃，朱古力味都咖啡味都幾重，味道可以的，我就喜歡多點泡，順口啲。Cold Brew - 正常。但Cold Brew唔係唔會加冰嘅咩..........同朋友點了唔同組合，可以一一點評1. 波士頓龍蝦 +$78 - 半隻上，賣相唔錯，肉質彈牙，龍蝦味一般啦，但多膏。由於張枱比較細、坐位亦逼夾，食嘅時候有點兒麻煩。2. 酒味雞脾 (正名唔記得) - 唔掂，酒味好苦，唔香，肉質好似煲完湯嘅肉咁3. Char Siu +$48 - 半肥瘦，味道似係鬼佬味嘅BBQ Sauce，個人都係喜歡食港式Char Siu4. 黑松露炒蛋 - 一般，正常cafe炒嘅蛋都好難衰5. 辣味炒蛋 - 我鐘意，辣辣地，適合我呢類唔太鐘意食滑蛋嘅朋

我們四姊妹今晚又再相約出來尖沙咀shopping 和吃飯，由於外面橫風横雨，我們四個都集中在K11購物館活動，行了二個小時是時候找吃的地方了。正躊躇往那裏吃就發現一家大門開放式的餐廳在商埸裡。我們四個毫不猶豫就走進去了。内裡装修非常舒服，有一棵樹在中央，讓人感受置身大自然。我和另一姊妹各叫了一樽果汁，令人感覺更加清新閒逸。我選的這個桃味果汁，桃味濃郁，市面比較小地方可購買得到。細看這餐廳餐牌，原來這餐廳有很多分店，遍佈港九。再看看餐牌，很多都是很有特色的西菜，平時在其他西餐廳也很少吃到。我們四人各叫了四個主菜分享，甘中一個叫Signature Char Siu，义燒西做，另有一番風味。另一個叫Piggy Piggy，是餐廳推薦菜色，其實是高檔漢堡包，值得一試。而另一個叫Crab Meat Pasta ，我們還加了煙三文魚，滿滿蟹肉和三文魚，都是我這個海鮮控的至愛。最後一個是Siu Wan Rice，份量十足，為我們這頓晚餐劃上飽滿句號。最後結賬一千元還有找就可以嚐到這高質西菜，四人一致認為值得。